موقف يقطع القلب :/

[Serenade]

شاهدت موقف اليوم وايد اثر فيني و حسيت اني محتاجة افضفض لكم :weeping:

وانا خارجة من احد المولات.. كانوا واقفين عند البوابة شباب مراهقين.. لمحت مجموعة بنات غير قطريات واقفين عند سيارتي و لابسين لبس( او نصف لبس) اقل ما يقال عنه وقــح :rolleyes2: انا البنت استحيت اطالع فيهم.. وانا اركب السيارة شفت امراة كبيرة في السن تتجه نحو البنات جاية تنصحهم..سمعتها تقول لهم عيب عليكم او شيء من هذا القبيل .. وفجأة البنت صرخت في العجوز تقول لها "مو شغلج! هذي حياتنا و كيفنا!" صرخت في العجوز لين ما العجوز هزت راسها بحسرة و كملت طريقها
صار هالموقف وسط صمت من الشباب الي بعضهم كان يتفرج ..و كم واحد من المراهقين كانوا يشجعون البنات على ردة الفعل :eek5:

يمكن انا كوني بنت ..مب عدلة اني انزل من السيارة جدام الشباب و اقولها احترمي المرة .. لكن معقولة ولا واحد من هالشباب فيه الخير يتدخل ؟... هل وصل فينا الحد انه ما عاد للكبير عندنا قيمته و احترامه؟

ما تشوفون انه من الضروري يكون في كل مول ناس نرجع لهم في مثل هالمواقف.. مب ضروري هيئة تمسك الرايح و الراد.. لكن لازم يكون فيه نوع من الضبط للاشكال الي ما تستحي - من كلا الجنسين- لان اذا ما استحوا عالاقل بيخافون.. ---حق من نرجع اذا شفنا هالمناظر؟انا شخصيا ما اعرف فيا ريت تعلموني لو فيه

سؤال ثاني ..حملة اللبس القصير في الصيف كانت ناجحة جدا.. فلماذا لا تكون هالحملات متواصلة على مدار السنة


و سلامتكم

[بوخالد911]

اذا لم تستح فاصنع ما شئت

قلة أدب وتربية

[أسد الجزيرة]

القانون ما يحمي من ينصح في هذا الوقت ممكن يتبلون على الشباب و البنات مصدقون للاسف

[بصمة قطرية]

بالفعل
إن لم تستح فأصنع ما شئت ..
حسبي الله ونعم الوكيل ..

[Charisma]

شاهدت موقف اليوم وايد اثر فيني و حسيت اني محتاجة افضفض لكم :weeping:

وانا خارجة من احد المولات.. كانوا واقفين عند البوابة شباب مراهقين.. لمحت مجموعة بنات غير قطريات واقفين عند سيارتي و لابسين لبس( او نصف لبس) اقل ما يقال عنه وقــح :rolleyes2: انا البنت استحيت اطالع فيهم.. وانا اركب السيارة شفت امراة كبيرة في السن تتجه نحو البنات جاية تنصحهم..سمعتها تقول لهم عيب عليكم او شيء من هذا القبيل .. وفجأة البنت صرخت في العجوز تقول لها "مو شغلج! هذي حياتنا و كيفنا!" صرخت في العجوز لين ما العجوز هزت راسها بحسرة و كملت طريقها
صار هالموقف وسط صمت من الشباب الي بعضهم كان يتفرج ..و كم واحد من المراهقين كانوا يشجعون البنات على ردة الفعل :eek5:

يمكن انا كوني بنت ..مب عدلة اني انزل من السيارة جدام الشباب و اقولها احترمي المرة .. لكن معقولة ولا واحد من هالشباب فيه الخير يتدخل ؟... هل وصل فينا الحد انه ما عاد للكبير عندنا قيمته و احترامه؟

ما تشوفون انه من الضروري يكون في كل مول ناس نرجع لهم في مثل هالمواقف.. مب ضروري هيئة تمسك الرايح و الراد.. لكن لازم يكون فيه نوع من الضبط للاشكال الي ما تستحي - من كلا الجنسين- لان اذا ما استحوا عالاقل بيخافون.. ---حق من نرجع اذا شفنا هالمناظر؟انا شخصيا ما اعرف فيا ريت تعلموني لو فيه

سؤال ثاني ..حملة اللبس القصير في الصيف كانت ناجحة جدا.. فلماذا لا تكون هالحملات متواصلة على مدار السنة


