[ ماهي أجمل هدية أحضرها لك والدك أو والدتك ؟ ]

[الزعفراني]

في طفولتنا أو حتى المراهقة .. وربما في الكبر ايضا .. لابد من أننا تلقينا الكثير من الهدايا من آبائنا او أمهاتنا .. لكن تبقى هناك هدية أجمل من الأخرى ..

السؤال لك ولها ..

ماهي أجمل هدية أحضرها لك ( والدك ) أو ( والدتك ) ؟! :shy:


كل واحد يشغل ذاكرته .. وإذا فيه صور للهدية ما يمنع :shy:

[حمد 2002]

كل دقيقه تستطيع ان تتكلم بها مع امك او ابوك لاتساوي بهدايا العالم وكنوزه كلها ...

يكفي انهم سبب وجودك في هذا الكون ..

من علمك من رباك من اكلك من ومن ومن ..

كل هالاشياء افضل من كنوز العالم ومجوهراته ووو ..


بالتوفيق ..

[فتى الجود]

السلام عليكم


ان اشهد انهم
ماقصروا معاى

[بصمة قطرية]

أجمل و أغلى و أروع هدية هي :

( دعــــواتهم ) ..

[النهار]

انا شرو لي سيكل وفخ للعصافير

[شبح الصمت]

أجمل هدية فديتها أمي والله يرحم أبوي رحمة واسعة


طبعاً ( أنــــا )

:shy:

[غايه الطواش]

اتركوا عنكم التفلسف :omen2:

ااجمل هديه جابها لي ابوي كنت وقتها في رابع او ثالث كان مسافر وجاب لي سيكل شكله عجيب غريب
وكنت اطلع فيه احر عيال الفريج وارجع لين ليقته يوم من الايام مكسور :rolleyes2:

[حسن]

اتركوا عنكم التفلسف :omen2:

ااجمل هديه جابها لي ابوي كنت وقتها في رابع او ثالث كان مسافر وجاب لي سيكل شكله عجيب غريب
وكنت اطلع فيه احر عيال الفريج وارجع لين ليقته يوم من الايام مكسور :rolleyes2:

يعني الشطانهمن صغرك

لكن زين سو فيك عيال الفريج


انا اجمل هديه ابوي جابه لي عقب حنه وضربني

حصان من اصطبلات الشيخ خليفه الوالد الله يطول في عمره

[نوار قطر]

اجمل هدية والي مستحيل انساها واصلا للحين موجوده عندي من يوم ما كان عمري 5 سنوات تقريبا .. تعليقة ذهب وفيها حجر محفور عليه اية الكرسي من عند يدي الله يرحمه..

[العلياا]

يوم كنت صغيرة ابوي جاب لي سوارة من مكة وللحين عندي
أمي جابت لي طقة ألماس يوم خلصت من الثانوية

هالهديتين ما انساهم رغم بساطتهم والوالد لين هاليوم ما يقصر معاي
الله يطول لي بأعمارهم وبأعمار والدينكم جميعاً

[عاشق العديد]

وجودهم احلى هديه ..

[(Sara)]

وجودهم احلى هديه ..

الله عليكم الله يحفظهم لك يارب
الله يخلي لي أمي وإخواني ويرحم الغالي رحمة واسعة

[مهرة]

فديتهم كل شي يذكروني به هي اغلى واحلى هدية.. وربي يحفظهم ويحفظ لكم والدينكم آجمعين ..

[نور الحور]

اكيد وجودهم احلى هدية ..

ودعواتهم .. وكلشي فيهم ..

واخواني وخواتي احلى هدية ..

لكن احلى هدية مادية هي ..

امي جابت لي اسوارتين ذهب يوم كان عمري 4 سنوات

ومن فترة قريبة عطتني اياهم احتفظ فيهم ذكرى ..

وااااايد تأثرت بها ..

اما ابوي فديته فأجمل هدية هي باربي مع بيتها..

كنت شوي وبيغمى علي يوم شفتها ههههههه

[تغلبية]

ابوي الله يرحمه اهداني وايد .. طول الايام يهادينا سفرات وقصص وذهب لكن اكثر هديتين اثروا فيني

اهداني اول قصص في حياتي .. كنت صف ثاني .. للحين أعيش لحظة الانبهار فيهم واتذكر شلون كانت حالتي

والهدية الثانية لما تخرجت جاب لي طقم الماس ماعجبني وايد .. (كان الله يرحمه صحته متدهورة فما كان الاختيار ذاك الزود)

قلت ببيعه وبشتري غيره .. أجدد وأحلى .. وفعلاً راحت امي باعته

لكن شنو عشت في ولوال وشعور شديد بالذنب ...

هدية ابوي ابيعها .. اشفيني ... مب صاحية ابيعها!!

اذكر ذيك الليلة ما هجعت الا لين امي راحت المحل وردت شرت الطقم مرة ثانية :weeping:

للحين الحمدلله الطقم موجود ومن اشوف يعتصر قلبي على ابوي الله يرحمه :weeping:


^

قلبت الموضوع فيلم هندي :shy:

[عاشق العديد]

الله عليكم الله يحفظهم لك يارب
الله يخلي لي أمي وإخواني ويرحم الغالي رحمة واسعة

امين الله يجزاج خيرر

[بونووف]

فتك...

[Dana’1]

بصراحة كثيرة هي الهدايا الجميله ملابس نظارات عطور العاب ساعات
وأجملها بالطفوله سيكل.. وجوتي بعجلات بوقتها كان شي واستعرض فيه بالحارة ههه.. هذا بالطفولة والمراهقة
ويوم أخذت الليسن.. قال سيارتك علي .. وأختاري إلي تبغيين من السيارات .. بصراحة العرض كان مغري بس خليت لي معايير معينه بالأختيار وأخترت ماكان مناسب لي في بدايه السواقه اذكر طلعتها ب10/2005 وللحين عندي رغم وجود سيارة ثانيه:) وهي غاااليه علي حيييل
وأمي بعد ماتقصر بالهدايا عطور شنط ذهب إلى آخره.
جزاهم الله خير ماقصروا معنا بشي لا بالتربيه ولا بالعطايا الله يحفظهم ويخليهم لنا... ويخلينا ويسخرنا لهم ولراحتهم وبرهم آمين يارب العالمين

[Miss]

ابوي جاب لي قطار من أمريكا يوم كنت في خامس
ويطلع اصوات كنت منبهره فيه

[اليشم]

كل شي منهم جميل، الله يحفظهم ويطول ابعمرهم
والهدايا متنوعه، بس أحلى هدايا عالقه بذهني من الطفوله السيكل والارنب والعنزه....عنزتي الجميله ماتت

[الزعفراني]

مثل ما قالت المبدعة غاية الطواش .. اتركوا عنكم التفلسف وجاوبوا :shy:

[الزعفراني]

أنا أذكر أجمل هدية كانت ريبوت ( رجل آلي ) .. اللي يمشي ويطلع دخان .. اذكر شراه لي من محل توم اند جيري اللي في شارع الخليج .. لان وانا صغير كنت رسام وكله ارسم الرجل الحديدي وربعه .. كنت العب فيه لدرجة انه عقب ما اخلص لعب ارده داخل الكرتون .. لا ومن الذكاء كنت اقلب بطارياته عشان كان عندي شعور ان البطارية تخلص دام هي في وضعيتها العاديه ... :shy:

من صغري وانا نابغه .. الوووو اليابان تعالوا اخطفوني :telephone: