محطة اللاندمارك .تم التحذير من قبل!!(اقتراحات أخرى للتحذير)

[pink pearl]

السلام عليكم ورحمة الله....

الموضوع للمسؤولين بعد ماصار انفجار محل جنب محطة اللاندمارك.. الصراحة أتمنى فعلاً وضع الحلول قبل ماتصير لاقدر الله الكارثة ونخسر أرواح ناس وممتلكات وغير الخسائر المادية.. بعد ماصار الحريق تذكرت كان فيه موضوع للأخت/ مريم بتاريخ 6-7-2012م يعني تقريباً قبل سنة ونص!!!

كانت تحذر فيه من كثرة المحلات في هذه المحطة بالذات!! وهذا رابط موضوعها:

http://www.qatarshares.com/vb/showthread.php?516861-%E3%CD%D8%C9-%C8%CA%D1%E6%E1-%C7%E1%E1%C7%E4%CF-%E3%C7%D1%DF-%E3%C7-%CA%E3-%E3%CD%E1-%E3%C7-%DD%CA%CD-%DD%ED%E5%C7%C7


والعضوين/ الموضوعي والنهار ذكروا خطر الغاز اللي ممكن يسبب انفجار وهذي كانت مشاركتهم:

http://up.arabseyes.com/uploads2013/01_03_14139367037592241.jpg (http://up.arabseyes.com/)

الله يرحم من توفى منهم ونسأل الله يشفي المصابين ويقومهم بالسلامة، اعتبروا هذا الموضوع ناقوس خطر لكل عضو يبي ينبه على موضوع ويقترح اقتراح علشان نتفادى مثل هالحوادث والكوارث..

* أتمنى وضع جسور للمشاة في الشوارع الرئيسية وخصوصاً عند منطقة الأسواق حديقة البدع والأبراج ومواقف مستشفى حمد والأماكن الخدمية تفاديا لحوادث الدهس اللي سمعنا فيها- وأنا شخصياً كذا مرة يطلع عامل في وجهي على الشوارع الرئيسية ..


الله يحفظ قطر وأهلها من كل مكروه .. أتمنى تشاركونا في الاقتراحات..

[تغلبية]

دائماً وأبداً المواطن له نظرة ويشوف شي مايشوفه المسؤولين

قلنا لابد من توظيف هذي الرؤى والافكار ودراستها والاخذ بها .. لكن للأسف من بيهتم في المواطن البسيط ؟!

مشكورة على الموضوع الطيب

[pink pearl]

دائماً وأبداً المواطن له نظرة ويشوف شي مايشوفه المسؤولين

قلنا لابد من توظيف هذي الرؤى والافكار ودراستها والاخذ بها .. لكن للأسف من بيهتم في المواطن البسيط ؟!

مشكورة على الموضوع الطيب

فعلاً صدقني ، على الأقل يآخذون بس بالاقتراحات والحلول اللي تنكتب في المنتديات واللي تنقال في برنامج وطني الحبيب!!! ليش يتحركون بعد ماتصير الكارثة ؟؟؟ سبحان الله شوفي مشاركات الإخوان اللي علقوا على الموضوع

مشاركة بو الكلام

ينتظرون محطة تنفجر وناس تموت بعدين بينزل قرار والناس بطبل في الجرائد

مشاركة المخفي

تدرون متى بيعدل وضع محطات البترول اللي تغرق في العشوائيه
والفوضى واللي اللكل همه الربح المادي على حساب التنضيم
اذا احترقت وحده من المحطات لاسمح الله وماتو ناس ذاك الوقت
بيصحون ربعنا من السبات العقيم وبيكتشفون التجاوزات والاخطاء
فجأه ذاك الوقت اجزم ان الوضع بيتعدل بشرط بعد الكارثه

مشاركة مشاكل

من شروط السلامة في المحطات عدم تواجد المطاعم وكل مامن شأنه ايقاد النيران فيها حيث انها تمثل شرارة فوق خزانات من الوقود قد تنفجر في اي لحظه

[بانغ بانغ]

صادق والله كم مرة تكلمنا وحذرنا ..... هالمرة كم واحد مات .... بتشوفون كوارث مميتة بسبب هالاهمال
مدارس اطفال
المطار
الجامعة
الكوافيرات

كل هالاماكن مافيها التزام امني ومافي ثقافة التصرف وقت الازمات

كم يوم استنكار وبعدين كل مسؤول في شغله

[بوخالد911]

الله يعيين


لا يجي الدور ع محطة بو هامور !!!!

[بانغ بانغ]

محطة السيف في الوكرة امطفية احين لاول مرة ...... الله يستر

[طلعة الروح]

صادق والله كم مرة تكلمنا وحذرنا ..... هالمرة كم واحد مات .... بتشوفون كوارث مميتة بسبب هالاهمال
مدارس اطفال
المطار
الجامعة
الكوافيرات

كل هالاماكن مافيها التزام امني ومافي ثقافة التصرف وقت الازمات

كم يوم استنكار وبعدين كل مسؤول في شغله

اتفق معاك تنقصنا ثقافة التصرف قبل الأزمات ووقت الأزمات ، هالشي نلاحظه في كل مكان حتى بين أفراد الأسرة الواحدة، مهما تنصح مايستوعبون ولا يقدرون ابعاد المشكلة لين ما تصير كارثة لا سمح الله...

[عاشق العديد]

كلامنا على قولتهم ( بلللوه واشربو مايتو)
الي هم يبونه يمشي ولو كان مب قرار غبي الا الغباء يوقف بعيد ويقول شقاعد يقول هاي طلعوني من سالفه..
يجب التغير في البلديه ووزارة التجاره والاعمال.. هالوزارتين بالذاتتتت طفح الكيل منهم من افشل الى افشـلللل الى افشل..

[أم محمد 90]

جاتهم قرصه اذن

واظن ان الحين بيتحركون (عقب مافات الاوان )

[الـقـاسـي]

والله من زمان الكل يتكلم بهالموضوع ابسط مثال محطة بوهامور لازم تتكنسل هالمحطه طلعوا ع الأقل البترول منها وخلوا المحلات

[ضوى]

طيب لو افترضنا بضروره وجود المطاعم وسط منطقة سكنية وكذلك محطة البترول ، ليش الجهات المختصة ماتفرض استخدام افران الكهرباء في المطاعم وتمنع دخول الغاز نهائيا لمطاعم محطات البترول ، ماعتقد هالحل صعب

[ضوى]

الله يعيين


لا يجي الدور ع محطة بو هامور !!!!

الشر برع وبعيد ، الله يحفظ عيالنا كله مطيحين في هالمحطة

[معماري قطري]

قريت الموضوع وعورني قلبي على بلادي

تذكرت أَحد الإِخوان كان يطلق على البلدية " البلا والأذية " وهي بسماحها لهذي التجاوزات ولبعض الناس اللي نقول على راسهم ريشة بتكون سبب للمآسي والمشاكل .. وذكرت الروضة اللي فاتحتها لبنانية في بيت صغير ملاصق لبيتي ومخالف حتى في الإرتدادات القانونية اللي احنا غصب نلتزم بها وكان الرد إِن التصريح من وزارة التعليم، وهو تملص من المسؤولية بطريقة سخيفة.

أَطالب بوقفة قوية مع مسؤولي البلدية اللي يمشون مثل هالأُمور ويعطلون الحلول الواقعية كأَسواق طرفية معزولة عن البيوت وفي نفس الوقت قريبة منها لخدمة التجمعات السكنية .. يجب أَن يكون هناك تصنيف صح لبعض المتاجر كالمخابز والخياطين والبقالات الصغيرة وحتى لو كانت في الأَحياء السكنية لتخدم من يسكن قربها.. هناك السيارات ومغاسلها وخدماتها هذه ممكن أَن تتضمنها محطات البترول .. فروع البنوك والمطاعم ومحلات الأَثاث والنجارة المنزلية والسوبرماركت ومحلات المواد الكهربية .. هذه يجب أَن تكون في أَسواق محلية مغلقة .. أَو طرفية وليست مفتوحة مباشرةً على المنازل.

صراحة قبل الوضع وايد أَحسن أَلحين السالفة سايبة .. تم تسكير وهدم بعض المحلات وفتحوا لناس معينين ما سكروا لغيرهم وبمجال أَكبر .. حتى المول الأَخير اللي في عين خالد مأساة .. أَرض كبيرة بين البيوت حطوا فيها المول ولا همهم من بيوقف جدام باب فلان ولا الزحمة اللي بتصير المهم مشوا التخطيط غصب .. نسكر دكان صغير ونفتح مول كبير ما سوينا شيء تناقض قوي.

[رجل الجزيرة]

جاتهم قرصه اذن

واظن ان الحين بيتحركون (عقب مافات الاوان )

حريقة فيلاجيو ما كانت درس لهم بعض الأحيان القرصة ما تنفع ما تنفع إلا قطعها.

[العنيده]

الله يعيين


لا يجي الدور ع محطة بو هامور !!!!

سبحان الله جات في بالي وتوزيع المحلات حوالين المحطه الله يحفظ الجميع ان شاء الله

[دستور]

المفروض شركة وقود تتحمل جزء كبير من المسؤولية لأنها هي اللي تجبر المطاعم على هذا النوع من خزانات الغاز
ولازم الدفاع المدني ياخذ اجراء إحترازي لأن أغلب المطاعم في المولات الكبيرة وفي بعض الأحياء السكنية تستخدم هذي الخزانات

[pink pearl]

الله يجزاكم خير بس لازم يتحركون لين متى نتهاون في اشتراطات السلامة؟؟؟

[قطريه22]

للاسف ماراح يتغير شيء
بيعدلون المكان وبيقولون احنا امناه خلاص وبترجع المحلات تفتح وبيستمر المسلسل

مستحيله يشيلون المطاعم والمحلات من محطات البترول ..

الله يحفظ الجميع ان شاء الله

[pink pearl]

للاسف ماراح يتغير شيء
بيعدلون المكان وبيقولون احنا امناه خلاص وبترجع المحلات تفتح وبيستمر المسلسل

مستحيله يشيلون المطاعم والمحلات من محطات البترول ..

الله يحفظ الجميع ان شاء الله


الله يحفظ الجميع
إن شاء الله ينتبه المسؤولين، أخطاء بسيطة بس ممكن تسبب كوارث لاقدر الله!!!!
الله يحفظنا

[نفسي عزيزه]

الله يستر علينا جميعا

يالله سترك وعفوك

[pink pearl]

الله يستر علينا جميعا

يالله سترك وعفوك

آمين
الله يسمع منج