حمـاليـة سـوق واقـف... (فيديـو)

[ممنوع اللمس]

السلام عليكم ورحمة الله وبركاته
فيلم عن الحماليـه في سـوق واقـف.. يحكي قصـة 3 اشخـاص يمكن نشوفهم دايما بس مانعرف شي عن حيـاتهم ..

https://www.youtube.com/watch?indix=17&v=jEb5HCKph3Q&FEATURE=share&list=PLTiLmY0SwR58p3Pco4

الله يرحـم حالهـم.. :(

والشكـر موصول للاخت اللي قامت في تصوير هالمقطـع ...وجزاها الله خير وكل من ساهم في تصوير هالمطقع

[hanayen]

الله يرزقهم انشالله ويفك كربتهم

[looorans1999]

الله يرزقهم انشالله ويفك كربتهم

اللهم أمين والله أني تكدرت واااااجد الله يفك كربتهم

[khalid525]

الله يلطف فيهم وجزاه الله خير اللي سووا الفيديو

[حمد بن خالد]

اوقات يجوني وانا ما احتاجهم

واقولهم من بعيد روح روح مش محتاج

بعد ماشفت الفيديو لمست كبر السن وضعف الحال

وحسيت في عيونهم بأني اتعالى عليهم

سبحان الله

[بوخالد911]

الله يلطف بحالهم

[Right]

الله يعينهم ويرزقهم إن شاء الله

[الخيالة]

لا حول ولا قوة الا بالله تدكرت ابوي :( ربي يرزقهم ويساعدهم ويعطيهم الصحه ولاعافية قظعوا قلبي صحت والله اخر واحد مسكين شلون دموع في عينه وهو يتكلم ربي يعينهم ويرزقهم ويبعد عنهم الهم والحزن ويعطيهم علي قد نيتهم في هالعمر ويشتغلون حمالي واخر شي يحصلون الف او الق وخمسميه ياريتني ماشفت حزنت وايد ربي يساعدهم

[قطريه ماركه]

الله يكون بعونهم

[نوار قطر]

وصلني امس على البلاك بيري عورني قلبي عليهم... الله يرزقهم من حيث لا يحتسبون

[شموخ دائم]

,


,


مرحبا


هذا الفيديو اجمل ( صدقه ) بيغير افكار الكثير من الناس ونظرتهم الى هذه الفئه

الله يرزقهم

,

,

اخوك

شموخ دائم

[بومحمد المطاوعه]

يالله

شي يعور القلب الصراحه

اسأل الله ان يحفظهم يارب

[Locale]

الله يرزقهم من حيث لايحتسبون

[بومحمد المطاوعه]

اوقات يجوني وانا ما احتاجهم

واقولهم من بعيد روح روح مش محتاج

بعد ماشفت الفيديو لمست كبر السن وضعف الحال

وحسيت في عيونهم بأني اتعالى عليهم

سبحان الله



الله يلطف قلبك بهم من اليوم

وان شاءالله تؤجر

[Sasam]

شظف العيش والغربة مره لايعلم بحقيقة مرارتها الا من اكتوى بها الله يكون في عونهم

[عاشق العديد]

الله يرزقهم ..

والله العظيم نبهتونا على شي خافي علينا ..

الله يعطيهم الي يتمنونه ..

وانا اقول للاخت امل المفتاح الى الامام .. هاذي الافلام الواعيه والثقافيه والي تناقش الامور ويكون لها فكر وتقديم جيد جدا .. وتم التسجيل في قناتج ..
بس والله عورتي قلوبنا فهالاجازه .. الله يرزقهم .. ومنها الواحد يعتبر .. ويقول في نفسه .. ترى الحال مب دوم مثل الحال .. تصدقو ياناس ..

[الخيالة]

من يوم ورايح كل مره اروح اهناك باذن الله راح اساعدهم بمبلغ حتي لو مب محتاجه حد منهم يشيل اغراضي مع ان ولي مره طلبت منهم كنت اقول حرام كبار في العمر ليش اخليهم يشيلون وايد اغراض انا صحت والله ربي يرزقهم ياااااااااااااااااااااااااارب ويفرح قلوبهم بدال دموع الحزن يكون دموع الفرح في عيونهم يارب

[العلياا]

مرة امي كانت تبي بهارات من شوق واقف وقبل لا تروح اصرت نمر على دكان عشان تاخذ خردة ، خذنا الخردة ومشينا ويوم وصلنا اهناك أتفاجأ أنها كانت تأشر على كل واحد تعال وتعطيه مبلغ زهيد ويروح وهو مستانس ، أختي الصغيرة تقول لها يمه ترى عندهم رواتب ، أمي عصبت قالت رواتبهم بالنسبة لج تنحط في مطعم حق يوم واحد .. فلوسج هذي عند رب العالمين وبيجي يوم ما يكون عندج مصروف وبقدرة القادر حد يعطيج ياهم بدون مقابل ..

