مالفرق بين بالون المعده وقص المعده ؟؟؟؟ العمادي

[لبتونه]

السلام عليكم



مالفرق بين بالون المعده وقص المعده ؟

اتمني الي اجروا وحده منهم يذكر تجربته من خلال مستشفى العمادي

وايهما افضل

[حمد 2002]

شسالفه المعده هاليومين ؟ !!!

[همر]

شسالفه المعده هاليومين ؟ !!!


نفس سالفتك مع العصى :waiting:



البالون يدخلونه من الحلج اعتقد وينفخونه عشان ياخذ مساحه داخل المعده وبالتالي ماتقدرين تاكلين وايد تنزلين وزن معين في فتره معينه وبعدين ينشال ... وناس يقولون مب زين ... اذا كلت حب شمسي بتنبط البلونه في بطنك ...


قص المعده عمليه جراحيه بالمنظار يقصون 80% من المعده ويخيطون الباقي وكان الله غفوراً رحيما سنتين ثلاث ماتقرين تاكلين مثل الناس الا اذا وسعتيها...



جاري توسيع المعده
http://www.smiley-lol.com/smiley/manger/foretnoire.gif

[k.fatma]

ما أنصحكم بالبالون كلش فيه واحد من هلي سواها في الهند وتعب وقام يرجع دم وعقب شلها وبعدين البالون تسوينها لمدة 6 شهور وعقب تشيلينها ميزتها تعويد المعدة على اكل معين اما قص المعدة مره وحدة بس (((( لا تسوينها في العمادي انصحك بالاردن )))

[أم محمد 90]

اختي نصيحه لا تسوين عمليه البالون ترى مخاطرها اكثر من قص المعده وهي موقته واحتماليه رجوع وزنج ظ،ظ*ظ*ظھ

لان هي عباره عن بالون ينحط ف المعده ويخليج دوم تحسين انج شبعانه وتاكلين شي بسيط بس لازم ظ¦ شهور وتشلينه

وتردين تاكلين طبيعي

اما قص المعده ان يقصون جزء من معدتج وماتقدرين تاكلين الا شي بسيط جدا طول العمر (ماتردين تمتنين نفس قبل)


في نظري البالون حاله حال حبوب الريجيم وغيرها شي مؤقت وخلاص

ابحثي ف قوقل اكثر

[Right]

بحثت لك في الإنترنت وإليك نتائج البحث كالآتي:




(بالون المعدة)

http://im52.gulfup.com/eE323.jpg (http://www.gulfup.com/?w5ISLu)


يعتبر بالون المعدة إجراء طبي غير جراحي حيث يتم إدخال بالون المعدة

عن طريق المنظار وملؤه بمحلول مائي ويترك داخل المعدة لمدة 6 أشهر

حيث يجب إزالته بعد هذه الفترة




كيف يعمل بالون المعدة على إنقاص الوزن؟

http://im52.gulfup.com/XkL6E.jpg (http://www.gulfup.com/?1bX8fy)

يتم ملء البالون بكمية تتراوح ما بين 500-700 سم مكعب من المحلول المائي

وهو بذلك يشغل مساحة تساوي ثلث حجم المعدة الأصلي,

مما يعطي شعورا بالشبع والامتلاء ويعمل على تخفيف كمية الطعام المتناولة





(تكميم المعدة - قص المعدة - تدبيس المعدة)


http://im81.gulfup.com/6R7s3.jpg (http://www.gulfup.com/?SOWN4c)

يتم قص المعدة بشكل طولي مما يؤدي إلى استئصال 80% من حجم المعدة



كيف يعمل تدبيس المعدة على إنقاص الوزن؟

http://im81.gulfup.com/fJgMA.jpg (http://www.gulfup.com/?R2bqks)


يحتوي الجزء المستئصل على الجزء المسؤول عن افراز هرمون الجوع مما يسبب الشبع





نصيحة لا تسوينها في قطر لأن كثير من الناس عانوا

يمدحون الدكتور محمد خريس في الأردن

[New Vision]

نصيحة لاتسوين البالونه لانها خطره جدا مرات تنفجر فالمعده وكثير يحذرون منها عليج بقص المعده هي الافضل بشهادة الجميع

[فتى الجود]

السلام عليكم

البالون للى عندهم مشاكل ومايتحمل البنج والتخدير

والقص ماقصروا الأخوان بالشرح

وشوف هالرابط فيه شرح وافي من الدكتور نفسه

لكن نصيحه

لاتسوين الربط ولا البالون
http://drkhrais.com/index-1ar.html
خلك على القص

[musel999]

سؤال للي سوو العمليه هل يعطونكم اجازه مرضيه كافيه وهل الاجازه مقبوله في قطر للبترول

[hanayen]

نصيحه لوجه الله ابتعدوا عن الأردن في مضاعفات عندهم لم تذكر في كتب الطب
واعرف واحد توفى
أرجوكم لا تفكرون في الرخيص التجاري

[وطن]

البالون مثل ما أشرحوا لج أختي
بعد فتره ترجع المعدة للوضع الطبيعي
وبتكونين طبعا تعودتي ع الاكل القليل خلاص


لكن القص
تغيرين من خلق الله
و تقصين معدتك
ومآلها رجعة خلاص
No revers
للأبد تتم المعدة صغيرة

لو واجهتك اي مشاكل صحية بعد القص
ما عندج مجال للتراجع خلاص

[مخطط قطري]

اعرف واحد نزل من وزنه 140 لين 85خلال 6شهور فقط تمارين واتبع حميه عاديه مش قاسيه بناء على برفسور امريكي راح يقص المعده عنده وهو رايح من قطر على اساس العمليه وقاله بدخلك مصحه ودخل المصحه اسبوعين بس وطلع وقالهم اقدر اكمل برا وبلتزم وكل شوي يشيك مع الدكتور فالعزيمه والنشاط هم السر الي ينزلك بس اهم شي المحافظه وانك تسوى كنترول عشان ماترد اخس لانه الدكتور قاله اذا جيتني مره ثانيه بسويلك القص معناتها العمليه مب سهله ولا كان الدكتور خذا فلوسه وقاله توكل على الله وجزاهم الله خير الديوان سددو كل مصاريفه في 6شهور وعطوه الاجازه بتنسيق مع الصحه

[مهرة]

كل شي مو طبيعي وفيه تدخل جراحي مو زين وأنصح في البداية بالتهيئة النفسية ووضع كل الأحتمالات الإيجابية والسلبية وحتى ان هالأختيارات تمت بنجاح مع البعض فهذا مو معناته انه ينطبق عالجميع والا مايكون فيه آثار جانبية في المستقبل .. الله يعينكم

[Aaziz]

بالون المعدة :con2:

[قطرة مسك]

السلام عليكم ، من وجه نظري الواحد يبعد عن هذي السوالف ، لان المعدة مهو شى سهل ، هي الي تحدد صحة الواحدة ، والواحد يحمد ربه على صحته ، ويتبع السنة بكل شى وهو راح يرتاح ، ثلث لاكل وثلث. لشربه وثلث لنفسه
لا تجبون لاعمركم امراض الواحد الله يكفينا شرها

[alsoq]

نصيحة لا تسوين قص معده سواها واحد من الاهل كل فتره يدخل المستشفى بسبه الجفاف

[لبتونه]

مشكورين وماقصرتوا