عطل الوتساب عندكم بعد ؟

[R 7 A L]

من حوالي ثلاث ساعات تعطل الوتساب عندنا
في امريكا هل الوتساب شغال عندكم في الدوحة
ولا متعطل ومعلق عندكم بعد ؟

[غايه الطواش]

اخوي حسب ماقرات
بسبب شراء شركه الفيس بوك للواتس اب
وحاليا يتم نقل السيرفرات والداتابيس

[مضارب دوسري]

اي عطلان لان يحولون السيرفرات الى فيس بوك

والناس بدت تحذف الواتس اب وتضيف الضيف الجديد تيليجرام

[Locale]

اي :(

[Locale]

اي عطلان لان يحولون السيرفرات الى فيس بوك

والناس بدت تحذف الواتس اب وتضيف الضيف الجديد تيليجرام
ولادرينا عنه
يظل الواتساب غير ومالنا غنى عنه

[كيلو حديد]

حولت للتيليغرام لاني اكره الفيس بوك
حتى قروباتنا بدأنا نشل قشنا من الواتساب ونشد للتليغرام
شوي شوي ننساه هالوتساب مثل ما نسينا الاس ام اس هههه



معلق عندنا بعد

[ابوعلي]

ولا دريت الا الحين

الله يخلي البي بي

[غايه الطواش]

صفقهظ،ظ© مليار دولار!

[غايه الطواش]

صفقه19 مليار دولار!

[مضارب دوسري]

ف تويتر كاتبين ان العالم يستهبل على الاستخبارات
حولوا الواتس الى الفيس بوك
ف حولوا الناس الى تيليغرام
قرييا كل جوال بيكون فيه تيليغرام
موضه ههههههه

[R 7 A L]

شكراً على الافادة

جربنا التيليغرام بس للحين غير مألوف

[Dana’1]

اي أنا من الصبح تغير بعض الالوان كأيقونه الإرسال صارت رمادي والحين من شوي ما يرسل ولا يستقبل

[ashhal_q]

87431

[Dana’1]

لاين من البرامج الحلوة بصراحة يابانيين لا تجسس ولاهم يحزنون

[Q-tr]

في بريطانيا بعد مايشتغل،،، انا قلت المشكلة ف الشبكة طلعت من الشركة ونقل السرفر

[الكواري 1972]

طيب متى بينصلح الحال

[مو مهم]

انا ما انصح في الواتس اب الجديد

اول شي راح يزعجنا بالاعلانات
ثاني شي الخصوصيه بتكون معدومه لان الفيس بوك بيعتمد اعتماد كلي على الاشياء الخاصه بالشخص المدرسه السكن الخ

فانصح بالابتعاد عنه وشكرا

[معماري قطري]

أخ بس لو شرته أوريدو

الا تعالوا وشو الوست أب ذيه؟

[بوطويشم]

السلام عليكم

أغلق بسبب عملية النقل الى الشركة الجديده

الكل ينصح ببرنامج تيليغرام

لان من الاساس معلوماتك وجهات الاتصال تكون موجوده لدى الواتساب وحالياً صارت ل فيس بوك

[قلب صادق]

سبحان الله من يشوف حال الناس يستغرب الحزن اللي اصاب العالم ادخل التويتر وشوف كيف انقلبت الدنيا كلها بسبب توقف الواتساب

[@الأدعم@]

انا اخذت راحه منه شوي

[محمد سعيد]

الواتس اب غير مشفر

والفيس بوك مراقب ياشباب


نصيحة مني لكم وكيفكم


عبدالله العلي في تويتر يقول

@3bdullla: برامج مشفرة وتحمي خصوصيتك بديلًا عن الواتساب:-
1-Telegram
2-Threema
3-SureSpot
4-MyEnigma
5-Wickr
6-ChatSecure

ولا تستخدم:-
1-Line
2-BBM

[ضوى]

ماهمني وايد لاني بديت اتأقلم تدريجيا مع التليجرام بيكون اثر بعد عين هالواتس

[اليشم]

العطل صار بالوقت المناسب:)

[المحاميه]

ايه معطل عند الكل

موضوعك مكانه مب اهني

[نور الحور]

لأ .. للحين مداوم ههههههه




امبيه .. اللحين بيعصب رحال ..:secret:

[رجل مثالي]

السلام عليكم اسم البرنامج انستقرام

[السحابة]

يارب ينلغي اهو والتانجو اللي صار مسخره يارب يارب

[السحابة]

اههه اههي اشتغل دعائي مااستجاب

[قلب صادق]

عاد الواتساب للعمل

[Aaziz]

والي مادرى انه مقطوع

[R 7 A L]

^
^
يمكن شبكتكم تابعه لساندياغو وشلته ههههه

[بصمة قطرية]

إشتغل الواتس اب ..
ما عرفت إنه تسكر إلا من المسجات ..!!!
وصلني واتس اب عرفت إنه إشتغل
في لندن للحين ما إشتغل ..!!

[..عاشق قطر..]

شنو تيلغرام؟؟

ممكن اسم البرنامج بالانجليزي..؟

[من بغى الزين]

اي يشتغل

[وطن]

لأ .. للحين مداوم ههههههه




امبيه .. اللحين بيعصب رحال ..:secret:

أنا عندي رجع الدوام بعد
:nice:

[بومحمد المطاوعه]

الله المستعان

[بومحمد المطاوعه]

الوتساب أغلق ساعه وأحتشرت أمة محمد فكيف مصيركم أن أغلقت أبواب الجنه و بقيت أبواب جهنم مفتوحه



#تأملوها
. اللهم اني استغفر وأتوب إليك ، عدد خلقك ومداد كلماتك وزنة عرشك ورضى نفسك ولجميع المسلمين والمسلمات

[ضوى]

شنو تيلغرام؟؟

ممكن اسم البرنامج بالانجليزي..؟


Telegram

[ضوى]

الصراحة الواتس أب وايد ربط العائلات مع بعضها . يعني كتجربة شخصية جمعت العائلة بقروبات ، العيال مع بعضهم عمات وخالات ، وخوات مع بعض . جارات مع بعض ، زميلات مع بعض بصراحة تواصل وايد حلو ، واللي يقول خصوصية فيه برنامج التيلجرام وأيد حلو وفيه خصوصيه ، من رأيي الشخصي انه هالبرامج وايد وطدت العلاقة الاجتماعية

[حمد 2002]

انا الصراحه صرت اخاف على معلوماتي الشخصيه والمهمه جدا جدا من تلك البرامج الذكيه كالواتس آب وغيرها ... شالحل ؟

[حسن]

حاسب ياداتا بيز

صج ناس ماعندها سالفه يوم كنت في المانيا يابوشهاب
ماشفت بشر مثلهم يمسك الجوال
كله كتب والتلفونات في المخبا

انقطع البلاك بيري العالم كانها فيغفله ووعت اللي يقول اشوف هلي وعيالي والبيت
وكل يوم مطلعين لهم شي ويالله وراهم