المساعد الشخصي الرقمي

مشاهدة النسخة كاملة : استفسار : ابي نصيحتكم في الفنادق الجديده بدبي ..



المخلب
13-08-2006, 08:56 PM
السلام عليكم

مادري شقول .:shy: . لكن هل الاجازه ملل .:o . ولا سافرت بسبب جداولي المليانه .:anger2: .

فقلنا نقزر شوي بدبي .. (( هذا اذا الله اراد ورحنا )) .. :(

فنبي نصيحتكم .. بالفنادق الجديده .. :app:

ياريت الي راح من شهر او شهرين .. (( واكيد دش فندق جديد )) يعطينا اسمه ورقمه اذا امكن وسعره مره وحده :)

اهم شئ جديد .. لاني مارحت دبي من سنتين ! .. :looking:

شسوي بعد دبي صارت تملل .. بس بعد القطعه اشتقت لها ..

على فكره الطلعه طلعت شباب ... يعني لا حريم ولا اطفال ولا شياب .. كلهم شباب ..في مقتبس العمر :funny: ..

وبالاخير ..شوركم وهدايه الله ..

وتحياتي لكم ..

قناص قطر
13-08-2006, 09:02 PM
السلام عليكم

اجازة سعيده ان شاء الله

على حسب مزاجك ، وشغلك يعني انت يون تحت ، والاسعار تحبها كيف

عندك فنادق في دبي نفسها يعني بجوار الرقة وستي سنتر

عندك فنادق شارع الشيخ زايد

انت حطلي جدول وانا بنصحك احسن مكان ان شاء الله للسكن

المخلب
13-08-2006, 09:08 PM
شوف الي نبيه فندق بوسط دبي .. لاتقولي الشقق المفروشه الي ورى حمر عين ! .. وله الملا بلازا وله الماريوت وله الشيرتون وله البستان وله شقق البستان .. وفي غيرهم بس ناسيهم ..

كلهم مليت منهم .. ابي فندق جديد ..

سعره حليو ..

(( مع العلم ان الغرف نبيها مزدوجه الاسرره )) ..

وحط في بالك ان شباب .. يعني ماحنا بجالسين بالفندق الا وقت الرقاد بس ! ..

طلعات من الساعه 9 الى 2 بالليل ..

:) ..

واذا عندك جدول للاماكن الحلوه ..

اذكر اخر مركز جديد رحته بدبي ( كان ) مريكيتو .. <<< اكيد عرفته ..

ابي اشوف ابن بطوطه وربعه .. واي مركز جديد ياريت تفيدنا باساميهم ..

وتحياتي لك ..

as aa
13-08-2006, 09:25 PM
كلهم شباب ..في مقتبس العمر :funny: ..

حلوة مقتبس العمر :funny: :funny: :funny:
بس اذا كنت تبي صوب بن بطوطة في شقق فندقية( انا ما اذكرها الحين ) الشقة فيها 3 غرف وفي شارع الشيخ زايد بس ممتازة وتصلح حق جمعة شباب في مقتبل العمر(قصدي مقتبس العمر هههه لا تزعل اليوم صدناك) وانصحك بها

المخلب
13-08-2006, 09:31 PM
هههه .. :)

تسلم بس اسمها اذا ماعليك زود ..

قناص قطر
13-08-2006, 09:54 PM
دبي اخر زيارة لها كانت من اسبوع

انا دايما في دبي (( شغل تشطيب وبناء وقفول وديكورات واكسسوارت ))

شغل تعب يعني وتشطيب

اخوي عندك فندق حليو وسعر ممتاز هالايام بحدود 390 ( هذا السويت ) هذه الايام

لكن سعره الحقيقي فوق 800 ريال بس تدري عروض هالايام بدبي

اكيد الغرفة الدبل ارخص

اذا انت مع واحد بس يعني العدد 2

فندق تريدرز دبي مشاهد الماريوت على التقاطع أبو بكر الصديق مع طريق صلاح الدين :

