ثياب الصلاة

[Umsultan]

بسم الله الرحمن الرحيم

بغيت ثياب صلاة " أجلة صلاه " حق صغار وكبار وين احصلهم سواء محلات او تاجرات


السؤال الثاني : بناتي صغار 8 سنوات و 9 سنوات وبوديهم العمره معاي شلبسهم هناك جلابيات وحجاب احسن ولا ايش البسهم يا ريت الي راح هناك يقولي

[شمس المغيب]

مرحبا أختي

بالنسبة لثياب الصلاة موجودة في سوق العلي
في محلات الملابس الحريمية
وفي الطفل السعيد في المرخية
وفي فتول
وذيلا اسعارهم معقولة

في الفنة في سوق واقف
عند وحده اسمها بدرية الجفيري
حلوين وقماشهم ناعم

بالنسبة لملابس العمرة لبناتچ الحلوات الله يحفظهم
في الغالب في هذا السن في مكة يلبسون عبايات وشيل
وتلقينهم جاهزين حق سنهم في سوق العلي

بالتوفيق اختي

[ضوى]

ياحلو البنات بثياب الصلاه ، سوق واقف صوب الحريم فيه وايد وسوق العلي بعد ، واذا رحتي العمرة لبسيهم عباية وشيلة حلو عليهم ، ومن هناك اشتري ثياب الصلاه اشكال والوان واسعار جدا معقولة عن اهني ، والله ييسر لكم العمرة ويتممها عليكم ، انتبهي لبناتج ترا هالوقت زحمة جدا ، خلي عندهم كرت الفندق ورقم الغرفة ولبسيهم اسورة فيها اسمهم ورقمج ، ان شاء الله انه ماعليهم شر بس الاحوط وبالسلامه وربي يتقبل ان شاء الله