وين الشرطة من حماية البنوك والافراد !!!

[فريج النجادة]

الحمدلله وحدة والصلاة والسلام على من لا نبي بعدة

عندي ملاحظتين على البنوك في قطر

1- عدم وجود الشرطة مسلحة في حماية مداخل ومخارج البنوك

2- خروج بعض الناس من البنوك ومعهم مبالغ كبيرة

ويوجد مع الاسف عصابات متخصصة لمطاردة الاشخاص

الحاملين معهم مبالغ كبيرة

وعلية احذر اخواني واخواتي من حمل اي مبلغ كاش كبير

من البنوك واستخدام دفاتر الشيكات او الفيزاء

لسلامت الجميع

والله يحفظ قطر وكل من سكن فيها

[أسد الجزيرة]

كل بنك في سيكورتي من شركة حماية متواجد 24 ساعة

[Riku3]

السكيورتي تحس ان لو تعطيه كف واحد بيعطيك الي في مخباه .. كيف يحمي بنك فيه ملايين .. والله كلامك صح ! ..

من كم شهر اتصلت البنك الدولي الاسلامي اعطي ملاحظة على فرع صغير مافيه الا موظفين 2 واوفيس بوي .. تدخل وباب الكاشير مفتوح والفلوس على الطاولة والمكان مهمل ! .. سحبت من الحساب مبلغ كبير وشفت كيف يطلع الفلوس ويحطهم وكل شي مفتوح ولا في اي حماية والفرع مفتوح فترة بعد الظهر وكان المكان فاضي والشوارع نفس الشي ..

اتصلت خدمة العملاء والله اني قتله ان شخص واحد يقدر يسرق كل الي في هالفرع في اقل من دقيقتين ويطلع ولا حد بيدري عنه .. وللاسف رحت الفرع بعد شهر لقيته مثل ما هو .

لازم يجبرونهم على حماية مثل السفارات .. مساكين الحرس بالشرطه الاجانب رواتبهم 5 الاف ولو كل بنك يجبرونه بهالمبلغ فقط ويحطون الشرطي هناك بسلاح بيعطي رهبه للمكان ويحد من السرقات وحتى المضايقات .

[قطريه22]

صادق اخوي

مع ان في مكان مخصص لهم عند كل بنك

[فريج النجادة]

كل بنك في سيكورتي من شركة حماية متواجد 24 ساعة

السكورتي مع الاسف غير مسلح ولا يخاف منة الحرامي

ولا يشكل امن حقيقي للبنك مع الاسف!!!

[Riku3]

السكورتي مع الاسف غير مسلح ولا يخاف منة الحرامي

ولا يشكل امن حقيقي للبنك مع الاسف!!!
وازيدك .. يشغلونه يصور اوراق وبطاقات شخصيه بعض الاحيان .. وايد عليه اوفيس بوي .

[فريج النجادة]

وازيدك .. يشغلونه يصور اوراق وبطاقات شخصيه بعض الاحيان .. وايد عليه اوفيس بوي .

هههههههههههههههههههههههه

[بشائر]

اللهم صل وسلم عليه وبارك
جزاك الله خير على هالطرح
فعلا خطر في بالي الموضوع أكثر من مرة ولاحظت هالشي
يفترض أن يكون هناك رجال أمن في البنوك وحتى داخل المجمعات التجارية وجودهم يضفي هيبة للمكان
ويشعر بالأمان خاصة مع كثرة العمالة الوافدة في البلاد ..


كل بنك في سيكورتي من شركة حماية متواجد 24 ساعة

بصراحة أشوفهم غير مهيئين ولا مدربين للحماية واضح على بعضهم من شكله ووقفته ومشيته !
مادري يفرضون عليهم دورات تدريبية والا بس يوظفونهم ويلبسونهم هاللبس ؟

[بشائر]

السكيورتي تحس ان لو تعطيه كف واحد بيعطيك الي في مخباه .. كيف يحمي بنك فيه ملايين .. والله كلامك صح ! ..

من كم شهر اتصلت البنك الدولي الاسلامي اعطي ملاحظة على فرع صغير مافيه الا موظفين 2 واوفيس بوي .. تدخل وباب الكاشير مفتوح والفلوس على الطاولة والمكان مهمل ! .. سحبت من الحساب مبلغ كبير وشفت كيف يطلع الفلوس ويحطهم وكل شي مفتوح ولا في اي حماية والفرع مفتوح فترة بعد الظهر وكان المكان فاضي والشوارع نفس الشي ..

اتصلت خدمة العملاء والله اني قتله ان شخص واحد يقدر يسرق كل الي في هالفرع في اقل من دقيقتين ويطلع ولا حد بيدري عنه .. وللاسف رحت الفرع بعد شهر لقيته مثل ما هو .

لازم يجبرونهم على حماية مثل السفارات .. مساكين الحرس بالشرطه الاجانب رواتبهم 5 الاف ولو كل بنك يجبرونه بهالمبلغ فقط ويحطون الشرطي هناك بسلاح بيعطي رهبه للمكان ويحد من السرقات وحتى المضايقات .

والله انك صادق
لازم اتخاذ إجراء حازم تجاه هالأمر وبسرعة
مشكلة البعض مايتحرك إلا لما يطيح الفاس بالراس .

[من بغى الزين]

انا اتفق معك

[فريج النجادة]

والله انك صادق
لازم اتخاذ إجراء حازم تجاه هالأمر وبسرعة
مشكلة البعض مايتحرك إلا لما يطيح الفاس بالراس .

الجماعة ينتظرون سطو مسلح وقتل مجموعة من الموظفين

وسرقة خزينة البنك وبعدين ممكن يفكرون بالموضوع!!!

[لاجئ عاطفي]

فعلا صارت مع واحد من ربعي سحب مبلغ كبير من البنك وكان في وافد يراقبه ولما خرج من البنك اتبعوه لين وقف سيارته ونزل منها رجع السياره لقى المبلغ مسروق من السياره ولكن لسوء حظهم انهم كانوا مراقبين وتم القبض عليهم في حينه وكانت اسرع قضيه قبض متلبس بالسرقه في غضون عشرة دقائق ..
المطلوب من الاخوة اخذ الحيطه والحذر في حال سحب مبالغ كبيره من حساباتهم وعدم تركها في السياره

[MS.TOMA]

ما فكروا في هذه الامور لان قطر دوله فيها امان والحمد ألله ما عندنا سرقات وعصابات .. الا قليل منهم فقط

مثل مثل امريكا او الهند عندهم العصابات و سرقه البنوك بشكل كبير وخطط افكار وتفيذ

مثل ماتكررم الاخ انه صاحبه انسرقت منه افلوس وخلال 10 دقايق تم القبض عليهم ومحاكمتهم

الامن وايد قوي والحمدالله وعااايشين في نعمه ماعندي طبقات في المعيشه

لان مجتمع مسلم و مثقف والحمدالله

[بشائر]

الجماعة ينتظرون سطو مسلح وقتل مجموعة من الموظفين

وسرقة خزينة البنك وبعدين ممكن يفكرون بالموضوع!!!

فعلا مشكلة أتمنى يأخذ الموضوع حقه من الجدية والاهتمام..

[فريج النجادة]

ما فكروا في هذه الامور لان قطر دوله فيها امان والحمد ألله ما عندنا سرقات وعصابات .. الا قليل منهم فقط

مثل مثل امريكا او الهند عندهم العصابات و سرقه البنوك بشكل كبير وخطط افكار وتفيذ

مثل ماتكررم الاخ انه صاحبه انسرقت منه افلوس وخلال 10 دقايق تم القبض عليهم ومحاكمتهم

الامن وايد قوي والحمدالله وعااايشين في نعمه ماعندي طبقات في المعيشه

لان مجتمع مسلم و مثقف والحمدالله

وفي مثلة هذة القضايا لم يعرفو الفاعلين بعد!!!

