5 أيام لفك الأسهم المحمية لشركة مسيعيد ؟ شسالفه !!

[وليف قطر]

-


السلام عليكم ورحمة الله وبركاته

اليوم تفاجأت بخبر في جريدة الراية
إن باقي 5 أيام لفك الأسهم المحمية لشركة مسيعيد ؟؟

من متى هالكلام .. و شهالتخبط ؟

مش قالوا في البداية الاسهم المحمية للصغار !

متى صارت علينا محمية ؟
وأغلب الناس ماتدري بهالموضوع
يعني مايمديه الحين يبيع أول ما تنزل !!!

من المسؤول !



المصدر
http://www.raya.com/news/pages/8f3c8d64-917f-4aeb-96f6-975e3223d50d

[Super Cool]

-


السلام عليكم ورحمة الله وبركاته

اليوم تفاجأت بخبر في جريدة الراية
إن باقي 5 أيام لفك الأسهم المحمية لشركة مسيعيد ؟؟

من متى هالكلام .. و شهالتخبط ؟

مش قالوا في البداية الاسهم المحمية للصغار !

متى صارت علينا محمية ؟
وأغلب الناس ماتدري بهالموضوع
يعني مايمديه الحين يبيع أول ما تنزل !!!

من المسؤول !



المصدر
http://www.raya.com/news/pages/8f3c8d64-917f-4aeb-96f6-975e3223d50d

من البداية أخوي قايلين إن نص الأسهم محمية بس الكبير يقدر يفك و الصغير ما يقدر لين يكمل 18

يمكن انت ما قريب لأني قريتها في اكثر من مصدر

[قطريه22]

اخوي امس العضو ولد العرب قال انه فك الاسهم عن طريق التليفون اتصلهم وفكهم.
بدال لاتروح تقدر تكلمهم

[فريج النجادة]

تقدر تدخل موقع المجموعة وتطلب منهم فك الاسهم

ومكتوب فوق شاشة الاسهم فك مسيعيد

تدخل علية وتكتب التفاصيل وترسلها

بالتوفيق للجميع يارب

[بن موسى]

دخلت موقع المجموعة من النت وفكيت الحجز وبالتلفون ممكن

ولكن المشكلة في 5 ايام عمل

[حمد 2002]

كثر الحديث والجدال عن اسهم هالشركه واخرتها اول يوم اداراج 20 ريال للسهم الواحد :rolleyes2:

[عذاب]

اذا الواحد مايبي يبيع ويبي يخلي الاسهم شيسوي
اخوكم جديد في هالسوالف

[بيض الخعفق]

ببساطة
لاتسوي شي

[فريج النجادة]

اطلب من ربك التوفيق

[وليف قطر]

والله لا أنا ولا حد حولي عنده خبر
ماعرف ليش هالشطحات اللي ما لها داعي


لاهنتوا جميع

[بوخالد911]

هذا سهم ذهبي

خلووووووووووووووووووووووه للمستقبل

علامكم مستعجليين ؟!؟!؟!؟!

[Aaziz]

مش مفروض اليوم ينزل السهم في البورصه ؟

[الدستور]

مش مفروض اليوم ينزل السهم في البورصه ؟

يوم الاربعاء ان شاء الله

[حمد 2002]

والي شاري هالاسهم كااااااش بدون تمويل البنك لازم ايفك الاسهم ول لا ؟

[Super Cool]

^^^^^^^^^^^^

بعد لازم...هذا إجراء من الدولة علشان الناس تفهم ان هالسهم "إستثمار" إحفظه للمستقبل مب اشتر و بيع

[ولد العرب]

اخوي امس العضو ولد العرب قال انه فك الاسهم عن طريق التليفون اتصلهم وفكهم.
بدال لاتروح تقدر تكلمهم

نعم صح فكيت الاسهم بالتلفون والنصف الثاني بعد 5ايام للبالغين

[حمد 2002]

مافهمت قصدهم بالاسهم المحميه ؟

[همر]

زين وبعد الخمس ايام اشبيصير ؟!!

