مطلوب عمال شاطرين لتركيب انترلوك يتحمل السيارات

[BoFahed]

السلام عليكم

بغيت عمال شاطرين لتركيب انترلوك بيت العمر لانتي الصراحة وايد اشوف بيوت الا انترلوك يهبط تحت بعد دوس السيارات عليه وشنو افضل مصنع انترلوك واشكاله حلوه ؟؟؟؟


يا ليت اهل الخبرة ينصحوني شنو الطريقة اللي اخلي الارض متماسكة وتتحمل الوزن ؟؟؟؟

[بو راشد 1]

http://www.qatarshares.com/vb/showthread.php?578111-كم-سعر-الانترلوك؟؟
شوف الرابط

[شموخ دائم]

,

,


مرحبا

اخوي الكريم

العيب مو في الانترلوك لما ( يهبط )
العيب في ( التاسيس )
يعني لازم المكان ينعمل له ( دك ) سليم بطريقه صحيحه ورش ماي يغرق المكان
الدك مو المكينه الصغيره الي يجيبونها ( الهنود )

http://aldawliaco.weebly.com/uploads/4/3/0/8/4308905/9072765_orig.jpg
هذا لا توافق عليه نهائيا
وجوده مثل عدمه

http://image.made-in-china.com/2f0j00hZjQfudaCicS/-3-.jpg
هذا الافضل للحوش

http://www.rahac.com/site/news_images/att861.jpg
وهذا لداخل البيت

دك بالمكينه الكبيره السياره
اذا الحوش كبير
وفيه دفان كميه كبيره
او ينركب الانترلوك على ( اسمنت خرسانه ) للاماكن الي تدخل عليه
وممكن تحط شبك حديد لمكان وقوف السياره
مثل ( الكراج )

http://3.bp.blogspot.com/-1kHTGXW54fs/ULqItjJjwrI/AAAAAAAAFv4/WBx8ZVGYtZI/s1600/10402.imgcache.png

هذا الشغل الصحيح قبل تركيب البلاط
انترلوك او بلاط العادي
( التاسيس ) الصحيح هو المهم
وليس نوع البلاط

,

,

اخوك

شموخ دائم

[IT Engineer]

مرحبا اخوي شيك على الخاص وطلبك موجود

[BoFahed]

,

,


مرحبا

اخوي الكريم

العيب مو في الانترلوك لما ( يهبط )
العيب في ( التاسيس )
يعني لازم المكان ينعمل له ( دك ) سليم بطريقه صحيحه ورش ماي يغرق المكان
الدك مو المكينه الصغيره الي يجيبونها ( الهنود )

http://aldawliaco.weebly.com/uploads/4/3/0/8/4308905/9072765_orig.jpg
هذا لا توافق عليه نهائيا
وجوده مثل عدمه

http://image.made-in-china.com/2f0j00hZjQfudaCicS/-3-.jpg
هذا الافضل للحوش

http://www.rahac.com/site/news_images/att861.jpg
وهذا لداخل البيت

دك بالمكينه الكبيره السياره
اذا الحوش كبير
وفيه دفان كميه كبيره
او ينركب الانترلوك على ( اسمنت خرسانه ) للاماكن الي تدخل عليه
وممكن تحط شبك حديد لمكان وقوف السياره
مثل ( الكراج )

http://3.bp.blogspot.com/-1kHTGXW54fs/ULqItjJjwrI/AAAAAAAAFv4/WBx8ZVGYtZI/s1600/10402.imgcache.png

هذا الشغل الصحيح قبل تركيب البلاط
انترلوك او بلاط العادي
( التاسيس ) الصحيح هو المهم
وليس نوع البلاط

,

,

اخوك

شموخ دائم

الف شكر اخوي شموخ علا المعلومات القيمة

[معماري قطري]

لا أُزيد على كلام إخوي شموخ دائم سوى البعد كل البعد عن البودرة لأنها تعتبر إسفنجية من حيث الإنتفاخ والهبوط ومن تأثير المياه عليها .. ودوم أنصح للحوش ما فيه داعي للحديد لأن بملامسته للتربة والرطوبة يصدي ويضعف التأسيس بعد فترة .. إستخدم الفايبر السائل اللي ينخلط مع الردي مكس لحظة وصوله ويجي في عبوات خاصة .. ويقوي الخرسانة بتكوين خيوط قوية تجعل تشققها شبه مستحيل تحت الأوزان العادية والأهم إستخدام خرسانة مقاومة لللأملاح ووضع نايلون سميك تحتها وعمل فواصل تمدد لو كانت المساحة كبيرة.

