++|| الاهــــلــي Vs النســاء والــولاده ||++

[Charisma]

السلام عليكم ورحمه الله وبركاته

ندخل عالموضوع دايركت وادري ان مكانه قسم الاستفسارات واتمنى لو الاداره تسمح ببقائه في قسم الحوار العام لفتره بسيطه

المستشفى الاهلي ( قسم النساء والولاده ) Vs مستشفى حمد ( قسم النساء والولاده )



ارائكم وتجاربكم من ناحيه الخبره .. الاهتمام .. العنايه .. سبل الراحه .. وبدون ذكر القيل والقال .. ياليت اصحاب التجارب يشاركون
بالايجابيات والسلبيات للمستشفى الاهلي ومستشفى النساء الولاده .

ملاحظه : في مواضيع شبيهه لكن قديمه شوي .. والوضع اختلف مع التامين الصحي واستقالة بعض الدكاتره .
:(

[R 7 A L]

ماعندي اي تجربية للأن
بس سمعت ان مستشفى حمد أفضل بس زحمة

[النهار]

مستشفى حمد عندهم في الوقت الراهن جميع الاستعدادت عكس المستشفيات الخاصه
في حالة اي تدهور لصحة المريض ينقل لمستشفى حمد

[تغلبية]

نصيحة طبيب استشاري

ممكن تعالج في أي مستشفى لأي مرض او عارض يصيبك

الا ما يتعلق بالنساء والولادة .. خلك على مستشفى حمد لوجود الكادر الأمين اللي يتحمل المسؤولية كاملة

[Charisma]

يعطيكم العافيه اخوي رحال والنهار والاخت تغلبيه ..

ادري ان اغلب الردود بتصب في صالح النساء والولاده .. والنصايح كثيره لكن في من ينصح وبقوه بالاهلي .. بعد ماجرب النسا والولاده
في انتظار تجارب الاعضاء .

[النهار]

اخوي رحال انا عندي تأمين صحي من اكثر من 5 سنوات
اذهب للعيادت الخاصه في الحالات العاديه البسيطه
مشكلة العيادات الخاصه عندك صداع يسون لك الف تحليل والف اشعه في النهايه يعطونك بندول
بالنسبه للولاده عندهم العمليات القيصريه ببيزه
المستشفيات الخاصه همها الاول الماده في المقام الاول

[Locale]

الاهلي يصلح للقيصري وبس

لكن الطبيعي دائما يفضل حمد

[R 7 A L]

اخوي رحال انا عندي تأمين صحي من اكثر من 5 سنوات
اذهب للعيادت الخاصه في الحالات العاديه البسيطه
مشكلة العيادات الخاصه عندك صداع يسون لك الف تحليل والف اشعه في النهايه يعطونك بندول
بالنسبه للولاده عندهم العمليات القيصريه ببيزه
المستشفيات الخاصه همها الاول الماده في المقام الاول



صدقـــت

[بصمة قطرية]

النساء و الولادة بدون تفكير ..
للأسف المستشفيات الخاصة مادية بحتة
خصوصاً الأهلي ..!!
ولاداتي مبكرة و كنت مرات أروح مستشفيات خاصة
يوم فكرت أولد في خاص أكثر من دكتورة خاصه نصحتني
إني أولد في الولادة ..
لأن البيبي راح يتحول على الولادة مافي حضانة و عناية مركزة
للأطفال حديثي الولادة غير في الولادة ..
و أسهل شي عند الأهلي القيصري ..
الواحد يتجنب الخاص كثر ما يقدر ..
الحالات البسيطة أوكي خاص
لكن الحالات الصعبة و الولادة لا طبعاً الولادة بلا شك ..

[مو مهم]

انصح بالذهاب لمستشفى الخور للولاده ما فيه زحمه العنايه حلوه عندهم

صح انه بعيد بس الحق ينقال ما فيه زحمه والغرف فاضيه عندهم

[qatar son]

مستشفى حمد فيها إمكانيات وكفاءات بس الزحمة الرهيبة والضغط عليهم يخليهم يغلطون وايد

[غير البشر]

الاهلي يصلح للقيصري وبس

لكن الطبيعي دائما يفضل حمد


لان الي يروحون هناك معظمهم بكون قيصري :secret:

واحد من الربع هله بربون هناك
وكل الامور تمام والولاده طبيعيه المفروض يعني
بس اخرو الموضوع وقالو لازم قيصري وتأخرت ولادتها
وطبعا قرار القصيري كان بين النيرس والدكتور
لان لهم نسبه اعلى لو تمت الولاده قيصريه

