مجلس قرميد

[حمد 2002]

http://up.arabseyes.com/uploads2013/23_02_14139314503195931.jpg (http://up.arabseyes.com/)

السلام عليكم ..
مجلس ويكون سقفه من قرميد على شكل سندويج وطابوق ...

بدون صبيه ..

وماهي احسن المواصفات لان ماعندي خبره كبيره بذلك ...

كم اسعار المتر كامل للتشطيب ؟؟؟

وهل لازم رخصه بلديه ووجع راس .. مع العلم بان المجلس ايطل على برع البيت .. يعني خارجي ..

بالتوفيق ...

[Bozizoo]

الاسعار ماعندي فكره عنها بالمواصفات هذه
اما بخصوص رخصة لازم رخصة البلديه

[شموخ دائم]

,

,


مرحبا


اخوي الكريم

اول شي تسوي ( مخطط ) عند اي مهندس
مخطط بسيط على a4
موضح فيه مساحه المجلس الطول والعرض
واذا معاه مغاسل وحمام غرفه طعام او بدون
تروح البلديه تطلع رخصه بناء
بطاقتك الشخصيه وصوره من الملكيه للبيت

اذا المساحه اقل من 70 متر
البلديه تتساهل معاك مو مطلوب خريطه رسميه
واذا المساحه اكبر
تحتاج خريطه من مكتب (هندسي )

اذا ما تبي توجع راسك
انا انصحك تروح لمقاول مباشره
( مقاول ) شركه صغيره حتى السعر يكون مناسب
الشركات الكبيره ما تاخذ مجالس او ملاحق

( وهو يسوي المخطط لك ) من خلال مهندسهم
ويقدمه للبلديه وياخذ لك ( رخصه البناء )
ويسعر لك المجلس
اطلب منه سعرين

1- سعر بالقرميد على ( كيربي )
2- سعر بالخرسانه كامل تسليم مفتاح

وشوف فرق السعر بينهم واختار الي يناسبك

موفق ان شاء الله


,

,


اخوك


شموخ دائم

[معماري قطري]

بيوت أمريكا كلها تقريباً أسقفها خشب وبعضها بعازل قطع متداخله في بعض وبعضها بقرميد

ولاحظت الأسقف خشب خفيف البلايوود 12 ملم وتحته عوارض خشبية مصفوفة ومثبتة صح وحسب حسابات هندسية حتى تقاوم الأعاصير .. ويتم عزل المنازل ببلاستيك سميك حتى الجدران عن المطر لأن المطر وايد قوي .. بالنسبة للخرسانة يستخدمونها شوي للأساسات والدور الأرضي طابوق وفوقه كله خشب.

صورت بيت ينبني وإن شاء الله باحط صوره.

الله يوفقك في بنيانك ومن رايي عندك الخشب وحتى لو يتركب على فريم جزئياً حديد يكون قوي ويعيش عمر طويل .. عندك المارين بلايوود مقاوم للرطوبة وقوي وايد ويثبت عليه القرميد أحسن من الحديد.