و سلامتكم

هذا انتي قلتيها .. شباب مراهقين تعودوا على نظام خميس وجمعه صياعه ومجمعات
فلا تتوقعين منهم يستنكرون هالشيء .. الشرهه على ابهاتهم اللي تاركين لهم الخيط والمخيط


بس سؤال .. كم تقدرين اعمار البنات ؟

[Serenade]

اي انا قلتها شباب مراهقين و هذا يعني ان الوضع اخطر لان هالشباب هم رجال الغد.. اليوم صاروا متعودين على هالمناظر ..و احنا قبلهم كنا نستنكر ربع هالمناظر..اذا مات الاستنكار فهو نذير شؤم



و مادري شنو قصدك ب "طبعا مب قطريات" بس بقول اي "طبعا" مب قطريات مب لان الشعر اصفر و اللبس جريء و لكن حتى ملامحهم تبين انهم مب قطريات.. و مب صغار يمكن اواخر العشرين

[Charisma]

اي انا قلتها شباب مراهقين و هذا يعني ان الوضع اخطر لان هالشباب هم رجال الغد.. اليوم صاروا متعودين على هالمناظر ..و احنا قبلهم كنا نستنكر ربع هالمناظر..اذا مات الاستنكار فهو نذير شؤم



و مادري شنو قصدك ب "طبعا مب قطريات" بس بقول اي "طبعا" مب قطريات مب لان الشعر اصفر و اللبس جريء و لكن حتى ملامحهم تبين انهم مب قطريات.. و مب صغار يمكن اواخر العشرين

مانتبهت لذكرج فالموضوع بانهم غير قطريات .. فعدلت الرد

المراهقين هذيل اذا اعمارهم تحت الـ18 فلاتتوقعين منهم شيء .. وحتى لو كانوا كبار الاغلبيه ماراح تتدخل
انا واحد مارضى اشوف هالمنظر قدامي .. وافقد اعصابي من هالنوعيه.. وممكن يكون الرد بالكلام للطرفين الشباب والبنات
.. لكن للي يحسب حساب القانون وغيره .. ممكن يطلب تدخل السكيورتيه او يتصل في العضيد .. لاتستغربين هالمنظر .. اغلب الشباب فيهم الخير والبركه
ولايتحملون هالمواقف وخصوصا لو تجي من هالفئه ( الوقحه ) مثل ماذكرتي .. لكن بكل صراحة اغلب المراهقين والشباب اللي همهم الصياعه والدواره في المجمعات
وكل ويكند مطيحين اهناك لاتتوقعين منهم شيء ..

[khalid525]

موقف مخزي بصراحة وقلة ادب وذوق ، بصراحة الشباب يخافون انهم يتدخلون في هالسوالف لانه من الممكن انهم يتضررون اذا وصل الموضوع الشرطة والشرطة ما راح تصدق بسهولة ان الشباب جايين ينصحون البنات ، فاعتقد لهذا السبب الشباب (طبعا العاقلين ) يرفضون التدخل .

[aziz4z]

إذا نزعت الحياء , فانتظروا الساعة

[نورالهدى]

النار وقودها الناس والحجارة
اللهم إهدي العاصي

[من بغى الزين]

ليتني موجود في هذا الموقف كنت لعنت شكلهم انسجن او يحبسوني عادي عندي بس ماسكت لآني بموت قهر العجوز الكبيرة ام كل قطري وقطريه واجب نحترمه هذي الذي تعلمنوه من أهلنا خوش شباب أقول الله يستر التطور غير أشياء كثيره وصل للعادات والتقاليد :anger1:

[من بغى الزين]

الساكت عن الحق شيطان اخرس

[بريق الحق]

جزاك الله خير
الرجل يجد صعوبه في التدخل في هذه الامور فالوقت الحالي
يجب تخصيص جهة رسميه تتدخل في مثل هذه الامور
كتب الله اجرها ولا يضيع الله اجرها فالدنياء والاخره

[مخطط قطري]

الخطاء من العجوز

[بريق الحق]

الساكت عن الحق شيطان اخرس

مقوله غبيه الصراحه

[meme-93]

مصخوها الاجانب العرب اهني والله صاروا اخس من الاجانب الامريكان وغيرهم
مصاخه مياعه وتفصخ بشكل مب طبيعي
مادري متى بينحط حد للبس الفاضح

[كرواتيا]