للعلم الفندق تابع لمجموعه فنادق شانغريلا

http://www.shangri-la.com/dubai/traders/en/index.aspx

والفندق يعتبر من فئة الاربع نجوم لكن فخامته وخدماته وغرفه بصراحة تستاهل الخمسة نجوم

بخصوص الاماكن الجديده بالنسبة لك من سنتين :

1- مول الامارات يحتاج يوم كامل

لايفوتك سكاي دبي ( المدينة الثلجية ) بمول الامارات

كذلك السينما بمول الامارات

2- الوايلد وادي ( المدينة المائية ) بمدينة جميرا

3- مركز ابن بطوطه...مركز كبير ويستاهل نصف يوم تقريبا

4- جوله بالباص العجيب الحجز والركوب بجوار برجمان

برجمان الحين غير شيء ترتيب وافتتاح قسم جديد وكبير يستاهل الزيارة

5- صحاري مول طريق الشارقة

بخصوص السيارة الايجار اذا كانت عندك بطاقة القطرية للاميال انصحك سكث شركة قرقاش للمشاريع عندهم مرسدسات فقط واسعارهم حلوه والسيارات جديده 2006 اذا لك خاطر بعطيك رقم واحد هناك ترتب معاه

اما اذا لك خاطر بغير المرسدس عندي واحد ثاني عنده مواتر بس لاتقل عن رنج سبور وهمر ولكزس ولمبرغيني وفراري

بخصوص السكن اذا تاخذه من هني عندك سفريات تورست اسعار وخدمه عند واحد اسمه راضي بسوق الوطن

واذا تبي السكن من هناك ممكن يفرق السعر معاك

هذا رقم ( باسل ) بالمطار اول ماتوصل مكتبه اسمه( الفا ) :

0971508476647
097142955855


واي خدمه انا حاضر

المخلب
13-08-2006, 10:00 PM
اخوي اخبر لتورست فرع بالدبي .. (( ناسي وين )) بس كانه بمكان في جمعيه - يمكن باممزر اذا ماخاب ضني .. (( ياريت تدليني اياه مره ثانيه )) ..

لان ان رحت هناك بحجز عن طريقهم احسن من مكتبهم بالدوحه لان المكتب الي اهني .. يوم تحجز مادري شبلاهم ماياكدون الحجز عدل .. يوم اروح هناك يقولي مافي اغرف !! ..

فبحجز من هناك على طول ..

اما بالنسبه للمدينه المائيه ..

تغير سعرها وله نفس السعر ..

وابن بطوطه وين احصله قريب من المائيه وله بعيد ومجمع الامارات ؟؟

قناص قطر
13-08-2006, 10:14 PM
مكتب تورست هناك وانت طالع من مركز بوهيل عند الاشارات على يدك اليمين بسوق الحمرا

نصيحه اذا ناوي على تورست مر على واحد اسمه راضي بسوق الوطن

يعطيك الاوكي وصورة من الحجز على طول وشيء مرتب

انا حجوزاتي كلها من عنده وشخص محترم جداً

بخصوص المدينة المائية بعد التجديدات ارتفت الاسعار 700 درهم ل 5 اشخاص

تقريبا الشخص 140 او 150 درهم

اما ابن بطوطه على طريق الشيخ زايد بالدور جميرا على اليسار ومول الامارات على اليمين وبعدها ابن بطوطه على اليمن بمسافه قريبه

سؤال / هل معك ناس تحب الشيشة ؟ سر بيني وبينك

المخلب
13-08-2006, 10:20 PM
شكر لك .. وبخصوص الشيشه ..

هههههه عندي اثنين حقين شيشه .. بس انا لاء :)

بس مايمنع نسهر فيها .. :) هات لو عندك ..