[لـبـيـه]

الشرطه موجودين ومتواجدين بس انتو ما انتبهتو لهم :secret:

مشغولين بلمخالفات

[بوخالد911]

هناك جانب مشرق ايجابي للموضوع يعكس مدى الأمن والأمان بقطر
ولله الحمد

ولكن !!!

مع كثرة تواجد عدة جنسيات بقطر ، أضحى من الضروري رفع مستى الأمن والحماية للبنوك

[(بوطلال)]

وين شفت في اي دوله عند باب البنك رجال شرطه مسلحين؟

ولو افترضنا وصار سطو لاقدر الله تعتقد الشرطه بتطلق النار وبتعرض حياة وارواح الابرياء للخطر ؟

هالامور لاتعتقد تفوت على الشرطه والجهات المسؤله لكن هناك طرق للمعالجه والمتابعه مب بس تعال وحط شرطه واطلق النار !

[مو مهم]

حبيبي بقطر سياره الفلوس بدون شرطه تبي بنك يحطون عسكر

الحمدلله قطر امان وما قد حصلت سرقات من داخل البنوك بس يصير تتبع لبعض الاشخاص الي تنقل معاهم اموال كبيره

وبعد تبي الدوله توفر لكل شخص عسكري يسحب فلوس...!

[بوغانم995]

والدليل موجود على اليوتيوب .....الذي كسر معرض الفراري في اللؤلؤه ......دخل على السيارات ...وبعدها نزل وتمشى شوي وجاه السكيورتي ...وهو يتكلم في الجهاز ....ثم دخل المعلرض ورجع بسيارته ....ريوس ..وظرب الجانب الأيسر ...وشقح الشارع ...وطار ..باح .. والسيكيورتي حتى ماكلمه ..او منعه من المقادره ...
ممكن أحد يحط المقطع ......
وللعلم بكره تطرح الأسهم ...والله يحفظنا من شر العصابات .....وبس

[فريج النجادة]

وين شفت في اي دوله عند باب البنك رجال شرطه مسلحين؟

ولو افترضنا وصار سطو لاقدر الله تعتقد الشرطه بتطلق النار وبتعرض حياة وارواح الابرياء للخطر ؟

هالامور لاتعتقد تفوت على الشرطه والجهات المسؤله لكن هناك طرق للمعالجه والمتابعه مب بس تعال وحط شرطه واطلق النار !


الشرطة المسلحة لحماية البنوك في كل دول العالم ما عدا قطر

تصور بارك الله فيك

لو انت في البنك ودخلو عليك حرامية مسلحة

هل السكورتي ينفع !!!

او الشرطي المسلحة الذي سوف يرهب الحرامية

ولا يعطيهم فرصة حتى يفكرو في سرقة اي بنك

[قلب صادق]

اللهم ادم علينا نعمة الامن والامان
وهذا ما يمنع ان يكون هناك احتياطات اكثر

[بوNasser]

الحمد لله على نعمة الإيمان والأمن

بس هذا ما يمنع اتخاذ الاحتياطات اللازمة

بعد فيه اهمال كبير وتقصير من أغلبنا.

الواحد فينا يروح بروحه ويسحب 50 الف ريال او 100 الف ريال او أكثر، ويخليها في السيارة، وينزل طيب ليش؟؟؟

هذي فلوس اذا هي شوي عندك تراها لناس ثانيين ثروة...

تحياتي للجميع

[فريج النجادة]

الحمد لله على نعمة الإيمان والأمن

بس هذا ما يمنع اتخاذ الاحتياطات اللازمة

بعد فيه اهمال كبير وتقصير من أغلبنا.