والله أن تصرفها أثر فيني وايد خصوصا فرحتهم بمبلغ بسيط ..

الله يرزقهم من أوسع أبوابه واللي عنده لا يبخل وكل في ميزان حسناته :(

[sweet qatar]

اي والله حالتهم تقطع القلب

الله يجزيك ويجزي اصحاب الفيديو كل خير

نبهونا لأمور نجهلها

والله يقدرنا على فعل الخير مع كل الناس

[الخيالة]

مرة امي كانت تبي بهارات من شوق واقف وقبل لا تروح اصرت نمر على دكان عشان تاخذ خردة ، خذنا الخردة ومشينا ويوم وصلنا اهناك أتفاجأ أنها كانت تأشر على كل واحد تعال وتعطيه مبلغ زهيد ويروح وهو مستانس ، أختي الصغيرة تقول لها يمه ترى عندهم رواتب ، أمي عصبت قالت رواتبهم بالنسبة لج تنحط في مطعم حق يوم واحد .. فلوسج هذي عند رب العالمين وبيجي يوم ما يكون عندج مصروف وبقدرة القادر حد يعطيج ياهم بدون مقابل ..

والله أن تصرفها أثر فيني وايد خصوصا فرحتهم بمبلغ بسيط ..

الله يرزقهم من أوسع أبوابه واللي عنده لا يبخل وكل في ميزان حسناته :(


ربي يطول في عمر الوالدة ويكثر من امثالها يارب

[ضوى]

الله يعينهم ياااارب

شظف العيش حمد بيحت فيه الا اللي عاش فيه

الحمد لله لك يااارب

[العلياا]

ربي يطول في عمر الوالدة ويكثر من امثالها يارب

ويطول في عمر والدينج يارب

[ممنوع اللمس]

اللهم بقدر جمال الجنه ان تجعل لهم نصيب منها...
انحرمو من راحة البال...
اكثر شي اثر فيني يوم قال انا بهالعمر مفروظ اكون فالبيت ومرتاح ويوم بكى

اشكر الكل على تفاعله وان شاء الله كثير من الناس تتغير نظرتهم في هالمساكين

[عضو مشاكس]

الله يرزقهم يارب

[بوعمير]

جز الله خيرا كل من سعى في تفريج هم وضيق اخوه المسلم.

ملاحظة على الفلم، مع يقيني من حُسن نيه من قام بإعداده: وجود الموسيقى وانه يلعب على وتر المشاعر، واعتقد لو لم يجد هؤلاء الحمالين باب رزق في سوق واقف لتركوه.

[النهار]

الله يسهل لهم ويغنيه من حلاه

[hanayen]

الله يكون في عونهم استغرب اذا إذن للصلاه ما اشوفهم يروحون المسجد للصلاه الله يهديهم مش اهم بس الكثير من المحلات ورواد السوق

[محمد سعيد]

الله يرزقهم من حيث لا يحتسبون

[ممنوع اللمس]

أميــــــــــــــــــن الله يرزقهم

[السكين]

الله يعوضهم دنيا وآخرة

دموعه بالنهاية تقطع القلب ,

والله أكيد ما ينسى عبيده خاصة اللي قال انه يصرف على الأيتام .

سبحان الله أكبر عزة نفس تلقاها عند الفقير !

[وحيد-الشوق]

معقول رواتبهم 1500 ريال ؟؟

يعور القلب اخر واحد لما دمعت عينه الله يرزقهم من واسع فضله المفروض نخجل من انفسنا لما نتشكى يالله لك الحمدلله ولك الشكر

[hanayen]

ليش اخوي السائق عندك كم تعطيه الف وخمسمئة عندك جوف كم تصير عندهم في عمال رواتبهم ظ800 ولا الفيديو له مفعول
معظم رواتب العمال لا تتجاوز 1200
والله مرفعهم عن السؤال
الله يرزق كل فقير

[Khalid69]

الله يجزي خير العاملين على الفيديو
أعتقد الرسالة وصلت للجميع ...
إرحموا من في الأرض يرحمكم من في السماء

[الخيالة]

ليش اخوي السائق عندك كم تعطيه الف وخمسمئة عندك جوف كم تصير عندهم في عمال رواتبهم ظ800 ولا الفيديو له مفعول
معظم رواتب العمال لا تتجاوز 1200
والله مرفعهم عن السؤال
الله يرزق كل فقير
اكثر العمال لهم بيت من الشركة مابيدفعون أجار البيت والماي والكهرباء وبعضهم حتي عندهم وجبات الأكل نفس عمال اللي شغالين معانا في الدوام والدريوليه نعطيهم أكل ومرات نعطيهم بخشيش بعد وملابس وأغراض ما نبيهم دوم نعطيهم هاذيلن ما يمشي لهم راتب مرات يحصلون في الشهر الف او الف وخمسميه مرات اقل يعني مب راتب ثابت وعندهم بيوت أجار والكهرباء وأكثرهم شياب مساكين الم الظهر والركبة ..... ربي يعينهم ويرزقهم ما فيها شي لو نساعدهم مب نقعد نقول هاذيله جذيه في اخس منهم ولي الخدم بعد نفسهم او من هالكلام اكثرنا ماكننا مهتمين لأمرهم يوم كننا نتسوق في سوق وافق الحين عقب ماشفت الفيديو عرفت قصصهم من واجبي دام اقدر وعندي ان اساعدهم ما راح أخسر شي بلعكس...

[حفيدعمر]

الله يرزقهم انشالله ويفك كربتهم

[نور الحور]

الفيديو مؤثر .. وبالفعل تطرق حق فئة الأغلبية يمكن مو منتبه لها ..

تحياتي وشكري للأخت أمل المفتاح على الفكرة والتصوير والمقابلة والإخراج ..

وإن شاء الله في ميزان حسناتها ..

أثر وايد فيني دمعة آخر واحد اللي قال المفروض أنا اللحين مرتاح .. هذا عذاب ..

وهو يكفل عيال ولده الأيتام .. الله يفرج له ولهم يارب ..

حمالية سوق واقف ممكن نسميهم (عشرة عمر) ..

من وعينا على الدنيا واحنا نشوفهم .. ربي يعطيهم العافية ويعوضهم خير ..

من فترة كنت رايحة سوق واقف وما كان في يدي إلا كيس واحد ..

جاني واحد من الحمالية .. قلت له شكراً .. ما أحتاج حمالي ..

وحاولت أعطيه المقسوم لكنه رفض .. عنده عزة نفس عجيبة ..

خذته واحنا نمشي سألته عن اسمه وأحواله ..

قالي اسمه وقالي إنه يشتغل بالسوق نفس الشغلة من 40 سنة ..

وقعد يقولي شلون كان السوق .. ويشرح لي عن مطعم بسم الله متى افتحوه وشلون كان ..

والمحلات اللي للحين باقية .. وعن الناس لول ..

كان يتكلم وهو مبتسم .. وكأن الذكريات حاضره في ذهنه !

في آخر المشوار استأذنته أصوره صورة تذكاريه مع ولدي .. صورته و باسه وقام يدعي له ..


حلو نهتم ونستشعر حياة الآخرين ومعاناتهم .. ونتخبل أنفسنا مكانهم ..

عشان ما تاخذنا الدنيا ونغتر بالخير اللي عندنا ..

شكراً على نقل الفيديو المؤثر ..

[ممنوع اللمس]

اشكر الكل على تفاعله وبالنسبه للاخ اللي يتكلم عن الدريوليه
الدريول اكل وشرب وسكن ببلاش وما يدور واهو عمره فالستينات
قاعد فالسياره مكيف ومرتاح واكثرهم يتذمر بعد

والحمد لله كثير من الناس بعد هالمقطع تغيرت نظرتهم في هالشيبان المساكين
كل الشكر للاخت امل المفتاح والاخ عبدالرحمن المفتاح وجزاهم الله خير

[الواثق باالله]

الله يقويهم ويرزقهم

[الواثق باالله]

نتمنى من المسؤولين في قطر تخصيص راتب تقاعد لمثل هؤلاء الناس

شخص يخدم في سوق واقف أربعين سنة وعلى علم كل الناس وهو في هذه السن مازال يعمل

ولولا الحاجة والناس يلي برقبته مو مجبور يشتغل هاالشغلة

الله المستعان

[qatar2014]

الله يساعدهم ان شاءلله وان شاءلله قطر ماتقصر معاهم

[الخيالة]

الفيديو مؤثر .. وبالفعل تطرق حق فئة الأغلبية يمكن مو منتبه لها ..

تحياتي وشكري للأخت أمل المفتاح على الفكرة والتصوير والمقابلة والإخراج ..

وإن شاء الله في ميزان حسناتها ..

أثر وايد فيني دمعة آخر واحد اللي قال المفروض أنا اللحين مرتاح .. هذا عذاب ..

وهو يكفل عيال ولده الأيتام .. الله يفرج له ولهم يارب ..

حمالية سوق واقف ممكن نسميهم (عشرة عمر) ..

من وعينا على الدنيا واحنا نشوفهم .. ربي يعطيهم العافية ويعوضهم خير ..

من فترة كنت رايحة سوق واقف وما كان في يدي إلا كيس واحد ..

جاني واحد من الحمالية .. قلت له شكراً .. ما أحتاج حمالي ..

وحاولت أعطيه المقسوم لكنه رفض .. عنده عزة نفس عجيبة ..

خذته واحنا نمشي سألته عن اسمه وأحواله ..

قالي اسمه وقالي إنه يشتغل بالسوق نفس الشغلة من 40 سنة ..

وقعد يقولي شلون كان السوق .. ويشرح لي عن مطعم بسم الله متى افتحوه وشلون كان ..

والمحلات اللي للحين باقية .. وعن الناس لول ..

كان يتكلم وهو مبتسم .. وكأن الذكريات حاضره في ذهنه !

في آخر المشوار استأذنته أصوره صورة تذكاريه مع ولدي .. صورته و باسه وقام يدعي له ..


حلو نهتم ونستشعر حياة الآخرين ومعاناتهم .. ونتخبل أنفسنا مكانهم ..

عشان ما تاخذنا الدنيا ونغتر بالخير اللي عندنا ..

شكراً على نقل الفيديو المؤثر ..

صح كلامج أختي ربي يوفقنا ويساعدنا ان نقدر نساعدهم باي طريقه

[الخيالة]

نتمنى من المسؤولين في قطر تخصيص راتب تقاعد لمثل هؤلاء الناس

شخص يخدم في سوق واقف أربعين سنة وعلى علم كل الناس وهو في هذه السن مازال يعمل

ولولا الحاجة والناس يلي برقبته مو مجبور يشتغل هاالشغلة

الله المستعان

ان شاءالله يارب يسوون هالشي يستاهلون والله من يوم شفت الفيديو ادعي لهم دوم ربي يرزقهم ويفرح قلوبهم قبل كنت اشوفهم بس ماكنت اعرف هالامور عنهم ولي مشاكلهم بس الحين عرفت كل شي

[Dana’1]

الله يرزقهم من فضله.. ويجزاء بالخير راعية المقطع

[كلاسيك قطر]

الله يكون بعونهم

[اناقه]

الشغل مب عيب و ما ينزل من قدرهم لكن اللي يعور القلب لما تشوف ناس يدورون وراهم حمالي كبر جدهم او ابوهم و يقعدون ياكلون و يشربون بدون حتى ما يتنقصون له من الاكل و اخرتها بس يحطون في يده 10 ريال دامك تشريت و خيطت السوق كله و ترست القاري ليش ما تكرمة ؟؟؟؟ اتمنى صراحة ترفع اجرة الحمالي لانه بيدور وراك اكثر من ساعتين و يمكن يحصل زبون عقبك و يمكن ما يحصل و بيتم شايل هالاغراض اللي انت ما قدرت تشيلها ... في ناس بتتليقف و بتقول و الله الاغراض حاطها في قاري ... اذا جي عيل عطه ال 10 و انت خذ القاري دور به و حمل اغراضك و عقب رجعه له .. فلنتقي الله فيهم و لنرتقي بتفكيرنا و نحترمهم و الله اني شفت ناس يعاملون الحمالي كانه خادم عنده و نسى انه موظف وظيفته يريحه من الحمل

الحمدلله احنا في خير و نعمة و الحمد لله الغالبية ما يقصرون و لكن الكلام السابق موجه لفئة معينة

دمتم بود

[كلاسيك قطر]

بس مكتوب الاسم اخر شي سوق وقاف

مادري هو صح وله غلط

[كلاسيك قطر]

شي يعور القلب الصراحه

اسأل الله ان يحفظهم يارب

[NBA_]

الله يفتح لهم أبواب الرزق من كل مكان,


عن أبي هريرة رضي الله عنه قال: قال رسول الله : "انظروا إلى من هو أسفل منكم. ولا تنظروا إلى من هو فوقكم؛ فهو أجدر أن لا تَزْدروا نعمة الله عليكم" متفق عليه

[Riku3]

مشكتي دايما اتذكر الشيعه وانا في السوق وتتغير نظرتي ونادر ما اخليهم يشيلونلي شي .. حد يقدر يأكدلي او ينفي هالمعلومه..

مره احذت واحد وضيعني في المواقف وانا مابيني وبينه كثير بس نظره ضعيف كثير اثر فيني هالموقف.

الله يستر عليهم فيديو مؤثر.