قناص قطر
13-08-2006, 10:27 PM
الله يعينا على اللقافه الحين والنصايح ليش و التدخين و و و ؟

لاحد يدش عرض

قلنا من البداية بيني وبينك سر

عندك مشاهد ستي سنتر فندق اسمه المريديان سندس

تحت الفندق على طول شيشة اسمها المبسم

شغل ترتيب اطلب من عنده الشيشة الراس عبارة عن اناناس وثلج

شيء ترتيب تكره باقي الشيش اذا جربت هذه الشيشة

قناص قطر
13-08-2006, 10:28 PM
معليش كم واحد بالسفره

اذا 3 عندك شقق جديده مرتبة اسمها الضيافه 3 شيء جديد وبجوار ستي سنتر

اذا الفندق صغير عليكم

المخلب
14-08-2006, 12:56 PM
بس بكم ؟؟

عفريت ^ كشخه
14-08-2006, 01:01 PM
اخوي اذا بترح بموترك

يعني


انصحك بالشارجه بس نسيت اسم الفندق

ولا كان خبرتك والله


والسموحه

المخلب
14-08-2006, 02:58 PM
شكرا ياريت اسمه واذا كان قريب من صحاري سنتر وله بعيد ..؟

عاشق الريم
14-08-2006, 03:01 PM
اخوي ترا في فنادق وايد واذا تبي على قولتهم بو رخَوص مثل ماقالولك قبل في الرقة واذا تبي بو غلَوي :deal: في اشياء روعه وبترتاح فيها وايد
مثل جراند حياة طبعا مكانه معروف
تاج بالاس سويتاتهم حلوة شارع المكتوم
وشنغريلا
والحبتور في جميرا
جميرا بيتش قديم وايد بس محافظ على مستواه
برج العرب حلو بس يعور الراس من ناحية الديكور احسه خربطه
الاحلى والاحلى قصر الامارات - مينا السلام وهاي 100 % بتستانس فيه

المجمعات انا استانس اكثر شي في برجمان لأن صار في توسعه
و وافي
وامارات مول
واذا فيك شدة تمشي وايد ابن بطوطة
صحاري في الشارجة
وحق تمشي الستي مع اني ماعرف ليش كل ماادخل الستي عندهم عيوني تقلب حمر
سوق التنين الصيني عندهم اشياء حلوة بطابط وسيارات حق اليهال

للشيشة عندك مرسى دبي في جميرا القعده فيه حلوة
عندك مطعم ريم البوادي شيشتهم حلوة واكلهم بعد

واذا بتروح بوظبي عندهم المارينا مول وابو ظبي مول
الفنادق الشيراتون كويس و روتانا والاحلى والاروع قصر الامارات قبل المارينا مول وطبعا اسعارها ارخص بوايد من دبي
والشيش الزينة على كورنيش ابو ظبي

اجار سيارات في دبي على حسب السيارة اللي تبيها ،، شوف شاللي في خاطرك وباعطيك ارقام

وتبي تسوي رحلة سريعه عليك بخور فكان واعطيك ضمان انك بتستانس
هاي ملخص واذا تبي زود قول ومايردك الا لسانك

المخلب
14-08-2006, 03:30 PM
خور فكان .. شفيها .. تخيل على روحاتي لدبي ماعمري طبيتها.. :)

ROSE
14-08-2006, 03:34 PM
خور فكان .. شفيها .. تخيل على روحاتي لدبي ماعمري طبيتها.. :)


عيل لو رحت دبي لا تنسى تمر على منطقة دبا والعين والكلبا

مناطق غاية في الجمال والطبيعة روعه فيها

اما بخصوص الفنادق انصحك بفنادق الشارقة رخيصه ونظيفة

وكلهم على الكورنيش والمسافة مش بعيده عن دبي

المخلب
14-08-2006, 03:48 PM
اختي روز .. بالنسبه للعين وبوظبي .. جلست فيهم .. لكن الصراحه بوظبي ملل ! .. العين وجبل علي ماتصلح الا للعوايل (( مب لنا حنا الشباب )) :)

بس بسال .. بالنسبه للطعوس بدبي .. مادري وش اسم الشركه .. ووين احصلهم وعلى كم اليوم ( شامل البوفيه ) ..

لان سمعت كثير راحوا بس مامريت هناك للاسف ..

