المدير النسونجي !!!

[كرواتيا]

بعض المدراء الله يهديهم
مايرغب الا بتوظيف النساء بادارته لدرجة مايبقى غيره الذكر
وبحجه ان النساء شغولات اكثر من الرجال
لين تنقلب الاداره ميالس نسوان وطبعا اي مكان فيه تجمعات حريم لابد من اصوات الضحك العالي والسوالف واللعلعه
رساله اوجهها لهالمدير ومن على شاكلته ترا هالتفكير يضر سمعة ادارتك والكل بينقد عليك
والحريم الي سوالفهم توصل اخر الممرات ماعرفنا شالحل معاهم
قهر الدنيا ماعاد فيها حيا ولا حشمه

[سليمان احمد]

ياكثرهم واغلبهم اصلا يحب النساء وفي نفس الوقت يضن انه بيراضي المسئولين

[hanayen]

الله يعينك اخوي على هالابتلاء ويهديهم ان شاء الله

[khalid525]

سوق العمل اغلبه صار نساء ما نقدر نلوم المدير او الجهه اللي توظف ،صار اكثر الشباب يروحون العسكرية والبترول ، وبصراحة مجالس الحريم وخصوصا الريوق الجماعي صار ظاهرة نشوفها في كل مكان يتكدس فيه الحريم وهالشي يحتاج الى تطبيق القوانين بصرامة لمنع هالتجمعات ، مثل هذه الظاهرة ظاهرة تجمع الشباب للتدخين خارج مباني الهيئات ولمدة طويلة ونتيجة هالتسيب هو تأخير المراجع وتعطيل الانجاز .

[من بغى الزين]

بصراحه انا اشوف شباب يروح العسكرية احسن له الحمد الله رواتب زينه وشغلهم زين والحكومي نخليه حق الحريم احسن لانه الدولة محتاجه اكثر حق العسكريه وثاني شي انا اروح الدوار الحكومية ماشوف الذي تقولونه ضحك حريم او خربيط بعكس اشوف الحريم يشتغلون بذمه وضمير بصراحه احسن من الرجال في الشغل مب كل ما اسال عن موظف يقولون طلع برع اكثر الشباب كل طلعات بصراحه الحريم احسن بالنسبه لي وعن الأكل ليش الحريم مب بشر نفسنا تبي تأكل ريوق او غداء من الساعة سبع الي ثنتين الظهر بدون أكل تبونه أقول احسن قانون نزل الخدمه العسكريه عشان شباب الحكومي يصير فيهم نشاط ههههه وخف وزنهم ههههه اتمنا الدولة تخلي الوظائف الحكومية حق النساء والعسكرية حق الرجال أحلا شي

[حسن]

الدمار عم جميع الوزرات للاسف

في وزاره كان نسبه النسائ في ال97 صفر وتخيلو الحين نسبه النساء تتعدى 70%

شي مش طبيعي هناك فساد قوي في الوظائف وعشوائيه
نتمنى تتصلح مع ان العبئ كبير

واهمل التعليم نهائيا

يجب وضع حوافز وتغير في سياسه الدوله لا ستقطابهم
اتمنى تخفيض دام المدرسات ومنحهم مزايا اكثر وان يقلل رواتب النساء في الوزارات

لان الوضع مهبطبيعي


وبعدين هناك ادارات المدير بس والباقي نسوان ودما رفي دمار



ولع

[شيخ الديرة]

بعض المدراء الله يهديهم
مايرغب الا بتوظيف النساء بادارته لدرجة مايبقى غيره الذكر
وبحجه ان النساء شغولات اكثر من الرجال


الحل بسيط جدا, طرد المدير وتعيين مديرة

[المحاميه]

هالشي ملاحظ
الحريم استعمروا أغلب الوظايف وألاولويه لهم

السبب
هو انت أيها الرجل

[شيخ الديرة]

هالشي ملاحظ
الحريم استعمروا أغلب الوظايف وألاولويه لهم

السبب
هو انت أيها الرجل

http://seeseeeye.csu.edu.au/wp-content/uploads/2013/07/603px-No_left_U-turn.png

أستدارة غير قانونية

[حسن]

هالشي ملاحظ
الحريم استعمروا أغلب الوظايف وألاولويه لهم

السبب
هو انت أيها الرجل

ايه

ميزي

قدري

مادرستي في القانون

العته والغفله والسفه

يعني لا تقولين انت يالرجل قولي انت ياقين يااثول ياكودنه
ياامفهي ياسفيه

هذه كله صفات مهب تقولين كله منك لا تخلطين بالصفات
الحين انتي محاميه

تقبلين اقولك يافراشه

اكيد
لا

فالرجال صفه ماتعطى لكل شخص
انتي مادرستي في قانون المواريث عن نصيب الذكر والزوج

ليش ماذكر القراءن نصيب الرجل
:con2:


بليز


ولع

:)

[العلم]

الصراحة أنا مع اللي يقول إن الحريم ينجزون الشغل أكثر مم الرجال .. ولكن هل فكرتم إن الحريم هذي السنين والتي مضت هي بداية دخولهم لمجال الوظائف فيحاولن يثبتن أنفسهن بس الله يستر من الجاي :secret: .. بعكس الشباب اللي فاهم إنه بالأصل لازم يشتغل وهذا شيء مفروغ منه ..


