++ تنويه واقتراح بخصوص ملابس الدكاتره والموظفين ++

[شبح الصمت]

بسم الله والصلاة والسلام على أفضل المرسلين سيدنا محمد صلى الله عليه وسلم ..



http://www.tvovermind.com/wp-content/uploads/2011/02/Derek-n-Mark-derek-shepherd-and-mark-sloan-6589494-640-426.jpg

أولاً نشكر وزارة الصحة وبالتحديد دولتنا الحبيبة قطر على خدماتها وتوفير الخدمة الصحية للمواطنين والمقيمين ..

ولكن عندي تنويه بسيط واقتراح لكل المستشفيات

بتكلم عن ملابس الدكاترة والموظفين والاستف كامل وبالذات الي يتعاملون مع لمرضى ولكن نتكلم عن الي يكونون قريبين جداً من المرضى ..


ليش ما تكون في مغسلة مخصصة لغسيل ملابس الدكاترة ادري بتقولون لي راح تكلف بس في نفس الوقت راح تكون مريحة لهم من ناحية النظافة وحطو عليها مليون قوس لانه اللبسه اتوقع الكثير منهم يحذفها في السيارة ويجي ثاني يوم يلبسها وفي البعض يلبسها قبل لا يدخل المستشفى ويمشي فيها مسافة وفي من يعطرها لاجل يطير الريحة الي فيها ..

او اذا الموسسة ما تبي تكلف على عمرها تنزل تعميم يمنع لبس ملابس الدوام عند الحضور يعني يجي بملابس شخصية ويبدل في الغرفة الخاصة فيهم لوكرات خاصة !!


من ناحية صحية للمريض انه تكون ريحتها غير مقبولة او فيها عطر او شكلها لانه البعض يتغير لونها ..

فلو امكن انه تكون في مغسلة عقب ما يخلص دوامه الدكتور او الموظف يحذفها في سلة وتغسل وترجع تنحط لهم في الحجر الخاصة فيهم وبهالطريقة يكونون حافظوا على نظافة الملابس وعلى سلامة قبل كل شيء المريض لانه في ناس تتحسس من الروائح ومن الشكل ..

وتكون ما فيه ريحة ويكون معقم !!!


ومن ناحية اخرى ملابس بعض الموظفين نشوف بعض الحريم لابسين لبس غريب صراحة امس شفت وحده لابسه فستان يحك في الارض وشكله ما ينلبس من تحت البلسوت او مدري شيسمونه صراحة مب شيء ولا حلو منظرة وكثير الكثير منهم ..



فهل الاقتراح جيد وراح يجد طريق للحفاظ على السلامة العامة وعلى المرضى لاننا نعلم الغلاف الجوي والشوائب والروائح والبكتيريا في الجو والتي تلصق في ملابسنا !!




والله الموفق للصواب ،،





..
..


شبح الصمت

[Dana’1]

هذا غير الدواره فيها بالسوق خصوصا الممرضات!
فعلا المفروض يكون فيه تعميم ماينلبس هاللبس الا داخل المستشفى

[شبح الصمت]

هذا غير الدواره فيها بالسوق خصوصا الممرضات!
فعلا المفروض يكون فيه تعميم ماينلبس هاللبس الا داخل المستشفى




صادقه صح
عيل يبي لهم نفس الشرطة العسكرية تخالف الي يلبسون الزي الرسمي في الاماكن الغير مخصص لبسها

لانه هذه ملابس ما تنلبس في اي مكان ومش حق التفرفر

[قطريه22]

صادق بكلامك اخوي

امس قاعده افكر اكتب موضوع عن ملابس الموظفات القطريات والاجانب
خصوصاً الاجانب ويشمل العربيات بسبب اللبس الضيق والملفت
من فتره شفت وحده لابسه ضيق وبوت لين تحت الركبه لبس مب مكانه الشغل كلش

