السعودية تدرس اطلاع الفتيات على تاريخ المتقدمين للخطبة

[أسد الجزيرة]

http://t.co/5mPAh9a4Pw

واثق الخطى يمشي ملكاً :secret:

[ريم الشمال]

خطوة تشكر عليها حكومة المملكة ونتمنى تطبيقها لما تحمل من خير خاصة للفتاة وللمجتمع

[مختلفة عقليا]

السلام عليكم .,

ابدا ما اييد الموضوع .,

ماضيه له وماضيها لها .,

لازم يثقفونهم بدورات وورش عمل ., بدال هالكلام الفاضي .,

ويسلموو .,

[مضارب دوسري]

( 1 )*حدثنا*يزيد بن هارون*قال أخبرنا*هشام بن حسان*عن*محمد بن واسع*عنأبي صالح*عن*أبي هريرة*قال : قال رسول الله صلى الله عليه وسلم :*من ستر أخاه المسلم في الدنيا ستره الله في الدنيا والآخرة ، ومن نفس عن أخيه كربة من كرب الدنيا نفس الله عنه كربة من كرب يوم القيامة ، والله في عون العبد ما كان العبد في عون أخيه

[7llo]

موضوع معووق شوي , مب شرط انه يكون مسجون عشاان بنت ممكن يكون مسجون عشان هوشه ولا شي وثاني حاجه على موضوع التحاليل الطبيه كل شخص يسوي تحاليل واشوفها اشياء عاديه وحتى لو الرجال فيه شي يقدر يروح عياده خاصه ويتعالج او يروح يتعالج برا السعوديه واموره طيبه , الموضوع اشوفه مضيعه للوقت

[الفا برافو]

ضدبكل تاكيد....يكفي سؤال اهل البنت عن المتقدم كما جرت العاده .

[من بغى الزين]

[i]والله احسن قرار واتمنا يكون في قطر ان شاء الله عشان البنات من حقهم يعرفون الشخص الذي بتزوجه تعرف عنه مب عقب ماتتزوجه تطيح في مشاكل مسكينه وعقب تطلاق في هذا الزمن مب نفس قبل الاخو يقوم في هله صار شي نادر للأسف وإذا إخونهم متزوجين الله يعينهم ماراح يسألون عن خواتهم الا في شهر مره الا اذا تذكره عند اخت بصراحه ومعروفه الام والأب بموتون وبنات بيجلسون في البيت عانسات مسكين من حق البنت تطلب بحقوقه محد في هذا الزمن بينفعه لا اخو ولا غيره كل واحد في هذا الزمن يقول يالله نفسي ماقول كل البيوت انا اشوف صارت منتشره في هذا الزمن
سوال ليش أنتو رافضين البنت تعرف عن الشخص الذي بتزوجه كل شي وين المشكله ؟
انا مستغرب من رد الشباب

[طلعة الروح]

الدولة أدرى برعاياها ومصالحهم ،، هم عددهم أكبر ومشاكلهم من هالناحية أكثر ،، وماتوصلوا المسؤولين لقرار مثل هذا الا من شوفة عينهم

[Serenade]

ما نحتاج
البنت مصادرها اقوى من الاف بي اي.. خاصة اذا الموضوع متعلق بشريك الحياه

[moonبنتnight]

اتمنى ان يطبقونه في قطر .. أهم شي تعرف أنه أذا يتعطى مخدرات ولا يشرب ..

[w.qatar]

للاسف هالايام اذا ينسئل عن الشاب الكل يمدحه و يغطي على بلاويه وسواد وجهه بدافع ان الله امر بالستر و اللي تروح فيها البنت المسكينه

[وطن]

خوش قرار
:)

[حمد 2002]

لو تم تطبيق هالقرار بقطر بحيث يتم اعطاء كل رجال تاريخ الفتاه المتقدم لها ؟

اتوقع بتزيد نسبه العوانس بقطر ..

[Super Cool]

يطرى علي زواج وحدة من أهل زوجتي

الرجال كان أحسن منه مافي مهذب و خلوق و يصلي و عنده

خير الله منعم عليه لكن تخيلون طلع إشفيه...طلع مختل عقلياً!!

و من يوم ما هو صغير بعد...و إذا ما خذ حبوبه نجيله حالة

مثل الإنفصام فالشخصية و ما يجمع و يتحول مثل الطفل!!!

وأهله يدرون و الكل يدري و ما علموا لين طاح الفاس بالراس

لذلك....آنا مع

[بوخالد911]

هلا

وكذلك نبي العكس

للرجل الحق في الحصول على تاريخ الفتاة

[همر]

زين واللي ينحرف بعد الزواج ؟!!


انا اطالب بتحليل للدي ان اي ودراسة جيناته الوراثيه عشان يعرفون

عنده قابليه للانحراف ولا لا ...


ويطلع الرجال كامل مكمل مع شهادة فحص خلو

من العيوب الخلقيه والاخلاقيه وشهادة ضمان

ضد العيوب المستقبليه ....

[همر]

هلا

وكذلك نبي العكس

للرجل الحق في الحصول على تاريخ الفتاة


100 ريال حق الدريول يطبع لك تقرير كامل ... :playball:

[العلياا]

يخربط مثل ما يبي ليش أعور رأسي
ما يهمني ماضيه
المهم من بعد وجوده معاي

الله لا يبلانا بهالقرارات الغريبة :)

[وطن]

يخربط مثل ما يبي ليش أعور رأسي
ما يهمني ماضيه
المهم من بعد وجوده معاي

الله لا يبلانا بهالقرارات الغريبة :)

العليا

تخيلي يطلع له سوابق في تجارة المخدرات مثلا

ولا تقولين ما تصير
صارت :)

[العلياا]

العليا

تخيلي يطلع له سوابق في تجارة المخدرات مثلا

ولا تقولين ما تصير
صارت :)

ومن قال لج هالامور تنخش !!

ما راح تصير معاي ( بإذن الله ) لان عندي ثقة عمياء بأهلي

[وطن]

ومن قال لج هالامور تنخش !!

ما راح تصير معاي ( بإذن الله ) لان عندي ثقة عمياء بأهلي

تنخش يا حبيبتي

ولولا عيال الحلال في اخر لحظة
جان تدبسوا

[Super Cool]

تنخش يا حبيبتي

ولولا عيال الحلال في اخر لحظة
جان تدبسوا

تدرين ليش؟؟؟

لأن في منطق "عوي" عند بعض الشياب يقول....زوج ولدك يعقل

مب مهم بنت الناس اللي بتاكل حصى وياه

بل بعضهم يزوج ولده علشان "يفلس و ما يسافر" و هذي سامعها بإذني للأسف

هذي نقدر نسميها تربية "بالبندول"

[وطن]

تدرين ليش؟؟؟

لأن في منطق "عوي" عند بعض الشياب يقول....زوج ولدك يعقل

مب مهم بنت الناس اللي بتاكل حصى وياه

بل بعضهم يزوج ولده علشان "يفلس و ما يسافر" و هذي سامعها بإذني للأسف

هذي نقدر نسميها تربية "بالبندول"

للاسف هالثقافة منتشرة عند البعض


وتدري بعد ليش
لأن لين راحوا الأهل يسألون ويدورون
وينشف ريجهم وهم يسالون القريب والبعيد
الكل يقول مصلي ومسمي وخايف ربه

محد يتكلم عن بلاويه
ولا حتى حد يكلف نفسه يقول "اسف ما ارشحه لكم
بدون ذكر أسباب"

زين الستر زين ما اختلفنا
قولوا ما ننصحكم به والله يستر ع الجميع ويهديهم

لكن يمدحون وتكتشف البلاوي بعد ما يطيح الفاس بالراس !
شالفايدة !!

[نور الحور]

ومن قال لج هالامور تنخش !!

ما راح تصير معاي ( بإذن الله ) لان عندي ثقة عمياء بأهلي


حبيبتي العليا ..

ثقي بربج ثقة عمياء ..

الاهل مهما اجتهدوا يسألون .. لو مقدر ربي شي بيصير ..

الدعاء وتعلق القلب وحسن الظن والثقة بالله

مع اتخاذ الاسباب طبعا .. هو المفتاح الوحيد للتوفيق في كل مجالات الحياة

مو بالزواج بس ..

عشان جذي .. انا اشوف ان الموضوع ممكن يكون معقول

لو اقتصر على سجله المرضي وسجله القانوني ..