وعلى هالتأخير صارت لها مضاعفات لها ولجنين
والحمدلله الحين هم بخير

اما في الامور الثانيه اشوف الاهلي ممتاز

[خزامئ]

انا جربت الاهلي ولاده طبيعيه
والثانيه قيصريه اشوفها كلها ممتازه
والقيصريه انا طالبتها
ماعليهم كلام خدمه وعنايه وممرضات
اعطيه
عشره على عشره
وجربت الولاده في
مسشتفي النساء والولاده
بعد قيصري وطبيعيه
اشوف الاهلي احسن مليون مره

[كرواتيا]

يمدحون حمد

[hanayen]

حسبي الله ونعم الوكيل الخاص لا رقيب ولا حسيب أختي جابت اول طفل لها هناك وكانت الولاده متيسره لين تغير الشفت وجات دكتوره من جنسيه عربيه وبدت تخربط في راس أختي في اقل من ربع ساعه منذ خرجت الطبيبه اللي قبلها والتي أكدت ان أمور تطور مراحل الولاده طبيعيه
جات الدكتوره الله يسامحها بعد ربع ساعه من بدلت الشفت وبدت تخربط في راس أختي وتقولها ان ان الولاده متعسره ورأس الطفل بدى يتغير شكله واهي غير مسؤوله عن اللي بيصير للطفل
طبعا الكلام كله كان خرطي وبعدها صارت تسوي قيصريات لولادتها اللي بعدها
أساسا يربحون اكثر من عمليات الولاده القيصرية أضعاف الولاده الطبيعية

[المحاميه]

كل واحد يختار اللي يرتاحله قلبه
افضل من القيل والقال

ارشح
الاهلي

[اناقه]

السلام عليكم

انا جربت الاثنين الاهلي و حمد

و اثنينهم كنت بغرفة خاصه و لكن الاهلي اهتمامهم اكثر سواء لج او للطفل

و غير جي اوقات الزيارة مفتوحة عندهم مب مثل حمد و ناهيج عزيزتي عن زحمة حمد

و لادتي الاولى في حمد كانت قيصرية و بعد الثانية قيصرية في الاهلي لكن للامانه ارتحت في الولادة الثانية اكثر كان الطاقم الطبي مريح و ممتاز و الاحسن ان كلهم حريم

استخيري و شوفي الاحسن لا تعتمدين على اراء الناس لان كل واحد له وجهة نظر مختلفة و ظروف الولاده و طبيعتها تختلف من وحده للثانية

كل التوفيق لج

[غزلان]

اغلب الى يروحون للأهلي 99% علشان الدكتوره زينات

[بونووف]

الاهلي مره رحنا نشيك عالجنين قبل لانسافر قالوا للمره لاتسافرين خطر لانه عندج المشيمه نازله ولازم نسوي لج منظار وروحوا الحين عبوا الطلب عشان موافقة التامين بعدها رحنا شيكنا في الدوحه و حمد قالوا لنا الامور طبيعيه ومافي اي شي

وفي حاله ثانيه لوحده من اهلنا اولدت فالاهلي وحالة الياهل كانت متدهوره واللي سوه انهم طرشوه بالاسعاف مستشفى حمد

خلك عالمضمون والخبره

[Charisma]

الاهلي يصلح للقيصري وبس

لكن الطبيعي دائما يفضل حمد

شكرا للمشاركه .. سمعت اراء تطابق ردج .. بالنسبه للاهلي والقيصري .. والطبيعي في حمد

ننتظر باقي الاراء

[Charisma]

النساء و الولادة بدون تفكير ..
للأسف المستشفيات الخاصة مادية بحتة
خصوصاً الأهلي ..!!
ولاداتي مبكرة و كنت مرات أروح مستشفيات خاصة
يوم فكرت أولد في خاص أكثر من دكتورة خاصه نصحتني
إني أولد في الولادة ..
لأن البيبي راح يتحول على الولادة مافي حضانة و عناية مركزة
للأطفال حديثي الولادة غير في الولادة ..
و أسهل شي عند الأهلي القيصري ..
الواحد يتجنب الخاص كثر ما يقدر ..
الحالات البسيطة أوكي خاص
لكن الحالات الصعبة و الولادة لا طبعاً الولادة بلا شك ..