فضيف لاقتراحك توحيد اللبس او اذا مب توحيد يكون اللبس محتشم

واشكرك على الموضوع

[شبح الصمت]

صادق بكلامك اخوي

امس قاعده افكر اكتب موضوع عن ملابس الموظفات القطريات والاجانب
خصوصاً الاجانب ويشمل العربيات بسبب اللبس الضيق والملفت
من فتره شفت وحده لابسه ضيق وبوت لين تحت الركبه لبس مب مكانه الشغل كلش

فضيف لاقتراحك توحيد اللبس او اذا مب توحيد يكون اللبس محتشم

واشكرك على الموضوع




العفو اختي على المشاركة

بالتحديد المستشفى كلامنا موجه لهم تشوفين وتروحين اش رايج في ملابسهم هل تشوفينها كلها مناسبة !!

[حمد 2002]

بالنسبه لي ماعندي مشكله .. ان شاء الله الدكتور يلبس الي يلبسه .. بس اهم شيء الاهتمام بنوعيه العلاج .. وجودته ...


شالفايده اتكون الملابس جديده ونظيفه والخدمات الطبيه 0 = زيرو ...

وهل مشكله ملابس الاطباء تشكل مشكله كبيره بالنسبه لك اخوي شبح ؟

وهل هالقضيه خطيره جدا جدا لكي نناقشها ؟

طيب واذا طالبنا لهم بتوفير لهم مغسله وملابس جديده هههه هل بنكون بذالك حلينا المشاكل الصحيه بقطر وضواحيها ؟

المريض الي ايروح المستشفى رايح لهدف معين وهو العلاج مب رايح لكي ايجوف ملابس الاطباء والطبيبات والموظفات ؟

هل سبق اخوي شبح وان واجهتك مشكله شخصيه من ملابس بعض الاطباء ؟ مما دعاك لطرح الموضوع ؟

القطاع الطبي فيه الكثير من القضايا الشائكه ؟ ممم لماذا اخترت فقط ملابس الاطباء ولم تختر غيرها من القضايا الاهم ؟

العاملين بالشرطه يجب ان يكون جوتيهم ونت بكرامه ملمع وملابسهم نظيفه كل يوم وعليهم تفتيش بذلك وتعليمات مممم يعني تبي الاطباء يكونون نفس الشرطه ؟

ولو طبيب مملابسه متوسخه نتيجه عمله اليومي الذي يمتد فوق 12 ساعه ولساعات طويله جدا مممم هل نرفع عليه قضيه ونحاكمه ؟ او تعطيه المؤسسه الطبيه لفت نظر ؟

بالتوفيق ...

[قطريه22]

العفو اختي على المشاركة

بالتحديد المستشفى كلامنا موجه لهم تشوفين وتروحين اش رايج في ملابسهم هل تشوفينها كلها مناسبة !!

لا والله مب مناسبة وصح كلامك تحت البالطو تلاقيهم لابسين تنانيير ماتنلبس الا في المناسبات
دانتيلات والا فيها قصات وضيقه وفاتحين البالطو عشان يبين اللبس مع القميص

اشوفهم واقول الحمدلله والشكر هذي وين جايه؟
وان شفت دكتوره او ممرضه او غيرها بهالحاله اقول هذي جايه عرض ازياء ماتعرف تعالج وماأمن فيها..

للاسف مافي قانون يلزمهم بلبس يناسب طبيعة العمل اللبس في المستشفي وحدوه لبعض الموظفات الي تلاقيهم في الاستقبال او الي ياخذون الملفات ونسو الفئه الاهم..

[قطريه22]

بالنسبه لي ماعندي ا مشكله .. ان شاء الله الدكتور يلبس الي يلبسه .. بس اهم شيء الاهتمام بنوعيه العلاج .. وجودته ...


شالفايده اتكون الملابس جديده ونظيفه والخدمات الطبيه 0 = زيرو ...

