@@ أيهما الأفضل فاعلة خير أم الخطابة ..؟؟ @@

[بنـ الدحيل ـت]

http://im84.gulfup.com/yGIjU.jpg (http://www.gulfup.com/?nwkWPs)


استأذنت من زميلتي ،،،
التي تريد ان تتزوج ،،،
أن أعرض كلامها عليكم ،،،

http://im84.gulfup.com/dFzBt.jpg (http://www.gulfup.com/?PFxqur)

من هي الأفضل في نظركم ،،، ؟؟؟

الخطّابة أو فاعلة خير ،،،

وما الفرق بينهما ،،،


http://im84.gulfup.com/748ng.jpg (http://www.gulfup.com/?chZInB)

[حسن]

من وجهه نظريه

كل انسان يوفق راسين بالحلال ويصلح

بارك الله فيه

كفايه له الاجر

سواء خطابه ولا باي اسم من الاسماء المهم النتيجه
الايجابيه

وتسلمين يابنت دحيل

[حمد 2002]

الله اعلم ..

[يمامـة]

شنهو الفرق ؟

فعالة خير اساسا على اي اساس بتعرض بتعرض الطرفين على بعض؟

يعني مرة وحدة وخلاص ولا هي هوايتها هالشي ؟

السؤال بالنسبة لي مب واضح يابنت الدحيل

[حمد 2002]

بس الخاطبه او الخطابه اتوقع تحصل فلوس وفاعله الخير ابلاش ... وهنا الفرق ..

[يمامـة]

بس الخاطبه او الخطابه اتوقع تحصل فلوس وفاعله الخير ابلاش ... وهنا الفرق ..

خبير شكلك في هالسوالف يا حمد ؟؟

اذا كان تفسير كلام حمد صحيح ،،

ماتفرق السالفة مابينهم في الأول والأخير عليهم السؤال عن اللي بيتقدم لها ،،

[حمد 2002]

سؤال

الخطابات الي بجرايد الوسيط اشرايج فيهم يايمامه ههههه ؟

[حسن]

سؤال

الخطابات الي بجرايد الوسيط اشرايج فيهم يايمامه ههههه ؟

:eek5:

:omg:

داير عليهم حمد اكشفتك الخبيره صح
ههههه

:funny:

[يمامـة]

سؤال

الخطابات الي بجرايد الوسيط اشرايج فيهم يايمامه ههههه ؟

شوف الحين لما اييك بياع عود عند الباب ........> بتشتري منه على طول ولا بتجرب عوده ؟

ونفس الشي لو رحت القرشي ..............> بتشتري منه على طول ولا بتجربه ؟


هذا هو الزواج يا حمد
ما يصير اشتري سمج في البحر لمجرد ان الفلان الفلاني وصانا عليه ،،

انت لازم في كل الأحوال تسأل عنه وتشوف شنهي سوالفه !!

[حمد 2002]

لو داير جان ماسئلت يابوعلي ؟ سؤالي لام السعف مجرد فضول مني ؟

[حمد 2002]

بوعلي ايقول انج يايمامه كنتي خطابه سابقا ! هل صحيح هالكلام ول لا ؟

[bos3eed]

من واقع معاناتي اليومية مع الاثنين:

الخطابات نوعين, نوع تدور على اللي انت تبغيه وتتعب نفسها وتستحق الفلوس اللي تطلبها, ونوع ثاني يعتمد على ضربة الحظ وماتراعي المواصفات وتبغي الطرفين يتزوجون وتاخذ اتعابها وتختفي.

فاعلة الخير نفس الشي نوعين لكن يغلب عليهم انهم من النوع الثاني لان الموضوع مافيه فايده ماديه ترجى.

ويغلب على فاعلات الخير تزكية الاقارب والمعارف اللي حولها اما الخطابة تجيب من كل صوب.

على العموم ماعاد في فاعلين خيرلان الناس صارت ماتحب تتدخل في هاالمواضيع لان اذا صارت مشاكل بيصيبهم شي من اللوم.

[يمامـة]

بوعلي ايقول انج يايمامه كنتي خطابه سابقا ! هل صحيح هالكلام ول لا ؟

اسكت يا حمد كل سالفة فيها خطبة ادخل فيها تفشل بمرتبة الشرف،،
واحد سميكيقرب لنا بس من بعيد ،، وصوني ادور له ،، وكل محاولاتي فاشلة

ولما وخروا عني خطب وملج وعقب دريت في السالفة


لاحظ حتى ما قالوا لي انهم بيخطبونله ،، لأنهم سبق وقالوا لي خطبنا له خلاص
ويوم بيملجون كل شي اخترب ،،

فهم اعرفوا العلة من وين بالضبط ،،

فهل تعتقد كنت اشتغل خطابة ؟

[حمد 2002]

اها ... يعني بوعلي غلطان بضنه ..

[مشتاقة للجنة]

الفرق بينهم فاعلة الخير لا تأخذ قيمة مادية بعكس الخطابة ،،

الله يوفق الجميع يارب ويرزقني انا واخواتي الصالحات بالازواج الصالحين ..

[من بغى الزين]

اعتقد عن طريق الأهل احسن الله اعلم :omg:

[طلعة الروح]

أتمنى من الدولة تخصيص ونشر اسماء الخطابين والخطابات الرسميين والموثوقين في البلد (نبي شي رسمي وموثوق)
خلوا العالم سوقهم يمشي، مشاكل العنوسة اللي بعد كم سنة راح تبين نتائجها
واللي فعلا اصبحت واضحه للعيان وأهمها مطالبة النساء بالحصول على نفس حقوق الرجل والمستحقات التي يحصل عليها من الدولة
، ف الأفضل للدولة وللجميع تزويج أكبر عدد مستطاع من شبابها وبناتها من قبل جهات رسمية تتسم بالمصداقية والخبرة في مجال التزويج والتوفيق الزوجي وأهم فائدة زيادة عدد الشعب اللي لايزال عدده بسيط، وارى ان الخطابات وجودهم راح يساعد ان شاء الله في حل هالأزمة خصوصا
في ظل وجود شريحة كبيرة من أفراد المجتمع الذين لايزالون منغلقين على أنفسهم رغم الانفتاح الظاهري ، ومن ثم صعوبة الاختيار والبحث من قبل الطرفين المقبلين على الزواج ..

[اليشم]

لا خطابه ولا فاعلة خير
والله يودوا الواحد في داهيه، مافي أحسن من الأم، الخوات، الأهل والأصدقاء الثقه