منهو اللي ابوه "شيبه" ويسوق "رنج"..ترانا و اياه في خطر!!

[عابر سبيل]

بعد ان تجاوزت احدى الاشارات على الدائري الرابع..
تفاجأت و "تخرعت" من الرنج اللي يمشي جنبي
يقرب مني بشكل و لكأن مرايته الجانبية "اليمنى" بتصفق مرايتي الجانبية
قبل ان اتدارك الموقف و ابعد قليلا-بقدر المتاح- لتفادي الحادث
و مع ذلك..الرنج ظل في مساره "المتسبب" و لكأن السائق
ناوي "يدعمني"/يصدمني
و عن سبق اصرار و ترصد!

فاستخدمت (الهرن) منبه الصوت
و انا التفت تجاه السائق
لكي أشير له او ربما اصرخ عليه
او اذا لزم الأمر أوقفه في الشارع
و اشوف له حل..لانه فعلا ..
و رغم ان الموقف كان في ثواني..
لكنه كان مرعبا و يستحق ايقاف هذا السائق المتهور!*
*
،،
يتبع

[عابر سبيل]

2/3

و ما ان التفت و رأيت السائق..إلا و اصابني الذهووول!
فالرجل..رغم كل ما حكيته أعلاه
و لا كأنه داري باللي صاير..و لم يهتز له رمش
و لم يعبرني بل و أشك انه سمع (هرن/بوق) سيارتي!
و مع ذلك..بحمد الله..عدل قليلا من مسار (الرنج)..
و انا ابتعدت-خوفا- منه
و لكني ظللت اراقبه (خلفي) من خلال المرايا..
و رأيت انه كان لا يمشي باستقامة..بل تنحرف سيارته عن مساره في الوسط..فتدخل على احدى خطوط الطريق
(يمن/يسار) قبل ان يعيدها السائق لوسط الحارة اللتي يمشي عليها!
*
*
،،
وددت..لو انني اوقته..
او اني اخذت رقم السيارة..لعلي اساعده او اساعد السائقين..
و كذلك أهله!!
من خلال الموقف..
قدرت ان الرجل على الأقل في منتصف العقد السادس من عمره
ان لم يكن تجاوز عتبة السبعين
و كان يقود سيارته لوحده
في ساعة متأخرة-نسبيا- عند العاشرة مساءا

و خمنت..باسترجاع ذاكرتي لكثير من الشيبان اللي مروا علي
الله يرحمهم) .. ان الرجل..ربما يكون يعاني من ضعف نظر..
بل و انه ربمى مصاب بالعشى الليلي..و اكثر من ذلك
فإني لم الاحظ له ردة فعل بعد ان استخدمت (الهرن)!
أي انه ربما فوق ذلك..يعاني ضعفا في السمع!

و هنا موقف محير يواجهه كثير من الأبناء مع آبائهم
عندما يصاب الوالد بضعف في نظره و مع ذلك يصر على ان يقود سيارته بنفسه
و يرفض ان يخصص(دريول)/سائق
ليرافقه و يقود له سيارته لقضاء مشاويره..

بل و اكثر من ذلك..فان حالات من مثل هؤلاء الشيبان (البركة)
يرفض حتى ان يفرغ له احد او بعض ابنائه شيئا من وقته
ليقوم بتوصيله في مشاويه..بحجة ان الابن مشغول
و لا يريد ان يثقل عليه،

و الحقيقة..هي ان الوالد/الجد
يصاب بردة فعل تجاه مواجهة حقيقة
كبره في العمر..و ضعف بعض قدراته
و من اهمها في حالة قيادة السيارات..قوة البصر!

[عابر سبيل]

3/3


فمن تجاربكم..يا اخوان و اخوات..
هل واجهتم مثل هذا الموقف مع آباؤكم..و كيف استطعتم التغلب
على عناد (الشيبة) ان صح الوصف..
فالمسألة هذه..فيها من المخاطر العديدة اللتي لا تخفى على ذي بصر.
فالشيبة نفسه في خطر..
و قائدي و مرتادي الطرق..حتى المشاة..
في خطر

و الامر..قد يصعب استدراكه من قبل رجال المرور لوحدهم

او لنقل..يصعب علينا مطالبة المرور فقط باتخاذ خطوات او مابدارات
تجاه مثل هذه الظاهرة

بل لابد ان تبدأ اولا من أهل الرجل/ السائق
كبير السن
متى ما لاحظوا ان قدراته على قيادة السيارة و تركيزه
يعاني من قصور وخلل!

[Super Cool]

عافانا الله و إياكم

قد تكون عنده بوادر الزهايمر...لأنها فالبداية تجي بشكل متقطع و لفترات محدودة ما يعرف الشخص فيها هو وين و بعدها ما يتذكر الموقف أصلاً

المفروض على هالعمر ما يسوق اصلاً

[Super Cool]

من تجربة شخصية الوالد الله يحفظه سواقته جيدة بس تنخفض الرؤية عنده فالليل فما يطلع من الفريج إلا فالنهار

احياناً سواقته بطيئة و بشكل عام ما قد شفته يلف على احد بس إذا رن جواله يجيب العيد!!! اخر شي صار ما يرد ههههههههه

[الحياة الخالدة]