وهل مشكله ملابس الاطباء تشكل مشكله كبيره بالنسبه لك اخوي شبح ؟

وهل هالقضيه خطيره جدا جدا لكي نناقشها ؟

طيب واذا طالبنا لهم بتوفير لهم مغسله وملابس جديده هههه هل بنكون بذالك حلينا المشاكل الصحيه بقطر وضواحيها ؟

المريض الي ايروح المستشفى رايح لهدف معين وهو العلاج مب رايح لكي ايجوف ملابس الاطباء والطبيبات والموظفات ؟

هل سبق اخوي شبح وان واجهتك مشكله شخصيه من ملابس بعض الاطباء ؟ مما دعاك لطرح الموضوع ؟

القطاع الطبي فيه الكثير من القضايا الشائكه ؟ ممم لماذا اخترت فقط ملابس الاطباء ولم تختر غيرها من القضايا الاهم ؟

العاملين بالشرطه يجب ان يكون جوتيهم ونت بكرامه ملمع وملابسهم نظيفه كل يوم وعليهم تفتيش بذلك وتعليمات مممم يعني تبي الاطباء يكونون نفس الشرطه ؟

ولو طبيب مملابسه متوسخه نتيجه عمله اليومي الذي يمتد فوق 12 ساعه ولساعات طويله جدا مممم هل نرفع عليه قضيه ونحاكمه ؟ او تعطيه المؤسسه الطبيه لفت نظر ؟

بالتوفيق ...

اسمحلي اخوي شبح ارد على مداخلة الاخ حمد
اي نعم هذي قضيه ومشكله الدكتور شغلته يعالج المريض مب تجي الدكتوره ومتمكيجه بمكياج كامل والعطر ريحته لين اخر الممر واللبس الملون والضيق ليش هاي كله تتوقع؟
هل القرض علاج المريض والا لفت الانتباه؟
ولاتنسى اخوي حمد ترى المستشفى فيها رجاجييل تتوقع لو دكتوره لابسه هاللبس ومسويه بنفسها هاي كله اشبيقولون عليها؟
تتوقع مافي حد بيرقمها؟ والا بيقول كلمه حلوه لها؟
ترى مثل مافي دكتورات في دكاتره وشباب بعد

يعني مثل مافي مغازل وتحرش في الاسواق والمجمعات في المستشفيات اقوى واكثر من هالشيء..

[شبح الصمت]

بالنسبه لي ماعندي مشكله .. ان شاء الله الدكتور يلبس الي يلبسه .. بس اهم شيء الاهتمام بنوعيه العلاج .. وجودته ...


شالفايده اتكون الملابس جديده ونظيفه والخدمات الطبيه 0 = زيرو ...



وهل مشكله ملابس الاطباء تشكل مشكله كبيره بالنسبه لك اخوي شبح ؟

وهل هالقضيه خطيره جدا جدا لكي نناقشها ؟

طيب واذا طالبنا لهم بتوفير لهم مغسله وملابس جديده هههه هل بنكون بذالك حلينا المشاكل الصحيه بقطر وضواحيها ؟

المريض الي ايروح المستشفى رايح لهدف معين وهو العلاج مب رايح لكي ايجوف ملابس الاطباء والطبيبات والموظفات ؟

هل سبق اخوي شبح وان واجهتك مشكله شخصيه من ملابس بعض الاطباء ؟ مما دعاك لطرح الموضوع ؟

القطاع الطبي فيه الكثير من القضايا الشائكه ؟ ممم لماذا اخترت فقط ملابس الاطباء ولم تختر غيرها من القضايا الاهم ؟

العاملين بالشرطه يجب ان يكون جوتيهم ونت بكرامه ملمع وملابسهم نظيفه كل يوم وعليهم تفتيش بذلك وتعليمات مممم يعني تبي الاطباء يكونون نفس الشرطه ؟

ولو طبيب مملابسه متوسخه نتيجه عمله اليومي الذي يمتد فوق 12 ساعه ولساعات طويله جدا مممم هل نرفع عليه قضيه ونحاكمه ؟ او تعطيه المؤسسه الطبيه لفت نظر ؟

بالتوفيق ...


