للاهمية . لمن عنده حل !!

[.Qa6ar]

السلام عليكم ورحمة الله وبركاته


اسعد الله صباحكم اخواني

الموضوع ومافيه لدي صديق والله يوفقه توه متخرج من الجامعه

وهو مبتعث من احد البنوك وللاسف الشديد عندما انهى الدراسه

عرضوا عليه عرض ولكن الطامه الكبرى راتب لايتجاوز 17 الف مع العلاوات ومع كل شي

ولكن زملاءه في البنوك الاخرى يستلمون اكثر من هذا المبلغ

ماذا يفعل ؟؟ وهو لحد الان لم يوقع

سيناقشهم اكيد لانه قطري ومتزوج وجامعي ولكن السؤال ما السلطه التي بيده وهو يخاف ان

في اخر المطاف يقولون له وقع او رجع لنا فلوسنا !!!!!



اراءكم تهمنااا ولكن بعقلانية ،

وجزاكم الله خير

[يوسف0]

يقدم على بنك او مكان ثاني ويدفع الي عليه

[الزعفراني]

يحاول يفاوضهم لزيادة الراتب وتغيير العرض .. ويعرف السلم الوظيفي والرواتب في هالبنك .. وبنفس الوقت يعرف متى ممكن راتبه يزيد .. وشنهي الحقوق اللي ممكن يستفيد منها كمواطن مثل اللي يستفيد منها الموظفين الخاضعين لقانون الموارد البشرية مثل السكن الحكومي وبدل طبيعة العمل وبدل العمل الإضافي ..

[.Qa6ar]

اخوي يوسف مشكور ولكن الرجال ما حصل مكان عشان يشتري اللي عليه

[.Qa6ar]

اخوي الزعفراني المشكله ان مافي شي اسمه عندهم علاوه اجتماعيه وما اظن انهم يتبعون قانون الموارد البشريه لانه بنك اجنبي وهم مسوين حركه للمبتعثين ان يجبرونهم على مبلغ معين وان المبلغ اللي المفروض ياخذه هذا بعدين بعد كم سنه حوالي اربع سنين يعني 25 الف !!! بعد اربع سنين !!!

[يوسف0]

اخوي يوسف مشكور ولكن الرجال ما حصل مكان عشان يشتري اللي عليه


يدفع من خلال البنك الي هو فيه
واهم شئ شهادة الراتب الي يرضى فيه يعطيها للبنك الي كان فيه عشان يرتبونله الاقساط

او ان يشتغل فالبنك نفسه لفتره الى ان يجد وظيفة افظل فالراتب

[يوسف0]

ههههه هذا شغل اغلب الشركات لاتستغرب يبعثك عشان يظمن انك تشتغل عنده وبراتب هو يفرضه عليك

[.Qa6ar]

صح كلامك ولكن يعني ينجبر يخضع لهم وينتظر 6 شهور عشان ياخذ سلفيه يعني مثلا اذ عليه 400 الف بتصير 500 مع الفوائد يابوزيد ماكنك غزيت

[يوسف0]

صح كلامك ولكن يعني ينجبر يخضع لهم وينتظر 6 شهور عشان ياخذ سلفيه يعني مثلا اذ عليه 400 الف بتصير 500 مع الفوائد يابوزيد ماكنك غزيت


عني افضل استلم راتب افضل وادفع لهم 500 الف مع الفوائد ولا اجلس طول عمري معاهم ويذلوني على الراتب وحتى زيادة الراتب بيكون تعيس

وانصح بشركات البترول الراتب يبرد القلب

[.Qa6ar]

صدقت اخوي يوسف

[يوسف0]

هي مجرد نصائح

وان شاء الله اعضاء المنتدى عندهم خبره اكثر

وبالتوفيق

[.Qa6ar]

اشكرك اخوي يوسف وننتظر بقية الاخوان

[ALJokar]

اخووي سؤال هل كان فيه اتفاقيه بينه وبينهم قبل لايدرس ومفهمينه ان الدرجه معروفه والراتب معروف بعد مايتخرج
او هل هم الي مبتعثينه دافعين المصاريف الجامعيه او هو دارس بموافقتهم بس على مسؤوليته هو او دارس من غير مايخبرهم ؟
هل التخصص بختياره اما بختيارهم اذا بختياره هل التخصص في مجال عمله ووظيفته ؟


هل فيه عقد موقع عليه قبل او بعد الدراسه توضح له اي شي او اي اخلاء بالطرف الاخر انك راح تدفع مصاريف الدراسه ؟