غريبه استنكار العجوز

انا ماقمت استغرب ان شفت بنات لابسين بناطيل مرصصه وبلايز بدون اكمام
او تنانير قصيره
او حتى شورتات لاني شفت بنات بشورتات في فيلاجيو
لكن محد وقفهم ولا قال شي
لانه صار عادي وطبيعي ومنظر الفته العين
يا ترى هالبنات شنو كانو لابسين!! ماعتقد لابسين شي اقل من الي قلته
لكن هالعجوز ربما ماتطلع وايد بالتالي لفت نظرها اشكالهم
وقاحتهم شي غير مستغرب
لان لو فيهم احترام كانو احتشموا
الاجانب اكثر احتشام من العربيات لانهم عارفين انهم في بلد محافظ وقاريين وايد قبل لا يجون

[بريق الحق]

غريبه استنكار العجوز

انا ماقمت استغرب ان شفت بنات لابسين بناطيل مرصصه وبلايز بدون اكمام
او تنانير قصيره
او حتى شورتات لاني شفت بنات بشورتات في فيلاجيو
لكن محد وقفهم ولا قال شي
لانه صار عادي وطبيعي ومنظر الفته العين
يا ترى هالبنات شنو كانو لابسين!! ماعتقد لابسين شي اقل من الي قلته
لكن هالعجوز ربما ماتطلع وايد بالتالي لفت نظرها اشكالهم
وقاحتهم شي غير مستغرب
لان لو فيهم احترام كانو احتشموا
الاجانب اكثر احتشام من العربيات لانهم عارفين انهم في بلد محافظ وقاريين وايد قبل لا يجون
طوبى للغرباء (:
لماذا الاستغراب !!! الاستغراب هو الرد المكتوب ^^
من تربى على سنة النبي صل الله عليه وسلم لانستغرب ان ينصح الناس في جميع الاحوال لانه قد يكون خصيمه يوم القيامه انه راى منكر من اخيه المسلم ولم ينصحه
?_^

[كرواتيا]

الساكت عن الحق شيطان اخرس

اعتقد انه حديث يابريق الحق كيف تقول عنه مقوله غبيه؟؟؟

[بريق الحق]

الساكت عن الحق شيطان اخرس

اعتقد انه حديث يابريق الحق كيف تقول عنه مقوله غبيه؟؟؟
حديث من ؟
وكلمة اعتقد ماتركب اذا كنت تقصد انه حديث للنبي صلى الله عليه وسلم
قل خيرا اوصمت (:

[Miss]

مب قطريات !
وانتي واقفه في مكانج وبدون ما تكلمينهن الو العضيد وبتلقينهم جايين وساحبينهم من شعورهم وانتهى الموضوع

[بانغ بانغ]

الشرهة على المسئولين اللي حامينهم لانهم اجانب وعرب والوحدة فيهم عندها واسطة اتخرع عميد او عقيد
للاسف سرنا اجانب في بلادنا

[بانغ بانغ]

كان زين عندنا هيئة مثل الامر بالمعروف بس مش دينية بحتة ومتزمته

[الواثق باالله]

عدم تدخل الشباب لإنو بالآخر بيطلع الحق عليهم

الله المستعان

[أم محمد 90]

لو بس نمشي بدون مانطالع غيرنا جان احنا بخير

[Rider]

هل تنطرين خير من ورى الشباب الي واقفين عند المولات هم جايين يدورن البنات

[بريق الحق]

كان زين عندنا هيئة مثل الامر بالمعروف بس مش دينية بحتة ومتزمته

يعني مكس علمانيه صوفيه الخ؟
(:

[Miss]

الشرهة على المسئولين اللي حامينهم لانهم اجانب وعرب والوحدة فيهم عندها واسطة اتخرع عميد او عقيد
للاسف سرنا اجانب في بلادنا
ليش ننتظر المسؤولين
كل شي عليهم
وين دورنا كمواطنين
بلادنا وغصب عنهم يحترمونا
المسؤولين ما قصروا وحطوا لكم خدمه اتصلوا عليهم وبتلقونهم

[مضارب دوسري]

تصرف الشباب ايجابي واتفق معاه
يتدخل وش يقول !
بعدين بيتسحب على وجهه للمركز بتهمة التحرش والمغازل

ذيك الساعه بنلقى موضوع فالمنتدى كفو عليهم البنات بلغوا على شاب تحرش فيهم في احد المولات والكل بيصفق للبنات وبيقولون الشاب قليل ادب ومش متربي ويستاهل
اللي جاه