اقول اش ماكل انت اليوم !!!

ليكون متريق من مطعم حمود ومتسمم

واشله هالاسئلة ههههههههاي

الحين الاستف والموظفين ما يهمك شكلهم ولا ملابسهم من صجك !!!

[شبح الصمت]

اسمحلي اخوي شبح ارد على مداخلى الاخ حمد
اي نعم هذي قضيه ومشكله الدكتور شغلته يعالج المريض مب تجي الدكتوره ومتمكيجه بمكياج كامل والعطر ريحته لين اخر الممر واللبس الملون والضيق ليش هاي كله تتوقع؟
هل القرض علاج المريض والا لفت الانتباه؟
ولاتنسى اخوي حمد ترى المستشفى فيها رجاجييل تتوقع لو دكتوره لابسه هاللبس ومسويه بنفسها هاي كله اشبيقولون عليها؟
تتوقع مافي حد بيرقمها؟ والا بيقول كلمه حلوه لها؟
ترى مثل مافي دكتورات في دكاتره وشباب بعد

يعني مثل مافي مغازل وتحرش في الاسواق والمجمعات في المستشفيات اقوى واكثر من هالشيء..




ردي يا بنت الناس

ارحم الله والديج

خلاني اتلفت

[حمد 2002]

اسمحلي اخوي شبح ارد على مداخلة الاخ حمد
اي نعم هذي قضيه ومشكله الدكتور شغلته يعالج المريض مب تجي الدكتوره ومتمكيجه بمكياج كامل والعطر ريحته لين اخر الممر واللبس الملون والضيق ليش هاي كله تتوقع؟
هل القرض علاج المريض والا لفت الانتباه؟
ولاتنسى اخوي حمد ترى المستشفى فيها رجاجييل تتوقع لو دكتوره لابسه هاللبس ومسويه بنفسها هاي كله اشبيقولون عليها؟
تتوقع مافي حد بيرقمها؟ والا بيقول كلمه حلوه لها؟
ترى مثل مافي دكتورات في دكاتره وشباب بعد

يعني مثل مافي مغازل وتحرش في الاسواق والمجمعات في المستشفيات اقوى واكثر من هالشيء..

فيه ناس ايقولون لج ياقطريه 22 بان الملابس الي يلبسونها الطبيبات = النيرس .. وتكون ملفته للنظر .. تساهم بنسبه كبيره بتحسن الحاله الصحيه للمريض ؟

ماردج على ذلك الكلام الوارد من بعض الاشخاص ...

[قطريه22]

بشكل عام المستشفى من اهم الاماكن والدكتوره او الدكتور لازم تكون ملابسهم تناسب طبيعة العمل وملابس محتشمه وغير ملفته
وذلك لما يواجهونه من حالات حرجه ولاقدر الله موت مريض ويجب مراعاة مشاعر المرضى

تتوقع ياحمد لو لاقدر الله مريض توفى والكتوره راحت تبلغ الاهل وهي بكاميل زينتها اشبيحسون فيه ؟
ونفس الشيء نظافة اللبس

[حمد 2002]

اقول اش ماكل انت اليوم !!!

ليكون متريق من مطعم حمود ومتسمم

واشله هالاسئلة ههههههههاي

الحين الاستف والموظفين ما يهمك شكلهم ولا ملابسهم من صجك !!!

انا ملاحظ بان جميع الدكاتره والدكتورات والطبيبات والاطباء ملابسهم محترمه بقطر ... بس يمكن بعض الملاحظات على اقسام الاستقبال بالمستشفيات الخاصه فقط وحالات نادره وماتمثل الا نفسها ...

[قطريه22]

فيه ناس ايقولون لج ياقطريه 22 بان الملابس الي يلبسونها الطبيبات = النيرس .. وتكون ملفته للنظر .. تساهم بنسبه كبيره بتحسن الحاله الصحيه للمريض ؟

ماردج على ذلك الكلام الوارد من بعض الاشخاص ...

لا والله ياخوي ماتساهم والي قال هالكلام الخربوطي مهب صاحي
الا اللبس يلفت فمابالك بدكتوره او ممرضه لابسه هاللبس وتدور بين المرضى وفي الممرات وعيون الناس عليهم عاد اسمع الي بيتغزل والا بيقول هذي ماتستحي

حمد اذكر دكتوره كانت تكشخ كشخه مب طبيعية لدرجة في الفلانتاين كانت تلبس احمر والشعر طالع والروح احمر
اشرايك فيها ويوم يجي دكتور تقعد تطالعه والا تسالف معاه وشوف عاد النظرات

[قطريه22]

انا ملاحظ بان جميع الدكاتره والدكتورات والطبيبات والاطباء ملابسهم محترمه بقطر ... بس يمكن بعض الملاحظات على اقسام الاستقبال بالمستشفيات الخاصه فقط وحالات نادره وماتمثل الا نفسها ...

عيل شكلك ماشفت شيء
ولاشفت المصخره الي تصير من ناحية اللبس

[حمد 2002]

بشكل عام المستشفى من اهم الاماكن والدكتوره او الدكتور لازم تكون ملابسهم تناسب طبيعة العمل وملابس محتشمه وغير ملفته
وذلك لما يواجهونه من حالات حرجه ولاقدر الله موت مريض ويجب مراعاة مشاعر المرضى

تتوقع ياحمد لو لاقدر الله مريض توفى والكتوره راحت تبلغ الاهل وهي بكاميل زينتها اشبيحسون فيه ؟
ونفس الشيء نظافة اللبس

بس انا ملاحظ بان الدكاتره والدكتورات بقطر جميعهم ملابسهم محترمه ...

وبغض النظر اختي قطريه 22 انتي لما اتروحين لأي مستشفى خاص ولا حكومي لاقدر الله سواءا داخل دوله قطر ولا خارجها اتروحين بسبب سمعه ذلك المستشفى الطبيه ولا بسبب ملابس الموظفين ؟

يعني ممم لو فيه مستشفى جميع الدكاتره فيه ملابسهم غير لائقه بس فيه امهر الدكاتره بالعالم بتروحين له ول لا ؟

بالتوفيق ...

[قطريه22]

بس انا ملاحظ بان الدكاتره والدكتورات بقطر جميعهم ملابسهم محترمه ...

وبغض النظر اختي قطريه 22 انتي لما اتروحين لأي مستشفى خاص ولا حكومي لاقدر الله سواءا داخل دوله قطر ولا خارجها اتروحين بسبب سمعه ذلك المستشفى الطبيه ولا بسبب ملابس الموظفين ؟

يعني ممم لو فيه مستشفى جميع الدكاتره فيه ملابسهم غير لائقه بس فيه امهر الدكاتره بالعالم بتروحين له ول لا ؟

بالتوفيق ...


لا ياحمد الدكتوره الناجحه ماتلبس هالخرابيط ولا هاللبس
وجوابي على سؤالك باروح لمستشفى سمعته زينه بس ان جات الي بهالشكل باقولها خلي غيرج يجي تدري ليش لان الدكتوره لو تهتم في علاج المريض افضل من انها تهتم في مظهرها
ولو تلاحظ في اوروبا مايتكشخون هالكشخه الي كانهم رايحين عرس مكياج كامل ولبس ملفت وعطر يبط الراس وتعلج لك
بالعكس يحترمون مكان العمل لانه كل مكان له لبسه

[حمد 2002]

