شلون اتخلص من حشرة بق الفرااااااش النجده انقذوني هيلب مي

[Me&OnLy]

موضوعي عن الحشره المزعجه بق الفراش ذبحتني صادني فقر دم بسبتها :omen2: :omen2:

غرفتي تتنظف بشكل يومي واخلي الغرفه تتهوى وفوق كل هذا الحشره المزعجه موجوده :rolleyes2:

قلت يا انا يا هي في غرفتي واتصل على البلديه :telephone: :telephone:
ومحد يرد كلش ملش :weeping:

وبعد عناء طويل وطول انتظار ردوا :victory::victory:


الو الو الو بلديه ساعدوني انقذوني النجده << حلوه انقذوني رسوم متحركه على غفله :tease:

المهم قلت لهم عندي حشره نشفت دمي وماخليت طريقه الا جربتها تعالوا سبحوها بالمبيدات المحزره :tease:

قال انتظر اخوي بعطيك رقم واتصل فيهم واهم يجونك قلت طيب كم الرقم قال هذا الرقم


وانا على طول طا طيط طاو طيطيط طي طا :telephone: :telephone:

اللو الو قسم المبيدات الحشريه لا غلطان الشوؤن الاجتماعيه معاك شنو :omg: :omg:


شلون ياخوي هذا موظف في البلديه عطاني الرقم ومتأكد اخوي منه لا غلطان :omen2:


طيب يمكن انا غلطت فالرقم ولاتزعل :nice:


وارد اتصل واحرق التلفون حراق عشان حد يرد :telephone::telephone:

ولا حياه لمن تنادي :weeping:

المهم قلت بترك الغرفه كم يوم عقب ماخلصت فيها كراتيين بف باف :victory: :victory:

ومن الغرفه االي فوق للصاله للمجلس كل يوم في مكان حسيت اني مهاجر :rolleyes2:

المهم بعد كم يوم رجعت للغرفه متفائل :dance: dance: dance

وماحصلت شي قلت بس خلاص اجبرتها على الانقراض :app:

اليوم الاول مافي حكه قلت ياسلام رجعنا للنوم الطبيعي اللي ما مثله :victory:

اليوم الثاني تمام والثالث نفس الشيء والرابع زي الفل

اليوم الخامس بدت المعاناه :eek3: :eek3: :eek3:

اعلنت الحرب عليهم من جديد لدرجة اني فكرة اشب فالغرفه باللي فيها :fight: :fight: :fight:

بس استسلمت للامر الواقع الحين قولولي شلون اتخلص من هالحشره اللي سببت لي عقده :omen2: :omen2:

[راشد محمد]

الله يعينك..بس لازم تغير اثاث الغرفه كاااامل

[Aaziz]

اسمع كلامي و بتفتك منها ان شاءالله

بق الفراش مايذبحها الا التعرض المباشر لاشعه الشمس

قط الدوشق و ماشابه من اثاث الغرفه في الشمس لمده ساعه في عز حراره الشمس و راح تموت باذن الله

[Me&OnLy]

:omen2: هذي ثاني مره اغير اثاث الغرفه والزل وكل شي

[Aaziz]

لانه فيه جزء من الاثاث كانت الحشره موجوده فيه مثل الستاره
فا بعد تغيير الاثاث نزلت الحشره من الستاره للفراش.
قلت لك شيل كل شي في الغرفه و طلعه في الشمس و رش مبيد حشري خاص بالبق اثناء تعرض الاثاث للشمس

[العلياا]

كلام اخوي عزيز صحيح
ما لك الا تعرض كل قطعة فالغرفة للشمس وتنتبه في عملية النقل ثاني مرة
يعني وجود حشرة صغيرة بترجع نفس المشكلة

وللعلم في شركات وااايد فالوسيط ممكن تكلمهم

[قطريه22]

:omen2: هذي ثاني مره اغير اثاث الغرفه والزل وكل شي

اخوي يمكن من الفراش نفسه ومثل ماقالو قبلي لازم يتم تغيير الاثاث كامل لانها ماتروح بالعكس هي تتكاثر
يمكن لاصقه في الستاير

مافي حل للاسف الا التغيير والله يكون في عونك

[حمد 2002]

مافي حل الا انك اتبيع البيت وتشتري بيت جديد ؟ :victory:

كم آخرك للمشتري الجاد ؟ :shy:

[كازانوفا]

مافي حل الا انك اتبيع البيت وتشتري بيت جديد ؟ :victory:

كم آخرك للمشتري الجاد ؟ :shy:

انا برائي يكب جاااز بالغرفه ويحرقها عن بكرة ابيها ويعيد تاثيثها احسن من العرض اللى عرضته عليه هههههههههههههههههه

[Me&OnLy]

حمد يا طمااااااع


الو تحريات الريان :telephone: :telephone:

[solyamalenki]

صارت لنا هذه المشكلة يا انا تعذبنا مع هذه العشرة اللي صرت اسميها فامباير ... الطريقة اانا طلعنا الاثاث كامل للشمس ووماتوا والفراش بدلناه بواحد جديد بس ترى هي بعد بالملابس هم طلعنا الملابس للشمس

[النهار]