أنا الصراحة يكسرون خاطري بعض الشيبان اللي يسوقون .. أحيان كثيرة أشوف السيارة اللي قدامي تمشي بطيئة أو مش مضبوطة بس لما أمر عليها و اشوف اللي يسوق كبير في السن يكسر خاطري
و المشكلة مثل ما قلت عنيدين و ما يبون أحد يوصلهم
الله يعطيهم الصحة و العافية و يطول في أعمارهم و يحفظهم

[همر]

انصح عياله يبيعون الرنج و ياخذون له نيسان

اذا الرنج مافيه الاتي:

رادار لتحديد المسافه بينه وبين السيارات

نظام تنبيه للخروج عن المسار واعادة السياره للمسار غصب

نظام استشعار التصادم وايقاف المركبه بالقوه

نظام تنبيه للزوايا العمياء


ترى الشيبان مايبيلهم الا جيه

ولا لو مب ناوي يهد السواقه محد كفو يمنعه :court:

[Super Cool]

انصح عياله يبيعون الرنج و ياخذون له نيسان

اذا الرنج مافيه الاتي:

رادار لتحديد المسافه بينه وبين السيارات

نظام تنبيه للخروج عن المسار واعادة السياره للمسار غصب

نظام استشعار التصادم وايقاف المركبه بالقوه

نظام تنبيه للزوايا العمياء


ترى الشيبان مايبيلهم الا جيه

ولا لو مب ناوي يهد السواقه محد كفو يمنعه :court:


احنا سوينا هالشي...بعد ما حك الصدام للمرة الألف و دعم باب البيت مرتين بعنا الجي اكس و خذناله نيسان بو 4 كاميرات و حساسات ههههههههه الحين متشقق و مفتل

بس صارت غترته تتوصخ بسرعة....يمش فيها الكاميرات ها هاااااااااي

[قطريه22]

احنا سوينا هالشي...بعد ما حك الصدام للمرة الألف و دعم باب البيت مرتين بعنا الجي اكس و خذناله نيسان بو 4 كاميرات و حساسات ههههههههه الحين متشقق و مفتل

بس صارت غترته تتوصخ بسرعة....يمش فيها الكاميرات ها هاااااااااي

ههههههههههههههههههههههههههه الله يطول بعمره ويخليه لكم

[عابر سبيل]

عافانا الله و إياكم

قد تكون عنده بوادر الزهايمر...لأنها فالبداية تجي بشكل متقطع و لفترات محدودة ما يعرف الشخص فيها هو وين و بعدها ما يتذكر الموقف أصلاً

المفروض على هالعمر ما يسوق اصلاً


ممكن ..ليش لأ..
بس من يقدر يعرف هالشي اذا اهله
ما بادروا و منعوه من السواقة.او لم يسمحوا له
ان يقود سيارته و هو بروحه!


من تجربة شخصية الوالد الله يحفظه سواقته جيدة بس تنخفض الرؤية عنده فالليل فما يطلع من الفريج إلا فالنهار

احياناً سواقته بطيئة و بشكل عام ما قد شفته يلف على احد بس إذا رن جواله يجيب العيد!!! اخر شي صار ما يرد ههههههههه

الله يحفظه لكم..و يحفظكم له..

شي طيب انكم مراقبين او متابعين الوضع..
و انه مدرك للمواقف و يغير من سلوكه..

اما الجوال..فهذا (ملهي البزران) و الكبار..
الرجال و النساء..وحتى الدريوليه..

هذا بلوى..اثناء القيادة..بل من اخطر الابتلاءات!

[قطريه22]

الموضوع ماله علاقه بالرنج انا توقعت في خطأ في صناعته

لان العنوان يبين ان سيارة الرنج فقط فيها خلل
اما اذا على الشياب مب كل مايجددون الرخصه يسوون لهم فحص نظر والا انا غلطانه؟

[Super Cool]

ههههههههههههههههههههههههههه الله يطول بعمره ويخليه لكم

و إياكم و من عز عليكم إختي

[مختلفة عقليا]

السلام عليكم .,

يدي الله يعطيه طولت العمر .,

عمره صك الثمانين ., وما يرضي حد يسوق فيه .,

قبل عبالنا ان مايبي الدريول ., بس هو مصر يسوق بروحه ,.

حاولوا فيه بس رفض .,

بس اللحين ماعاد يطلع ., بس يروح المسيد ويرد .,

ويسلموو .,

[Super Cool]

ممكن ..ليش لأ..
بس من يقدر يعرف هالشي اذا اهله
ما بادروا و منعوه من السواقة.او لم يسمحوا له
ان يقود سيارته و هو بروحه!



الله يحفظه لكم..و يحفظكم له..

شي طيب انكم مراقبين او متابعين الوضع..
و انه مدرك للمواقف و يغير من سلوكه..

اما الجوال..فهذا (ملهي البزران) و الكبار..
الرجال و النساء..وحتى الدريوليه..

هذا بلوى..اثناء القيادة..بل من اخطر الابتلاءات!