لا ياحمد الدكتوره الناجحه ماتلبس هالخرابيط ولا هاللبس
وجوابي على سؤالك باروح لمستشفى سمعته زينه بس ان جات الي بهالشكل باقولها خلي غيرج يجي تدري ليش لان الدكتوره لو تهتم في علاج المريض افضل من انها تهتم في مظهرها
ولو تلاحظ في اوروبا مايتكشخون هالكشخه الي كانهم رايحين عرس مكياج كامل ولبس ملفت وعطر يبط الراس وتعلج لك
بالعكس يحترمون مكان العمل لانه كل مكان له لبسه

الصراحه انا ماجفت الي اتجوفينه انتي واخونا شبح .. الافضل ننتظر المزيد من الاراء لكي تتضح الصوره اكثر واكثر ..

[شبح الصمت]

انزين تسمحون لي لين عقب لانه بطلع ولنا لقاء


المحل محلكم والنقاش من دون تجريح ..

[قطريه22]

الصراحه انا ماجفت الي اتجوفينه انتي واخونا شبح .. الافضل ننتظر المزيد من الاراء لكي تتضح الصوره اكثر واكثر ..

ماتلاحظ ان محد يتناقش غيرنا:rolleyes2:

[حمد 2002]

انزين تسمحون لي لين عقب لانه بطلع ولنا لقاء


المحل محلكم والنقاش من دون تجريح ..

عزيز وغالي اخوي شبح ... وماقصرت واعتبر الموضوع بأيدي امينه :shy:

[حمد 2002]

ماتلاحظ ان محد يتناقش غيرنا:rolleyes2:

يمكن الحين لان وقت الانصراف والاجواء هادئه وصلاه ...

بس مردهم بيدخلون ...

[من بغى الزين]

مع حق في كلامك ياخوي

[حمد 2002]

اللباس لايعتبر مقياس لنجاح المؤسسه الطبيه ..

[يمامـة]

ليش لااء ..............> اقتراح قميل جدا

[يمامـة]

اللباس لايعتبر مقياس لنجاح المؤسسه الطبيه ..

صح كلامك .................> لكن دام انه زي رسمي لازم يكون نظيف ومرتب ،،

[حمد 2002]

بس الاخت قطريه 22 والاخ شبح مايتكلمون فقط عن رسميه الملابس ونظافتها بل يتكلمون انهم ملاحظين انتشار الملابس الغير محتشمه مابين الدكتورات والممرضات بمستشفياتنا ؟ مارايج بهالامر يايامامه ؟

[شبح الصمت]

بس الاخت قطريه 22 والاخ شبح مايتكلمون فقط عن رسميه الملابس ونظافتها بل يتكلمون انهم ملاحظين انتشار الملابس الغير محتشمه مابين الدكتورات والممرضات بمستشفياتنا ؟ مارايج بهالامر يايامامه ؟




انا متى كتبت غير محتشمة
ههههههههاي

ياخي من وين تقولني كلام ما قلته اختي قطرية تطرقت لجزئية بعد موجود بس انا ما قلت !!


عالعموم الملابس دورها مهم فالمستشفى

[ريم الشمال]

اقتراح طيب وضيف له تحديد ملابس الموظفات غير الأطباء والممرضين
بحيث يكون هناك ملابس رسمية لهم تخالف ممن هم اطباء ويكون مثلاً ملابس لا تعيق الحركه
بالنسبة لأطباء ملابسهم تدل حرص من امامك من طبيب على النظافة ونفس الشيء الممرضين
لابد من طبيق القوانين والمتابعة من قبل المسؤولين على الاقسام لهذا التطبيق

[Locale]

بالنسبه لي ماعندي مشكله .. ان شاء الله الدكتور يلبس الي يلبسه .. بس اهم شيء الاهتمام بنوعيه العلاج .. وجودته ...


شالفايده اتكون الملابس جديده ونظيفه والخدمات الطبيه 0 = زيرو ...