الاهلي بعد التامين الصحي الوضع صار لايطاق .. زحمه وانتظار بالساعات
وبالنسبه للعنايه المركزه اذكر الدكتوره روزفي قالت ان هالشيء كان قبل
يتم تحويل المواليد اللي يحتاجون عنايه مركزه لمستشفى حمد .. لان التكاليف كبيره
غير ان بعض شركات التامين ماتتحملها .. وقالت ان الوضع اختلف مع التامين الوطني
وبالنسبه لاستعجالهم على العمليات القيصريه ماعندي علم اتمنى يفيدونا الباقيين فيها

[Charisma]

انصح بالذهاب لمستشفى الخور للولاده ما فيه زحمه العنايه حلوه عندهم

صح انه بعيد بس الحق ينقال ما فيه زحمه والغرف فاضيه عندهم

شلون الاهتمام والعنايه وخبره الدكاتره اهناك ؟

[Charisma]

مستشفى حمد فيها إمكانيات وكفاءات بس الزحمة الرهيبة والضغط عليهم يخليهم يغلطون وايد

صحيح غير مشاكل الغرف وعدم توافرها بسهوله

[يمامـة]

يعطيكم العافيه اخوي رحال والنهار والاخت تغلبيه ..

ادري ان اغلب الردود بتصب في صالح النساء والولاده .. والنصايح كثيره لكن في من ينصح وبقوه بالاهلي .. بعد ماجرب النسا والولاده
في انتظار تجارب الاعضاء .

شوف في الأخير المريضة تحتاج الى رعاية طبية وهي حامل او بتولد ،،

في النساء الولادة غالبا الممرضات يولدون الحريم
في الأهلي غالبا ما يكون هناك طبيب هو اللي يولد

في الأخير الأهم من كل هذا ان حالة الأم والجنين لازم يكون تحت رعاية طبية دقيقة
اذا لا سمح الله فيهم شي ،، اما اذا ما فيهم شي وكان الحمل طبيعي فكل المستشفيات فيها الخير ،،

[fzaa_qatar]

اسمعني وانا اخوك الاهتمام والراحه والكفاءه والخبره وغير كل هاي من كثر الاهتمام تزهق منهم روح الكوبي صج بعيد بس يستاهل ومافيه زحمه ويشيلون الوحده ع كفوف الراحه وتخلص شهادة الميلاد بنص ساعه لا ويخلصون اجراءات التامين بنفسهم بس التوقيع عالمريض واكلهم عجيب .. مب معناتها اني اقلل من الاهلي وحمد لا والله .. الاهلي وحمد زززحمه وانت عارف .. بس اشتر راحتك فالكوبي .. ولا تنسى الاوراق الثبوتيه مثل الجواز وعقد الزواج .. وبالتوفيق

[alsoq]

اللي في مستشفى الولاده يرح للاهلي يسوي العمليه ويعطي الاهلي نصيبه وياخذ نصيبه

هذا اللي حاصل:)

[أم محمد 90]

انصح بالذهاب لمستشفى الخور للولاده ما فيه زحمه العنايه حلوه عندهم

صح انه بعيد بس الحق ينقال ما فيه زحمه والغرف فاضيه عندهم


انا اشهد خذت تحويل من مركزي ورحت عشان كذا شغله منها بشره وجسم وتحاليل كل شي

انصدمت انه فاااضي

[Charisma]

انا جربت الاهلي ولاده طبيعيه
والثانيه قيصريه اشوفها كلها ممتازه
والقيصريه انا طالبتها
ماعليهم كلام خدمه وعنايه وممرضات
اعطيه
عشره على عشره
وجربت الولاده في
مسشتفي النساء والولاده
بعد قيصري وطبيعيه
اشوف الاهلي احسن مليون مره
نقطه لصالح الاهلي ..

طيب اختي سؤال .. نسمع دايما ان الاهلي مافيهم صبر عالولاده الطبيعيه ويبون يخلصون بالقيصري
لان لهم نسبه فايده .. هالكلام صحيح ولا ؟

[Charisma]

حسبي الله ونعم الوكيل الخاص لا رقيب ولا حسيب أختي جابت اول طفل لها هناك وكانت الولاده متيسره لين تغير الشفت وجات دكتوره من جنسيه عربيه وبدت تخربط في راس أختي في اقل من ربع ساعه منذ خرجت الطبيبه اللي قبلها والتي أكدت ان أمور تطور مراحل الولاده طبيعيه
جات الدكتوره الله يسامحها بعد ربع ساعه من بدلت الشفت وبدت تخربط في راس أختي وتقولها ان ان الولاده متعسره ورأس الطفل بدى يتغير شكله واهي غير مسؤوله عن اللي بيصير للطفل
طبعا الكلام كله كان خرطي وبعدها صارت تسوي قيصريات لولادتها اللي بعدها
أساسا يربحون اكثر من عمليات الولاده القيصرية أضعاف الولاده الطبيعية