آمين....هذا أبونا إذا ما درنا بالنا عليه من بيوجبه

المشكلة انه كان يبتلش من الرنة نفسها و يبي يطلع الجوال علشان يسكر الصوت و يتدوده المخبى مليان...اوراق و فواتير و وصولات مالت أول أولت العام و بوك بو طقطق و مسباح و مسواج و كلينكس فيه عود "تعرف العدة اليومية" و كل هذا فوق الجوال ههههه....و في نفس الوقت رجال عود ما يطيق السماعة...اخر شي صار يوم يسوق يحطه صامت و يفك عمره....الحين الحمد لله أموره طيبه الموتر فيه بلوتوث منه و فيه ويشبك تماتيك بس هو طلعاته قلت أساساً

[العلياا]

أنا محتاجه مساعدتكم

طويل العمر مصر إصرار غريب أنه يروح مشاويره بنفسه ولا حد يوديه
بالرغم من أنه أخواني ما يقصرون وأنا لو يسمح لي أِشيله بعيوني
وحتى لو يبي دريول نجيب له بس بالنسبة له هالموضوع غير قابل للنقاش
وأوقات احس ان احنا نضايقه لانه هو يشوف نفسه للحين فيه شده يسوق وهو نظره ضعيف

:weeping:

[شبح الصمت]

الله يجزاك خير اخوي عابر سبيل سرد رائع لقصة وواقع نلامسه ونعيشه وتنبيه لنا الابناء والبنات للانتباه لوالدينا لمن ربونا وحافوا علينا بالصغر نحافظ عليهم بالكبر وهذا حق لهم منا وعلى كل مسلم ومسلمة لديه أب وأم ..


انا بقولكم موقف حصل لي في ايام العيد ..

كنت مع اليهال رايحين لزيارات وبعد الانتهاء طلعت على خط الشمال وكنت بروح فوق الجسر ولكن سبحان الله تذكرت اني بسير على رجال فقلت خلني انزل من تحت الجسر ..

واول ما نزلت كنت في مقدمة السيد وفي المسار اليمين وانا جاي اشوف شيبه مسكين يالس تحت العلامة ومتربع فتحت له الجامه قلت له

يبه تآمرني على شيء ليش يالس قالي نزلوني قلت له حياك وقمت نزلت وركبته الموتر وكانت وراي دورية الفزعة ..

قمت وسلمت عليه ويا حليلة الشيبه حسيت منه انه مضيع اقوله يبه من نزلك يقولي جاي من الشمال مسير عالاهل والربع ونزلني دريول قلت دريول !! استخسر انه يوصله لين بيته !!!! شيء غريب


المهم قلت له وين تبي بوديك قالي بس نزلي في المنطقة الفلانيه قلت له لا والله لين باب بيتكم ..

مسكين وصلنا منطقتهم قام واتصل في مرته يقول لها يا مره انا موجود مع رجال وقريب البيت بس ما ادل وين بيتنا !!

تخيلوا حتى ما قالت له بخلي حد العيال يتصل فيك وعط الرجال نوصف له ونتم ندور على الفريج وندور ويقول لي هالمكان فيه هالموتر موتر فلان واحنا حواليه ..

عرفت مسكين انه يجمع وما يجمع جعل عمره طويل وتميت لين حصلت بيته ..


سؤالي للزوجة الي واعية اشلون انتي بقوتج وهو مسكين مهمول
سؤالي للعيال اشلون ابوكم هالفقير الي رباكم وما قصر يتلته مع خلق الله معاي والا مع غير ترى ما راح نقصر والدنيا عادها بخير وفي الي احسن مني بمليون مره ..



لا نخلي الدنيا تغرينا ولا نخلي الفلوس تعمينا ..

الأب والأم لي راحوا توقف جزء من عملك ودعواتهم الصادقة ..

اللهم آرحمهما كما ربياني صغيرا ..

[Super Cool]

أنا محتاجه مساعدتكم

طويل العمر مصر إصرار غريب أنه يروح مشاويره بنفسه ولا حد يوديه
بالرغم من أنه أخواني ما يقصرون وأنا لو يسمح لي أِشيله بعيوني
وحتى لو يبي دريول نجيب له بس بالنسبة له هالموضوع غير قابل للنقاش
وأوقات احس ان احنا نضايقه لانه هو يشوف نفسه للحين فيه شده يسوق وهو نظره ضعيف

:weeping:

هو واحد من اثنين يا تخلون موتره أسهل فالسواقه...كاميرا حساسات و قير أوتوماتيك حجم معقول و مب صالون

و يا إما حد يتطوع و يركب وياه عبري من باب الحرص...ولا يحسسه إنه جاي يراقب...يعني مثلاً هو رايح الجمعية تقول له بجي وياك أبي كم غرض من هناك

[Super Cool]

الله يجزاك خير اخوي عابر سبيل سرد رائع لقصة وواقع نلامسه ونعيشه وتنبيه لنا الابناء والبنات للانتباه لوالدينا لمن ربونا وحافوا علينا بالصغر نحافظ عليهم بالكبر وهذا حق لهم منا وعلى كل مسلم ومسلمة لديه أب وأم ..


انا بقولكم موقف حصل لي في ايام العيد ..

كنت مع اليهال رايحين لزيارات وبعد الانتهاء طلعت على خط الشمال وكنت بروح فوق الجسر ولكن سبحان الله تذكرت اني بسير على رجال فقلت خلني انزل من تحت الجسر ..

واول ما نزلت كنت في مقدمة السيد وفي المسار اليمين وانا جاي اشوف شيبه مسكين يالس تحت العلامة ومتربع فتحت له الجامه قلت له

يبه تآمرني على شيء ليش يالس قالي نزلوني قلت له حياك وقمت نزلت وركبته الموتر وكانت وراي دورية الفزعة ..

قمت وسلمت عليه ويا حليلة الشيبه حسيت منه انه مضيع اقوله يبه من نزلك يقولي جاي من الشمال مسير عالاهل والربع ونزلني دريول قلت دريول !! استخسر انه يوصله لين بيته !!!! شيء غريب


المهم قلت له وين تبي بوديك قالي بس نزلي في المنطقة الفلانيه قلت له لا والله لين باب بيتكم ..

مسكين وصلنا منطقتهم قام واتصل في مرته يقول لها يا مره انا موجود مع رجال وقريب البيت بس ما ادل وين بيتنا !!

تخيلوا حتى ما قالت له بخلي حد العيال يتصل فيك وعط الرجال نوصف له ونتم ندور على الفريج وندور ويقول لي هالمكان فيه هالموتر موتر فلان واحنا حواليه ..

عرفت مسكين انه يجمع وما يجمع جعل عمره طويل وتميت لين حصلت بيته ..


سؤالي للزوجة الي واعية اشلون انتي بقوتج وهو مسكين مهمول
سؤالي للعيال اشلون ابوكم هالفقير الي رباكم وما قصر يتلته مع خلق الله معاي والا مع غير ترى ما راح نقصر والدنيا عادها بخير وفي الي احسن مني بمليون مره ..



لا نخلي الدنيا تغرينا ولا نخلي الفلوس تعمينا ..

الأب والأم لي راحوا توقف جزء من عملك ودعواتهم الصادقة ..

اللهم آرحمهما كما ربياني صغيرا ..

للأمانة....كان في واحد في فريجنا جذي...لكن المشكلة إن زوجته الله أخذها من 3 سنين وهو بعده للحين يتكلم عنها سوت و ما سوت كأن شي صاير اليوم ولا يجمع لا تستغرب لو كان داق على حد بالغلط ولا تستغرب لو كان موقف تكسي و ركب و تم يحوط فيه وهو ما يدل و بعدين وقف التكسي و نزل بس نسى السالفة...بالذات لما يجي هالعمر كل الكلام اللي جيك طوفه...حالة صعبة و موقف صعب يعور القلب و كل اللي تقدر تسويه انك تحاول تساعده...انسى التفاصيل

[مختلفة عقليا]

الله يجزاك خير اخوي عابر سبيل سرد رائع لقصة وواقع نلامسه ونعيشه وتنبيه لنا الابناء والبنات للانتباه لوالدينا لمن ربونا وحافوا علينا بالصغر نحافظ عليهم بالكبر وهذا حق لهم منا وعلى كل مسلم ومسلمة لديه أب وأم ..


انا بقولكم موقف حصل لي في ايام العيد ..

كنت مع اليهال رايحين لزيارات وبعد الانتهاء طلعت على خط الشمال وكنت بروح فوق الجسر ولكن سبحان الله تذكرت اني بسير على رجال فقلت خلني انزل من تحت الجسر ..

واول ما نزلت كنت في مقدمة السيد وفي المسار اليمين وانا جاي اشوف شيبه مسكين يالس تحت العلامة ومتربع فتحت له الجامه قلت له

يبه تآمرني على شيء ليش يالس قالي نزلوني قلت له حياك وقمت نزلت وركبته الموتر وكانت وراي دورية الفزعة ..

قمت وسلمت عليه ويا حليلة الشيبه حسيت منه انه مضيع اقوله يبه من نزلك يقولي جاي من الشمال مسير عالاهل والربع ونزلني دريول قلت دريول !! استخسر انه يوصله لين بيته !!!! شيء غريب


المهم قلت له وين تبي بوديك قالي بس نزلي في المنطقة الفلانيه قلت له لا والله لين باب بيتكم ..

مسكين وصلنا منطقتهم قام واتصل في مرته يقول لها يا مره انا موجود مع رجال وقريب البيت بس ما ادل وين بيتنا !!

تخيلوا حتى ما قالت له بخلي حد العيال يتصل فيك وعط الرجال نوصف له ونتم ندور على الفريج وندور ويقول لي هالمكان فيه هالموتر موتر فلان واحنا حواليه ..

عرفت مسكين انه يجمع وما يجمع جعل عمره طويل وتميت لين حصلت بيته ..


سؤالي للزوجة الي واعية اشلون انتي بقوتج وهو مسكين مهمول
سؤالي للعيال اشلون ابوكم هالفقير الي رباكم وما قصر يتلته مع خلق الله معاي والا مع غير ترى ما راح نقصر والدنيا عادها بخير وفي الي احسن مني بمليون مره ..



لا نخلي الدنيا تغرينا ولا نخلي الفلوس تعمينا ..

الأب والأم لي راحوا توقف جزء من عملك ودعواتهم الصادقة ..

اللهم آرحمهما كما ربياني صغيرا ..


هلا .,

مصدووووووووووووووووووومه ., :weeping:

لا حول ولا قوه الا بالله .,

[العلياا]

هو واحد من اثنين يا تخلون موتره أسهل فالسواقه...كاميرا حساسات و قير أوتوماتيك حجم معقول و مب صالون

و يا إما حد يتطوع و يركب وياه عبري من باب الحرص...ولا يحسسه إنه جاي يراقب...يعني مثلاً هو رايح الجمعية تقول له بجي وياك أبي كم غرض من هناك

الوالد فيه روماتيزم ما يُعرف بمرض المفاصل يعني ما يقدر يطلع فرويل
وما أظن ان المشكلة فالسيارة احنا خايفين عليه تعبنا وهو الله يحفظه ما تعب :(

[قطريه22]

شبح السالفه تعور القلب والله

[شبح الصمت]

للأمانة....كان في واحد في فريجنا جذي...لكن المشكلة إن زوجته الله أخذها من 3 سنين وهو بعده للحين يتكلم عنها سوت و ما سوت كأن شي صاير اليوم ولا يجمع لا تستغرب لو كان داق على حد بالغلط ولا تستغرب لو كان موقف تكسي و ركب و تم يحوط فيه وهو ما يدل و بعدين وقف التكسي و نزل بس نسى السالفة...بالذات لما يجي هالعمر كل الكلام اللي جيك طوفه...حالة صعبة و موقف صعب يعور القلب و كل اللي تقدر تسويه انك تحاول تساعده...انسى التفاصيل

اي صدقت سبحان الله ذاكرتهم قوية ماشاء الله ويتمون يتذكرون بس احنا كمجتمع علينا نساعدهم اذا فقدوا من يساعدهم ..

الله يغفر لنا ويرحمنا ويرزقنا رحمة القلب


هلا .,

مصدووووووووووووووووووومه ., :weeping:

لا حول ولا قوه الا بالله .,



مصدومه ليش روحي صوب دار العجزة لاجل تشوفين الناس الي هاملين شيبانهم اهناك ..

الله يغفر لنا ويرحمنا برحمته

[w.qatar]

الله يحفظ كبار السن ويهديهم
الوالد بعد نفس الشي ذاك اليوم على طريق الشمال و هو يسوق غفت عينه هذا واحنا معاه و نسولف لو بروحه شلون
و طبعا من سابع المستحيلات يرضى نجيب دريول يقول للحين هو شباب ^_^

[شبح الصمت]

شبح السالفه تعور القلب والله



واقع اختي ..

[شبح الصمت]

الوالد فيه روماتيزم ما يُعرف بمرض المفاصل يعني ما يقدر يطلع فرويل
وما أظن ان المشكلة فالسيارة احنا خايفين عليه تعبنا وهو الله يحفظه ما تعب :(


الله يحفظ كبار السن ويهديهم
الوالد بعد نفس الشي ذاك اليوم على طريق الشمال و هو يسوق غفت عينه هذا واحنا معاه و نسولف لو بروحه شلون
و طبعا من سابع المستحيلات يرضى نجيب دريول يقول للحين هو شباب ^_^



الله يحفظهم لكم ويطول باعمارهم ياارب ..

[Super Cool]

الوالد فيه روماتيزم ما يُعرف بمرض المفاصل يعني ما يقدر يطلع فرويل
وما أظن ان المشكلة فالسيارة احنا خايفين عليه تعبنا وهو الله يحفظه ما تعب :(

الله يخليه لكم

المهم حاولوا تاخذون له موتر "أسهل" إذا في إمكانية

[QTR-1978]

يازميل يقول مايسمع الهرن تبيه يسمع الانذار حق الخروج من المسار

بالفعل الواحد فالعمر هذا التركيز عنده يقل ويكسرون خاطري الوالد الله يرحمه تقريبا سنه كامله كنا نقنعه بالسايق وجبناه وكان يدق سلف ويطلع ويخلي السايق بس فالاخير اقتنع

[عيسى111]

الخطورة أثناء القيادة من الشباب أكثر من الشياب

[Super Cool]

يازميل يقول مايسمع الهرن تبيه يسمع الانذار حق الخروج من المسار

بالفعل الواحد فالعمر هذا التركيز عنده يقل ويكسرون خاطري الوالد الله يرحمه تقريبا سنه كامله كنا نقنعه بالسايق وجبناه وكان يدق سلف ويطلع ويخلي السايق بس فالاخير اقتنع

الله يرحمه

للعلم إذا زاد الإنذار الموتر يصلب نفسه بنفسه و إذا قربت المسافة يدوس بريك بنفسه

[وطن]

يا عابر سبيل ترى فوق الستين مب شيبه
:)

يمكن انه أكبر من الـسبعين

الحمدلله ما صادفت حد من أهلي عنده هالمشكلة

لكن صادفت شايب دعمني وكمل ولا كأن مسوي شي
:(

هذا اذا هو درى اصلا انه دعمني

[العلياا]

الله يحفظهم لكم ويطول باعمارهم ياارب ..

ويطوول بعمرك


الله يخليه لكم

المهم حاولوا تاخذون له موتر "أسهل" إذا في إمكانية

الامكانيات موجودة ولله الحمد
ولو في سيارة يركبها وهي تسوق فيه بس عشان نرضي غروره .. قول لنا لا تبخل علينا

أحنا تكلمنا بهالموضوع امس ولا لقينا حل
متابعة عل وعسى نلقى حل جذري

[Super Cool]

ويطوول بعمرك



الامكانيات موجودة ولله الحمد
ولو في سيارة يركبها وهي تسوق فيه بس عشان نرضي غروره .. قول لنا لا تبخل علينا

أحنا تكلمنا بهالموضوع امس ولا لقينا حل
متابعة عل وعسى نلقى حل جذري

إذا مب غلطان الإنفنتي و الأودي و الكديلاك فيها كاميرات متعددة و حساسات و رادار تقدر تعدل نفسها و تدوس بريك بنفسها و كلها صوالين تنفع لكم

في كذلك مواتر تصف نفسها بالزر بس مب متأكد أيهم جربتها في الـ vw و شغل عدل

[doha2012]

,



من البر بالوالدين مخاوتهم عند الكبر ,

اعتقد احسن حل ان احد يخاويه خاصه في المشاوير الليليه ,

لانملك حق محاكمتهم او منعهم وخاصه لو اصروا على شئ لكن مايمنع نسايرهم ونخاويهم ونشاورهم

لاننسى مدى حرصهم علينا في صغرنا ومراقبتنا والبحث عن اسباب سعادتنا ف ان وجدنا

ان هذا يسعدهم لما لانسعدهم مه الحرص عليهم ؟؟

يمضي الوقت وكل شخص مشغول بنفسه وعائلته وننسى اهم ناس وهم الوالدين وحقهم علينا

اكبر من حقوق الاخرين ,






,

[حراير قطر]

انا مره صادفني شيبه بس عنده الجمس الكبير :rolleyes2:

من دوار جسر الشمال لين الابراج وما خلى احد ما لف عليه

كآنه محد في شارع غيره وانا طول الطريق ادعي بانه الله يحفظهم والله يستر

قمت اتصلت على المرور قلت لهم السالفه وقالي روحي اشتكي عليه دام الرقم عندج

قلت له لا ليش اشتكي عليه طلعوا من واتصلوا فيهم وكلموا عياله وفهموهم انه

معرض نفسه والاخرين بالخطر وقالوا ان شاء الله ابشري بس للامانه ما يندرى تواصلوا معاهم والا :secret:

[فارس قطر]

االصراحة ودي يكون جدامي شيبة من شيابنا

ولا يكون اسيوي الي يفتح الباب ويقعد يتفل في الشارع لااحترام ولا خوف.

[همر]

يازميل يقول مايسمع الهرن تبيه يسمع الانذار حق الخروج من المسار

بالفعل الواحد فالعمر هذا التركيز عنده يقل ويكسرون خاطري الوالد الله يرحمه تقريبا سنه كامله كنا نقنعه بالسايق وجبناه وكان يدق سلف ويطلع ويخلي السايق بس فالاخير اقتنع


ماعليك عاملين حساب اللي مايسمعون والا مستطربين ومطولين على بو زويد

مع التنبيه السكان يهتز والسياره ترجع نفسها للمسار الا اذا اشتغل

لمناحس بين الشيبه والسياره :secret:

[المحاميه]

الموضوع والردود عورت قلبي


لاحول ولاقوة الا بالله

بس خلاص ماقدر اكمل باقي الردود :eek3:

[بومحمد المطاوعه]

بارك الله فيك ياخوي

والله يحفظهم هالشيبان


الصراحه بعضهم مقصرين مع ابائهم







تحياتي لك



ملاحظه
اشوف بعض الناس لهم وجهين
يردون على هالموضوع بكلام وفي موضوع اخر كلام


وين كلمتهم لاتدخلون في نواياهم واعذروهم يمكن ماعندهم حد
هههههه

والله مشكله الناس لهم وجهين

نسأل الله السلامه والعفو والعافيه

[حراير قطر]

بارك الله فيك ياخوي

والله يحفظهم هالشيبان


الصراحه بعضهم مقصرين مع ابائهم







تحياتي لك



ملاحظه
اشوف بعض الناس لهم وجهين
يردون على هالموضوع بكلام وفي موضوع اخر كلام


وين كلمتهم لاتدخلون في نواياهم واعذروهم يمكن ماعندهم حد
هههههه

والله مشكله الناس لهم وجهين

نسأل الله السلامه والعفو والعافيه

بالضبط

آمين ...

[عابر سبيل]

السلام عليكم .,

يدي الله يعطيه طولت العمر .,

عمره صك الثمانين ., وما يرضي حد يسوق فيه .,

قبل عبالنا ان مايبي الدريول ., بس هو مصر يسوق بروحه ,.

حاولوا فيه بس رفض .,

بس اللحين ماعاد يطلع ., بس يروح المسيد ويرد .,

ويسلموو .,





أنا محتاجه مساعدتكم

طويل العمر مصر إصرار غريب أنه يروح مشاويره بنفسه ولا حد يوديه
بالرغم من أنه أخواني ما يقصرون وأنا لو يسمح لي أِشيله بعيوني
وحتى لو يبي دريول نجيب له بس بالنسبة له هالموضوع غير قابل للنقاش
وأوقات احس ان احنا نضايقه لانه هو يشوف نفسه للحين فيه شده يسوق وهو نظره ضعيف

:weeping:








ماعليك عاملين حساب اللي مايسمعون والا مستطربين ومطولين على بو زويد

مع التنبيه السكان يهتز والسياره ترجع نفسها للمسار الا اذا اشتغل

لمناحس بين الشيبه والسياره :secret:





زبدة السالفة...
في الكلمات المظللة لاللون الأحمر من المشاركات أعلاه..

هنالك خطر جسدي..متعدي!!
لا يقتصر على الشخص/السائق
كبير السن..بل الاخرين و الاملاك العامة و خلافه..

و لكن الاشكال هنا ..
مصدره جانب "نفسي"!!

*
*
،،
اذا..هل يمكن ان نطالب
(حماية للمصلحة الخاصة و العامة)
من اداراة المرور..
بمراجعة قوانينها فيما يتعلق برخص السواقة..
لمن تجاوز عمره (من القطريين)...عمرا معينا..
60-70 او 80...

بحيث..تكون القوانين معينة للأهل..
تجاه ما يواجهونه (نفسيا) مع كبار السن
من آباء و أجداد و معيلين...ممن يصرون بعناد
على قيادة السياراة بأنفسهم رغم ضعف بعض حواسهم!!

[Super Cool]

زبدة السالفة...
في الكلمات المظللة لاللون الأحمر من المشاركات أعلاه..

هنالك خطر جسدي..متعدي!!
لا يقتصر على الشخص/السائق
كبير السن..بل الاخرين و الاملاك العامة و خلافه..

و لكن الاشكال هنا ..
مصدره جانب "نفسي"!!

*
*
،،
اذا..هل يمكن ان نطالب
(حماية للمصلحة الخاصة و العامة)
من اداراة المرور..
بمراجعة قوانينها فيما يتعلق برخص السواقة..
لمن تجاوز عمره (من القطريين)...عمرا معينا..
60-70 او 80...

بحيث..تكون القوانين معينة للأهل..
تجاه ما يواجهونه (نفسيا) مع كبار السن
من آباء و أجداد و معيلين...ممن يصرون بعناد
على قيادة السياراة بأنفسهم رغم ضعف بعض حواسهم!!

ما نقدر نربط السالفة بعمر لأن القدرات مالها علاقة بالعمر

في ناس عمرها فالخمسين و طايحة و ناس تخطت الـ90 ولسة في وعيها

[غايه الطواش]

ليكون خالي!!!

خالي شيبه تجاوز السبعين وكل سنه يطلع له رنج جديد
وفوق هذا كله رافض ؤرفض قطعي انه عياله يحطون له سايق حاله من حال ابوي ويم بغينا نحط له سايق.

[عابر سبيل]

ما نقدر نربط السالفة بعمر لأن القدرات مالها علاقة بالعمر

في ناس عمرها فالخمسين و طايحة و ناس تخطت الـ90 ولسة في وعيها

صحيح كلامك طال عمرك...
بس انا حطيت الارقام كاقتراح لا اكثر..

هذا باعتبار ان صلاحية الرخصة (الليسن) للقطري تمتد ل 10 سنين..
قبل التجديد..و ليس سرا..ان التجديد لنا شبه مضمون و ليس فيه قيود..

فانا اترك المجال للمختصين في المرور و الداخلية وربما "الصحة"..
لبحث و وضع آلية تراقب الفئات السنية الكبيرة و تتأكد عند تجديد
رخصة السواقة لها..بانها ما زالت تحتفظ بالقدرات و الملكات
و الحواس المطلوبة!..

لانه كما اشرنا..الخطر عليهم و على غيرهم!


شوف اخوي الله يحفظك لابوك و يحفظ الوالد لك..
انا ابوي و عمامي متوفين الله يرحمهم..
و والله انا اكتب وانا خايف ليكون في المنتدى..
اي احد (لا اعرفه و لا يعرفني) ممن يمسهم الطرح مباشرة..
و اخشى انهم يتحسسون من الطرح و يتضايقون منه..
و لا يطقون من منتدانا و يعتزلونه بسبته:eek5:

فأنا اعرف مدى الحساسية عند قطاع من كبار السن
من رجال قطر تجاه حرية قيادة السيارة..

و لهؤلاء نقول لهم..مب عيب الدريول..
ثرى الشيوخ و الوزراء و السفراء..
يحطون لهم "دريوليه" و هم يقعدون ورا بعد..
فاحنا ننصحهم..بالسائق..
و يقعد له قعده جدام..
و يطلع حرته فيه..يمين يسار
و يدعي على (ابليسه) قد ما يبي:secret:

*
*
،،

و أخيرا..لمن هم يعانون من ذلك..
اهديدهم كلمات بن فطيس هذي..
علهم علينا (يرضون):shy:


راضي بحكم الله علي مهمـا يكـون
عالج عيوني لو بعد طبـك عميـت



ودي أخاشر في البصر من يبصرون
وأشوف دربي لاسرحت ولا ضويت


والاِ قنصت اثبت مع الـي يثبتـون
وأشوف طيري كل ما أوميت ودعيت


ياكثر مايضـرب خويـي الطبلـون
من كثر ما أكلتـه مطبـات وكليـت


ودي أشوف الِي علـي يعْرضـون
وبعض الليالي ودي أسري دون ليت


وأشوف ناس في القفا مايرحمـون
أمـا وقفـت لصاحبـي ولا مشيـت


من دون نظـاره ولاهـم يحزنـون
ياكثر ماكسـرت كشمـات وشريـت

[ضوى]

أتذكر أبوي رحمة الله عليه هو اللي يسوق وماجاب دريول الا بعد فترة عشان جامعة البنات ، بس أبدا ما شفته يسوق بالليل يطلع ثمان الصبح وقبل الظهر في البيت ، وماقد شفته طلع المغرب او بالليل ، لانه اخوي رحمة الله عليه يكون موجود وهو يقوم باللي نبيه

المفروض رجل شيبه بهالعمر عياله يقنعونه بالطيب والزين ولا يعاندونه ، يعني ممكن واحد من عياله يقوله ابي اطلع معاك يعني يتحايل عليه ، اما اذا ما عنده عيال فلا حول ولا قوة والله يعين أهله وان شاء الله ربي يحفظه لهم ولا يشقيهم بمضرته ،

[حمد 2002]

الشياب اسواقتهم احسن من الشباب بمليون مره ... :)

حتى الشياب تبون تمنعونهم ايسوقون !! :) :)

ليشششششششش :):):)

[أم محمد 90]

الشياب اسواقتهم احسن من الشباب بمليون مره ... :)

حتى الشياب تبون تمنعونهم ايسوقون !! :) :)

ليشششششششش :):):)


حمد اكيد شيبة

[القلب المؤمن]

ههههه احمد ربك جات على جذي انا مره طلعت من طواري حمد وجيت احرك السياره طبعا حشره مب طبيعيه بالمواقف وفجأه تجيك هالرنج متوجهه علي وانا محاصره سيارتي من جدام وورى صرت اضرب هرن واشر للشيبه اللي يسوق وطبعا لايشوف ولايسمع ويضرب سيارتي ، زين اللي كان يمشي ببطء ولا كنت رحت فيها 😅
الله يهديهم ..

[نور الحور]

الله يصلح احوالهم ويحفظهم يارب ..

أنا شفت عدة مرات كبار سن فوق السبعين يمكن يسوقون ..

الخوف عليهم وعلى غيرهم ..

لكن نقطة الحساسية ما لها إلا قوانين تشمل الجميع تتم بناء

على دراسة للعمر الافتراضي لنهاية عهد قيادة السيارة ههههه

والله يحفظهم ويبارك فيهم يارب .. هم الخير والبركة ..

أذكر أبوي الله يعطيه الصحة والعافية .. لما يشوف من ورا سيارة تمشي على هونها يقعد يتوقع ..

يقول اللي يسوق هالسيارة يا كبير سن ..

يا مرة ..

يا سوادني ..

يا هندي ..

نقوله انزين شبقى ؟ :secret:هههههههههههه

الله يعطيك العافية عابر سبيل على الموضوع وتميز الطرح اللي تعودناه منك :nice:

[طلعة الروح]

الموقف فعلا مخيف وقد يحصل من أي فئة مب شرط نخصص عمر معين لأن المتهورين وايد وملاحظه في الفترة الاخيرة ان الاجانب وبالذات الهنود مايمسكون الخط دائما لفلفه على خلق الله بسبب وبدون سبب، والله يعين المرور بتلحق على من ولا من ؟ على سواقين كروة ولا المغفلين ولا المتجاوزين ولا,,,،، كل من دخل البلد خذ ليسن وركب موتر فالديرة صارت سبهلله من هالناحية
وانا مع كلام نور الحور يجب تخصيص سن قانوني افتراضي للسواقة والله المستعان

[رجل مثالي]

الله يعطيه الصحة والعافية
وإذا كان يحدد اوقات تكون
في النهار للسواقة
وممكن يحس بالراحة إذا
اهو ساق واعيالة يساعدونه
والله يعطيه الصحة والعافية
ترى في أوروبا بنفس العمر
يسوق ويمتع نفسه بالسواقه

[النهار]

صبرا اخوي ترى العيايز ( حريم ) اصبر عليهم بعد كم سنه تحصلهم نفس الشي
اخبر شايب عدى 70 سنه اكثر من مره اشوفه على خط الشمال في كابرس ابيض هذي سنة 1990 تقريبا
يمسك اليسار والسرعه على 60 او 50 بس اضرب له هرن شوف ردت فعله
معظم الشياب في السابق ماعندهم لياسن
مره من المرات في لحنة ثبوت صادوا شايب ماعنده ليسن ها يبا اشلون تسوق بدون ليسن رد عليهم ياه كل ربعي يسوقون وماعندهم لياسن

[بصمة قطرية]

ماعليك عاملين حساب اللي مايسمعون والا مستطربين ومطولين على بو زويد

مع التنبيه السكان يهتز والسياره ترجع نفسها للمسار الا اذا اشتغل

لمناحس بين الشيبه والسياره :secret:



حسبي الله على اليهود
مندمجة مع الردود و متأثرة
و نزلت دموعي
ردك موتني ضحك
جملة إذا إشتغل لمناحس بين الشيبة و السيارة ..!! :secret:
تحيلت الوضع :secret:

[بصمة قطرية]

أبوي الله يحفظه و يعطيه الصحة والعافية ..
نادر مايسوق لمسافات بعيدة
وإذا إضطر وكان ليل لازم حد من أخواني معاه
و أخوي اللي يسوق ..
المشاوير البعيدة تكون مواجيب بالعادة
عيد و لا عرس و لا عزيمة و لا بيمر على ربعه و لا عزا ..
الحمدلله أغلب البيوت قريبة في نفس المنطقة ..
و أخواني الله يحفظهم لازم مع أبوي ..

[R 7 A L]

بيجي يوم للي بيعيش منا وبيعطه الله طوله العمر
بعدها بيتذكر الي ذاكرته قويه هالموضوع وبيعرف وش تبي منه الاجيال القادمة ):

[معماري قطري]

الوالد الله يحفظه كان مثله وألحين الله هداه ويسوق به سواق

كان يضيع أوقات وهو قريب البيت وغير عن الحوادث وقطع الإشارات وكلها كانت بسيطة والحمد لله.

[عابر سبيل]

بيجي يوم للي بيعيش منا وبيعطه الله طوله العمر
بعدها بيتذكر الي ذاكرته قويه هالموضوع وبيعرف وش تبي منه الاجيال القادمة ):


اي بالله، بعد ما كتبت الموضوع و شفت كثير من الردود..

قلت الله يستر علينا اذا وصلت بنا السنون لنكون في موقع
من ندندن اليوم حول سواقتهم!

اسأل الله حسن الخاتمة لنا و لهم

[بوخالد911]

الله يطول بأعمارهم

فيهم الخير والبركة