وهل مشكله ملابس الاطباء تشكل مشكله كبيره بالنسبه لك اخوي شبح ؟

وهل هالقضيه خطيره جدا جدا لكي نناقشها ؟

طيب واذا طالبنا لهم بتوفير لهم مغسله وملابس جديده هههه هل بنكون بذالك حلينا المشاكل الصحيه بقطر وضواحيها ؟

المريض الي ايروح المستشفى رايح لهدف معين وهو العلاج مب رايح لكي ايجوف ملابس الاطباء والطبيبات والموظفات ؟

هل سبق اخوي شبح وان واجهتك مشكله شخصيه من ملابس بعض الاطباء ؟ مما دعاك لطرح الموضوع ؟

القطاع الطبي فيه الكثير من القضايا الشائكه ؟ ممم لماذا اخترت فقط ملابس الاطباء ولم تختر غيرها من القضايا الاهم ؟

العاملين بالشرطه يجب ان يكون جوتيهم ونت بكرامه ملمع وملابسهم نظيفه كل يوم وعليهم تفتيش بذلك وتعليمات مممم يعني تبي الاطباء يكونون نفس الشرطه ؟

ولو طبيب مملابسه متوسخه نتيجه عمله اليومي الذي يمتد فوق 12 ساعه ولساعات طويله جدا مممم هل نرفع عليه قضيه ونحاكمه ؟ او تعطيه المؤسسه الطبيه لفت نظر ؟

بالتوفيق ...

هههههههههه انت اليوم ردودك عجيبه
تحقيق واسأله ماشاء الله عليك من وين جايب الوقت ترد على كل موضوع رد شطوله

[hanayen]

السلام عليكم ورحمه الله وبركاته
شكرًا اخي على طرح الموضوع رغم أني اختلف معك في بعض الأمور
النظافة طبعا من اهم الأسباب التي تودي الي رفع المستوى الصحي واخالفك بموضوع الزي لانه يخالف المتعارف عليه عالميا لان الطبيب اذا كان في العياده غير لما يكون في الطوارئ
على سبيل المثال تم توحيد الزي للأطباء في مستشفى حمد قسم الطوارئ ولحد يومك ما اقدر أميز بين الطبيب والممرض لأنهم لابسين اخضر فاتح من غير بالطو
ثانيا المستشفي بها مغسله لغسل ملابس العمل فقط لا غير وليس الملابس الشخصيه
ثالثا الطبيب يقوم بغسل يديه او يستخدم العقم بين كل مريض ومريض
رابعا لا تستطيع التحكم بملابس حد لانه في المستشفى كل الجنسيات من قطر ودول عربيه ومن مذاهب مختلفه نفس اللي موجود في المجتمع اذا قدرت تتحكم بلبس الرجال او النساء بينصلح حال الدنيا
خامساً الزوار اتشوف العجب اللي جايب زوليته معاه واللي جايب اكل وأطفال من غير احذيه ملابسهم قذره غير اللي يدخنون على السلالم
وأخيرا وليس آخراً الصورة الملحقة لا تمثل الا التقليد للأجانب او بالأحرى المسلسلات
الله يبارك في دولتنا الحبيبه اللي وفرت لنا اهم وأرقى سبل الحياه الصحيه
وقطر تعد اكثر دوله في الشرق الأوسط تصرف على الرعايه الصحيه
واعذرني اخوي اذا خالفتك الرأي
لك تحياتي

[شبح الصمت]

اقتراح طيب وضيف له تحديد ملابس الموظفات غير الأطباء والممرضين
بحيث يكون هناك ملابس رسمية لهم تخالف ممن هم اطباء ويكون مثلاً ملابس لا تعيق الحركه
بالنسبة لأطباء ملابسهم تدل حرص من امامك من طبيب على النظافة ونفس الشيء الممرضين
لابد من طبيق القوانين والمتابعة من قبل المسؤولين على الاقسام لهذا التطبيق


