قطر تخطط لافتتاح حديقة حيوان على مستوى عالمي في 2020!! [الأرشيف]

عابر سبيل

25-02-2014, 10:52 PM

http://www.aboaziz.net/myimages/swiss/servion_zoo/zoo.gif

"
كشفت هيئة الأشغال العامة في دولة قطر أنها تعتزم إنشاء حديقة للحيوان على مستوى عالمي في منطقة الوعب حيث ستتضمن فندق 7 نجوم ضمن منطقة خاصة برحلات السفاري في الحديقة التي ستقام على مساحة 71 هكتار، و سيتم الإعلان عنها غداً في مؤتمر عالمي للسياحة سيقام في الدوحة.

و كشف السيد غريغروي كلاركسون مسؤول التخطط في الهيئة بأن المشروع المزمع الانتهاء منه في عام 2020 سيعزز مكانة و سمعة قطر كوجهه سياحية عالمية في المنطقة.

و ستقام الحديقة على مساحة 71 هكتار في منطقة الوعب و سترتبط مع مركز اسباير بارك و فلاجيو مول عبر عربات معلقة و نظام للترام و ممرات خاصة بالمشاة ، وتتضمن ممشى للفيلة عبر طريق الوعب وممرا للسفاري عبر الحديقة ومنطقة تحاكي بيئة الغابات الاستوائية.

كما يتضمن المشروع بناء فندق سبع نجوم و فندقين أحدهما من فئة خمس نجوم و الآخر أربعة نجوم ، حيث تقع ضمن منتجع داخل الحديقة مع ممرات مظللة للمشي ، كما يتضمن المنتجع قرية شعبية للتراث القطري.

و يتوقع السيد كلاركسون بأن يبلغ عدد زوار القرية الشعبية نحو 1.3 مليون زائر ، بينما يتوقع أن يزور الحديقة حوالي 950 ألف زائر سنوياً.
"
http://www.argaam.com/article/articledetail/401853/قطر-تخطط-لافتتاح-حديقة-حيوان-على-مستوى-عالمي-في-2020

من بغى الزين

25-02-2014, 10:55 PM

ان شاء الله الله يسمع منك

غزلان

25-02-2014, 10:58 PM

عمار ياقطر

بالتوفيق

الزعفراني

25-02-2014, 11:04 PM

بالتوفيق ان شاء الله .. ونبي مشروع مدينة العاب عالمية ..

تغلبية

25-02-2014, 11:26 PM

ان غدا لناظره لقريب يا اشغال ...

تعودنا على المشاريع الضاربة والصيحة العالمية !

عذراً منكم .. على مساحة التشائم العالية عندي من أسمع كلمة "أشغـــال" !

مبتعث

26-02-2014, 07:05 AM

كـم تكلفة المشـروع ؟

مختلفة عقليا

26-02-2014, 07:19 AM

السلام عليكم .,

انزين خل يحطون لنا الالعاب ., اشدعوه دوله كامله مافيها الالعاب ., اعيالنا ملوا من المجمعات .,

ومشروع 100% ,,

ويسلموو ,.

شيخ الديرة

26-02-2014, 07:26 AM

و ستقام الحديقة على مساحة 71 هكتار في منطقة الوعب و سترتبط مع مركز اسباير بارك و فلاجيو مول عبر عربات معلقة و نظام للترام و ممرات خاصة بالمشاة ، وتتضمن ممشى للفيلة عبر طريق الوعب وممرا للسفاري عبر الحديقة ومنطقة تحاكي بيئة الغابات الاستوائية.

كما يتضمن المشروع بناء فندق سبع نجوم و فندقين أحدهما من فئة خمس نجوم و الآخر أربعة نجوم ، حيث تقع ضمن منتجع داخل الحديقة مع ممرات مظللة للمشي ، كما يتضمن المنتجع قرية شعبية للتراث القطري.

هذي المساحة ما يعادل 900 متر طول ب 900 متر عرض, معقولة الحديقة والفنادق كلها بهذي المساحة؟ الله يساعد الفيل, اتوقع راح يعطوا قفص أرنب

كـم تكلفة المشـروع ؟

الحين ولا في نهاية المشروع؟ الفرق كبير

همر

26-02-2014, 07:26 AM

ان غدا لناظره لقريب يا اشغال ...

تعودنا على المشاريع الضاربة والصيحة العالمية !

عذراً منكم .. على مساحة التشائم العالية عندي من أسمع كلمة "أشغـــال" !

انا قريت كشفت هيئة الاشــ.... ماكملت :)

khalid Qtr

26-02-2014, 07:26 AM

إغلاق الحديقة الحالية أمر خاطيء ، المفروض تاركينها مفتوحة على أن يتم بناء الحديقة الجديدة خارج الدوحة ..

عيسى111

26-02-2014, 07:33 AM

إغلاق الحديقة الحالية أمر خاطيء ، المفروض تاركينها مفتوحة على أن يتم بناء الحديقة الجديدة خارج الدوحة ..

هذا هو الرأي الصائب

شيخ الديرة

26-02-2014, 07:33 AM

ان غدا لناظره لقريب يا اشغال ...

تعودنا على المشاريع الضاربة والصيحة العالمية !

عذراً منكم .. على مساحة التشائم العالية عندي من أسمع كلمة "أشغـــال" !

مكانها غلط, من ناحية زحمة الطرق ومساحة الحديقة. مستر كلاركسون ما سأل نفسه وين راح يوقفون سياراتهم ذيلة ال 950 ألف زائر سنويا ؟؟؟

يحتاج 1000 موقف سيارة على حساب 3 زوار بالسيارة, وزيارات متساويه طول أيام السنة. أما في المناسبات فتلك قصة أخرى.

دايموند

26-02-2014, 07:35 AM

من قريت ان هيئه الاشغال لها شغل بالسالفه انا غسلت يدي

عابر سبيل

26-02-2014, 07:59 AM

هذي المساحة ما يعادل 900 متر طول ب 900 متر عرض, معقولة الحديقة والفنادق كلها بهذي المساحة؟ الله يساعد الفيل, اتوقع راح يعطوا قفص أرنب

الحين ولا في نهاية المشروع؟ الفرق كبير

:nice:

حسن

26-02-2014, 08:08 AM

زين شي جميل اهم شي لا ينسون حيوانات بيئتنا

ومن ضمنها الحمار القطري

:)

ابوعلي

26-02-2014, 08:11 AM

زين شي جميل اهم شي لا ينسون حيوانات بيئتنا

ومن ضمنها الحمار القطري

:)

ياترى بنلحق نشوف ولا تهقى مافينا شدة نمشي

بوخالد911

26-02-2014, 08:12 AM

لو ينقلونها ع خط الشمال
مثلا بعد أم العمد
أو صوب الغرب بعد نادي الريان
بيكون أفضل

ولكن المكان المذكور في الوعب !!!

مب ناقصين زززززززززززززززحمة

حسن

26-02-2014, 08:14 AM

ياترى بنلحق نشوف ولا تهقى مافينا شدة نمشي

لا بتلحق لا تخاف الفلوس موجوده

بس وحديفه حيوان وش تب طين وحشيش وشبوك يرحون حق
البنغال في روضه راشد الله مكثرهم وشغلهم سريع

كان يبون يسون شي بالمليارات حق حياوانات عاد هذا بصرهم

يمكن هم يشوفون شي احنا مان شوفه

وهل قطر منصجك يروح حديقه حيوان واحنا ناقصين

:)

musel999

26-02-2014, 08:21 AM

خلهم يفتتحون حديقة الخور اول

همر

26-02-2014, 08:23 AM

زين شي جميل اهم شي لا ينسون حيوانات بيئتنا

ومن ضمنها الحمار القطري

:)

دخيل الله خل يحطون حيوانات بس

اخاف يسوون الحديقه وينسون الحيوانات

مثل الشوارع اللي بدون خدمات ...

همر

26-02-2014, 08:27 AM

لا بتلحق لا تخاف الفلوس موجوده

بس وحديفه حيوان وش تب طين وحشيش وشبوك يرحون حق
البنغال في روضه راشد الله مكثرهم وشغلهم سريع

كان يبون يسون شي بالمليارات حق حياوانات عاد هذا بصرهم

يمكن هم يشوفون شي احنا مان شوفه

وهل قطر منصجك يروح حديقه حيوان واحنا ناقصين

:)

اي والله وانت الصاج

انا اشوف حيوانات يومياً بدون حديقه ... :)

حسن

26-02-2014, 08:34 AM

لو ينقلونها ع خط الشمال
مثلا بعد أم العمد
أو صوب الغرب بعد نادي الريان
بيكون أفضل

ولكن المكان المذكور في الوعب !!!

مب ناقصين زززززززززززززززحمة

لا بالله مانبيها شمال مهب ناقصين حيوانات وازعاجهم يابوخالد

حسن

26-02-2014, 08:35 AM

اي والله وانت الصاج

انا اشوف حيوانات يومياً بدون حديقه ... :)

هذه يسموهنها الحيوانات السائبه

:)

كود نمبر

26-02-2014, 08:35 AM

الموقع فاشل بصراحه
الحين احنا نبي الفكه من الزحمه وهم يزيدونهاا
الحين المساحات الخارجيه شكبرها مش مستقله ليش مايطلعون برى الدوحه

شبح الصمت

26-02-2014, 08:39 AM

أهم شيء يغيرون الحيوانات يكرم الحاضرين

لانه الاسد حفظ وجيه وجيهنا يوم نمر عليه خاطره يحظنك من فرحة

هههههههههههههههههههههاي

حمد 2002

26-02-2014, 08:47 AM

بل ليش 2022 هاذي فيها حياه وممات !! :rolleyes2:

@north_star@

26-02-2014, 09:04 AM

'طيب والحيوانات القديمة شنو مصيرها ؟

بوخالد911

26-02-2014, 09:13 AM

لا بالله مانبيها شمال مهب ناقصين حيوانات وازعاجهم يابوخالد

هلا بو علي

بس بعيد عن الخورررررر والذخيرة

دوووونت وووري

حسن

26-02-2014, 09:17 AM

'طيب والحيوانات القديمة شنو مصيرها ؟

يسون عليها مزاد

مثل مواتر الشرطه والجيش

:)

@north_star@

26-02-2014, 09:19 AM

يسون عليها مزاد

مثل مواتر الشرطه والجيش

:)

مزاد على شنو على الفيل الي طار لونه المسكين وكل يوم راسمين عليه كنه صبورة هههههههههههه ...انا خوفي يسفرونهم

بوحارب

26-02-2014, 11:29 AM

متى بيفتحون الحديقة الحالية زهقنا وما عندنا مكان نودي العيال نمشيهم!!!

العلياا

26-02-2014, 11:30 AM

نبي مدينة ألعاب

بانغ بانغ

26-02-2014, 11:31 AM

فعليا الحيوانات لحين ما انولدوا

وحيد-الشوق

26-02-2014, 11:50 AM

اهم شيء في الموضوع اشغال والفندق 7 نجوم !!!!!!!!!!!!!!!!

مكان المشرووع غلط ياناس ياعالم متى بتفهمون الدوحة بتنفجر من الزحمة وهذا يقولك حديقة حيوان بمستوى عالمي وفندق 7 نجوم في الوعب ههههههه وين بيصفون مواقفهم العالم

حطوها على خط الشمال ولا حتى قريب بوسمرة او بونخلة

qatari911

26-02-2014, 12:06 PM

يعدلون الشوارع ويوسعونها ومحد قدهم

معماري قطري

26-02-2014, 10:35 PM

يعني راح بيتي !!

الظاهر تعادوا لي من كثر ما اكتب عن أشخال وشخلهم للفلوس .. يالله بس يستعجلون بالتعويض حتى ابني بيتي الجديد.

النهار

26-02-2014, 10:41 PM

زين شي جميل اهم شي لا ينسون حيوانات بيئتنا

ومن ضمنها الحمار القطري

:)

ههههههههههههههههههههههه

حسن من وين يجيبونهم تم تسفيرهم بتذكره من غير عوده

النهار

26-02-2014, 10:45 PM

متى بيفتحون الحديقة الحالية زهقنا وما عندنا مكان نودي العيال نمشيهم!!!

http://store2.up-00.com/2014-02/1393443889141.jpg (http://www.up-00.com/)مركز تحميل الصور (http://www.up-00.com/)

المحاميه

26-02-2014, 10:54 PM

نصبر ونشوف
مع أني ماحب هالحديقة

قوت القلوب

26-02-2014, 11:16 PM

راح تتكررمأساة سوق الغنم فالاحياء السكنيه

الواثق باالله

26-02-2014, 11:38 PM

باالتوفيق ان شاء الله

تغلبية

26-02-2014, 11:54 PM

انا قريت كشفت هيئة الاشــ.... ماكملت :)

بعد انا نفس الشيء ..

جيت الحين قلت خلني اكمل اقرا .. يمكن القى نكتة ...

منطقة سفاري + ( 71 هكتار= 900×900 متر) + مدينة عاااااالمية + ممراً للفيلة + وممراً للسفاري+ مرتبطاً بفيلاجيو واسباير بارك <<< :eek5:<<<< كل ذيه في الوعب :eek5: <<<<< :funny: اضحك الله سنك ياغريغوري .... تعرف تنكت بعد !!

ريم الشمال

27-02-2014, 12:05 AM

يعطيكم العافيه اشغال ما عندنا شك أن فيكم من يحب البلاد والعباد بس
1- المساحة عليها ألف علامة استفهام .
2- اختيار المكان فيه علامة استفهام .
3- المنشأت بتأكل ثلاثة ارباع المساحة .
4- شعبكم العزيز متعلم وليس جاهل حتى تغيبونه بهذه المعلومات التي عليها ألف علامة استفهام ونحن شعب لا نحب الشوووووووووووو نحب الذي يكلمنا بالمنطق ولا يودينا البحر ويردنا عطشانين

ارجوا مراجعة هذا الأمر قبل ما تقع الفأس في الرأس وعندها رقع يامرقع بيقول الشق أكبر من الرقعة

امـ حمد

27-02-2014, 12:19 AM

بالتوفيق يارب
عمار ياقطر

looorans1999

27-02-2014, 12:38 AM

هههههه والله ضحكت على سالفت المزاد زين أتمنى اذا أداره الحديقة اذا سوى مزاد ينزلونها في الجريده انا اول واحد بشتري هههههههه

نور الحور

27-02-2014, 01:22 AM

بعد انا نفس الشيء ..

جيت الحين قلت خلني اكمل اقرا .. يمكن القى نكتة ...

منطقة سفاري + ( 71 هكتار= 900×900 متر) + مدينة عاااااالمية + ممراً للفيلة + وممراً للسفاري+ مرتبطاً بفيلاجيو واسباير بارك <<< :eek5:<<<< كل ذيه في الوعب :eek5: <<<<< :funny: اضحك الله سنك ياغريغوري .... تعرف تنكت بعد !!

هههههههههههههههههه .. عجيبة تغلبية .. :victory:

فرهود

27-02-2014, 01:58 AM

بعد انا نفس الشيء ..

جيت الحين قلت خلني اكمل اقرا .. يمكن القى نكتة ...

منطقة سفاري + ( 71 هكتار= 900×900 متر) + مدينة عاااااالمية + ممراً للفيلة + وممراً للسفاري+ مرتبطاً بفيلاجيو واسباير بارك <<< :eek5:<<<< كل ذيه في الوعب :eek5: <<<<< :funny: اضحك الله سنك ياغريغوري .... تعرف تنكت بعد !!

الهكتار= 10000متر مربع
71هكتار= 710000متر مربع

حسن

27-02-2014, 06:40 AM

ههههههههههههههههههههههه

حسن من وين يجيبونهم تم تسفيرهم بتذكره من غير عوده

الصراحه شي محزن ياالنهار

حرام هل الثروه الحيوانيه وانا اطالب باسترجاع الحمار القطري
واطالب البيئه بالبحث عنه
هو في رقبته خط اسود ويرجع مسقط راسه سماده دخان

بدال ماييبون لنا ثعاله كانها ذيابه والحمار ليش ناسينه

ان شاء الله نشوفه في البيئه القطريه لان ثروه لا تقدر بثمن

على الاقل نسمع صوته

:)

همر

27-02-2014, 07:01 AM

الهكتار= 10000متر مربع
71هكتار= 710000متر مربع

زين وخير ؟!! 842.6 متر طول في 842.6 متر عرض !!!

حتى ما وصلت الكيلو ...

يعني تروّح جاي في 20 دقيقه مشي

وين بينحط السفاري اللي فيه مشي بالسياره

داخل حديقه تمشيها مشي في نص ساعه ؟!!

ولا السفاري في قطار العاب يدور عالحديقه مال

مملكة علاء الدين ؟!!

842 متر .... فندق قصر الامارات طوله 1000 متر :anger1:

همر

27-02-2014, 07:05 AM

بعد انا نفس الشيء ..

جيت الحين قلت خلني اكمل اقرا .. يمكن القى نكتة ...

منطقة سفاري + ( 71 هكتار= 900×900 متر) + مدينة عاااااالمية + ممراً للفيلة + وممراً للسفاري+ مرتبطاً بفيلاجيو واسباير بارك <<< :eek5:<<<< كل ذيه في الوعب :eek5: <<<<< :funny: اضحك الله سنك ياغريغوري .... تعرف تنكت بعد !!

هذا يسمونه التفكير خارج الصندوق ...

مدام السالفه فيها غرغوري وعيون خضر

اكيد السالفه فيها فنتك ...

حديقة حيوانات اربع طوابق :eek2:

lion66

27-02-2014, 07:49 AM

الحيوانات اللي في الحديقة صادتهم حالة اكتئاب من يوم دروا ان اشغال اعلنت عن المشروع ..
يقول الفيل حكيم الغابة " اشغاااااال .. اغوااال لا افعااااال " ...

BIG-VEGA

27-02-2014, 07:52 AM

فيه شي غلط بالمساحه

بعدين مالقو الا نص الدوحه
شفيها لو سووها برع
كل العالم يسونها برع

المفروض هذي المنطقه للمواطنين او منطقه خدمات للمواطنين
والترفيه وغيره برع

معماري قطري

27-02-2014, 08:10 AM

الصراحه شي محزن ياالنهار

حرام هل الثروه الحيوانيه وانا اطالب باسترجاع الحمار القطري
واطالب البيئه بالبحث عنه
هو في رقبته خط اسود ويرجع مسقط راسه سماده دخان

بدال ماييبون لنا ثعاله كانها ذيابه والحمار ليش ناسينه

ان شاء الله نشوفه في البيئه القطريه لان ثروه لا تقدر بثمن

على الاقل نسمع صوته

:)

هههههههه والله صادق يا حسن بس غصب اضحك ضحكتني سمادة دخان

يا اخوي الحمار القطري ربعنا اللي في البيئة ما لحقوا عليه واللي يايبينهم خبراء شعرفهم وشهي قطر.

معماري قطري

27-02-2014, 08:18 AM

اللي يتكلم عن المساحة فهي صج صغيرة حق كل هذا وخصوصاً جزء السفاري بارك ألا يكون سفاري بارك مال يهال صغيروبيوسعون شوي بشيل بيوت كثيرة من أساساتها .. وضحكني صج الجسر اللي يمشي عليه الفيل لين حديقة أسباير .. مسكين الفيل يبي يغير مزاج لاعت جبده من الحديقة .. يا ناس المشاة ما سويتوا لهم جسور تسون للفيل؟ وبعدين حديقة أسباير يالله يالله مكفية الناس ولو دخلوا عمال سووا زحمة غير طبيعية بتهدون الفيل فيها؟

سووا الحديقة في موقع ينفع وكبير يشيل كل الفعاليات صج وخلوا الحديقة ومكانها لإستخدامات ثانية أو وزعوها بينكم وبين الواصلين في البلدية مجمعات وأسواق بس بعد سووا مواقف كافية.