أما المدير النسونجي .. الله يعين عليه .. *

[المحاميه]

نفس عميق بس عشان ارد بدون عصبيه او توتر


اعتذر .. ماكان قصدي اعمم على الكل استاذ حسن واستاذ شيخ الديره

بس السالفه اللي يطول باعماركم ..
ان الريال طبعه كذا .. يعني يميل للجنس الناعم
ولاتنكرون ..
لان اكبر مثال اللي حاصل وهو تفضيل المرأه في التوظيف على الرجل
وذلك لارضاء رواد القسم واصحاب القسم نفسه ..
ولاتقولون انجاز وماانجاز .. هالشي نسبي ولايعمم ولا يخصص للمرأة دون الرجل


صح ولا لا؟

[القطو السمين]

يرجع سبب كثرة النساء هو الزيادة الطبيعية اي ان الاناث اكثر من الذكور لو تشوف كل بيت تحصل اغلبهم البنات عندهم اكثر من الاولاد فشىء طبيعي يسير احتلال البنات للوظائف وعلى العموم انا تعاملت معاهم في كذا دائرة ينجزون عملهم اول باول اما سالفة تجمعات والهذرة فيغيرون من المدير ويحطون مديرة لانه معروف النسوان مايسنعهم الانسوان مثلهم لان المدير يكون رهيف عليهم

[المحاميه]

الصراحة أنا مع اللي يقول إن الحريم ينجزون الشغل أكثر مم الرجال .. ولكن هل فكرتم إن الحريم هذي السنين والتي مضت هي بداية دخولهم لمجال الوظائف فيحاولن يثبتن أنفسهن بس الله يستر من الجاي :secret: .. بعكس الشباب اللي فاهم إنه بالأصل لازم يشتغل وهذا شيء مفروغ منه ..


أما المدير النسونجي .. الله يعين عليه .. *

مب معاك ف سالفة الانجاز

لكن شي طبيعي تنعكس الآيه يالعلم لأن هالشي من علامات الساعه ..
وشي ثاني لاحظ ان الريال صار يرد البيت قبل المره

الله المستعان :secret:

[قطريه22]

الرجال له شخصيته في مكان العمل
اما اذا كان من النوع الي يخربط والي من النوع المتساهل او المفهي او راعي سوالف فبتلاقي في ادارته الي اصواتهم عاليه والي فيها وفيها..

[العربية نت]

الاشكالية ليست في كثرة النساء في الوزارات فهم في النهاية مطلوبين في سوق العمل ومفيه مساواة في التوظيف مع الرجال
لكن الاشكالية في عدم وجود وصف وظيفي لاغلب الموظفات اي انهم بلا عمل او باختصار عماله فائضه فكم من وحدة تم تعيينها بالواسطة او لمجرد ان شكلها جميل وفقط لاغير :swoon:

[حسن]

نفس عميق بس عشان ارد بدون عصبيه او توتر


اعتذر .. ماكان قصدي اعمم على الكل استاذ حسن واستاذ شيخ الديره

بس السالفه اللي يطول باعماركم ..
ان الريال طبعه كذا .. يعني يميل للجنس الناعم
ولاتنكرون ..
لان اكبر مثال اللي حاصل وهو تفضيل المرأه في التوظيف على الرجل
وذلك لارضاء رواد القسم واصحاب القسم نفسه ..
ولاتقولون انجاز وماانجاز .. هالشي نسبي ولايعمم ولا يخصص للمرأة دون الرجل


صح ولا لا؟

العوده للحق فضيله

اتفهم ردك واشكرك يا اختنا المحاميه

ونصيحه لي اخذي نفس اعمق من النفس القبلي لتتضح لك الرويا اكثر
واكثر

مهما اختلفنا

بوعبدو بالمقلوب

تحياتي

[حسن]

يرجع سبب كثرة النساء هو الزيادة الطبيعية اي ان الاناث اكثر من الذكور لو تشوف كل بيت تحصل اغلبهم البنات عندهم اكثر من الاولاد فشىء طبيعي يسير احتلال البنات للوظائف وعلى العموم انا تعاملت معاهم في كذا دائرة ينجزون عملهم اول باول اما سالفة تجمعات والهذرة فيغيرون من المدير ويحطون مديرة لانه معروف النسوان مايسنعهم الانسوان مثلهم لان المدير يكون رهيف عليهم


يعني مثلنا القطري مايكسر الحصاه الى اختها صح

صج اللولين ماخلو للتالين شي


:)

[Super Cool]

بالنسبة للنساء في النوع اللي يجي متأخر ساعتين و يمشي بدري ساعة لكن ما أعمم لأنهم أقلية جداً

لكن مشكلتي مع النساء في جهة عملي هي قلة الإنتاجية...قلة الإنتاجية و ليس قلة العمل و ركزوا على الكلمة
قلة الإنتاج بمعنى الحرمة تجي الدوام عالوقت و تمشي عالوقت لكن كمية الشغل اللي تخلص قليلة جداً مقارنة
مع عدد الساعات و نص الوقت تتصل فالهلب ديسك ولا فالآي تي والا فالساب ديسك والا في أوراكيل ولا ولا
ولا....لأنها متوهقة مع الشغل مع العلم ان نفس الشي سوته مليون مرة...طبعاً هالأشياء ما تنطبق على كل
الوظايف بس بعض الحريم يروحون للوظيفة اللي تدفع أكثر بغض النظر عن ما إذا كانت تشوف نفسها تصلح
لهالوظيفة أم لا...مثلاً تجيك مدرسة رسم فجأة تتحول مسؤولة تعيينات فالحكومة ههههههههه...تجتهد بس تجيب العييييييييييييييييييييد

[العلياا]

لا لا مب حل نطرد المدير ونعيين مديرة
قبل المدير شغله ماشي الحين لا مديرة بتشتغل ولا موظفة بتشتغل :weeping:

[شيخ الديرة]

لان اكبر مثال اللي حاصل وهو تفضيل المرأه في التوظيف على الرجل
وذلك لارضاء رواد القسم واصحاب القسم نفسه ..


هذي تحتاج روحه للقاضي

نسيتي؟

1. دعوات النساء نفسهم للمساوات؟
2. حملات العلاقات العامة بالتطور عن طريق تشغيل النساء
3. حملات النساء نفسهم بعدم وجود نساء يعملون لكي يلبو متطلبات النساء بحق

السالفة تحتاج تعمق أكثر, وأتوقع المحامية ما يفوتها كل هذه الأمور, أذا لا تتعجل بالبت بالقضيه

[بوحارب]

أكثروا الشباب النسونجيه

مب المدراء بس

[bos3eed]

الحل بسيط جدا, طرد المدير وتعيين مديرة

:nice:

[كرواتيا]

متى تتعدل وزاراتنا وتصير نفس حكومة دبي

[Charisma]

الحل بسيط جدا, طرد المدير وتعيين مديرة

لا الحل ابسط من كذا .. الغاء نظام الخلط وتعيين نظام الفصل بين الجنسين.. :)

[يمامـة]

الحل بسيط جدا, طرد المدير وتعيين مديرة

حل سهل جدا وابسط من البساطة

[ريتويت]

ماقد شفت ولاسمعت وان كان هالشي موجود فادعو له بالهدايه

[مواقف النجادة]

اقترح منع خدمة توصيل الطلبات مالت المطاعم عن اماكن العمل .. و بتشوفون عدد النساء راح يقل بشكل تلقائي !

[بوخالد911]

اقترح منع خدمة توصيل الطلبات مالت المطاعم عن اماكن العمل .. و بتشوفون عدد النساء راح يقل بشكل تلقائي !

بعضهم يمصخها
يقعدون ساعة ونص يتريقون وضحك وسوالف

وخذ تعطل مصالح الناس

[اليشم]

والعكس صحيح:secret:

[النهار]

اقترح منع خدمة توصيل الطلبات مالت المطاعم عن اماكن العمل .. و بتشوفون عدد النساء راح يقل بشكل تلقائي !

طال عمرك لوامنعوا توصيل الطلبات تجيك المجابيس والمحمر والمشمر من البيت
ساعات اروح مدرسة ولدي اخذه لموعد في المستشفى اشوف الدروليه كل شويه درويل جاي ومنزل طلب
الحلول موجوده عندهم ههههههههههههههههههههههه

[R 7 A L]

يمكن على شان علاواتهم الماليه وراتبهم اقل
على شان يحافظ على المال العام واقتصاد الدولة !!!

[طلعة الروح]

أنا اعاني من المدير الغيور والجاهل إداريا، اما المدير النسوجي ف.... مع نفسه

[عضوو]

النسونجيه ليس المدراء فقط بل حتى أعضاء المنتدى نجد منهم النسونجي

[Locale]

هذا الاختلاط

[ضوى]

عضووو تعليقك صحيح