اما امور اخرى فطبعا لا .. لان الستر واجب ..

والله يوفق الجميع ياااارب ويبعد عن الطرفين كل مافيه شر ..

ويقرب لهم الخير ويبارك لهم فيه :)

[kuwari]

اتمنى يطبقونها للطرفين مش الرجال اللي له سوابق

[مختلفة عقليا]

اتمنى يطبقونها للطرفين مش الرجال اللي له سوابق

هلا .,

وين الستر والتحفظ ع الاعراض والشرف ., ؟؟

ليش تبون تفضحون اعيالك وبناتكم .,

اللي اييكم وتسالون عنه وعن اخلاقه العامه زوجوه لو كان رجل صالح .,

ليش الدخول في الماضي والاشياء الخاصه ., اللي حزات اتكون وصمه عار صارت له في مرحله عمريه معينه .,

انا اتمني يتم تطبيق (( دورات وورش عمل )) للمتزوجين ,. عشان يعرفون يتعايشون مع بعض عقب الزواج .,

ويسلموو .,

[طير حوران]

[i]والله احسن قرار واتمنا يكون في قطر ان شاء الله عشان البنات من حقهم يعرفون الشخص الذي بتزوجه تعرف عنه مب عقب ماتتزوجه تطيح في مشاكل مسكينه وعقب تطلاق في هذا الزمن مب نفس قبل الاخو يقوم في هله صار شي نادر للأسف وإذا إخونهم متزوجين الله يعينهم ماراح يسألون عن خواتهم الا في شهر مره الا اذا تذكره عند اخت بصراحه ومعروفه الام والأب بموتون وبنات بيجلسون في البيت عانسات مسكين من حق البنت تطلب بحقوقه محد في هذا الزمن بينفعه لا اخو ولا غيره كل واحد في هذا الزمن يقول يالله نفسي ماقول كل البيوت انا اشوف صارت منتشره في هذا الزمن
سوال ليش أنتو رافضين البنت تعرف عن الشخص الذي بتزوجه كل شي وين المشكله ؟
انا مستغرب من رد الشباب

ومن الذي سيصرح للشاب عن تاريخ ماضي الفتاه ؟؟؟!!! اليس من حقه كذلك ؟؟؟

أرى انه قرار خاطئ شرعا وان يكتفى عن ذلك بالسنه المتبعه

[طير حوران]

يخربط مثل ما يبي ليش أعور رأسي
ما يهمني ماضيه
المهم من بعد وجوده معاي

الله لا يبلانا بهالقرارات الغريبة :)

كملك الله بعقلك وكساك الله الستر في الدنيا والاخره

[Dana’1]

بالعكس شي زين...بعدين الخبر نشر كفكرة عامه..مافيه شرح للتفاصيل
ممكن يكون على تاريخة الإجرامي سواء مخدرات تحشيش شرب خمور وتهريب وغيرها وهذا شي مهم لازم الوحدة تدري عنه قبل الزواج عقب لها القرار ترتبط أو لا وغالبا لا..ما أظن بيكونعلى تفحيط كم مرة وإلا على دين لحاجة وإلا غيرها من الأشياء البسيطة إلي ممكن تتقاضى عنها الوحدة إذا كان الرجال صالح

مثل سالفة الفحص الطبي قبل الوظيفة
وإذا كان يبغى يسوون العكس وياخذون تاريخ وماضي النساء من حقهم بعد ..لكن النساء غالبا لو إنصادت بجريمة وماضي سيئ ذبحوها أهلها قبل لا تعرس وإلا تبروا منها وخلوها بالسجن ودور الرعاية
وبأحسن الحالات ..ستروا عليها ومافيه لها ملف...زؤ إنها تابت قبل لا يطيح الفاس بالراس

يعني القرار بالعكس ماله لازمه..فالمجتمع قايم بالواجب تجاة المرأه...لكن الرجال بالمجتمع سايب ومسيب عالأخر والكل بيسامحة..وفوق هذا بعضهم يبغى يعقلة باالزواج و يبلش بنات الناس معه

[من بغى الزين]

[quote=طير حوران;9392046]ومن الذي سيصرح للشاب عن تاريخ ماضي الفتاه ؟؟؟!!! اليس من حقه كذلك ؟؟؟

أرى انه قرار خاطئ شرعا وان يكتفى عن ذلك بالسنه المتبعه [/
طير حوران انا مسافر الحين بعد مارجع بتفاهم معك ان شاء الله

[ضوى]

لو تم تطبيق هالقرار بقطر بحيث يتم اعطاء كل رجال تاريخ الفتاه المتقدم لها ؟

اتوقع بتزيد نسبه العوانس بقطر ..