[حمد 2002]

المفروض يحمدون ربهم انهم في قطر ..
وفي الدول الثانيه صعب ايحصلون وظيفه وهم فب هالعمر !!
والحمد لله الكل يكرمهم والشيء معروف للكل ..

.. هالفيديو فيه نوع من التاثير على الجمهور المتلقي .. والاسئله قد تكون متفق عليها مابين الي يسال والحماليه ..
ونحن كجمهور عادي سنتاثر .. وهنا سينجح الفيديو بتحقيق غايته ..
ولعل العاملين بمجال السينما والتلفزيون يفهمون مقصدي ..

الله يرزق هالحماليه ولكنهم بخير ونعمه في هالبلد الكريم باصحابه ..

ولو نرجع لوظعهم هم احسن من غيرهم بمليون مره ..

هل تعلمون بان العمال مال الشركات الخاصه الي ينظفون المساجد فقط يستلمون 700 ريال من الشركه لا والاكل هم ايتحملونه بعد هالمساكين وتلقونهم يوعدونهم هالشركات بمبلغ كبير ولو جيه هنا ينصدم براتبه وبالوظع ...

عمال البناء اتحصل عمره فالاربعين وايشيل طابوق على ظهره في هالحر وراتبه 800 ريال بالكثير ..

ولو بحط امثله مب امخلص ...

بالتوفيق والله يعين الجميع ..

[hanayen]

اصحوا يا عالم محد خرب بعض الدول المجاورة الا هذي الفئه بس لو حد يعطيهم مجال الله يحفظ قطر من كل شر ويغني كل محتاج

[بوراشد82]

من عدل رب العالمين إن الفقارى هم أول من يدخل الجنة ،،

[hanayen]

من عدل رب العالمين ان اول من يدخل الجنه أمه محمد عليه افضل الصلاه والسلام

[ممنوع اللمس]

حناين مب عارف اقرا النك
شفيك معصب على هالفئه من الناس وحالتك لله.. كاتب فوق مخربين دول مجاوره.. ترا حمالي وعايش على باب الله واغلبهم لو تعطيه وانت ما عندك غراض ماياخذ عنده عزة نفس
هم مسوين لك شي من قبل او صاير لك موقف معاهم
ترا ما بيضرك شي ان تمنيت الخير للناس ...

[QTR TV]

ممنوع المس انا اشك فيك تدري المهم ماعلينا مشكلة الشعب القطري انه طيب وتأخذه الطيبه في مثل هذه المواقف أبي كل واحد شاف الفيديو يقراء عن الشيعه وتطلعاتهم ونظرتهم لنا لو سطر وعقب يكتب تعليقه عن هذول الله يرزق كل مسلم تقي إسلامه صحيح ولي ابغيه من إخواني القطريين وبالأخص خواتي الي دائم يتأثرون بالعاطفة أنهم يشوفون سوريا والعراق والهجوم الوحشي على السنه هناك يمكن تقولون شدخل هل موضوع لا له دخل ولي علق فوق أنهم خراب أكثر الدول الخارجية نعم هم خراب الدول الخارجيه فا الي تشوفونهم في وظائف مثل هذي هم يامخابرات ويأخذ راتب من بلاده يا مبشرين لمذهبهم ويأخذون رواتب من الحوزه تعرف الحوزه يا ممنوع المس او أنهم خلايا نائمه والله يستر منهم والمشكلة أني أشوف من بعيد شئ ان شاء الله ما يكون صحيح الفيدي هذا ممهد لشي يمكن يكون صرف جوزات يمكن ياما شفنا تخبط في هذي المور بعفويه طبعا المهم
الشعب القطري أطيب شعب في العالم والله أني ماشفت أطيب منكم لأكن الحذر الحذر ياشعب ياطيب

[ممنوع اللمس]

تشك فيني في شنو وضح كلامك اكثر...وفي انتظار التوضيح
ثاني شيء كلنا عارفين اللي انت كاتبه واللي فالفيديو اسم ولد اخوه خالد والشيعه ما يسمون خالد
’طرحي للموضوع اشوف بدا ياخذ طريق ثاني

[hanayen]

Qtr tv
صح الله لسانك ويكثر من أمثالك

[الخيالة]

بعض البشر قلوبهم حجر حتي في المساعدات الانسانيه يدخلون في المذاهب انا وحده اساعد اي انسان محتاج واقدر اساعده بغض النظر عن الجنسيه وديانة الشخص و ......... ارحموا من في الارض يرحمكم من في السماء وهاي اخر رد لي في هالموضوع

[ممنوع اللمس]

جزاج الله خير وشرفتي الموضوع