الواحد فينا يروح بروحه ويسحب 50 الف ريال او 100 الف ريال او أكثر، ويخليها في السيارة، وينزل طيب ليش؟؟؟

هذي فلوس اذا هي شوي عندك تراها لناس ثانيين ثروة...

تحياتي للجميع

عندنا مراسل فقير على قد حالة

وراح البنك يسحب تحويشة العمر 60 الف

وراح البيت والمبلغ في السيارة

طلع من البيت ما حصل المبلغ
وبلغ الشرطة

وانطر يا مسكين افلوسك

[bos3eed]

وجود رجل امن عسكري مسلح لابد منه,انا شفت في سوق الذهب اللي في البحرين رجال امن معاهم 9 ملي وغير هذا بنيتهم الجسديه ضخمه ويبين عليهم مدربين و بعض البنوك اللي فالدوحه مستعد تسطو عليها بسكين مطبخ ونباله

[فريج النجادة]

وجود رجل امن عسكري مسلح لابد منه,انا شفت في سوق الذهب اللي في البحرين رجال امن معاهم 9 ملي وغير هذا بنيتهم الجسديه ضخمه ويبين عليهم مدربين و بعض البنوك اللي فالدوحه مستعد تسطو عليها بسكين مطبخ ونباله

كلامك صحيح

شركة من الشركات صاحبها ما اعطا العمال رواتبهم

وتجمعو على بنك ومعاهم سكاكين

وشالو من البنك ما يغطيهم سنين

والحمدلله الشرطة مسكوهم

ولكن ليش انا ما اكون حامي البنوك

وكل من احتاج لبنوك!!!

[الزعفراني]

قطر بلد الأمن والأمان ولله الحمد.. وجود شرطة او حرس بسلاح عند البنوك .. يوحي بغياب الأمن ويعطي انطباع مش ولا بد ..

السيكوريتي موجود .. وفي الغالب يؤدي الغرض .. باقي بس تصميم شكل مداخل او مخارج بوابات البنوك .. اما اللي يطلع من البنك وهو شايل مبلغ كبير فهذي مسؤوليته هو .. والنصح لهالفئة والتوعية شيء مطلوب ..

[khalid525]

شكلكم متأثرين في الافلام ، اعتقد في اختراع اسمه كاميرات المراقبة

[Dana’1]

الحمدلله على نعمة الأمن والأمان عشى الله يديمها علينا وعلى بلادنا الحبيبه

على إني مرأة .. مرتين أخذ مبلغ كبيير لتحويل العمله مو بنك بعد
يعني حتى فئه العماله موجودة وبكثرة .. وما أخفي عليكم كان إذا طلعوا الفلوس بالقطري بعضهم تلفت نظرة .. بس إني قد ما أقدر ما أظهرها و ادخلها بالشنطة بشكل سريع وامشي.. بس الي يقهرك هو الموظف نفسه كأنه يحاول يوريها الجميع بعض المرات! ددون مراعاة لمشاعرهم
ومع ذالك لا يوجد أحد يتعرض لك أو يتتبعك ولله الحمد والمنه
هذا هو الحانب الآيجابي
ولكنن أنا معك لازم تكون في حراسة مشددة عالمصارف والبنوك.. لأن تواجدهم راحة نفسية للمواطن

[LSBU]

شي ضروري وجود شرطة حتى لو كانوا مدنين لحماية الافراد من هولاء المجرمين

[خليفـة]

ملاحظتك في محلها

رجل الأمن المتواجد نيبالي مسكين
لو قلت وخر انا مدير كبير
بطل لك الخزنة

المفروض تكون مظاهر الحراسة واضحة للجميع انها مشدده
عشان الي تسول له نفسه .. يعيد حساباته ويتراجع

خليفــة

[Abdulla Al.F]

والدليل موجود على اليوتيوب .....الذي كسر معرض الفراري في اللؤلؤه ......دخل على السيارات ...وبعدها نزل وتمشى شوي وجاه السكيورتي ...وهو يتكلم في الجهاز ....ثم دخل المعلرض ورجع بسيارته ....ريوس ..وظرب الجانب الأيسر ...وشقح الشارع ...وطار ..باح .. والسيكيورتي حتى ماكلمه ..او منعه من المقادره ...
ممكن أحد يحط المقطع ......
وللعلم بكره تطرح الأسهم ...والله يحفظنا من شر العصابات .....وبس

تفضل اخوي
http://goo.gl/Kis799

[بانغ بانغ]

موضوع مهم جدا
لو ديسكو كان على الاقل حصلت افريقي قهمة واللي في خير يتحرش فيه

[سنافي قطر]

للعلم

كل فروع المصارف والاي تي ام في قطر مرتبطه مع العمليات،، يعني ابسط مشكله او سرقه او لمس للخزنه او حتي ادخال رقم خطا للخزنه الرئيسيه فالبنك او اعتداء علي موظف ،،يتم ابلاغ العمليات تلقائيا واي حرامي يدخل البنك مايقدر يسرق الا مبالغ بسيطه لاتتعدي ربع مليون او اكثر بقليل الي تكون عند الصرافيين ،،، لان الخزنه محد يقدر يقربها ،،واي حركه غلط فالبنك او مشبوهه تلقائيا يرسل البنك انذار لاقرب شرطه

والله يديم الامن والامان

[فريج النجادة]

للعلم

كل فروع المصارف والاي تي ام في قطر مرتبطه مع العمليات،، يعني ابسط مشكله او سرقه او لمس للخزنه او حتي ادخال رقم خطا للخزنه الرئيسيه فالبنك او اعتداء علي موظف ،،يتم ابلاغ العمليات تلقائيا واي حرامي يدخل البنك مايقدر يسرق الا مبالغ بسيطه لاتتعدي ربع مليون او اكثر بقليل الي تكون عند الصرافيين ،،، لان الخزنه محد يقدر يقربها ،،واي حركه غلط فالبنك او مشبوهه تلقائيا يرسل البنك انذار لاقرب شرطه

والله يديم الامن والامان

هههههههه ضحكتني

واذا ردو عليك الشرطة وقالو لك وين المكان

نبي واحد يطلع لنا اول الشارع يدلينا المكان!!!!

[فريج النجادة]

مثل ما يصير مع الدفاع المدني

[مو مهم]

الشبكه المربوطه مع البنك يكون واضح انت موظف في منطقه الخور دق جرس انذار بنك المصرف موقعه معروف للي مداومين

اما الدفاع المدني اقلب الحرائق تكون في فريج ودواعيس

[qtr qtr]

اخوي ترى في تحريات مدنيه موجوده فالبنوك بس انت ماراح تلاحظهم تحصله لابس لبس بتان او رياضه مايوحي انه من الشرطه

والحمدلله الامن والامان موجود فكل مكان والله يديمها علينا

[Riku3]

^
اي تحريات ونظام مربوط ودقايق الله يخليكم .. اللوم مب على الشرطه .. اللوم على البنوك وهالكلام مب واقعي!

عمركم ما رحتوا فرع مافيه الا انتوا والموظفين ؟ وين التحريات الي تقولون عنهم ! .. والا ما دخلتوا فرع على اخر اليوم وكل موظف يعد فلوسه وربطات الخمسميات على الطاوله وتساوي اكثر من 250 الف بكثير الي قالها واحد من الاعضاء في رده.. وانتوا عمركم ما سحبتوا مثل هالمبلغ علشان تحسسوني ان الكاشيرات ما عندهم فلوس.

خلوا فروع شارع حمد بصوب والفروع الي زحمه طول الوقت .. ترى في بنوك شبه فاضيه ومرات ما تلاقي الا موظفات ورجل او 2 في الفرع بس!.