قلبت الموضوع عالفتاة ؟!!!

عيل بتزيد نسبة العنوسة هال ؟؟؟


وإذا طبقوه عالرياييل بنكتشف انه اللي كنا نعده ريال طلع الحمد لله والشكر الله لا يبلينا بس


المراد يا حمد كلامك هذا قذف وتحاسب عنه عند الديان ، وما يلفظ من قول الا لديه رقيب عتيد ، ما تخافون من الحوبة ،،؟؟؟

الله يستر على بناتنا وشبابنا والماضي مايهم احد دام الله غفور رحيم من احنا عشان نحكم بالهلاك على إنسان تاب الله عليه


أنا ضد هالقرار للإثنين والواجب اتباع السنة الا اللي رائحته فايحة وما ينفع معاه لا سجل دنيا ولا سجل اخره

[همر]

هلا .,

وين الستر والتحفظ ع الاعراض والشرف ., ؟؟

ليش تبون تفضحون اعيالك وبناتكم .,

اللي اييكم وتسالون عنه وعن اخلاقه العامه زوجوه لو كان رجل صالح .,

ليش الدخول في الماضي والاشياء الخاصه ., اللي حزات اتكون وصمه عار صارت له في مرحله عمريه معينه .,

انا اتمني يتم تطبيق (( دورات وورش عمل )) للمتزوجين ,. عشان يعرفون يتعايشون مع بعض عقب الزواج .,

ويسلموو .,



ومن ناحيه اخرى من امن العقوبه اساء الادب

خذيها من ناحيه تربويه

كثير من الشباب والبنات للاسف على حد سواء هالايام

عندهم قناعه انه بيلعب وبيخربط وتاليته بيتزوج ولاحد

درى عنه ...

ماقامت تهمهم السمعه ...

مايعملون لها حساب ...

[مختلفة عقليا]

ومن ناحيه اخرى من امن العقوبه اساء الادب

خذيها من ناحيه تربويه

كثير من الشباب والبنات للاسف على حد سواء هالايام

عندهم قناعه انه بيلعب وبيخربط وتاليته بيتزوج ولاحد

درى عنه ...

ماقامت تهمهم السمعه ...

مايعملون لها حساب ...




هلا .,

صح كلامك ., بس اللعب بعيد عن القانون ., ما بيضره بشي ., هاي من ناحيه ,’

ومن ناحيه ثانيه ,’ انا بدال ما اعدل اعوي واكسر ., ؟؟ غلط

اذا الانسان غلط ولو غلطه كبيره وما تغتفر ,’ يتم معاقب عليها طول عمره ., ؟؟ ليش

مو الدنيا ادروس ., ؟؟ خله يغلط ويتعلم ., ؟؟ والا ليش في سن المراهقه والرشد ؟؟

والستر يا اخوي الستر ., اهم من كل شي ,, هاي شوفات واعراض ,, مايصير

ويسلموو ,’

[العلياا]

حبيبتي العليا ..

ثقي بربج ثقة عمياء ..

الاهل مهما اجتهدوا يسألون .. لو مقدر ربي شي بيصير ..

الدعاء وتعلق القلب وحسن الظن والثقة بالله

مع اتخاذ الاسباب طبعا .. هو المفتاح الوحيد للتوفيق في كل مجالات الحياة

مو بالزواج بس ..

عشان جذي .. انا اشوف ان الموضوع ممكن يكون معقول

لو اقتصر على سجله المرضي وسجله القانوني ..

اما امور اخرى فطبعا لا .. لان الستر واجب ..

والله يوفق الجميع ياااارب ويبعد عن الطرفين كل مافيه شر ..