وهو ممكن جاي يفزع للعجوز

بس الاشاعات بتطلع انه الغلطان ومب بعيده ينشرون صورته ف برودكاست


هذا هو الواقع ولا تطلبون ان واحد يفزع لاحد مب من هله
فالنهايه البنت مصدقه

[مضارب دوسري]

طوبى للغرباء (:
لماذا الاستغراب !!! الاستغراب هو الرد المكتوب ^^
من تربى على سنة النبي صل الله عليه وسلم لانستغرب ان ينصح الناس في جميع الاحوال لانه قد يكون خصيمه يوم القيامه انه راى منكر من اخيه المسلم ولم ينصحه
?_^

المشكله ان النصيحه لها ثمن ممكت تسحبك فالسجون على انك متحرش فيها مب تنصحها
هذا هو القانون عندنا
وش يسوى عالواحد يتلته فالمراكز عشان يبي ينصح
وفالاخير بيطلع انه متهم ومتحرش فيهم والبنت مصدقه عندهم
الحين مثلا واحد ضربك وراح اشتكى عليك
يجرجرونك المركز على انك متهم
تقول هو ضربني انا ما ضربته يقولك لا
هو اشتكى قبلك :)
راح تبات الليله فالسجن وبكره تترحل عالنيابه واشرح لهم اللي حصل :)

[h2004]

شاهدت موقف اليوم وايد اثر فيني و حسيت اني محتاجة افضفض لكم :weeping:

وانا خارجة من احد المولات.. كانوا واقفين عند البوابة شباب مراهقين.. لمحت مجموعة بنات غير قطريات واقفين عند سيارتي و لابسين لبس( او نصف لبس) اقل ما يقال عنه وقــح :rolleyes2: انا البنت استحيت اطالع فيهم.. وانا اركب السيارة شفت امراة كبيرة في السن تتجه نحو البنات جاية تنصحهم..سمعتها تقول لهم عيب عليكم او شيء من هذا القبيل .. وفجأة البنت صرخت في العجوز تقول لها "مو شغلج! هذي حياتنا و كيفنا!" صرخت في العجوز لين ما العجوز هزت راسها بحسرة و كملت طريقها
صار هالموقف وسط صمت من الشباب الي بعضهم كان يتفرج ..و كم واحد من المراهقين كانوا يشجعون البنات على ردة الفعل :eek5:

يمكن انا كوني بنت ..مب عدلة اني انزل من السيارة جدام الشباب و اقولها احترمي المرة .. لكن معقولة ولا واحد من هالشباب فيه الخير يتدخل ؟... هل وصل فينا الحد انه ما عاد للكبير عندنا قيمته و احترامه؟

ما تشوفون انه من الضروري يكون في كل مول ناس نرجع لهم في مثل هالمواقف.. مب ضروري هيئة تمسك الرايح و الراد.. لكن لازم يكون فيه نوع من الضبط للاشكال الي ما تستحي - من كلا الجنسين- لان اذا ما استحوا عالاقل بيخافون.. ---حق من نرجع اذا شفنا هالمناظر؟انا شخصيا ما اعرف فيا ريت تعلموني لو فيه

سؤال ثاني ..حملة اللبس القصير في الصيف كانت ناجحة جدا.. فلماذا لا تكون هالحملات متواصلة على مدار السنة


و سلامتكم

كثر الله من امثالك وامثال المرأة الناصحة وهذه صفات اهل الايمان واقول بإذن الله ستعمل الخدمة العسكرية الالزامية على صقل الكثير من الشباب نحو الضبط والشدة والادراك وكذلك الفتيات فلدينا قيادة واعية ولله الحمد

[بريق الحق]

المشكله ان النصيحه لها ثمن ممكت تسحبك فالسجون على انك متحرش فيها مب تنصحها
هذا هو القانون عندنا
وش يسوى عالواحد يتلته فالمراكز عشان يبي ينصح
وفالاخير بيطلع انه متهم ومتحرش فيهم والبنت مصدقه عندهم
الحين مثلا واحد ضربك وراح اشتكى عليك
يجرجرونك المركز على انك متهم
تقول هو ضربني انا ما ضربته يقولك لا
هو اشتكى قبلك :)
راح تبات الليله فالسجن وبكره تترحل عالنيابه واشرح لهم اللي حصل :)

صحيح
الشاب في هذه الحال يستطيع ان يتصل فالجهات الخاصه (: ويبلغ فقط