الله يعطيج العافيه اختي
شفتي يعني مافي تمييز بين الدكاتره وبعض الموظفين بالملابس واتمنى انه تنحط مثل شاشة العرض او لافته صغيرة تبين لنا وظيفة وعمل كل شخص مع الاشارة إلى ملابسهم

يعني الي لابس البالطو الابيض شنهي وظيفته
والي لابس بالطو اخضر شنهي وظيفته
والي لابس ازرق
والي لابس وردي


والنظافة من الايمان ومحد ما يحب هيئة الموظف النظيف


هههههههههه انت اليوم ردودك عجيبه
تحقيق واسأله ماشاء الله عليك من وين جايب الوقت ترد على كل موضوع رد شطوله



لا اله الا الله عليه
شكله بالع ورقة اسئلة امتحانات
رشنا رش اقولج موضوعي وموضوع غيرو

مستوووي المحقق كونان


السلام عليكم ورحمه الله وبركاته
شكرًا اخي على طرح الموضوع رغم أني اختلف معك في بعض الأمور
النظافة طبعا من اهم الأسباب التي تودي الي رفع المستوى الصحي واخالفك بموضوع الزي لانه يخالف المتعارف عليه عالميا لان الطبيب اذا كان في العياده غير لما يكون في الطوارئ
على سبيل المثال تم توحيد الزي للأطباء في مستشفى حمد قسم الطوارئ ولحد يومك ما اقدر أميز بين الطبيب والممرض لأنهم لابسين اخضر فاتح من غير بالطو
ثانيا المستشفي بها مغسله لغسل ملابس العمل فقط لا غير وليس الملابس الشخصيه
ثالثا الطبيب يقوم بغسل يديه او يستخدم العقم بين كل مريض ومريض
رابعا لا تستطيع التحكم بملابس حد لانه في المستشفى كل الجنسيات من قطر ودول عربيه ومن مذاهب مختلفه نفس اللي موجود في المجتمع اذا قدرت تتحكم بلبس الرجال او النساء بينصلح حال الدنيا
خامساً الزوار اتشوف العجب اللي جايب زوليته معاه واللي جايب اكل وأطفال من غير احذيه ملابسهم قذره غير اللي يدخنون على السلالم
وأخيرا وليس آخراً الصورة الملحقة لا تمثل الا التقليد للأجانب او بالأحرى المسلسلات
الله يبارك في دولتنا الحبيبه اللي وفرت لنا اهم وأرقى سبل الحياه الصحيه
وقطر تعد اكثر دوله في الشرق الأوسط تصرف على الرعايه الصحيه
واعذرني اخوي اذا خالفتك الرأي
لك تحياتي


قواك الله
والاختلاف في الراي لا يفسد للود قضية
والحمد لله ما ننكر اهتمام الدولة في المرافق الصحية وفي موظفينها ولكن نتمنى الموظفين نفسهم يهتمون اشوي ونفس ما تفضلتي من اماكن مختلفه بس امس شفت يعني هندية لابسه نفس الفستان من تحت شتسمووونه كانه مكشكش ويحك في الارض ومن فوقه بالطو هذه مثال صراحة منظر غريب انزين افرضوا عليهم يلبسون ملابس موحده شنهي المشكلة لي فرضتهم عليهم وخذوا لهم 7 ملابس حق الدوام وكل يوم يبدلون ..


وبخصوص الزوار حدثي ولا حرج ما لنا حق عليهم في ملابسهم لانهم مش موظفين لدينا بس لنا حق في الملابس انه مب كل لبسه يقدر يدخل فيها يعني البرمودا او شورت قصير او اشياء ما تناسب المكان ..

والصورة اختي ما فيها شيء اشوف صورة عادية بس ضربت مثال مخطوفه من النت ولو محصل الي ااحسن منها لموظفين شبابنا في قطر كنت حطيتها ..


النظافة من الايمان اختي ومفروض الكل وبالذات وتحديداً المستشفى