ويقرب لهم الخير ويبارك لهم فيه :)

والنعم برب العالمين ما قلنا شي
بس فحص ما قبل الزواج ما يغني عن السجل المرضي !!
أما السجل القانوني اللي أعرفه أن برقمه الشخصي تقدرين تعرفين إذا عليه قضايا والا لا :)

[يمامـة]

لو تم تطبيق هالقرار بقطر بحيث يتم اعطاء كل رجال تاريخ الفتاه المتقدم لها ؟

اتوقع بتزيد نسبه العوانس بقطر ..

بسم الله والحمدلله ولا حمد لغير الله ،،

يا حمد مشاركتك هذه ابدا غير مقبولة ،، حسستني ان نسبة ضياع بنات قطر وانفلاتهم أخلاقيا
كبيرة لدرجة انها تسبب في زيادة نسبة العنوسة ،،

فهل نسبة البنات اللي عليهم قضايا في الدولة كبيرة علشان تقول ان نسبة العوانس بتزيد
لو تم تسليم تاريخهم للمتقدم .؟


الحمدلله احنا للحين مجتمعات محافظة ياحمد ،، وان صارت هناك بعض التجاوزات من كثيرين وكثيرات
ما اعتقد الموضوع ممكن يوصل الى تسجيله الى بلاغ رسمي يسجل ضد البنت في المراكز والمحاكم
بحيث يأثر على نسبة كبيرة من البنات ويدخلون في قائمة العنوسة !!

فلذك أتمنى منك مرة ثانية انك تكون دقيق جدا لما تتكلم عن مثل هالأمور يا وليدي
لأن لا انت ولا انا ولا غيرنا ممكن نرضى كلامك على بناتنا وخواتنا !!

[qatara]

اولا لا يجوز اطلاع ما ستره الله شكل السالفه نقلبت علمانيه والله المستعان

وثانيا اذا كان ولا بد


فمن حق الرجل كذالك الاطلاع على تاريخ الفتاه


اليس كذالك ؟


وحده وتقولها سر شخص والله عقب يومين كل البلد يدرون به ههههه


خطوه غير صائبه وتودي للفضايح والمشاكل والدمار

[يمامـة]

هلا .,

صح كلامك ., بس اللعب بعيد عن القانون ., ما بيضره بشي ., هاي من ناحيه ,’

ومن ناحيه ثانيه ,’ انا بدال ما اعدل اعوي واكسر ., ؟؟ غلط

اذا الانسان غلط ولو غلطه كبيره وما تغتفر ,’ يتم معاقب عليها طول عمره ., ؟؟ ليش

مو الدنيا ادروس ., ؟؟ خله يغلط ويتعلم ., ؟؟ والا ليش في سن المراهقه والرشد ؟؟

والستر يا اخوي الستر ., اهم من كل شي ,, هاي شوفات واعراض ,, مايصير

ويسلموو ,’

اتفق مع هالرأي ،،

وايد ناس يغلطون ولكن الله يكتب لهم الستر والتوبة ،، فهل يحكم عليه انه يحمل اثم هالغلطة طول عمره ؟

فاهنيه الموضوع بيكون فيه نوع من الظلم وممكن ينحرم من اكمال نص دينه والعودة الى حياة اللعب في حال
رفضه بمثل هذه الأسباب .......................> لأن الانسان بطبعه ضعيف وممكن ينتقم من نفسه قبل غيره ,,

اعتقد بشكل عام ان مثل هالموضوع اللي انطرح في السعودية ماهو الا فرقعة إعلامية لإثبات ان
المملكة تقف مع حقوق المرأة وحقها في معرفة تاريخ المتقدم لها قضائيا ،،

في الوقت اللي ممكن البنت تتزوج وهي رافضة العريس بس لأن ابوها يبي هالشي !!

فهناك أمور اكثر أهمية لاعطاء المرأة حقها ،، حقها في ابداء رايها في الزواج
حقها في راتبها ،، حقها في البقاء على ذمة زوجها اللي تزوجته بموافقة ابوها لكن عمامها رافضين
فيتم تطليقها منه بعد ان جمعهم طفل او اثنين بسبب الانساب والطبقية ولا العرج وغيره ،،

[عضو مشاكس]

ما نحتاج
البنت مصادرها اقوى من الاف بي اي.. خاصة اذا الموضوع متعلق بشريك الحياه

ههههههههههههههههه