شخباركم مع زحمة اليوم

[غير البشر]

السلام عليكم ورحمه الله وبركاته

زحمة يا دنيا زحمة

صباحكم احلى زحمة

[المحاميه]

على المزاج يوم زحمه ويوم عادي

امس ماشفت زحمه واليوم صح الطريق كان مزدحم ..

شخبارنا بعد .. تعودنا ياغير على هالزحمه مب بس الصبح الا كل وقت حتى خارج اوقات الذروه بس انا متفائله واتوقع الوضع مؤقت وان شاء الله السالفه بتنحل مع الايام :nice:

[حمد 2002]

اول شيء الي اعرفه اخوي غير البشر انك ماتداوم !!

وثاني شيء اليوم انا ماجفت زحمه .. معني ماخذ خط 22 فبراير ...

وثالث شيء شتبي توصله من وراء قط هالنغزه من الصبح ، ممم لان كلامك يوحي لأبعاد اخرى ؟

والزحمه في وين بالظبط الي تقصدها ؟

وللزحمه انواع قليله او بمعنى اصح انسيابيه وهناك زحمه متوسطه وهناك اختناق مروري ؟ فأي زحمه تقصد ؟

من اي محور تبينا اناقشك فيه ؟ ومن اي زاويه تحديدا ؟

هل انت تتغشمر من وراء هالموضوع ؟ ولا من صجك ؟

هل الزحمه بسببك انت ام بسبب المرور واشغال ؟

هل اخذت احتياطاتك بخروجك للمهمه التي تريدها بسرعه مم يعني بوقت كافي ولا ذهبت قبل المهمه بدقائق معدوده ؟

يمكن الزحمه كانت بسبب حادث عارض ... او بسبب امر ما ؟

وهل الزحمه كانت بشارع فرعي ولا رئيسي ؟

وهل الزحمه كانت بسبب الدوار ولا الاشاره ؟

وهل هناك رجال مرور لتنظيم الزحمه ولا لايوجد ؟

وهل هناك تجاوزات من قبل بعض السائقين للتخلص من الزحمه ؟

بصفتك شاهد عيان اخوي غيررر ممم من المتسبب بالزحمه تلك ؟


بالتوفيق ...

[الامير]

سلام عليكم ورحمه الله وبركاته
زحمه تعودنا عليها ,وسوفى يظهر اثارها الفسيه الكبيره مع مرور الايام وسوفى تلتمس هذا في الحياتكم اليوميه والحلو بعضها لاتوجد او بالبركه والبعض الثاني موجود بس ع المزاج وبطي جداااا اقتراحي ولا خلاص تعبنا واحنا نقترح ولا في فايده الله كريم

[قطريه22]

الحمدلله الطريج الي فيه دوامي فاضي مافيه زحمه
الزحمه صوب الابراج والكورنيش احس من الزحمه اهناك خريطة قطر بتشل على تايرين :rolleyes2:

[w.qatar]

اليوم الزحمة مب طبيعيه على 22 فبراير مع اني طالعه ست وربع صراحه الله يصبرنا

[العلياا]

لحظة لحظة
صج شالسالفة شصاير
ليش هالزحمة
مالي شغل في طريق فبراير ذي
الوعب اشفيه اختناااااااق مب طبيعي

شوفوا لنا حل :weeping:

[المحاميه]

هل الزحمه بسببك انت ام بسبب المرور واشغال ؟

بالتوفيق ...

هههه تحقيق

الحين من اللي يتغشمر انت ولا هو

حلوه الزحمه بسبته .. ايه الزحمه صارت بسبته لان قرر يطلع الصبح من البيت

[وطن]

السبب هو حادث
سيارة داعمه حواجز


مثل ماهو مذكور في تويتر الداخلية

[الحياة الخالدة]

جاوب على أسئلة حمد قبل بعدين بنقول راينا

[غير البشر]

على المزاج يوم زحمه ويوم عادي

امس ماشفت زحمه واليوم صح الطريق كان مزدحم ..

شخبارنا بعد .. تعودنا ياغير على هالزحمه مب بس الصبح الا كل وقت حتى خارج اوقات الذروه بس انا متفائله واتوقع الوضع مؤقت وان شاء الله السالفه بتنحل مع الايام :nice:



اي والله تعودنا يا محاميتنا


تطمني ماراح يكون مؤقت والمشكله دايمه
لان مافي شي او شغل تحسين ان الشي مؤقت
بالعكس كل مالها وتزيد
وبعد سنه ماراح تقدريت تمشين :victory:

[وطن]

جاوب على أسئلة حمد قبل بعدين بنقول راينا
اشك انه يتابع برامج الجزيرة بكثرة

وايد متأثر
احسه فيصل القاسم
فرع المنتدى
:rolleyes2:

[حسن]

جاوب على أسئلة حمد قبل بعدين بنقول راينا

خذيني معاك ننتظر اجابه غير البشر على التحقيق الصباحي من حمد

يالله جاوب

وبعدين كله سنوات وبنركب القطار

[العلم]

الله يسعد قلبك ياحمد والله مت ضحك وانا في نص الزحمة
:happy::happy::happy::happy::happy::happy::happy:: happy::happy::happy:

[غير البشر]

حمد انا جاوبك ترا انا صريح عادي :nice:





اول شيء الي اعرفه اخوي غير البشر انك ماتداوم !!


اي ماداوم بس اقوم كل يوم الساعه 5 اوصل اليهال لمدارسهم عدد 3 مدارس :victory:



وثاني شيء اليوم انا ماجفت زحمه .. معني ماخذ خط 22 فبراير ...

الا في زحمه انا واقف عند اشاره واشغلت 7 مرات ولاسياره طلعت :rolleyes2:




وثالث شيء شتبي توصله من وراء قط هالنغزه من الصبح ، ممم لان كلامك يوحي لأبعاد اخرى ؟

الي ابي اوصله ان للأسف ماعندنا ناس تفكر
عقولها وقفت في مجال الطرق وماتقدر تعطي اكثر
هذا حدها وهذا مستواها ماتقدر تتخطاه واعذروهم
والي ابي اوصله ان يشوفون لنا شركات عالميه
هي صاحبه قرار وتوقيع عقود وتنفيذ





والزحمه في وين بالظبط الي تقصدها ؟

المعموره ومدماك والوعب وراماد وماحولها



وللزحمه انواع قليله او بمعنى اصح انسيابيه وهناك زحمه متوسطه وهناك اختناق مروري ؟ فأي زحمه تقصد ؟


احتناق ماشفته بالعالم كله الا في قطر
حتى المدينه الي تعدادها 100 مليون نسمه ماشفت زحمه نفسها



من اي محور تبينا اناقشك فيه ؟ ومن اي زاويه تحديدا ؟


محور السرقات والمحسوبيات الي مشغولين فيه مسؤلينا الكرام


هل انت تتغشمر من وراء هالموضوع ؟ ولا من صجك ؟


لا اتغشمر حمد هههههههههه
ماتشوف قدامك مافي زحمه والامور طيبه واحد يروح الدوام في دقيقتين يوصل :rolleyes2:





هل الزحمه بسببك انت ام بسبب المرور واشغال ؟


هههههههههههههههه لاتعليق





هل اخذت احتياطاتك بخروجك للمهمه التي تريدها بسرعه مم يعني بوقت كافي ولا ذهبت قبل المهمه بدقائق معدوده ؟


نعم طلعت بوقت كافي مع ضرب الارصفه والتجاوز :victory:


يمكن الزحمه كانت بسبب حادث عارض ... او بسبب امر ما ؟

منتهي حمد انت ههههههههههههه
الزحمه بدون حادث نفس الزحمه بحادث مافرقت



وهل الزحمه كانت بشارع فرعي ولا رئيسي ؟
وهل الزحمه كانت بسبب الدوار ولا الاشاره ؟
وهل هناك رجال مرور لتنظيم الزحمه ولا لايوجد ؟

بذمتك ذي اسأله ماكل هريس الصبح :rolleyes2:


وهل هناك تجاوزات من قبل بعض السائقين للتخلص من الزحمه ؟

بالعكس التجاوز يخفف الزحمه في مثل هالحالات



بصفتك شاهد عيان اخوي غيررر ممم من المتسبب بالزحمه تلك ؟

مسؤلينا الكرام وكذا جهه لغياب الفكر والمسؤليه والتهاون في الموضوع




بالتوفيق ...


وياااك ان شاء الله

اذا عندك اسأله اسأله ترا الامور طيبه اليوم ابي اطلع الي في خاطري هههههههه :victory:


حمد اجابتي فوق بنفس لون خطك :tease:

[غير البشر]

سلام عليكم ورحمه الله وبركاته
زحمه تعودنا عليها ,وسوفى يظهر اثارها الفسيه الكبيره مع مرور الايام وسوفى تلتمس هذا في الحياتكم اليوميه والحلو بعضها لاتوجد او بالبركه والبعض الثاني موجود بس ع المزاج وبطي جداااا اقتراحي ولا خلاص تعبنا واحنا نقترح ولا في فايده الله كريم


الا ظهرت النفسيه الكبيره من الحين ليش بعد مع الايام
الجماعه الي عندنا مشغولين في امور ثانيه مش فاضيين حق الشوارع :secret:

[غير البشر]

السبب هو حادث
سيارة داعمه حواجز


مثل ماهو مذكور في تويتر الداخلية



وطن ماله علاقه الحادث
هذا شي يومي

[غير البشر]

خذيني معاك ننتظر اجابه غير البشر على التحقيق الصباحي من حمد

يالله جاوب

وبعدين كله سنوات وبنركب القطار


جاوبنا وفي اشياء مانقدر نقولها :secret: لازم اراعي الذوق العام

[من بغى الزين]

الحمد الله مافي زحمه

[الحياة الخالدة]

الحين ما دامك جاوبت بنقول لك أخبارنا
الزحمة بالفعل اليوم غير طبيعية و خصوصاً في المناطق اللي ذكرتها .. و لا شفت أي حادث يبررها
مادري يمكن لأني طلعت متأخرة خمس دقايق عن كل يوم

[دايموند]

سجل عند تأخير ع الحضور ب 35 دقيقه

الله يعين ع كشف الحضور والانصراف نهايه الشهر

[رجل الجزيرة]

الزحمة غير طبيعية أمس واليوم من آخر نفق من دوار الصناعية حتى تقاطع راماد وشارع سحيم بن حمد حتى تقاطع مجلس الشورى.

[المحاميه]

الحين ما دامك جاوبت بنقول لك أخبارنا
الزحمة بالفعل اليوم غير طبيعية و خصوصاً في المناطق اللي ذكرتها .. و لا شفت أي حادث يبررها
مادري يمكن لأني طلعت متأخرة خمس دقايق عن كل يوم

اتوقع سبب الزحمه الحقيقي ان الكل داوم :rolleyes2:
مدارس - جامعات - موظفين

[نفسي عزيزه]

اتوقع سبب الزحمه الحقيقي ان الكل داوم :rolleyes2:
مدارس - جامعات - موظفين

حتى واشنطن مافيها زحمه جذي وكلها دوامات وملاااااااااااااااااااين فيها ملاين :shy:


انا اتفق مع كلام اخونا غير البشر بأجوبته على حمد2002

[حمد 2002]

حمد انا جاوبك ترا انا صريح عادي :nice:







وياااك ان شاء الله

اذا عندك اسأله اسأله ترا الامور طيبه اليوم ابي اطلع الي في خاطري هههههههه :victory:


حمد اجابتي فوق بنفس لون خطك :tease:


اشكرك يالذيب على الاجابه عن تلك الاسئله بكل شفافيه ووضوح ...
ماهي الخطط قريبت المدى التي يمكن ان نتخذها للحد من الزحمه حيث نجد بأن عمل الانفاق والجسور ووو يحتاج الى مزيد من الوقت ؟

ماهي الخطط المستقبليه بعيدت المدى التي يمكن ان نضعها للحد من الزحمه ؟

ماهو الدور التوعوي والتثقيفي التي تمارسه وزارت الداخليه لتوعيه المجتمع بأسباب الزحمه وكيفيه علاجها ؟ يعني هل التمست هالدور التوعوي بصفتك كمواطن على ارض الواقع ؟

البعض يتهم الدريوليه وحديثي الحصول على الليسن بانهم هم سبب الزحمه ؟ فما رأيك بهذا الكلام ؟

البعض يقول بان المرور شاطرين بس يخالفون الناس وماعندهم اي خبره بظبط الزحمه بالدوحه !! نظرا لنقص الخبره لدى افرادها ؟

بصفتك صديق للخرجي مدير المرور ؟ هل سبق وان ناقشت معاه مشكله الزحمه بقطر ؟

الداخليه تقول بان سبب الزحمه هو بسبب الحصول الكثير من العمال واصحاب المهن العاديه والبسيطه على اللياسن فما رأيك بهذا الكلام ؟


سبق وان طرح الاخ الكريم حسن = بوعلي ، حل لمشكله الزحمه وهو بذهاب الطلاب عن طريق الباصات فما رأيك بهذا الكلام ؟ هل هذا يعتبر حل عملي لمعالجه مشكله الزحمه بقطر ؟

ليش دايما اثناء الصباح وخلال وقت الزحمه انجوف افراد عادين من لخويا والشرطه ليش مانجوف ظابط معاهم ، ممم انا احس بان الظابط في حاله تواجده بالمكان يعني للمكان ثقل ووزن وشعور مختلف للناس وللأفراد المتواجدين معه ؟

ناس ايقولون لك بان خرائط الشوارع كانت معده من قبل لعدد معين من السكان ؟ ولم تعد لهذا الوقت ؟ فما رأيك بهذا الموضوع ؟

شوارعنا ضيقه فيها مسارين او ثلاثه بالكثيرر ، والمخارج ضيقه ، هل هالشيء يسبب بزياده الزحمه ؟

ليش دايما انجوف اداره المرور دايما في وجه المدفع في كل مشكله تحصل بسبب الزحمه ؟ ليش مانحمل الادارات والوزارات الثانيه مسؤليه الزحمه ؟

هل توزيع الجهات الحكوميه والوزارات والمدارس بمناطق متفرقه من الدوله يساهم في الحد من الاختناقات المروريه ؟

البعض يصف الشوارع والسيارات بأنها اصبحت كحلبه المصارعه ما رأيك بهذا الوصف ؟

بعض السائقين يسوقون ببطىء هل هالشيء يسبب زحمه اضافيه ؟

بعض المسؤلين قالوا بان الزحمه يبيلها صبر وطوله نفس ؟ ما رأيك بهذا الامر ؟

نظام الحضور والانصارف بالدوام يكون الموظف مرتبط فيه واذا تأخر عن التوقيع بالوقت المحدد بسبب الزحمه اكيد بيأثر عليه هالشيء في تقيمه وبراتبه وو ؟ هل يجب على الدوام ان يراعون مسئله الزحمه في الحضور والانصارف ؟

انت قلت في اجاباتك السابق انك تريد خباراء اجانب في مسئله التوقيع ودراسه العقود ؟ هل تقلل من دور الكفاءات الوطنيه بهذا الجانب ؟

ماعلاقات الزحمه بعلم النفس .. وخصوصا نجد بان بعض الاشخاص العصبين تزاداد عصبيتهم واظطراباتهم النفسيه بسبب الزحمه ؟

هل سبق اخوي غير البشر ان تعطلت مصالحك بسبب الزحمه ؟

كل يوم واحنا انكرر نفس الموال زحمه وزحمه لكن الى متى هذا الامر ؟

بالتوفيق ...

[قطريه22]

ههههههههههههههههههههههههههههه حمد انت مشكله ماصدقت الرجال قالك خذ راحتك شكله بينحاش

[غير البشر]

ههههههههههههههههههههههههههههه حمد انت مشكله ماصدقت الرجال قالك خذ راحتك شكله بينحاش


:rolleyes2: شفتي شلون حمد مستن هههههههههه

[حراير قطر]

الحمدلله الله لا يجي اليوم اللي اخذ هالطريق :rolleyes2:

مع اني ما اروح هالصوب بس ما ادري ليش اكره هالطريق

واذا فكرت اروح اخلي احد يوديني المكان اللي ابيه :nop:

[حمد 2002]

الحمدلله الله لا يجي اليوم اللي اخذ هالطريق :rolleyes2:

مع اني ما اروح هالصوب بس ما ادري ليش اكره هالطريق

واذا فكرت اروح اخلي احد يوديني المكان اللي ابيه :nop:

قالها بوعلي وبوعلي صادق ..

مردكم بتركبون باصات بالقوه .. :)

[حراير قطر]

قالها بوعلي وبوعلي صادق ..

مردكم بتركبون باصات بالقوه .. :)

ههههههـ استغفر الله اشدخل :rolleyes2:

كل واحد يركب اللي عنده الباصات

الحمدلله الخير واجد من بدال السياره عشر

شلي يحدني اركب باص :waiting:

[وطن]

:rolleyes2: شفتي شلون حمد مستن هههههههههه

أخوي غير البشر
اذا تسمح

حابه اعمل معاك لقاء صحفي لجريدتنا


وسؤال !!
انت وزير في أي وزارة !!

[المحاميه]

ههههه

:secret:

[غير البشر]

انت فله حمد ههههههههههههههههه
اليوم انا فااااضي ولي خاطر اجاوب على الف سؤال :tease:



اشكرك يالذيب على الاجابه عن تلك الاسئله بكل شفافيه ووضوح ...


العفو يا الذيب


ماهي الخطط قريبت المدى التي يمكن ان نتخذها للحد من الزحمه حيث نجد بأن عمل الانفاق والجسور ووو يحتاج الى مزيد من الوقت ؟

ماهي الخطط المستقبليه بعيدت المدى التي يمكن ان نضعها للحد من الزحمه ؟


حمد الحلول عندي مضمونه وانا مسؤول عن كلامي
بس ماراح اذكرها :rolleyes2:




ماهو الدور التوعوي والتثقيفي التي تمارسه وزارت الداخليه لتوعيه المجتمع بأسباب الزحمه وكيفيه علاجها ؟ يعني هل التمست هالدور التوعوي بصفتك كمواطن على ارض الواقع ؟



التوعيه مالها قيمه في هذا الوضع
سواء التوعيه موجوده او لا



البعض يتهم الدريوليه وحديثي الحصول على الليسن بانهم هم سبب الزحمه ؟ فما رأيك بهذا الكلام ؟

لا حجه الضعيف
مالهم علاقه
هذي حجه اصحاب القرار الي هم سبب الزحمه



البعض يقول بان المرور شاطرين بس يخالفون الناس وماعندهم اي خبره بظبط الزحمه بالدوحه !! نظرا لنقص الخبره لدى افرادها ؟

اي لان مالهم يد الا المخالفات لان مايقدرون يسوون شي بالوضع الحالي



بصفتك صديق للخرجي مدير المرور ؟ هل سبق وان ناقشت معاه مشكله الزحمه بقطر ؟


اي تناقشت معاه طبعا
وقال يا بوفلان تخيل ...... تفصل واحنا نلبس
عاد انت افهمها



الداخليه تقول بان سبب الزحمه هو بسبب الحصول الكثير من العمال واصحاب المهن العاديه والبسيطه على اللياسن فما رأيك بهذا الكلام ؟

ماعندهم عذر وتوهقو
عذرهم نفس سالفه نادي العربي هههههههههه
كل ما انهزمو قالو المدرب وشالوه وحطو واحد مكانه وتستمر الحياه ههههههههه
اهني نفس الشي يقطونها على الفقاره المساكين والزحمه جات بسببهم




سبق وان طرح الاخ الكريم حسن = بوعلي ، حل لمشكله الزحمه وهو بذهاب الطلاب عن طريق الباصات فما رأيك بهذا الكلام ؟ هل هذا يعتبر حل عملي لمعالجه مشكله الزحمه بقطر ؟


لا طبعا اعارض هالشي
ومستحيل اخليهم يروحون بالباص حتى لو اظطريت اجيب لهم مدرسين خصوصيين البيت بدون مدارس
اخطاءهم مايتحملونها اعيالنا :victory:



ليش دايما اثناء الصباح وخلال وقت الزحمه انجوف افراد عادين من لخويا والشرطه ليش مانجوف ظابط معاهم ، ممم انا احس بان الظابط في حاله تواجده بالمكان يعني للمكان ثقل ووزن وشعور مختلف للناس وللأفراد المتواجدين معه ؟


ليش يعني لو ضابط موجود بيطلع نفق تطوف منه السيارات هههههههههههههه
حمد الزحمه هي هي موجود ضابط او لا




ناس ايقولون لك بان خرائط الشوارع كانت معده من قبل لعدد معين من السكان ؟ ولم تعد لهذا الوقت ؟ فما رأيك بهذا الموضوع ؟

حمد انا ماراح اقولك عن الخرايط المعده
انا بقولك عن الخرايط الي تعد الان
للحين لما يخططون مايحطون ببالهم عدد السكان الحالي
شلون تبي يحطون ببالهم بالمستقبل






شوارعنا ضيقه فيها مسارين او ثلاثه بالكثيرر ، والمخارج ضيقه ، هل هالشيء يسبب بزياده الزحمه ؟


حمد اقولك شي غبي صار من قريب ههههههههههه
شارع 22 فبراير قالو سبب الزحمه المخارج
راحو سكرو تقريبا 3 او 4 مخارج
تدري يا حمد ان جميع المخارج الي تسكرت ماعمري شفت فيها زحمه
والمخارج الي فيها زحمه على حالها
اتحدى اي شخص او مسؤول يقول ان المخارج الي تسكرت صار عليها زحمه في يوم من الايام



ليش دايما انجوف اداره المرور دايما في وجه المدفع في كل مشكله تحصل بسبب الزحمه ؟ ليش مانحمل الادارات والوزارات الثانيه مسؤليه الزحمه ؟


المرور مالها علاقه لا من قريب ولا من بعيد
الا في بعض الامور الي المفروض تكون موجوده ويطلع بها قرار وهي مب موجوده



هل توزيع الجهات الحكوميه والوزارات والمدارس بمناطق متفرقه من الدوله يساهم في الحد من الاختناقات المروريه ؟

هذا ماقدر اجاوب عليه حمد لانه هو من ضمن الامور الي في اجابتي على السؤال الاول فوق
والحل احتفظ فيه لنفسي



البعض يصف الشوارع والسيارات بأنها اصبحت كحلبه المصارعه ما رأيك بهذا الوصف ؟


نعم صحيح وانا مصارع معاهم :victory:



بعض السائقين يسوقون ببطىء هل هالشيء يسبب زحمه اضافيه ؟


يسبب حوادث اضافيه بعد



بعض المسؤلين قالوا بان الزحمه يبيلها صبر وطوله نفس ؟ ما رأيك بهذا الامر ؟


هههههههههههه مايبيلها طوله صبر لانها دائمه
وماراح تنحل



نظام الحضور والانصارف بالدوام يكون الموظف مرتبط فيه واذا تأخر عن التوقيع بالوقت المحدد بسبب الزحمه اكيد بيأثر عليه هالشيء في تقيمه وبراتبه وو ؟ هل يجب على الدوام ان يراعون مسئله الزحمه في الحضور والانصارف ؟

حمد هذا معروف في قطر اهم شي الحضور والانصراف في الحياه القطريه
تخيل بعض الوزراء يروح عليهم نص الدوام اليومي وهم يشيكون على الحضور والانصراف
ومخليين الشغل الاهم :secret:






انت قلت في اجاباتك السابق انك تريد خباراء اجانب في مسئله التوقيع ودراسه العقود ؟ هل تقلل من دور الكفاءات الوطنيه بهذا الجانب ؟


انا مابي اقلل لكن هذا الواقع لازم نعترف فيه
الكفاءات عندنا نادره
هي موجوده لكن قليله وللأسف معظم المسوؤلين من عدم الكفاءات خذوها بالتملحس



ماعلاقات الزحمه بعلم النفس .. وخصوصا نجد بان بعض الاشخاص العصبين تزاداد عصبيتهم واظطراباتهم النفسيه بسبب الزحمه ؟

اكيد علاقه قويه وتأثر عليه حتى داخل بيته وعائلته



هل سبق اخوي غير البشر ان تعطلت مصالحك بسبب الزحمه ؟

عندي شغله ضروريه للبنك الحين وماقدر اروح
مصالحي كلها معطله وطول يومي بالمجلس ماروح مكان هههههههه





كل يوم واحنا انكرر نفس الموال زحمه وزحمه لكن الى متى هذا الامر ؟


على طووووووووول وصدقني راح تتذكر كلامي
الا اذا صار تغيير في الجماعه الي عندنا وجابو من برع



بالتوفيق ...


وياااااااااك

[شبح الصمت]

يعطيك العافيه غيرووو


استمر في المناقشة والردود

والحل لمثل هالشوارع يسوون لنا الشوارع طابقين ونرتاح ..




هذا هو الحل وغيرها دوروني الزحمة تخف

[نفسي عزيزه]

أخوي غير البشر
اذا تسمح

حابه اعمل معاك لقاء صحفي لجريدتنا


وسؤال !!
انت وزير في أي وزارة !!

هههههههههه

:secret:

[غير البشر]

أخوي غير البشر
اذا تسمح

حابه اعمل معاك لقاء صحفي لجريدتنا


وسؤال !!
انت وزير في أي وزارة !!



ههههههههههههههههههه مادري حمد مع اسألته حاطين رئيس دوله :tease:

[غير البشر]

يعطيك العافيه غيرووو


استمر في المناقشة والردود

والحل لمثل هالشوارع يسوون لنا الشوارع طابقين ونرتاح ..




هذا هو الحل وغيرها دوروني الزحمة تخف




الله يعافيك شبوووح
هرمنااااااااا خلاص

[بنت مريخ]

الحمدلله مافيه زحمه صوب الابراج حمد تشتغل في الداخليه محقق وايد زين يناسبك
مر علينا اجنبي عند اشارات الستي على سيكل و كاشخ ببدله

[حمد 2002]

الشاحنات الصغيره والباصات الصغيره مالت نقل العمال تمر بأي وقت دون حسيب ورقيب ؟!! صح هالسيارات مسموح لها تمر بأي وقت مممم بس على الاقل يمنعونهم لمده ساعه وحده لين اتخف الزحمه .. ولا شرايك بهذي النقطه اخوي غيرر البشر ؟

هل بسبب زياده تأشيرات الزيارة للعمال ممم يعني هذا يبي ايجيب ابوه وهذا امه ووووو سبب بتلك الزحمه ؟

انجوف سيارات قديمه كثيره بالوشارع ممم هل لو اصدرنا قرار بمنع السيارات من تحت موديل 1990 من السير بالشوارع وكنسلتها ممم ممكن هالشيء ايحد من الزحمه تلك ؟

ليش مايتمع عقد جلسه ولجان من (المرور، الجوازات، اشغال ، البلديه ووو بعض الجهات المختصه ) من أجل مناقشة اسباب تلك الزحمه ورفع توصياتها ومقترحاتها للجهات المختصة بالدوله ؟

ليش مايتم اصدار قرار نلزم به كل مؤسسه ووزاره وجهات ومؤسسات خاصه بنقل عمالها الى الدوام عن طريق باصات وعدم السماح لهم بامتلاك سيارات وبتلك الطريقه بنحل مشكله الزحمه او بنخفف منها ؟ اشرايك اخوي غير البشر بهذا المقترح ؟

ليش ماندرس تجارب الدول المجاوره في كيفيت حلها لمشكله الزحمه في بلدانها ؟

ليش الزحمه دائما تكون وقت المدارس الصبح والظهر ووقت الاجازات بالليل ، ومانجوفها او انجوفها بشكل قليل بالايام العاديه ؟

هل بتغير اوقات عمل الموظفين او المدارس حل لمشكله الزحمه بالدوله ؟

هل هناك ايادي خفيه او جهات او اشخاص لها مصلحه من الزحمه تلك ؟

هل بالامكان الاتسعانه باحدى كاتبي السيناريوهات السينمائيه ، لوضع حلول لمشكله الزحمه بقطر ؟

في حاله حدوث طارىء او حاله مرضيه لاقدر الله . في وقت الزحمه .. ويجب نقل المريض بسرعه فائقه للمستشفى .. ماهو الحل لهذا الامر ؟

ليش قناه الجزيره وقناه قطر الفضائيه والريان ماتناقش مشكله الزحمه عندنا بشكل جاد ؟
بالتوفيق .. واشكرك على الرد على جميع الاستفسارات بكل رحابه صدر ...

[وطن]

ههههههههههههههههههه مادري حمد مع اسألته حاطين رئيس دوله :tease:

استلم
جاك الرش مره ثانية

:tease:


جاوب على كل الاسئلة

[@north_star@]

فعلا الزحمة اليوم مب طبيعية انا خذيت 40 دقيقة من السلطة لين قطر للديكور

[sweet qatar]

وين الأنظمة الذكية الي قالوا عنها ؟؟

الإشارة معطلة السير ومسببة زحمة.. :anger1:

خذت في الطريق ساعة ونص والمفروض 40 دقيقة في الزحمة العادية

[qatar son]

والله زحمة وايد ما تنتهي

[Abdullah_89]

ساعه ونص واقف فالزحمه من فندق شرق إلى دوار الكتب القطريه :(

شاللي صاير بالدوحة ؟؟

[بوخالد911]

اليوم طالع من المعمورة س 6 وثلث
ووصلت الأبراج 8 ونص
!!!!!!!!!!!!!!!!!!!!

الزحمة من اشارات المطار --> برج التويوتا ---> اشارات دوار المجنون سابقا ----> شارع حمد الكبير -----> شارع الكورنيش

كللللللللللللللللللللللللللللللللللللللللللللللللل للللللله زززززززززززززززززززززحمة من قلب

[خليفـة]

والله ياخوي غير البشر شقول لك
اليوم رحت المجلس الاعلى للتعليم عندي شغل هناك
الزحمة من دوار الديوان الأميري لين اشارات سيتي سنتر
قسم بالله شي مب طبيعي .. مادري شسالفه

هالكلام حول الساعة 10 الصبح

[وطن]

اليوم طالع من المعمورة س 6 وثلث
ووصلت الأبراج 8 ونص
!!!!!!!!!!!!!!!!!!!!

الزحمة من اشارات المطار --> برج التويوتا ---> اشارات دوار المجنون سابقا ----> شارع حمد الكبير -----> شارع الكورنيش

كللللللللللللللللللللللللللللللللللللللللللللللللل للللللله زززززززززززززززززززززحمة من قلب

السبب الله يسلمك
الاشارات اللي تلف من الاعلام
مقللين وقتها على ما أظن
و عليه الزحمة وصلت لين اخر الدنيا

انا طلعت
6
و وصلت بعد 40 دقيقه
يعني دبل الوقت

[Miss]

الحمدلله الذي عافانا :secret:
الله يعينكم

[العلم]

استلم
جاك الرش مره ثانية

:tease:


جاوب على كل الاسئلة


http://www.cheesebuerger.de/images/midi/frech/d040.gif (http://www.cheesebuerger.de/smilie.php) http://www.cheesebuerger.de/images/midi/frech/a068.gif (http://www.cheesebuerger.de/smilie.php) http://www.cheesebuerger.de/images/midi/frech/a072.gif (http://www.cheesebuerger.de/smilie.php) http://www.cheesebuerger.de/images/smilie/frech/h050.gif (http://www.cheesebuerger.de/smilie.php)

[الارض]

الحل الوحيد لزحمة الدوحه الكارثيه هو نقل نصف الوزارات والهيئات والمؤسسات الحكوميه من قلب الدوحه والكورنيش إلى ضواحي الدوحه من جهة الخيسه والخريطيات وزغوه والناصريه وخلف الغرافه والريان وإنشاء عدة أفرع أيضاً لكل وزاره وتوزيعها على كل الدوله وعدم الصاقهم جنب بعض مثل ماهو صاير فالكورنيش

نزع ملكيات المباني بالقوه ابتداء من ازدان مول أو جهة اللاند مارك حتى مطار الدوحه حتى لو كلفت التعويضات 10 مليار ريال وتوسيع شارع 22 فبراير ب 8 حارات في جهه بمجموع 16 حاره للشارعين

غير هالحل مافي أمل أبداً تروح الزحمه

[فارس قطر]

اليوم زحمة غير طبيعية

دوار العبيدلي ---- اشارات التضامن ------ اشارات المول

وين الحلول السريعة ياحكومة

ارحمونا من الزحمة الغير معقولة.

[Riku3]

الكل طالع اليوم يفك اسهم مسيعيد :] .. تعبت نفسياً لين وصلت الدوام @_@ .

[أم محمد 90]

انا عاشقه الراحه طول ليلي سهر واول ماياذن الفجر صلاه واعطيها نومه للظهر :tease:

[hanayen]

انا بعد معاك اخوي اليوم شارع 22 فبراير صاير زحمه بطريقه مب طبيعيه
نفسي اعرف سر الشارع هذي مره زحمه ومره لا مفروض يسمونه 22 مفاجأة

[طلعة الروح]

اللي أعرفه انه سبب الزحمه هو دوار خميس العبيدلي اللي قاعدين يخربونه اشغال

[Qtr37]

انا من مدة ما شهدت الزحمة الشديدة اللي تحتاج اكثر من ساعة للوصول الى دوامي من الكرنيش، لكن اليوم مافهمت ليش احتجت ساعتين ونصف للوصول!!!!
من دوار الساعة الى جسر بوعبود ساعة كاملة او اكثر

بس حبيت اعرف شنو كان سبب الزحمة؟

[ابوعلي]

الحل الوحيد لزحمة الدوحه الكارثيه هو نقل نصف الوزارات والهيئات والمؤسسات الحكوميه من قلب الدوحه والكورنيش إلى ضواحي الدوحه من جهة الخيسه والخريطيات وزغوه والناصريه وخلف الغرافه والريان وإنشاء عدة أفرع أيضاً لكل وزاره وتوزيعها على كل الدوله وعدم الصاقهم جنب بعض مثل ماهو صاير فالكورنيش

نزع ملكيات المباني بالقوه ابتداء من ازدان مول أو جهة اللاند مارك حتى مطار الدوحه حتى لو كلفت التعويضات 10 مليار ريال وتوسيع شارع 22 فبراير ب 8 حارات في جهه بمجموع 16 حاره للشارعين

غير هالحل مافي أمل أبداً تروح الزحمه

وتصعيب اختبارات رخصة القيادة

[بوخالد911]

اللي أعرفه انه سبب الزحمه هو دوار خميس العبيدلي اللي قاعدين يخربونه اشغال

هالدوار كللللللللللللللش ماله دخل بالموضوع!!

[الحياة الخالدة]

بشرو .. خفت الزحمة و الا للحيـــــن ؟؟

[بوخالد911]

بشرو .. خفت الزحمة و الا للحيـــــن ؟؟

توووها خفت
!!

[الحياة الخالدة]

و غداً يوم آخر .. الله يعيننا على زحمة الصبـــــح

[بريق الحق]

اتمنى يكون في بث مباشر للشوارع بدال قناة قطر بتفيدنا اكثر (:

[طلعة الروح]

هالدوار كللللللللللللللش ماله دخل بالموضوع!!