ترى رش المبيدات خطر على الصحه العامه لفتره طويله تضل الاثار في الغرفه حوالي 6 شهور
تسبب الربو ويمكن سرطان الرئه
احسن حل : تعريض الاثاث للشمس المباشره والملابس والستاير
طريقه ثانيه : كميه من اوراق شجرة النيم تحرق بواسطة الفحم فحم الشوي
او غلي اوراق النيم كميه مه الماء وترش بها الغرفه والفرش وهذه كفيله بهروب البق
البق يكره الروائح الطيبه الطبيعيه وضع كميه من اوراق المشموم في المخده وتحت الملايه وبين ثنايا الدوشق
ويجب تغيرها كل يومين

[Aaziz]

ههههههه اما حل النهار خوش شي

يقضي على الحشره + رومنسيه السبعينات :nice:

[النهار]

ههههههه اما حل النهار خوش شي

يقضي على الحشره + رومنسيه السبعينات :nice:

هههههههههههههههههه

عزيز هذي عن تجربه وعلى فكره هذالشي من اكتشافي المتواضع
جربته على اكبر بؤرة بق سكن عمال كانوا يستخدمون اقوى المبيدات الحشريه دون فائده تم القضاء عليها في اسبوع
تخف تدريجيا حتى تختفى اختفاء كلي

[Aaziz]

امششش

تشوف الي شردها النيم لا المشموم ؟

النيم هو الثيل صح ؟

هي اكيد انها حشره كريهه ،، قبل كنت اضنها حشره صغيره (مجهريه) طلعت كبيره و تنشاف وهي تمشي و شكلها كررررررريه

[النهار]

امششش

تشوف الي شردها النيم لا المشموم ؟

النيم هو الثيل صح ؟

هي اكيد انها حشره كريهه ،، قبل كنت اضنها حشره صغيره (مجهريه) طلعت كبيره و تنشاف وهي تمشي و شكلها كررررررريه

الشجره طال عمرك حتى بالانكليزيه تسمى النيم ( اما الثيل على مأعرف انها نبات بريي موسمي )
تم الاهتمام بهذه الشجره في الخليج والعالم من حوالي 10 سنوات تقريبا
هي معروفه في الهند ولها عدة استعمالات وهي مزروعه بعدة مناطق في قطر وخاصه طريق الجامعه
شجره معمره تعيش اكثر من 100 سنه
انت حط في محرك البحث غوغل فوائد شجرة النيم سوف تصعق من كثر الفوائد الموجوده فيها

[qatar son]

شوف الشركات الخاصة

[خزامئ]

الله يعينكم البق صعب التخلص منه
اذا اثاث الغرفه مش غالي غيروه كله حتا الخشب هو يتكاثر فيه
او عرض كل الاثاث لشمس
يقلولون الخدم اذا خذيتو فلفل احمر حار ناشف
وتدخنون الغرفه عليه وتصكرونها كم يوم مرا بغض ان البق يموت
وفيه طريقه بس خطره
انكم اتطلعون كل الخشب الي في الغرفه برا وتصبون عليه بترول
وتخلونه كم يوم برا في الشمس سبوع

[alsoq]

والله بقول لك شي ما يصدق الى لما شفت بعيوني

غرفة الوالده كان فيها غيرنا كل شي بالغرفة سوينها سراميك شلنا باب الحمام الخشب ركبنا الامنيوم مخلينا شي

والله العظيم بصدفة لقيناه متجمع في راديو اللي عندها بعد ما نفضنا الغرفه والبيت يوم فتحنا الرادو اللى مستعمره فيه حذفناه وانتهت المشكله

فهذا يعني انه مستعمرته في مكان قد لا يخطر على بالك

[Dana’1]

تعرض كل مافي الغرفة للشمس مثل ماقالوا الأعضاء
ومثل ما قال النهار بذكر النيم... هي فعلا شجرة تكرها الباعوض والحشرات .. وهذا السبب جعل الهيئة الملكيه بالجبيل الصناعية تكثر من زراعتها في جميع الشوارع حتى بالأحياء السكنيه
واذكر أبوي مرة مدحها حتى لعلاج بعض الأمراض الجلديه ولها طريقة

بالأخير هذه الشجرة موطنها الأصلي الهند

بالتوفيق

[بصمة قطرية]

تعرض كل مافي الغرفة للشمس مثل ماقالوا الأعضاء
ومثل ما قال النهار بذكر النيم... هي فعلا شجرة تكرها الباعوض والحشرات .. وهذا السبب جعل الهيئة الملكيه بالجبيل الصناعية تكثر من زراعتها في جميع الشوارع حتى بالأحياء السكنيه
واذكر أبوي مرة مدحها حتى لعلاج بعض الأمراض الجلديه ولها طريقة

بالأخير هذه الشجرة موطنها الأصلي الهند

بالتوفيق


كلامج صحيح
اللي يداوون بالأعشاب و الرقية الشرعية
يستخدمون النيم للأمراض الجلدية ..



أخوي
دور في كل مكان في الغرفة
مثل ما قالوا لها بؤرة إستيطانية
لابد من القضاء عليها و تدميرها عن بكرة أبيها ..