الحمد لله عن تجربة لبيتي حول 10 سنين ما واجهت أي مشاكل هبوط .. ولو تحب بلاط عملي وما يتقشر مثل الانترلوك القطري اللي كله بودرة ويتفتت بعد فترة خذ بلاط حوش شعبي إماراتي أو سعودي السميك الخاص.

للي يحب إسم المادة ومواصفاتها في موضوع العقود الهندسية وفي أول 3 صفحات تقريباً .. الموضوع موجود في توقيعي.

هذي هي بند d من (ii)

http://im36.gulfup.com/RBVA1.jpg (http://www.gulfup.com/?zRuKTM)

[معماري قطري]

بالنسبة للفايبر ممكن طلب نوعية الخرسانة مخلوطة وجاهزة .. ولو تنحسب بالحديد تطلع أغلى وبالفايبر أرخص وأضمن للفترات الطويلة بدون تأثر.

هذا جزء من حساب الكميات وكنت كاتب ملاحظات عليه .. من ضمنها محصل بودره بسعر 200 للتريب الكبير ولكن إخترت تسعير المقاول ودفان عادي بدون حجارة كبيرة.

[BoFahed]

لا أُزيد على كلام إخوي شموخ دائم سوى البعد كل البعد عن البودرة لأنها تعتبر إسفنجية من حيث الإنتفاخ والهبوط ومن تأثير المياه عليها .. ودوم أنصح للحوش ما فيه داعي للحديد لأن بملامسته للتربة والرطوبة يصدي ويضعف التأسيس بعد فترة .. إستخدم الفايبر السائل اللي ينخلط مع الردي مكس لحظة وصوله ويجي في عبوات خاصة .. ويقوي الخرسانة بتكوين خيوط قوية تجعل تشققها شبه مستحيل تحت الأوزان العادية والأهم إستخدام خرسانة مقاومة لللأملاح ووضع نايلون سميك تحتها وعمل فواصل تمدد لو كانت المساحة كبيرة.

الحمد لله عن تجربة لبيتي حول 10 سنين ما واجهت أي مشاكل هبوط .. ولو تحب بلاط عملي وما يتقشر مثل الانترلوك القطري اللي كله بودرة ويتفتت بعد فترة خذ بلاط حوش شعبي إماراتي أو سعودي السميك الخاص.

للي يحب إسم المادة ومواصفاتها في موضوع العقود الهندسية وفي أول 3 صفحات تقريباً .. الموضوع موجود في توقيعي.

هذي هي بند d من (ii)

http://im36.gulfup.com/RBVA1.jpg (http://www.gulfup.com/?zRuKTM)




مشكور اخوي معماري علا نصايحك الذهبية واول مرة اعرف عن الفايبر لاني سويت حوشي مسلح وفوقه نايلون لانه البلاط اسباني وكلفني وايد بس عندي استفسار :

هل ينفع اضيف الفايبر مع الخلطة العادية للخرسانة بالطريقة اليدوية لاني الصراحة ساكن في منطقة جديدة وكل يومين اشوف اشغال حفر يا كهرماء يا كيوتل يا صرف صحي !!!!!!!!!!!!!!!!!!


وهل بلاط الخزف السعودي الصغير تشوفه مناسب يكون بديل الانترلوك ؟؟؟ او اخليه انترلوك احسن ضمان اني اشيله واركبه تعرف ربعنا في الحكومة مالهم امان هههههههه

[BoFahed]

ومن وين احصل الفايبر اخوي هل هو منتشر في محلات البناء ولا وكالات معينه تبيعه؟؟؟؟؟

[كرواتيا]

ماحب الانترلوك للحوش

عندي البلاط افضل وانظف واحلا شكلا

[BoFahed]

للتنويه انا بغيت اركب الانترلوك في الخارج مقدمة الفيلا مع الشارع

[معماري قطري]

ومن وين احصل الفايبر اخوي هل هو منتشر في محلات البناء ولا وكالات معينه تبيعه؟؟؟؟؟

ما اذكر يا اخوي من وين يابه المقاول والتوصيف له كان بواسطة الإستشاري وغامرت بعد ما اقتنعت به وحطيت في كل أرضيات البيت المتصلة مع التربة .. يعني حتى داخل الغرف والصالات .. وعارضوني الكثيرين من مقتنعي المدرسة القديمة والتقوية بالحديد .. ووضحت لهم إن الحديد يقوي الخرسانة ضد الأوزان الرأسية لأسفل في حال وضعه قريب من أسفل الصبية ولا ينفع ضد تنفخ التربة والضغوطات من أسفل لأعلى لأن الفايبر ينخلط بكامل الخرسانة ويقويها في كل الإتجاهات.

صراحة ما لاحظته بعد الصب إن كانت الخرسانة مايعة وخفت تتشلخ لكن الإستشاري واثق حتى ما سووا لها رش ماي ولا خيش مبلل وخلال ثلاث أيام كانت صلبة ولا فيها أي تشقق .. حتى والله فكرت إني لو مسوي المستوى في مستوى أرضية البورسلان أو تحته بشوي كنت أقدر أحط سجاد مباشرة عليها بدون بلاط.

[معماري قطري]

ماحب الانترلوك للحوش

عندي البلاط افضل وانظف واحلا شكلا

معاك حق البلاط الشعبي الإماراتي والسعودي مصنع أفضل بكثير من بلاطنا اللي من مواد جيرية وبودرة وسعره معقول ويمكن يقارب سعر الإنترلوك القطري .. وبعدين لو تحسب مساحة الحوش بتحصلها بسيطة لو شلت مكان أحواض الزراعة والجهات الخلفية اللي ممكن تسويها بس بصبية خرسانية وممكن لو حبيت تخلط اللون معاها وفيه ألوان خاصة تنخلط مع الخرسانة وممكن تسويها في الموقع بخلاط بسهولة .. كل اللي يبقى لك يمكن 300 متر مربع وهذي لو كلف البلاط 50 ريال بتطلع تكلفته الإجمالية 15000 وتوفيرك من نوع لنوع يمكن يطلع 2000 أو 3000 ريال .. لكن شغل الخرسانة بيكلفك شوي وبيطلع في النهاية لفترات طويلة .. ولا تنسى بعض البلاط يجي فيه قابلية الجلي والتلميع وكحت طبقة منه مثله مثل الرخام فتقدر تجدده من وقت لوقت بعكس الانترلوك.

[معماري قطري]

مشكور اخوي معماري علا نصايحك الذهبية واول مرة اعرف عن الفايبر لاني سويت حوشي مسلح وفوقه نايلون لانه البلاط اسباني وكلفني وايد بس عندي استفسار :

العفو يا اخوي .. لكل طريقة مساويء وفوائد وممكن التسليح بالحديد ينعمل صح والخرسانة تكون خالية من المواد اللي تصدي الحديد ومعمولة صح وماخذين إحتياطاتهم من ناحية الدفان والدك والحماية بنايلون سميك وتعيش معاك عشرات السنين .. بس أكيد بتكلفك أكثر من الفايبر اللي ما يصدي.

فيه نوعيات شباك من حبال خاصة من النايلون أعتقد تستخدم لتحت الطرق في المناطق الضعيفة وتنصب عليها خرسانة وبعدها تجي طبقة أو طبقات الأسفلت .. هذي عندنا يغضون عنها النظر أشغال geotextile composite earth reinforcement ومنها عدة أشكال وأنواع ولعدة إستعمالات وهذا رابط فيه صور عنها