عاشق الريم
14-08-2006, 04:12 PM
خور فكان طال عمرك تقبظ خط (شارع )الامارات وخلك على راس الخيمة وخلك مع اللافتات لين توصل خور فكان بالفعل مكان روعه جبال وبحر ورمله خشنه يعني اذا تبي تجرب موترك على السيف روح هناك بس لاتغامرعشان ماتزعل علي
وناس اتحس للحين مال الاول
وكورنيش حلو وجو غير الجو اللي شفته في دبي
بتكون حوالي اكثر من 120 كيلو من دبي يعني خط واذا انت رايح اكثر من اسبوع مافي مانع تمرها

عاشق الريم
14-08-2006, 04:16 PM
وتدري سو مثلي اذا سيارتك مافيها نافيجيشن خذلك جارمن يدوي وبتعرف كل الاماكن البعيدة وبينفعك وايد

ام الحلوين
14-08-2006, 04:59 PM
اخوي المخلب الضيافه 3 جنب ستي سنتر بالضبط والليله 900 ريال غرفتين وصاله وشقق عائليه وحلوه
وتبي تفتك من حنة العيال يقدرون يروحون الستي مشي
انا كنت اخذ عيالي واروح مشي واخلي ابونا يرتاح وينام وامان والله نسيت جوالي بالغرفه وجينا لقيناهم منظفين الشقه وحاطين الجوال ع الطاوله

ولاتنسى تعبي البوك دبي صايره غاليه كثير
ورحله موفقه اخوي

سهم طايش
14-08-2006, 05:34 PM
المخلب

عليك بشقق كونكورد ممتازه جدااا و سعرها مناسب ( تقريبا 900ريال ) شقه بغرفتين و صاله

تقع مقابل مطعم صدف بشارع المكتوم جنب دوار الساعه

( الشيشه في اللوبي )

http://www.dubaiconcorde.com/

مكتب تورست ( فرع دبي ) يقع بسوق الحمريه ( اسمه جولدن تورست ) جنب جمعية الحمريه

الافضل تضبط مع تورست من فرع قطر و تخلص نفسك

اجازه سعيده

سلمان
14-08-2006, 07:08 PM
الله يعينك يالمخلب حاس انك دخت ماتدري وين تروح وننصيحتي لك حطلك مخطط مظبوط قبل تروح

المخلب
20-08-2006, 10:05 PM
رحنا ورجعنا .. :)

دبي غاليه حسبي الله عليهم ..

استغربت والله .. بس وناسه :) للاسف ماعندي اصور

بس خوش طلعه رحنا ..

M O 7 A M M E D
20-08-2006, 10:19 PM
رحنا ورجعنا .. :)

دبي غاليه حسبي الله عليهم ..

استغربت والله .. بس وناسه :) للاسف ماعندي اصور

بس خوش طلعه رحنا ..


الحمدلله على السلامة ..

ونورت المنتدى .. :nice:

قناص قطر
20-08-2006, 10:30 PM
الحمدلله على السلامه

غاليه لازم

تدري لو تروح بيروت او الاردن تجلس هناك اسبوع او 10 ايام نصرف نفس صرف دبي بيومين

الحمدلله على السلامه سلامة الاسفار

سهم طايش
20-08-2006, 10:58 PM
اسعار دبي و صرفيتها اللحين توازي البلدان الاوروبيه

المخلب
21-08-2006, 12:04 AM
الله يسلمكم ..

صحيح والله .. الصرف بدبي صار على شكل استغلال !! ..

وله البضايع نفسها الي عندنا عندهم ..

mirage
21-08-2006, 01:09 AM
اسعار دبي و صرفيتها اللحين توازي البلدان الاوروبيه
:con2: :con2: :con2: :con2: :con2:

زمان الصمت
22-08-2006, 01:12 AM
اسكن جراند حياة دبي وراح تدعي لي

المخلب
22-08-2006, 11:07 AM
ههههه خلاص رجعت .. كلها 3 ايام بس :) ..

rashid-1
22-08-2006, 01:00 PM
فندق متروبلتان بالاس عجيب ومحترم

مشاكل
22-08-2006, 01:04 PM
شقق بن سلوم في شارع الرقه
نضافه وترتيب وحسن ضيافه

المخلب
22-08-2006, 05:12 PM
ماقصرتوا .. :)