أنا ذكرت هالدوار لأني كنت أمره من اقل من اسبوع والكل هناك متعطل صوب الاشارات وقبل المرور بهذا الدوار (وانت جاي من طريق فبراير ومتوجه الى المطار)
لدرجة اني شردت من هناك وصرت ارجع من طريق الكورنيش

[sweet qatar]

و غداً يوم آخر .. الله يعيننا على زحمة الصبـــــح



يعني أصلي الفجر واتوكل على الله ؟؟ :(

[الحياة الخالدة]

يعني أصلي الفجر واتوكل على الله ؟؟ :(

إذا تبين توصلين في الوقت

[نوار قطر]

صباااحكم خير ههههههه ضحكني رد حمد .. اي والله انت ماتداوم.. يعني المفروض ان غير البشر يقعد في بيته ومايتحرك مثل الشاحنات ممنوع يطلع في اوقات الذروه:omen2:

ممممم فعلا امس زحممممه غير طبيعيه من بداية النفق وجسر المدماك وحتى الدوار الصغير الي قبل اشارات الاندلس مايتحررررك من كثر السيايير .. مادري شلون وصلت الدوام:rolleyes2:

[وطن]

من حط عينه في طريقي :(

اليوم اخذت ساعة ونص بدل ثلث ساعة

[الحياة الخالدة]

الحمد لله اليوم طلعت في موعدي و ما صادفتني غير الزحمة المعتادة

[AL-GROOB]

السبب الرئيسي للزحمة هي وزارة الداخلية هي اول المتسببين .

1- عدم التنسيق مع هيئة اشغال .
2- صرف الرخص العشوائية .
3- عدم الدراسة المستقبلية .
4- الازدواجية في العمل .

[العلياا]

اليوم طويل العمر وصلني للدوام فـ ما حسيت بزحممه

[وطن]

اليوم طويل العمر وصلني للدوام فـ ما حسيت بزحممه
عساه ذخر
الله يخليه لكم

[موظف ((حكومي]

صباح ساعه 6 وانا رايح لدوام ومن بعد اشاره الوعب لقيت زحمه اثر حادث


كامري وجي مادري كيف صار

[نوار قطر]

بالعكس اليوم مافيه زحمه مايات 7 وثلث الا انا في الدوام مع اني طالعه من البيت 7 الا ثلث وصلت بنتي ووصلت اختي ورحت الدوام.. الحمدلله سهالات

[شبح الصمت]

اليوم الحمد لله الامور طيبه وكل يوم اوصل على الوقت المحدد

لا وزيدكم من الشعر بيت اوقات اروح اتريق عند صديقي عبدي ( هرجيسه )

وأوقات أمر صوب ( مطعم بيروت )

يعني اوقات احس براحة نفسية تخليني اقدر اترس بطني واوقات من الزحمة بطني يعورني ولا خاطري حق شيء ..


الي يحس نفسه تضايق يفر على قناة القرآن برنامج ( كيف أصبحت )

[العلياا]

عساه ذخر
الله يخليه لكم

ويخلي لج غاالييج

[معماري قطري]

اي والله تعودنا يا محاميتنا


تطمني ماراح يكون مؤقت والمشكله دايمه
لان مافي شي او شغل تحسين ان الشي مؤقت
بالعكس كل مالها وتزيد
وبعد سنه ماراح تقدريت تمشين :victory:

هذا اللي ينخاف منه واللي نحسب حسابه .. وخربطة أشغال بتتوضح أكثر بعدين.

انا من جيت تامبا - فلوريدا من حول 3 شهور كانوا يشتغلون على توسعة وجسور وشغل على مستوى وتامبا تقريباً وضعها مثل الخور بالنسبة لقطر.. لكن فيها شغل صح ما اتوقع يمر على قطر .. وعدد سكانها موزع على مساحة كبيرة والعدد معقول .. يعني مقارنة بالدوحة أشوف الكثافة السكانية في الدوحة وايد أَكبر لكن شوارع تامبا متطورة أَكثر ومخططة صح.

وبدأ يخلص المشروع أشوفه بالتدريج وكنت اشوف الشغل يزيد ساعات الليل الأخيرة وما يفتحون جزء الا منتهين منه بالكامل.

[وطن]

بالعكس اليوم مافيه زحمه مايات 7 وثلث الا انا في الدوام مع اني طالعه من البيت 7 الا ثلث وصلت بنتي ووصلت اختي ورحت الدوام.. الحمدلله سهالات

تدرين شنو اللي نكبني

غيرت طريقي

على اساس بتفادى الزحمة

حلاتين على طريقي الحلو اللي مافيه زحمه
اللي يبرد القلب

اليوم نكبت نفسي وغيرته :(

انا اسفة يا نفسي :(

[حراير قطر]

من حط عينه في طريقي :(

اليوم اخذت ساعة ونص بدل ثلث ساعة

هههههههههـ omen

وصلت بنتي وقلت باروح عيادة الشرطة

وشفت دوار المرخية زحمه ورديت رحت الدوام :rolleyes2:

[شبح الصمت]

تدرين شنو اللي نكبني

غيرت طريقي

على اساس بتفادى الزحمة

حلاتين على طريقي الحلو اللي مافيه زحمه
اللي يبرد القلب

اليوم نكبت نفسي وغيرته :(

انا اسفة يا نفسي :(


انا سبب نفسي بنفسي جبت صبعي صوب عيني


شكلج قاعده تسابقين من الصبح وضيعتي الطريق

:secret:

[Super Cool]

اليوم الحمد لله الامور طيبه وكل يوم اوصل على الوقت المحدد

لا وزيدكم من الشعر بيت اوقات اروح اتريق عند صديقي عبدي ( هرجيسه )

وأوقات أمر صوب ( مطعم بيروت )

يعني اوقات احس براحة نفسية تخليني اقدر اترس بطني واوقات من الزحمة بطني يعورني ولا خاطري حق شيء ..


الي يحس نفسه تضايق يفر على قناة القرآن برنامج ( كيف أصبحت )

اما هرجيسة هههههههه...شخبار العامود اللي جدام مطعمهم شلوه والا للحين...ما غسلت الموتر بالمرة؟

ياخوي انا تلتهت فالزحمة اليوم....أمس و اليوم طالع في نفس الوقت....أمس واصل في 20 دقيقة و اليوم
50 دقيقة...شاللي فرق طيب حد يفهمني؟ مادري بس اليوم الله مكثر اللي "ساكنين" فالمسار الأيسر و يمشون
80....يبط جبدك لما يجيك واحد يمشي 80 أو إنه يحترم القانون يعني و اخر شي تلاقيه قاعد "يهذر" فالجوال!!

لا و جوال نوكيا محلط بو شاشة صفرة

[مختلفة عقليا]

السلام عليكم .,

انا ايي من خط الشمال ., والله الشارع فاضي ام الوناسه .,

ومادري ما ادش في الدواعيس ,’ الزحمه حزات صوب نادي قطر ., وعقب الشرطة في خدمه الشعب .,

اذكر اول ما حطوا الاشارات كانت اتصير زحمه .,

بس اللحين لا .,

ويسلموو .,

[شبح الصمت]

اما هرجيسة هههههههه...شخبار العامود اللي جدام مطعمهم شلوه والا للحين...ما غسلت الموتر بالمرة؟

ياخوي انا تلتهت فالزحمة اليوم....أمس و اليوم طالع في نفس الوقت....أمس واصل في 20 دقيقة و اليوم
50 دقيقة...شاللي فرق طيب حد يفهمني؟ مادري بس اليوم الله مكثر اللي "ساكنين" فالمسار الأيسر و يمشون
80....يبط جبدك لما يجيك واحد يمشي 80 أو إنه يحترم القانون يعني و اخر شي تلاقيه قاعد "يهذر" فالجوال!!

لا و جوال نوكيا محلط بو شاشة صفرة


العمود لا موجود وكله يتسندون عليه ..

وبخصوص المغسلة ابشرك لين الحين بـ 20 ريال الله يجزاه خير محمد ما قصر ما رفع سعر ويغسلون بذمة وضمير والله يبارك له في حلاله ..


ياخي عندي اقتراح انه الي في الفريج الواحد يطلعون باص

يوفرون باصات الشباب يوصلونهم
والبنات في باص

وخلاص انحلت المشكلة

هههههههههههههههههههههههاي

الي موافق يرفع يده بس يكون باص طبعاً على اصوله عيالنا يروحون بباصات مدارس واحنا نروح بباصات للدوامات ولا خسارة بترول ولا شيء ومريح بالك وتتقهوى وتتعرف على ربعك في الفريج وتزيد العلاقات الاخوية بينا البين ..




الووو غيرووو تسمعني هالحل يساعد ولا لا !!

[شبح الصمت]

السلام عليكم .,

انا ايي من خط الشمال ., والله الشارع فاضي ام الوناسه .,

ومادري ما ادش في الدواعيس ,’ الزحمه حزات صوب نادي قطر ., وعقب الشرطة في خدمه الشعب .,

اذكر اول ما حطوا الاشارات كانت اتصير زحمه .,

بس اللحين لا .,

ويسلموو .,




صادقه بس شوفي لو في موتر تعطل تشوفين كل واحد يمر ورقبته كانه زرافه انزين اش عليك ياخي حرك يسببون زحمة ..


شيء ثاني كنت اتمنى على خط الكرنيش انه يكون خط طويل لا لفات ولا شيء من تحت راس بوعبود لين الله يسلمك دوار الشيرتون خلاص الي يبي ياخذ الشارع ويرد او يسوون جسور معلقة احسن من اللفات خلاص سوو جسور معلقة والله الاشارات مهب حل ولا راح تساعد على حل المشاكل الا بتضيق وبتزيد الاختناق المروري ..

[نوار قطر]

تدرين شنو اللي نكبني

غيرت طريقي

على اساس بتفادى الزحمة

حلاتين على طريقي الحلو اللي مافيه زحمه
اللي يبرد القلب

اليوم نكبت نفسي وغيرته :(

انا اسفة يا نفسي :(

هههههههه وطن سمعتي اغنية ابوبكر سالم .. انا سبب نفسي بنفسي ... اهداااء لج

[حسن]

عادي الزحمه اننا اشوفها اصبحت طبيعيه

ويجب ان نتقبلها وين الحين ووين قبل

وبعدين لا تنسون مشاريع قائمهوركضه رضكه يالله كلها حديد بسيط

والعالم مادرت عن الزحمه

[مضارب دوسري]

المفروض يسمحون للمواطنين ان يحطون مهبط لطيارة هيليكوبتر ونريح روسنا من الزحمه
هههههه

فديت دوام راس لفان يحسسك انك بروحك ف قطر

[Super Cool]

آنا أقبض خط الشمال و الزحمة تجيني دفعاااااااااااااات

أول زحمة صوب اللاند و جسر الجوازات لين و بعد سوق العلي تخف...10 دقايق
ثاني زحمة صوب نفق مدماك و شارع سلوى و بعد شارع سلوى تخف...10 دقايق
ثالث زحمة صوب إشارات التضامن هذي بروحها الإشارة مع المدرستين اللي عالشارع تاخذ 10 دقايق إلى ربع ساعة
حط باقي الطريق 10 دقايق و إحسبها

و إذا صار حادث لا سمح الله زيد فوقهم نص ساعة

المشكلة ان لو آخذ نفس الطريق في أي وقت ثاني من اليوم بوصل في ربع ساعة ههههههههه قهر

[Super Cool]

المفروض يسمحون للمواطنين ان يحطون مهبط لطيارة هيليكوبتر ونريح روسنا من الزحمه
هههههه

فديت دوام راس لفان يحسسك انك بروحك ف قطر

جربته و لاعت جبدي....الخط يخليك تنووووووووووود و إذا عندك مشوار بو 10 دقايق فالدوحة إنسى تخلصه

[وطن]

هههههههههـ omen

وصلت بنتي وقلت باروح عيادة الشرطة

وشفت دوار المرخية زحمه ورديت رحت الدوام :rolleyes2:
احسن لج





انا سبب نفسي بنفسي جبت صبعي صوب عيني


شكلج قاعده تسابقين من الصبح وضيعتي الطريق

:secret:

لا وين
سيارة المسابق البريك داون يشلها الحين
:(

بعدين المسابق في الشوارع الفاضية
مب اللي متروسه ناس
وأرواح و بشر


هههههههه وطن سمعتي اغنية ابوبكر سالم .. انا سبب نفسي بنفسي ... اهداااء لج

يقولون توفى اليوم
وصلني مسج
الله يرحمه برحمته

[الحياة الخالدة]

احسن لج



لا وين
سيارة المسابق البريك داون يشلها الحين
:(

بعدين المسابق في الشوارع الفاضية
مب اللي متروسه ناس
وأرواح و بشر



يقولون توفى اليوم
وصلني مسج
الله يرحمه برحمته

وي الله يرحمه و يغفر له

[R 7 A L]

زحمة الصبح كلها خير وبركة على الاقل يستمتع الواحد بشمس الضحى ويكتسب فيتامين دال ويصحصح قبل لا يوصل الدوام

[الحياة الخالدة]

زحمة الصبح كلها خير وبركة على الاقل يستمتع الواحد بشمس الضحى ويكتسب فيتامين دال ويصحصح قبل لا يوصل الدوام

الجانب المشرق

[R 7 A L]

^
^
^

التكيف مع ظروف الحياة :shy:

[وطن]

زحمة الصبح كلها خير وبركة على الاقل يستمتع الواحد بشمس الضحى ويكتسب فيتامين دال ويصحصح قبل لا يوصل الدوام

أنا أطلع قبل الشمس
انا اللي أقعدها من النوم

;)

[شبح الصمت]

رحال احلى جانب تدري جانب الناس الي دوامها صوب الابراج

البحر حولهم ومناظر جميلة ( جانب مشرق )

مب يا حظنا مكتب ما فيه دريشه ولا خضار ولا بحر ( جانب حزين ) :weeping:

[حراير قطر]

رحال احلى جانب تدري جانب الناس الي دوامها صوب الابراج

البحر حولهم ومناظر جميلة ( جانب مشرق )

مب يا حظنا مكتب ما فيه دريشه ولا خضار ولا بحر ( جانب حزين ) :weeping:

وين يا حظي جانب مشرق

لين نزلوك على الدرج في حالة اخلاء عقب تعال قول جانب مشرق :anger1:

[R 7 A L]

أنا أطلع قبل الشمس
انا اللي أقعدها من النوم

;)

ههههههههههههههههههه

[R 7 A L]

رحال احلى جانب تدري جانب الناس الي دوامها صوب الابراج

البحر حولهم ومناظر جميلة ( جانب مشرق )

مب يا حظنا مكتب ما فيه دريشه ولا خضار ولا بحر ( جانب حزين ) :weeping:



شكلك صوب الصناعية
كيف نفسك مع التشاليح والقرنبعات ههههههههههههههههههههههههاي

[R 7 A L]

وين يا حظي جانب مشرق

لين نزلوك على الدرج في حالة اخلاء عقب تعال قول جانب مشرق :anger1:



لو انا منك كل يوم دوام استخدم الدرج على شان اتعود ورياضة بنفس الوقت ههههههههههههههههههههههههه

[مشاكل]

ياجماعة حد لاحظ فيكم خط الشمال اليوم ،،، شي يرفع الضغط ،،، العالم من توصل عند محطة اللاندمارك تكع بريك عشان يتفرجون عالمحطة :anger1:

[ClassicRoyal]

ياجماعة حد لاحظ فيكم خط الشمال اليوم ،،، شي يرفع الضغط ،،، العالم من توصل عند محطة اللاندمارك تكع بريك عشان يتفرجون عالمحطة :anger1:


والله صادق ياريال هههههه صارت فيني اليوم واحد دايس قدامي مره وحده يوقف بويهي

[GENIUS]

اليوم عذاب في منطقة الابراج الكل صار يحوم يبحث له عن مهرب والكل تشربك في الزحمة لعدة ساعات وخاصة جهة السيتي سنتر

[Abdulla Al.F]

اليوم عذاب في منطقة الابراج الكل صار يحوم يبحث له عن مهرب والكل تشربك في الزحمة لعدة ساعات وخاصة جهة السيتي سنتر

https://scontent-a-lhr.xx.fbcdn.net/hphotos-ash3/t1/1794628_10152257234289860_512505871_n.jpg

[غير البشر]

https://scontent-a-lhr.xx.fbcdn.net/hphotos-ash3/t1/1794628_10152257234289860_512505871_n.jpg



لاحول ولاقوه الابالله
انا وربعي نبي نخلص اشغالنا متعطله مانقدر
ماروح مكان كله قاعد بالمجلس

انا حاليا ارتب اني بقعد في دوله مجاوره فتره طويله لين تتعدل الامور

[بوخالد911]

لاحول ولاقوه الابالله
انا وربعي نبي نخلص اشغالنا متعطله مانقدر
ماروح مكان كله قاعد بالمجلس

انا حاليا ارتب اني بقعد في دوله مجاوره فتره طويله لين تتعدل الامور

لا تتهور يالجميل

[مختلفة عقليا]

السلام عليكم .,

اليوم استمتعت بالزحمه .,

ما كنت ابي اوصل الدوام .,

الجو خيالي .,

عندي سوال ., في حد راح للجهات المسئوله ., وقال عندي (( فكره )) ؟؟ ., او دراسة ؟؟

والا 90% بس ينتقدون ؟؟

[الزعفراني]

من سكروا دوار الشيراتون والعالم مش مترقعه مع الزحمة .. خصوصا عنق الزجاجة الاشارة اللي عند ذا جيت مول

[Super Cool]

السلام عليكم .,

اليوم استمتعت بالزحمه .,

ما كنت ابي اوصل الدوام .,

الجو خيالي .,

عندي سوال ., في حد راح للجهات المسئوله ., وقال عندي (( فكره )) ؟؟ ., او دراسة ؟؟

والا 90% بس ينتقدون ؟؟

قدمت فكرة مع الرسومات اللي سويتها بنفسي و من وقتي الخاص

لاحد عبرني ولا حد نفذ ولا حتى لقيت شكراً!!!

[نوفة قطر]

هاليومين الزحمه رجعت وبقوووه !!!

الحين صار جسر رمادا ازمه حقيقيه والكورنيش بعد ازمه ثانيه

امس طلعت من الدوام 4 ونص وصلت البيت 6 : ) مب حرام ؟ شبقى من اليوم

الله يعين

[حمد 2002]

في زحمة الناس صعبه حالتي.. فجأه اختلف لوني وضاعت خطوتي.. :shy:

[نوفة قطر]

https://scontent-a-lhr.xx.fbcdn.net/hphotos-ash3/t1/1794628_10152257234289860_512505871_n.jpg

كل من صار عنده ليسن ويسوق اللي يعرف واللي مايعرف

السيارات بالملايين !!! شوفوا بس الباص الاصفر السياحي فالنص ههههه شتراوون السياح ؟

في كل وقت الكورنيش جذي مادري هالناس ما اداوم ؟

[نوفة قطر]

السلام عليكم .,

اليوم استمتعت بالزحمه .,

ما كنت ابي اوصل الدوام .,

الجو خيالي .,

عندي سوال ., في حد راح للجهات المسئوله ., وقال عندي (( فكره )) ؟؟ ., او دراسة ؟؟

والا 90% بس ينتقدون ؟؟

نروح نقول لهم عندنا فكره ؟ او دراسه ؟؟؟

اذا المسؤولين توهقوا وماعندهم لا دراسه ولا فكره هههههههههه

الفكره ان يسحبون اللياسن من كل اللي مب محتاجين ليسن

وفئة العمال مب محتاجين يسوقون

والاجانب نوديهم ونجيبهم في باصات مب الا يكونون كل واحد بسيارته

شرايكم هههههههه

[مختلفة عقليا]

نروح نقول لهم عندنا فكره ؟ او دراسه ؟؟؟

اذا المسؤولين توهقوا وماعندهم لا دراسه ولا فكره هههههههههه

الفكره ان يسحبون اللياسن من كل اللي مب محتاجين ليسن

وفئة العمال مب محتاجين يسوقون

والاجانب نوديهم ونجيبهم في باصات مب الا يكونون كل واحد بسيارته

شرايكم هههههههه


هلا .,

يعني هاي حل ., ؟؟ والا انتقاد ؟؟

لان انا قلت الجهات المختصه ., ما قلت سوالف في المنتدي .,

بس اتضحت الفكره ., والاجابة .. (( انتقاد ))

ويسلموو .,

[حسن]

كل من صار عنده ليسن ويسوق اللي يعرف واللي مايعرف

السيارات بالملايين !!! شوفوا بس الباص الاصفر السياحي فالنص ههههه شتراوون السياح ؟

في كل وقت الكورنيش جذي مادري هالناس ما اداوم ؟

بل شنهو هذا


ابويييه


:telephone:

[أم محمد 90]

ياليل يابعض التفلسف ع الصبح ههههه

صورة حصرية :

http://im67.gulfup.com/23JsM.png (http://www.gulfup.com/?57dbx0)

[ya3coub]

دام الموضوع صار صور

خلنا انصور و انشوف العالم

http://s28.postimg.org/aglpuh3xp/iamage.jpg

[Only Me]

محد مسبب لنا الزحمه الا سيارات الكروة
حسبوا كم سيارة بالصوره

[حراير قطر]

لو الاشغال تسمح لبعض موظيفنها اداوم 9

وبعض الاشغال تسمح لموظيفنها تطلع من الدوام 12

يعني اللي يداوم 9 يطلع 2 واللي يداوم 7 يطلع 12 واللي يداوم 8 يطلع 1

يكون في تناسق في الاشغال عشان نقدر انقلل من الزحمه

اختي اداوم في قسم بوزارة الداخلية مسوين نظام بينهم كل يوم ادارة تطلع بدري

قبل امر صوبهم على الساعه 1 اشوف الزحمة عند البوابة واتآخر على عيالي بس الحين لا ...