https://www.google.com/search?q=geotextile&biw=1088&bih=486&tbm=isch&imgil=t-HCH6hOnwhDuM%253A%253Bhttps%253A%252F%252Fencrypte d-tbn2.gstatic.com%252Fimages%253Fq%253Dtbn%253AANd9 GcQGQgqWOqUjpdFs-I9n8rsadghSE8tAgQ8Qmu4IYiKAiHZqj0b3%253B290%253B19 4%253BiAqCESPYf49XTM%253Bhttp%25253A%25252F%25252F www.na.fs.fed.us%25252Fspfo%25252Fpubs%25252Fstewa rdship%25252Faccessroads%25252Fgeotextiles.htm&source=iu&usg=__OB7-wKgD1Lhd4qefUIvJfm5EyDs%3D&sa=X&ei=Q-4IU6GLPKeiyAHtloDgBw&ved=0CGUQ9QEwAw#facrc=_&imgdii=_&imgrc=t-HCH6hOnwhDuM%253A%3BiAqCESPYf49XTM%3Bhttp%253A%252 F%252Fwww.na.fs.fed.us%252Fspfo%252Fpubs%252Fstewa rdship%252Faccessroads%252Ffig30.gif%3Bhttp%253A%2 52F%252Fwww.na.fs.fed.us%252Fspfo%252Fpubs%252Fste wardship%252Faccessroads%252Fgeotextiles.htm%3B290 %3B194
وهذي سهل استعمالها لكن توصيفها وتصميمها يحتاج مهندس جيوتكنكال واللي مختص بالتربة والطرق، ومؤكد موجود منها في قطر.


هل ينفع اضيف الفايبر مع الخلطة العادية للخرسانة بالطريقة اليدوية لاني الصراحة ساكن في منطقة جديدة وكل يومين اشوف اشغال حفر يا كهرماء يا كيوتل يا صرف صحي !!!!!!!!!!!!!!!!!!

ينفع أكيد بس هي خلطة لها مقادير خاصة .. كانت أذكر عند الدرويش وإحتمال تكون منها نوعيات موجودة عند تدمر وغيرهم من موردي المواد.


وهل بلاط الخزف السعودي الصغير تشوفه مناسب يكون بديل الانترلوك ؟؟؟ او اخليه انترلوك احسن ضمان اني اشيله واركبه تعرف ربعنا في الحكومة مالهم امان هههههههه

شوف إحتياط للأمان خل عندك كمية بسيطة زايدة من أي مادة تتوقع توقف توريدها للسوق .. لكن البلاط الشعبي أتوقع ينتج على طول .. وعن الخزف السعودي الصغير ما اذكر شكله بس عرفت الكبار 40 في 40 في سمكن 4 سم ومنهم اللون الرمادي اللي ما تبين فيه تواير السيارات بسهولة.

ملاحظة للي حاب يسوي حوش بطريقة حديثة ممكن يحط قوالب بلاستيك تتثبت في التربة وينزرع فوقها عشب وتمشي عليها السيارة .. وشركات وايد تبيع هذي التجهيزات وتركبها حتى مع نظام الري الأُوتوماتيكي وتطلع أرخص وأجمل.

[لما]

شركة سيجما شغل متعوب عليه
بس غالي

[مضارب دوسري]

هلا اخوي بو فهد
انا صار لي دافن البيت سنه كامله تقريبا بس للحين مابلطت الحوش
البودره افضل نوع لما يتماسك صحححح
واسوأ نوع اذا ماعطيته فرصه شهر او شهرين وعقب تبدا التبليط
لان اذا ما تماسك صح يتنفخ عقب كم سنه
صار لي سنه وانا دافن الحوش وجبت الدقاقه ورشيته ماي بزياده لين غرقته
وللحين بين فتره والثانيه ارشه
بس حاليا صار مثل الصبيه من شدة تماسكه
انصحك انك تجيب رمل بودره للحوش وبعد شهر من التغريق والدقاقه تجيبها عالاقل مرتين اخرها تكون قبل البدا بالتبليط
لان بصراحه بعد ماتجمدت عندي فالبيت وتماسكت احسها افضل نوووع لتحنل وزن السيارات

[معماري قطري]

هلا اخوي بو فهد
انا صار لي دافن البيت سنه كامله تقريبا بس للحين مابلطت الحوش
البودره افضل نوع لما يتماسك صحححح
واسوأ نوع اذا ماعطيته فرصه شهر او شهرين وعقب تبدا التبليط
لان اذا ما تماسك صح يتنفخ عقب كم سنه
صار لي سنه وانا دافن الحوش وجبت الدقاقه ورشيته ماي بزياده لين غرقته
وللحين بين فتره والثانيه ارشه
بس حاليا صار مثل الصبيه من شدة تماسكه
انصحك انك تجيب رمل بودره للحوش وبعد شهر من التغريق والدقاقه تجيبها عالاقل مرتين اخرها تكون قبل البدا بالتبليط
لان بصراحه بعد ماتجمدت عندي فالبيت وتماسكت احسها افضل نوووع لتحنل وزن السيارات

