سوال : ياخوان عن تركيب البورسلان

[كود نمبر]

السلام عليكم

عندي فيلا جديده توني بادي التشطيب فيها والحين وصلت لمرحلة تركيب البورسلان
جاني اكثر من شخص من العماله وكان كل واحد له طريقه في التركيب على حسب كلامهم
واحد بيحط دفان رمل وفوقه اسمنت ويركب البورسلان على طول بالمونه
والثاني يقول بيدفن وبيسوي طبقة بلاستر فوق الدفان وبعدين بيركب البورسلان بالزقه

مدري شنهو الافظل ياخوان نبي خبرتكم ولا عليكم امر

[وطن]

طبقة البلاستر
هي نفسها طبقة الاسمنت

:)

[كود نمبر]

لالا اختي

الاول يقول بحط اسمنت وفوقه البورسلان على طول
والثاني بلاستر وبيحط لزقه ماده الطريقتين مختلفتين

[معماري قطري]

لالا اختي

الاول يقول بحط اسمنت وفوقه البورسلان على طول
والثاني بلاستر وبيحط لزقه ماده الطريقتين مختلفتين

البلاستر واللزقة أصح .. بس الأفضل من الثنتين بدون دفان صبية مايعة .. اللي تستوي بفعل الجاذبية الأرضية في مستوى واحد وممكن تتخشن بمشط حديدي قبل لتجف وممكن تبقى ناعمة حسب نوعية اللزقة وقوتها .. وعليها تنحط اللزقة بعد بمشط حديدي مربع .. شوف اليوتيوب فيه شرح وافي بس سو بحث بالانجليزي أفضل .. Fixing porcelain tiles

وللخرسانة لو حبيت تحط شبك حديد أو بدونه وتحط فايبر سائل يمنع التشققات ويوقي الخرسانة .. إسمه ومواصفاته في بداية موضوع العقود الهندسية في توقيعي.

[وطن]

اخوي البلاستر مكوناته اسمنت
هم العمال كل واحد بيسميها لك بشي
اللي بيقول لك اسمنت
اللي بيقول لك صبية
اللي بيقول بلاستر

بس طريقة التلزيق تفرق
صمغ أو مونه
مثل ما انت ذكرت




البلاستر واللزقة أصح .. بس الأفضل من الثنتين بدون دفان صبية مايعة .. اللي تستوي بفعل الجاذبية الأرضية في مستوى واحد وممكن تتخشن بمشط حديدي قبل لتجف وممكن تبقى ناعمة حسب نوعية اللزقة وقوتها .. وعليها تنحط اللزقة بعد بمشط حديدي مربع .. شوف اليوتيوب فيه شرح وافي بس سو بحث بالانجليزي أفضل .. Fixing porcelain tiles

وللخرسانة لو حبيت تحط شبك حديد أو بدونه وتحط فايبر سائل يمنع التشققات ويوقي الخرسانة .. إسمه ومواصفاته في بداية موضوع العقود الهندسية في توقيعي.

self leveling
اللي تستوي على مستوى واحد

:nice:

[العابــرQAT]

خذها مني انا ركب لي الاسمنت ورش الاسمنت الابيض ما ادري شنو وركب البورسلان ما كمل اشهر من يوم سكنت الا كل البورسلان طالع

بدلت اللحين المجلس وكم غرفة جبت عامل شال البلاط وخليت الاسمنت القديم كصبة قوية واشتريت

قلو اللزقة الكيس بو 25 وحطة العامل وعمل لة تخشين ويحط البورسلان والحمداللة الامور تمام اللحين

[كود نمبر]

السلام عليكم

شاكر لكم جميع على المشاركه
اليوم مريت على البيت حصلتهم دافنين الدور كامل برمل البلاستر تقريبآ 8¨ سنتمتير ومرشوش بماء
وحاطين فوق الرمل طبقة اسمنت بلاستر تقريبآ 5 سنتمتير يقول بخليها تنشف وبعدين اركب
البورسلان بالزقه مدري شغله صح ولا فيه خطاء

[كرواتيا]

كود نمبر
الفورمان شنو جنسيته
وبكم حاسب لك المتر

[كرواتيا]

معماري قطر
شلون اقولهم ابي صبيه مايعه؟؟ هل فيه مصطلح معروف عند الفورمنيه هنود ولا مصريين