هالكلام فعلا سمعته كثير .. ونبي نتاكد منه .. لان الزوار اللي يشوفون الموضوع عندهم نفس التساؤلات

[Charisma]

كل واحد يختار اللي يرتاحله قلبه
افضل من القيل والقال

ارشح
الاهلي

هالمواضيع مافيها يرتاح له قلبه .. مرات نسمع اهمال في النساء والولاده وعدم توافر الغرف
ومرات نسمع تحويلات من الاهلي للنساء والولاده .. ضعنا ..!

[Charisma]

السلام عليكم

انا جربت الاثنين الاهلي و حمد

و اثنينهم كنت بغرفة خاصه و لكن الاهلي اهتمامهم اكثر سواء لج او للطفل

و غير جي اوقات الزيارة مفتوحة عندهم مب مثل حمد و ناهيج عزيزتي عن زحمة حمد

و لادتي الاولى في حمد كانت قيصرية و بعد الثانية قيصرية في الاهلي لكن للامانه ارتحت في الولادة الثانية اكثر كان الطاقم الطبي مريح و ممتاز و الاحسن ان كلهم حريم



مافهمت .. يعني النساء والولاده يدخلون دكاتره وممرضين ( رجال ) ؟

[بصمة قطرية]

شي معروف القيصريات أغلى من الولادات الطبيعية
بحكم إنها عملية .،!!
و الأهلي وايد يحبون القيصريات
أكثر من وحدة من هلي كل ولاداتهم طبيعية
في الأهلي كلهم ولدوا قيصري ..!!
ولاداتهم السابقة في مستشفى الولادة ..!!!

[Charisma]

الاهلي مره رحنا نشيك عالجنين قبل لانسافر قالوا للمره لاتسافرين خطر لانه عندج المشيمه نازله ولازم نسوي لج منظار وروحوا الحين عبوا الطلب عشان موافقة التامين بعدها رحنا شيكنا في الدوحه و حمد قالوا لنا الامور طبيعيه ومافي اي شي

وفي حاله ثانيه لوحده من اهلنا اولدت فالاهلي وحالة الياهل كانت متدهوره واللي سوه انهم طرشوه بالاسعاف مستشفى حمد

خلك عالمضمون والخبره


اغلب الردود تصب في صالح النساء والولاده .. بس لو تنحل مشاكل الغرف والويتنق لست عندهم جان زين

[Charisma]

شوف في الأخير المريضة تحتاج الى رعاية طبية وهي حامل او بتولد ،،

في النساء الولادة غالبا الممرضات يولدون الحريم
في الأهلي غالبا ما يكون هناك طبيب هو اللي يولد

في الأخير الأهم من كل هذا ان حالة الأم والجنين لازم يكون تحت رعاية طبية دقيقة
اذا لا سمح الله فيهم شي ،، اما اذا ما فيهم شي وكان الحمل طبيعي فكل المستشفيات فيها الخير ،،

صحيح هالكلام سمعته ..
والرعايه الطبيه الدقيقه متوفره فقط في مستشفى حمد ولا في باقي المستشفيات الخاصه ؟

[Charisma]

اسمعني وانا اخوك الاهتمام والراحه والكفاءه والخبره وغير كل هاي من كثر الاهتمام تزهق منهم روح الكوبي صج بعيد بس يستاهل ومافيه زحمه ويشيلون الوحده ع كفوف الراحه وتخلص شهادة الميلاد بنص ساعه لا ويخلصون اجراءات التامين بنفسهم بس التوقيع عالمريض واكلهم عجيب .. مب معناتها اني اقلل من الاهلي وحمد لا والله .. الاهلي وحمد زززحمه وانت عارف .. بس اشتر راحتك فالكوبي .. ولا تنسى الاوراق الثبوتيه مثل الجواز وعقد الزواج .. وبالتوفيق

المستشفى الكوبي امدحوه مدح .. خصوصا الاجانب اللي عندنا في الدوام .. حسيت من كلامهم انه على مستوى ..

بس ياخوك المسافه .. الواحد يبيله هلكوبتر لين يوصل اهناك

[Charisma]

انا اشهد خذت تحويل من مركزي ورحت عشان كذا شغله منها بشره وجسم وتحاليل كل شي

انصدمت انه فاااضي

ومستشفى الوكره حد عنده علم ؟ تخيل من الوكره للخور :rolleyes2: