خوارج الانقباض

[شتان]

من يعاني منها عدم انتظام ضربات القلب

صراحه جداً متعبه بس الحمدالله بعض الاطباء ماتعتبرها خطره

المشكله بدأت بعد ما تعشينا في مطعم والله يسامحه مدير المطعم حب انه يضيفنا بانواع من

المشروبات وكانت تحتوي على رد بول ومن يومها وانا معاي هاذي الخوارج

المفروض انهم ينبهون علينا انه فيه رد بول

حبيت اسأل من منكم يعاني منها لان ما ابي اخذ ادويه لان لها اثار جانبيه

ياريت اللي عنده خبره في الموضوع يقول لنا

[كرواتيا]

الريد بول مو هو السبب

انت اصلا عندك هالمشكله سابقا
والريد بول كشفها لك لان فيه كافيين عالي والكافيين ياثر على ضربات القلب

ابعد نفسك عن الشاي والقهوه والبيبسي ومارس الرياضه وماعليك الا العافيه مشكلتك بسيطه ولا تفكر فيها كلش

عيش حياتك بسعاده :)

[شتان]

اي نعم كانت معاي بس كانت تجي ضربه وحده بس

وبعد المشروب زادها وقامت تجيني على قله النوم والجوع او ارتجاع المعده يعني زادت

والحمدالله على كل حال

[بصمة قطرية]

صار لي شهور أعاني من هالشي و للحين مب عارفين السبب ..!!!
عدم إنتظام دقات القلب و الخفقان ..
سويت فحوصات كثيرة و الخميس عندي فحوصات ثانية في مستشفى القلب ..
المشكلة مع أقل مجهود يزيد النبض مع ألم في الصدر و مرات ضيق في النفس ..!!!
و وقت النوم يزيد الخفقان و يضايقني ..

لازم تراجع طبيب متخصص عشان تتطمن من إن كل شي سليم ..
فجأة جاني هالشي
و إكتشفوه لما خذت فانتولين للصدر سبب لي رجفة و هبوط و أغمى علي وقتها
منعوني من كل الأدوية لين أتأكد .
ثلاث أرباع الأدوية تزيد دقات القلب ..
دكتور القلب قال لو طلع كل شي طبيعي راح نضطر نعطيج حبوب تنظم دفات القلب و تخففها
بجرعة بسيطة ..

[النهار]

صار لي شهور أعاني من هالشي و للحين مب عارفين السبب ..!!!
عدم إنتظام دقات القلب و الخفقان ..
سويت فحوصات كثيرة و الخميس عندي فحوصات ثانية في مستشفى القلب ..
المشكلة مع أقل مجهود يزيد النبض مع ألم في الصدر و مرات ضيق في النفس ..!!!
و وقت النوم يزيد الخفقان و يضايقني ..

لازم تراجع طبيب متخصص عشان تتطمن من إن كل شي سليم ..
فجأة جاني هالشي
و إكتشفوه لما خذت فانتولين للصدر سبب لي رجفة و هبوط و أغمى علي وقتها
منعوني من كل الأدوية لين أتأكد .
ثلاث أرباع الأدوية تزيد دقات القلب ..
دكتور القلب قال لو طلع كل شي طبيعي راح نضطر نعطيج حبوب تنظم دفات القلب و تخففها
بجرعة بسيطة ..

ماتشوفين بصمه
بس الاعراض الي عندج كانت عندي سرعة ضربات القلب مزعجه جدا
انا كانت تجيني هذه الحاله في البدايه 30 ثانيه وتروح مره اكثر من ساعه كامله مستمره
رحت الاهلي سو الي جميع الفحوصات ترقدت عندهم 4 ايام وركبوا لي هذي الي مثل الخطبوط وايرات
ومراقبه على مدار الساعه وسويت تحمل جهد القلب على جهاز الجري ساعه كامله كلها طلعت سليمه
الحمد لله تخلصت منها بسبب دكتوره عائشه حسين في مستشفى حمد العام اخصائيه امراض الصدر
السب كان ان عندي التهاب في الصدر بسبب التدخين بسبب قلة وصول الاوكسجين للدم تحصل هذه الاطرابات سرعة دقات القلب
روحي اعملي اشعه على الصدر وخذي موعد عند الدكتوره اودشي عند الدكتوره وشرحي لها الموضوع
واطلبي منها تعمل لج اشعه للصدر
انا متأكد ان عيادة القلب بيقولون لج قلبج سليم
ترى من الحين اقول لج تمارين جهد القلب متعبه جدا على جهاز الجري بسرعات عاليه جدا
تبتدى من البطي والمتوسط والسريع لازم يكون معاج على الاقل اثنين للحمايه في حالة السقوط لاسمح الله

[بصمة قطرية]

ماتشوفين بصمه
بس الاعراض الي عندج كانت عندي سرعة ضربات القلب مزعجه جدا
انا كانت تجيني هذه الحاله في البدايه 30 ثانيه وتروح مره اكثر من ساعه كامله مستمره
رحت الاهلي سو الي جميع الفحوصات ترقدت عنده 4 ايام وركبوا لي هذي الي مثل الخطبوط وايرات
ومراقبه على مدار الساعه وسويت تحمل جهد القلب على جهاز الجري ساعه كامله كلها طلعت سليمه
الحمد لله تخلصت منها بسبب دكتوره عائشه حسين في مستشفى حمد العام اخصائيه امراض الصدر
السب كان ان عندي التهاب في الصدر بسبب التدخين بسبب قلة وصول الاوكسجين للدم تحصل هذه الاطرابات سرعة دقات القلب
روحي اعملي اشعه على الصدر وخذي موعد عند الدكتوره اودشي عند الدكتوره وشرحي لها الموضوع
واطلبي منها تعمل لج اشعه للصدر
انا متأكد ان عيادة القلب بيقولون لج قلبج سليم

الشر ما يجيك يارب ..
النهار الفحوصات لحد الحين كلها سليمة ..
يوم الخميس عندي تركيب هولتر للمرة الثانية
و إختبار المجهود ..
رحت لدكتور صدر في البحرين أكد لي إن الصدر سليم الحمدلله ..
الأكسجين في الدم عمدي طبيعي ..
ما زال سبب التسارع و الخفقان مجهول ..!!

المشكلة إنه يضايق واايد و متعب في نفس الوقت ..
يصاحبه دايماً ألم في الصدر ..
ألم مزعج يسبب صعوبة في النفس ..

[النهار]

مشكلة إنه يضايق واايد و متعب في نفس الوقت ..
يصاحبه دايماً ألم في الصدر ..
ألم مزعج يسبب صعوبة في النفس ..


بصمه الم الصدر هو من احداسباب عدم وصول الاوكسجين للرئه بالشكل الصحيح
انا كنت احسن بأن شخص ما قاعد يضغط على صدري لم غير طبيعي من تسارع ضربات القلب بعدة اشكال مره بطي متوسط وسريع
مع ضيق في التنفس والتعرق الشديد
اكثر ناس تصيبهم هذه الحاله المدخنين + من يجلسون في المطابخ بسبب ابخرة الزيوت + من يقمون يشوي اللحوم
ترى من الحين اقول لج تمارين جهد القلب متعبه جدا على جهاز الجري بسرعات عاليه جدا
تبتدى من البطي والمتوسط والسريع لازم يكون معاج على الاقل اثنين للحمايه في حالة السقوط لاسمح الله

[من بغى الزين]

الله يشفيك ياخوي

[بصمة قطرية]

مشكلة إنه يضايق واايد و متعب في نفس الوقت ..
يصاحبه دايماً ألم في الصدر ..
ألم مزعج يسبب صعوبة في النفس ..


بصمه الم الصدر هو من احداسباب عدم وصول الاوكسجين للرئه بالشكل الصحيح
انا كنت احسن بأن شخص ما قاعد يضغط على صدري لم غير طبيعي من تسارع ضربات القلب بعدة اشكال مره بطي متوسط وسريع
مع ضيق في التنفس والتعرق الشديد
اكثر ناس تصيبهم هذه الحاله المدخنين + من يجلسون في المطابخ بسبب ابخرة الزيوت + من يقمون يشوي اللحوم
ترى من الحين اقول لج تمارين جهد القلب متعبه جدا على جهاز الجري بسرعات عاليه جدا
تبتدى من البطي والمتوسط والسريع لازم يكون معاج على الاقل اثنين للحمايه في حالة السقوط لاسمح الله

نادر ما أتعرض لشي من الأشياء اللي ذكرتهم ..!
أنا بادية أتمرن من كم يوم و صج أتعب واايد
لازم شوي و أريح ..
أحاتي إختبار المجهود
قلت للدكتور عارفه نفسي ما بقدر أتحمله
قال معلي لازم نشوف ..
الله يستر و يسهل ..

[بوNasser]

ما تشوفون شر
أجر وعافية بإذن الله
تكفير ذنوب ورفعة درجات ان شاء الله

العنوان ظنيته يتكلم عن فئة جديدة من الخوارج!! قلت شدخل الخوارج في قسم الإستفسارات؟؟

تحياتي للجميع

[شتان]

انا خذت موعد عند الدكتور نضال الاسعد تخصص كهرباء القلب وان شاءالله خير

[العلياا]

النهار ما قصر
فعلاً أحياناً المشكلة ما تكون في القلب يكون مؤشر لأمر آخر
مثل مشاكل في الرئة
وممكن تكون فرط نشاط في الغدة الدرقية ...

وما تشوفون شر إن شاءالله