لعبه البليارد 8 ball pool حرام لانها قمار فاحذروو

[Crown]

السلام عليكم ورحمه الله وبركاته

صارلي فتره العب هاللعبه والي الكل يعرفها فيها اشخاص من جميع انجاء العالم

ويعطونك فلوس وهميه والي تلعب معاه ايضآ فلوس وهميه او ممكن يكون شاري الفلوس الوهميه بفلوس حقيقيه ليلعب فيها

فهذا هو القمار بعينه

فا اليوم وانا قاعد العب خطر على بالي انها يمكن فيها شي حرام فا سويت بحث ولقيت فتوى ومع

دلائل من القرأن والسنه بحرمه جميع اشكال القمار وهذا هو الرابط من موقع اسلام ويب

واتمنى نشر الرابط في جميع المواقع الاجتماعيه ولكم الاجر ان شاء الله

هذا الموقع وفيه السؤال والفتوى
http://fatwa.islamweb.net/fatwa/index.php?page=showfatwa&Option=FatwaId&Id=199341

وهذي صوره من اللعبه

http://officialminiclip.files.wordpress.com/2012/12/play.jpg?w=660&h=458

وجزاكم الله خير

[مراد2015]

والله اني شكيت فيها

مشكور على الموضوع

[blackjacket]

اخوي انت تقصد وانت تلعبها علي الكمبيوتر من النت انها حرام ولا تروح النادي وتلعب علي فلوس وهميه؟
خلني افول لك شي ،اي لعبه تلعبها وًيكون فيها فلوس هي حرام حتي لو لعبت تيله
التحريم يكون بعد دخول الفلوس مب اللعبه نفسها حرام

[ريم الشمال]

ممكن توضح شلون عندك نقود وهمية والطرف الأخر عنده نفس الشيء
بمعنى هل انت تدفع عشان يعطونك هذه النقود الوهمية وما تكسب من الطرف الأخر يكون عندك في رصيدك بأسم وإذا خسرت تعمل على الشراء مرة أخرى
إذا مثل ما أنا فاهمه فهذا حرام وهذا قمار بمسمى ثاني حتى لو كان المبلغ المتحصل هو نقود وهمية ولا تتحول لشيء حقيقي لأن من خسر سوف يدفع لكي يحصل على نقود أخرى

[qatari 111]

الفلوس الوهميه اللي تكلمون عنها هل راح ينخصم من فلوسك الواقعيه اي الحقيقيه من مخباك او من الفيزا او من البنك ؟؟!!

اذا لا طيب وين الحرام فالموضوع ... وليش ماتعتبرونها نقاط بدال الفلوس ؟

[bo-ibrahem]

انزين الفلوس وهميه شالسالفه .. لو على الشبهه الله يكفينا منها بس الغرض مضيعة وقت لاغير

[الزعفراني]

وين هاللعبه ممكن الرابط ؟

[تغلبية]

الله يجزاك خير
اللعبة في اب ستور مجانية


القمار حقيقي اذا دفع المشترك مبالغ بالايتونز
ولكن بدونها هي مجرد لعبة بليارد وكل مشترك يحط مبالغ مناصفة اللي يفوز ياخذ فلوس خصمه وهكذا
فيه فلوس وهمية ...
وفيه اللي يدفع مثلا مية دولار ويعطونه عدد ضخم من الكوينز الوهمي اللي هو بمثابة رصيد يخليك تلعب على طول.

[Crown]

انا حطيت الفتوى من موقع اسلام ويب والكل يعرفه

والي مايبي ياخذ بالفتوى وزره على نفسه انا سويت الي علي من صوب ربي لاني كنت العبها وانا مب داري انها
حرام ويوم سويت بحث وعرفت انها حرام حبيت اوصلها لاكبر عدد من اخواني المسلمين

والي يبي يعرف شهاللعبه ونظامها يكتب اسمها فالاب ستور ويشوف نظامها

8ball pool
والسلام ختام

[Qa10]

القمار يكون فالفلوس الحقيقية يعني اذا اشتريت
وعلاوه على ان في حال الخسارة ماراح يدخل نقد أو حتى فائده من وجهه نظر الأغلب في حساب الآخر يعني ايضاً فيها كلام

مالفائده من الفلوس الوهمية ؟ لاشيء سوى انك تلعب ظ¬ لعب على لاشيء فأين القمار ؟!

[المولع22]

الله يجزاك خير ياراعي الموضوع

انا من زمان العب اللعبه هذي بالايفون

التحريم الله يسلمك اذا انت شريت بفلوسك نقاط زيادة ,,

لكن اللعبه طريقتها كالتالي

( بمجرد انك تنزل اللعبه يعطونك 50 نقطه مجانية ,, ومع كل فوز تربح نقاط زيادة وتكمل لعب )

خلاصة الكلام ان النقاط او الفلوس الوهميه هي اساسا وهميه لان هم يعطونك اياها (بدون مقابل وبدون ماتشتريها)

والله اعلم