اتمنى تتابع وتفيدنا بتجربتك بعد كم سنة

في البداية صح تكون ثابتة وتغطيها بالانترلوك مثل ما يفعل الكثيرون ويكون الإنترلوك ثابت ولا فيه انتفاخات وهبوطات .. لكن بعد أول رشة مطر وتسرب الماء من الأطراف تنتفخ شوي ويجي عليها وزن السيارة وتنزل بطريقة يبين فيها مكان دوس التاير هابط .. وشوي شوي يزيد التشوه.

والبودرة اللي في قطر جيرية وسويت بحث عنها في النت حصلت البودرة الطينية وهي تختلف اختلاف كبير ولكل نوعية خصائص معينة بس عموماً البودرة ما تنفع نهائياً كدفان، وتنفع لإستخدامات ثانية وبخلطها بنسب معينة مع مواد ثانية.

توني منتبه إن المنطقة المراد تبليطها خارج المنزل وفي هالحالة إستخدم أي دفان عادي أو خليط بدون حجارة كبيرة لتمهيد الأرض بعد عمل حفر خاصة للزراعة .. واستخدام البلاط الشعبي العادي من أي نوع وبتركيبه بالطريقة القديمة عادي وبيؤدي الغرض .. أو انترلوك من أرخص الأنواع الا في المدخل اللي بتودسه السيارة .. وما اتوقع المساحة تكون كبيرة للتوفير .. على فرض واجهة 50 متر وبتحتاج 4 أمتار لين الشارع يعني ممكن توصل عندك المساحة 200 متر ولا بتفرق معاك.

شفت بيت عجبني بتركيبه رخام وبلاط مكسر خليط يعني وبروبة قوية من بينه ويبين كأنه لوحة فنية.

[مضارب دوسري]

اتمنى تتابع وتفيدنا بتجربتك بعد كم سنة

في البداية صح تكون ثابتة وتغطيها بالانترلوك مثل ما يفعل الكثيرون ويكون الإنترلوك ثابت ولا فيه انتفاخات وهبوطات .. لكن بعد أول رشة مطر وتسرب الماء من الأطراف تنتفخ شوي ويجي عليها وزن السيارة وتنزل بطريقة يبين فيها مكان دوس التاير هابط .. وشوي شوي يزيد التشوه.

والبودرة اللي في قطر جيرية وسويت بحث عنها في النت حصلت البودرة الطينية وهي تختلف اختلاف كبير ولكل نوعية خصائص معينة بس عموماً البودرة ما تنفع نهائياً كدفان، وتنفع لإستخدامات ثانية وبخلطها بنسب معينة مع مواد ثانية.

توني منتبه إن المنطقة المراد تبليطها خارج المنزل وفي هالحالة إستخدم أي دفان عادي أو خليط بدون حجارة كبيرة لتمهيد الأرض بعد عمل حفر خاصة للزراعة .. واستخدام البلاط الشعبي العادي من أي نوع وبتركيبه بالطريقة القديمة عادي وبيؤدي الغرض .. أو انترلوك من أرخص الأنواع الا في المدخل اللي بتودسه السيارة .. وما اتوقع المساحة تكون كبيرة للتوفير .. على فرض واجهة 50 متر وبتحتاج 4 أمتار لين الشارع يعني ممكن توصل عندك المساحة 200 متر ولا بتفرق معاك.

شفت بيت عجبني بتركيبه رخام وبلاط مكسر خليط يعني وبروبة قوية من بينه ويبين كأنه لوحة فنية.

بعد سنوات الله واعلم انت اخبر منا يا اخونا معماري
ولكن بنفس الوقت انا ماراح اركب انترلوك عشان الحشرات والرمل اللي بين البلاطات
ف ناوي اسوي صبيه كنكري مع اسمنت ورمل