واذا يبي يرتاح يشوف له اقرب محامي فاهم الاموار هذي وهو يوضح له كل شي ولايخفي عنه اي بند عشان تكون الصوره تكون واضحه للمحامي وهو بيقول لك اذا لك حق او مالك حق تاخذه

[.Qa6ar]

اخوي الجوكر هو بس وقع عقد على انهم يصرفون عليه وهو يدرس يعني بس معاش لانه خريج جامعة قطر والعقد مب مبين فيه لا اي معاش ولا منصب ولا شي بس انك اول ماتخلص تتوظف عندنا التخصص ماله دخل في البنك ابد لا من قريب ولا من بعيد والتخصص من اختياره ، وفي العقد بند من البنود اذ ماتبينا ترد فلوسنا وهذا البند معروف موجود في جميع العقود اللي يوقعون عليها الطلبه المبتعثين وبس وانا بنصحه يعرض امره على محامي ويستخير ربي

[كرواتيا]

يطنش لهم
وخلهم يرفعون قضيه
مايقدرون يجبرونه يشتغل
ترا وايد طلاب يسوون هالحركة

[دايموند]

كم دفعوا له البنك ؟

[alsoq]

اول شي يسويه اذا البنك ربوي يتركة افضل له

واذا غير بوي يتم في عمله افضل ويبحث عن عمل اخر وهو على عمله الحالي بالذات اذا كان مسؤل عن بيت واهلة

[khalid525]

شنو درس بالضبط ، ليش راتبه قليل ؟

[meme-93]

اعتقد يصير يبدل شغله
والشغل الجديد يدفع المستحقات الي عليه للبنك
قطر فونديشن ،، راس غاز ،، قطر للترول ،، ووايد اماكن تصير فيها مبادله في مثل هـ الحالات

وسمعت كلام من وحده مب متاكده من صحته
تخرجت من كلية النورث على حساب قطر للبترول ويوم قالت مابي اشتغل عندكم ماطالبوها بشي قالوا دامج قطريه وبتشتغلين فالدوله مب ملزومه تدفعين الي عليج
فـ مادري هل هالكلام صحيح ،، اسال احسن

[fzaa_qatar]

17 الف بس وجامعي والله والله حراااام .. اعرف ناس ثانويه عامه ويستلمون اقل شي 25000 ونصيحتي يروح يقدم ع اي شركه وياكثر الشركات اللي بتاخذه,, عندك قطاع البترول مثلا ..

[يوسف0]

اعتقد يصير يبدل شغله
والشغل الجديد يدفع المستحقات الي عليه للبنك
قطر فونديشن ،، راس غاز ،، قطر للترول ،، ووايد اماكن تصير فيها مبادله في مثل هـ الحالات

وسمعت كلام من وحده مب متاكده من صحته
تخرجت من كلية النورث على حساب قطر للبترول ويوم قالت مابي اشتغل عندكم ماطالبوها بشي قالوا دامج قطريه وبتشتغلين فالدوله مب ملزومه تدفعين الي عليج
فـ مادري هل هالكلام صحيح ،، اسال احسن

البعض نفس صديقتج والبعض لا على حسب الحظ او امور الله أعلم فيها

[meme-93]

البعض نفس صديقتج والبعض لا على حسب الحظ او امور الله أعلم فيها

الموضوع يبي له مراكض شوي
لان مرت علي ثلاث حالات بدلوا سبونسراتهم ولا اشغالهم


بس سؤال ،،
شنهو تخصص الرجال؟

[.Qa6ar]

السالفه مب عشان التخصص عطوووه الاوفر وهو انصدم من الاوفر وفي طلاب معاه هندسه بزنس وغيره مردهم نفس الاوفر ، بس الله يعينه والله صدموه ماكان يتوقع ابد لانه جامعي وهاي الحركه تدل على خبثهم ان يبعثونه يدرس ويجبرونه على راتب غصب ، السؤال هل لوزارة العمل يد في الموضوع يقدرون يتدخلون او جهة حكوميه معينه تتدخل في العقود ؟

[من بغى الزين]

يقدم علي وظيفة ثانيه ويدفع لهم

[رجل الجزيرة]

خله يقدم على مصرف قطر المركزي.

[كرواتيا]

خله يطرش لي السي في بجيب له وظيفه واذا بغاها الجهه بتاخذه وتدفع الي عليه للبنك او بنشوف حل ثاني

[.Qa6ar]

الله يجزاكم خير على الردود الطيبه ويجزاك اخوي كرواتيا ايضا وسيتم التواصل معك على الخاص