[حمد 2002]

يعني شنو اسهم محميه وليش محد خبرنا من قبل :anger1:

[موظف ((حكومي]

تقدر من موقع مجموعه

[خليفـة]

بحاول اجاوب على كل التساؤلات الي قريتها
والله الموفق

الاسهم الي يمتلكها أي شخص فوق 18 سنة .. بتكون نصها ممسوكه
وبيحتاج صاحبها ان يفكها عن طريق الوسيط ماله
الطريقة :

سواء عن طريق موقع الوسيط
او عن طريق الاتصال الهاتفي .. تعطيهم رقم التداول مالك
وتقول لهم بكم اكتتبت .. وتطلب فك نصف القيمة

وهنا .. ستحتاج لمرور 5 ايام عمل حتى تتم العملية

يعني الي اتصل اليوم وطلب فك نص عدد اسهمه :

الثلاثاء .. الأربعاء .. الخميس .. الأحد .. الأثنين
ممكن تقدر تبيع الكمية المحجوزة الي تم فكها يوم الاثنين او الثلاثاء محد أقصى .

اما بالنسبة للقاصرين تحت 18 سنة
بتقدر من الحين تحط طلب البيع لنصف الكمية
والنصف الآخر من الأسهم .. بيتم محجوز عليه حتى يصل هذا القاصر لسن 18 سنة
وبعدها تطلب نفس الطريقة لفك الأسهم


اتمنى اكون وفقت للأجابة على الاستفسارات الواردة في الموضوع اعلاه

وحاضرين للطيبين اذا فيه اي اسأله اخرى


خليفــة

[بوحارب]

السهم هذا جاب الغثا للناس

[حياة]

ممكن نشوف ارائكم كم حطيتوا سعر البيع او كم تتوقعون؟

[fzaa_qatar]

والله ماعندهم سالفه .. يعني انا ولي امر اقدم طلب لفك الاسهم عقب خمسة ايام عمل وعيالي ماقدرت افك اسهمهم عن طريق المجموعه لازم اروح قطر للايدارع النقدي وعاد شوف الزحمه و3 موظفين بس .. شرايهم يخلون الاسهم لهم .. ليش التعقيد والاجراءات الغريبه

[بن موسى]

ممكن نشوف ارائكم كم حطيتوا سعر البيع او كم تتوقعون؟

26830 سهم تم عرضهم ب200ريال

[fzaa_qatar]

مب من الحق الشركه تحجز اسهم الناس .. يعني شنو اقدم انا كولي امر طلب عشان يشيلون الحجز عن اسهمي .. ليش ما قالوا للناس من فتره وشمعنى الحين بالذات وما بقى شي ع التداول .. وبالنسبه للقصر دخلت موقع المجموعه وانا كولي امر ماقدرت اقدم الطلب السستم يرفض يطلع لي اروح لقطر للتداول .. الحل يفكون الحجز عن الاسهم تلقائيا من متى نروح نفك حجز اسهم .. اول مره تصير..

[alsoq]

زين انا مكتتب كاش وشيبه

ينطبق علينا:)

[فرهود]

الي يقول ليش ماقلوا لنا وماتطلموا ترى هالكام قالوه وعادوه عشرين مره وموجود في الجرايد وفي قسم الاسهم من قبل الاكتتاب .

اما الي يقول هالاسهم غثة العالم اقوله قول اللهم لك الحمد فلوس تجيك لمجرد كتابة ورقه وتسليمها البنك وتقول غثى ! وليش اكتتبت عيل خل الغثى للمحتاجين للغثى.

[Riku3]

يالربع الي يفك ما بيحصل المنحه بعد كم سنة .. اي واحد ينصح بالفك يذكر للناس هالمعلومه علشان ما يخسرون الاسهم المجانيه ! .

[خليفـة]

يالربع الي يفك ما بيحصل المنحه بعد كم سنة .. اي واحد ينصح بالفك يذكر للناس هالمعلومه علشان ما يخسرون الاسهم المجانيه ! .

ما اعتقد اخوي
المنحة تروح عليك فقط في حال البيع

[Riku3]

ما اعتقد اخوي
المنحة تروح عليك فقط في حال البيع

لين الحين هيئة قطر والبورصة ما عطوا جواب شافي لهالمعلومه .. وانا كلمت المجموعه ودلالة ولا حصلت جواب شافي وكلمت مسئول في شركة تداول قالي ان كل يوم يجيهم كلام من الهيئة ومافي شي اكيد ..

نرجع للشروط .. يقولك وهذا بالنص :-
__________________
كإجراء إحترازي ولحماية المواطنين الأفراد المكتتبين من فقدان حق الحصول على الأسهم التشجيعية المجانية، سوف تتفق الشركة مع بورصة قطر على وضع آلية تمنع تلقائياً بيع أو نقل ملكية أكثر من 50% من الأسهم المخصصة من الإكتتاب وذلك بهدف حماية المستثمرين من بيع أسهمهم أو نقل ملكيتها سهواً وبالتالي فقدان حقهم المشروط في الحصول على الأسهم المجانية ودائما مايشار إلى هذه الأسهم التي تسري عليها هذه الآلية بـ "الأسهم المحمية".

على أي مستثمر فرد بالغ يرغب بإلغاء حماية الأسهم أن يتقدم لبورصة قطر بطلب فك الحماية عن الأسهم المحمية
__________________

فلو فهمنا ان "الاسهم المحمية" هي الي بتنزل عليها المنحه .. فلو فكيتها يعني انتقلت من خانة المحمية ! .. فهنا هيئة قطر للاسواق المالية لها ان تقرر لان النص يشمل اكثر من معنى .

[..عاشق قطر..]

شسالفه.. يعني الحين انا عندي اسهم وكبير .. لازم افك الحجز .؟؟ وانا افكر ان حق القاصرين بس..!! طيب شباب انا دخلت موقع المجموعه وفكيت الحجز .. يعني كل شي تمام ولا لازم اراجعهم لان قالوا ان الطلب بعد 5 اياام .. اتمنى تفيديوني جزاكم الله خير

[cavok]

صچ لخبطة من قلب سالفه فك الحماية من زمان مو الحين اتقولونها
الموضوع فيه انه
بننطر الأربعاء ويش يخبئ لنا

[..عاشق قطر..]

عندي مشكله .. يوم دخلت اسم المساهم ورقم المرور وحطيت 816 فك الحجز .. وتم ارسال الطلب .. بس يوم سويت كتجربه طباعه مكتوب المرفقات صورة ومدري ايش..؟ شسالفه..

[مستوى الدعم]

نرجع للشروط .. يقولك وهذا بالنص :-
__________________
كإجراء إحترازي ولحماية المواطنين الأفراد المكتتبين من فقدان حق الحصول على الأسهم التشجيعية المجانية، سوف تتفق الشركة مع بورصة قطر على وضع آلية تمنع تلقائياً بيع أو نقل ملكية أكثر من 50% من الأسهم المخصصة من الإكتتاب وذلك بهدف حماية المستثمرين من بيع أسهمهم أو نقل ملكيتها سهواً وبالتالي فقدان حقهم المشروط في الحصول على الأسهم المجانية ودائما مايشار إلى هذه الأسهم التي تسري عليها هذه الآلية بـ "الأسهم المحمية".

على أي مستثمر فرد بالغ يرغب بإلغاء حماية الأسهم أن يتقدم لبورصة قطر بطلب فك الحماية عن الأسهم المحمية
__________________

فلو فهمنا ان "الاسهم المحمية" هي الي بتنزل عليها المنحه .. فلو فكيتها يعني انتقلت من خانة المحمية ! .. فهنا هيئة قطر للاسواق المالية لها ان تقرر لان النص يشمل اكثر من معنى .

بالعكس أخوي ريكو ..

النص يوضح إن بيع الأسهم هو الأساس الذي بناء عليه تفقد الأسهم التشجيعية..
آلية حماية الأسهم.. هدفها الحماية من البيع سهواً أو عن طريق الخطأ..

[BuFaisal]

السلام عليكم

بالنسبة لي دخلت موقع المجموعة من شوي وارسلت طلب لفك الاسهم وقالي يحتاج 5 ايام

بالنسبة للعيال ما قبل الطلب وقال هناك خطأ ويجب زيارة مركز الايداع مع اني جربت 1633 و 816 سهم

[Super Cool]

اشلون آنا أدري من قبل الإكتتاب بأسبوعين ان في حماية وانتوا ما تدرون؟

الناس تكتتب و لا تقرأ الأحكام و الشروط!؟

[Super Cool]

الي يقول ليش ماقلوا لنا وماتطلموا ترى هالكام قالوه وعادوه عشرين مره وموجود في الجرايد وفي قسم الاسهم من قبل الاكتتاب .

اما الي يقول هالاسهم غثة العالم اقوله قول اللهم لك الحمد فلوس تجيك لمجرد كتابة ورقه وتسليمها البنك وتقول غثى ! وليش اكتتبت عيل خل الغثى للمحتاجين للغثى.

عليك نور

خشمك يالذيب

[موظف بالبورصه]

سبحان الله !! مكرمة أميرية للشعب القطري تدخل فلوسك ترجع لك ادبال وانت جالس مكانك ..

بدون تعب وبدون جهد اللهم رحت البنك ووقعت الأوراق .. فالنهاية بدلا من حمد الله اولا ومن ثم صاحب المكرمة

تغردون بتعليقات ( أسهم غثى .. ونصابين .. وماقالوا لنا وليش ماعلمونا من البداية النصابين ) !!!

كلشي كان واضح من البداية لو قاري الأوراق وسألت كان عرفت الموضوع ..

فأتقوا الله في انفسكم وقولوا الحمدالله على كل حال .. وبلاش من التذمر والتعليقات الي مالها داعي

[مختلفة عقليا]

السلام عليكم .,

انا ما فكيت ولا حطيت .,

شالعلم .. ؟؟ احسن والا اسواء .. ؟؟

ويسلموو .,

[من بغى الزين]

الله يعينك

[Nojoom]

خاطري اعرف ليش الناس تتسابق على بيع السهم ؟

[Super Cool]

خاطري اعرف ليش الناس تتسابق على بيع السهم ؟

لأنها ما تعرف يعني شنو إستثمار

[طلعة الروح]

انطروا لين تنزل في السوق وعقب شوفوا الوضع،، الركادة مطلوبة خصوصا في البورصة

[مضارب دوسري]

بحاول اجاوب على كل التساؤلات الي قريتها
والله الموفق

الاسهم الي يمتلكها أي شخص فوق 18 سنة .. بتكون نصها ممسوكه
وبيحتاج صاحبها ان يفكها عن طريق الوسيط ماله
الطريقة :

سواء عن طريق موقع الوسيط
او عن طريق الاتصال الهاتفي .. تعطيهم رقم التداول مالك
وتقول لهم بكم اكتتبت .. وتطلب فك نصف القيمة

وهنا .. ستحتاج لمرور 5 ايام عمل حتى تتم العملية

يعني الي اتصل اليوم وطلب فك نص عدد اسهمه :

الثلاثاء .. الأربعاء .. الخميس .. الأحد .. الأثنين
ممكن تقدر تبيع الكمية المحجوزة الي تم فكها يوم الاثنين او الثلاثاء محد أقصى .

اما بالنسبة للقاصرين تحت 18 سنة
بتقدر من الحين تحط طلب البيع لنصف الكمية
والنصف الآخر من الأسهم .. بيتم محجوز عليه حتى يصل هذا القاصر لسن 18 سنة
وبعدها تطلب نفس الطريقة لفك الأسهم


اتمنى اكون وفقت للأجابة على الاستفسارات الواردة في الموضوع اعلاه

وحاضرين للطيبين اذا فيه اي اسأله اخرى


خليفــة

-الاحد القادم اجازه للبورصه والبنوك

[مضارب دوسري]

انطروا لين تنزل في السوق وعقب شوفوا الوضع،، الركادة مطلوبة خصوصا في البورصة

صدقت +1

[vip-30003]

لكل فرد وجهة نظر وطريقة بالاستثمار

اول يوم ،،،، ما افكر ابيع ،، بنتظر اسبوع توزيع الارباح ،،، بيكون في شهر 4

والاخوان اللي يقولون استثمار واحتفظوا بالاسهم

في ناس تسلفت وخذت اسهم او محتاجة اتبيع

انا انصحهم بيعوا جزء هاليومين واحتفظوا بالباقي لين شهر 4


وانا اتوقع السهم من 25 - 30

وفي شهر 4 يوصل 40 - 45

وهذا والعلم عند الله

[العلم]

يالربع واللي أول مره يساهم في حياته ويش يسوي .. :)

[ولد العرب]

يالربع واللي أول مره يساهم في حياته ويش يسوي .. :)

مالك الا الخبير الاقتصادي الفذ العالم جليل فيلسووف زمان(( افلطووون 2002 )):app2:

[حمد 2002]

نصيحه اوجهها لكل مستثمر بالشركه ..

بيع ولا تبيع اسهمك ..

يعني خلك بالوسط .. وأمسك العصى من النص ..

[حمد 2002]

يالربع واللي أول مره يساهم في حياته ويش يسوي .. :)

راقب البورصه باليوم الاولي لك من بعيد لين بعيد وتالي قرب شوي شوي لين تنقض على الفريسه

[بوخالد911]

نصيحه اوجهها لكل مستثمر بالشركه ..

بيع ولا تبيع اسهمك ..

يعني خلك بالوسط .. وأمسك العصى من النص ..

ما عاد في عصااااااااااا

:(

[حمد 2002]

ما عاد في عصااااااااااا

:(

حتى لو لم تستطع ان تمسك عصاتك من النص وفرطت منك .. اسرع والحقها وتشبث بطرفها على أمل ان تقودك الى الطريق الصحيح ...

شيء احسن من لاشيء ...

[كرواتيا]

مساعده

انا نسيت رقمي السري للمجموعه شالحل؟؟؟؟
ورقم جوالي مب مسجل عندهم
مسجل برقم مدري منو من الاهل

[طلعة الروح]

مساعده

انا نسيت رقمي السري للمجموعه شالحل؟؟؟؟
ورقم جوالي مب مسجل عندهم
مسجل برقم مدري منو من الاهل

الحل البسيط والسهل انج تروحين شخصيا على المجموعة وتبرزين بطاقتج الشخصية وتطلبين تغيير رقمج جوالج وبعد ذلك تكلمين مركز الاتصالات وتطالبين بيانات جديدة للدخول، انتهى.

[BuFaisal]

السلام عليكم

وردي اعرف رأيكم الحين وانتوا شفتوا السهم من 40 الى قريب 74 ورجوعه الى قريب 55

للامانة انا بعت نصف الاسهم وغصب عني خليت النص الباقي انتظر فك الاسهم :)


الله يجزي اميرنا تميم كل خير

[بوخالد911]

مساعده

انا نسيت رقمي السري للمجموعه شالحل؟؟؟؟
ورقم جوالي مب مسجل عندهم
مسجل برقم مدري منو من الاهل
من الرقم الشخصي
او
رقم المساهم
كل شي بيظهر عندهم

[كرواتيا]

انزين لو عطيتهم رقم المساهم بالتلفون عادي يعطوني الباسوورد ؟؟؟ ولا لازم اروح لهم شخصيا

علما ان الاكاونت مب انا اللي سويته

[طلعة الروح]

^
لو عطيتيهم رقم المساهم بالتلفون ما اتوقع يعطونج باسورد جديد، خاصة ان رقم تلفونج اللي سجلتي عليه حسابج بالشركة مب هو اللي تكلمينهم منه..
ف الحل يا انج تكلمينهم من الرقم اللي سجلتي عليه حسابج معاهم أو تروحين الفرع شخصيا واطلبي تغيير رقم الجوال لأن بيبعثون لج البيانات عليه،،

تقبلي مروري،،

[ع المقداد]

اتمنى لحامل سهم مسيعيد الخيروالبركة

[السحابة]

الحمد لله زوجي الله يحفضه يسوي هالاشياء مابي عوار راس