فودافون ..ستفعل ال 4g الأسبوع المقبل

[Dana’1]

السلام عليكم
أمس كنت في فودا فون عشان اسدد واخلص معهم اجراء نقل الخط لإوريدو .. والسبب ضعظ ارسال فودافون في منطقتي بشكل فضييع
فقال الموظف .. إحنا شغالين عالشبكات والفور جي راح يشتغل الأسبوع الجاي بكل مناطق الدوحة
فقلت أنت تغريني عشان أتم في فودا فون ؟!فبتسم قال فعلا راح يتغير الإرسال للأسرع
فقلت له أنا سددت الي علي الحين وعندي وقت لين فاتورتي الجاية قبل لا تنزل بكم يوم اذا ماتغيرت الشكبة والإرسال تم على ماهو مافيه فايدة من الفور جي ! وللأسف راح انقل الرقم لأوريدو .. أنتم عروضكم زينه لكن شبكتكم تعييسة في بعض المناطق

المهم بما اني أفضل فودا فون.. فراح أعطي فرصة كلها اسبوع وتبان الأمور إن شاءلله

وأتوقع اذا نزل الفور جي بفودا فون بتكون فية عروض قوية عالنت .. والله أعلم

هل تشاركوني هالتوقع.. ؟

دمتم بود

[airbus]

نصيحة بنسبة لي موظفين فودافون او كيوتل ماتخد ولا كلمة منهم كله من وحي خيالهم

[Dana’1]

نصيحة بنسبة لي موظفين فودافون او كيوتل ماتخد ولا كلمة منهم كله من وحي خيالهم

صحييح هالكلام وممكن يكون مع الأغلب منهم بعد .. ولكن يوجو من هم ممتازين للأمانه وهذا عن تجربة بعضهم أنت تعلمة شغله.. والبعض الأخر فاهم شغلة هذا الي شفته من تعاملاتي معهم... وبنشوف الأخير من أي واحد فيهم

[airbus]

ياخي فودافون مب قادرة على ال3g بتقدر على 4g

السرعه بطيئة جدا والصراحة من 3 شهور الي طافت والشركة في انحدار في كل شي

[Dana’1]

ياخي فودافون مب قادرة على ال3g بتقدر على 4g

السرعه بطيئة جدا والصراحة من 3 شهور الي طافت والشركة في انحدار في كل شي

بالنسبه لل3g أنا معك وهذا أساسا سبب تواجدي عندهم امس الإرسال التعيس مثل ماذكرت بالموضوع .. وهم يحطون العذر بهذا .. انها مرحلة تطوير الشبكات من 3gإلى4g!!!!
ولكن كعروض فهي جيدة
وعشان هالشي كلها أسبوع ونشوف صحيح الكلام أو لا!
أتمنى أشوف نتائج ممتازة عشان ما اضطر أنقل الرقم !

[MoTeC]

للعلم مدام فيه ضغط وهي 3جي نفس الشي وهي 4جي لأن الكل عنده تلفونات تدعم 4جي
نفسي انا اول ماخذت كرت للنت من كيوتل كان 3جي وكانت لايعه جبدي لأن فيه ضغط
واول الناس ف منطقتنا اعتقد خذت او فعلت 4جي
بعدها بإسبوع والسرعه تنزل ههههه ابتدا الضغط اما الحين خلاص عالفاضي كل من وعنده 4جي لازم كل شركه فيهم توزع اكثر من برج فكل منطقه
لأن البرج الواحد يالله يشيل هالكم بيت حولنا فما بالك مناطق فيها تعداد اكثر منا
اتمنى من فودافون واوريدو يعدلون او يحسنون خدماتهم اكثر لأن صج صج لاعت جبودنا

[airbus]

المشكلة الحين في كل المناطق السرهة بطيئة كل شهر اخد 6 قيقا انترنت استخدم بس 500 ميقا والباقي يروح علي

[@north_star@]

فودا حدهم 1 جي على ارسالهم التعبان

[نفسي عزيزه]

اقدم واحد عندهم انا اسمي من اوائل المشتركين في فودافون للاسف حولت اوريدو

لان وباعترافهم ان لانستطيع الاعطاء اكثر فهم بخدمات لكن دون ارسال ، الثري جي تعبان فمابالكم بالفور جي ولا بالاحلام يظبط

حولي اوريدوا لاتضيعين عمرج مثل الي صادني بتندمين

[نفسي عزيزه]

انحدار شديد وقوي خلال الاشهر الماضيه في فودافون

[برزان1]

يعجبني في فودافون الشفافية في عروضهم ومعرفة ما لك وما عليك عكس Ooreoo التي يحيط بها الغموض في كل شيئ
عيب فودافون ضعف إرسالهم ولا وجه للمقارنة بينهم وبين Ooreoo في هذه الناحية

[Dana’1]

فودا حدهم 1 جي على ارسالهم التعبان

ممكن ليش لا:)

[Dana’1]

اقدم واحد عندهم انا اسمي من اوائل المشتركين في فودافون للاسف حولت اوريدو

لان وباعترافهم ان لانستطيع الاعطاء اكثر فهم بخدمات لكن دون ارسال ، الثري جي تعبان فمابالكم بالفور جي ولا بالاحلام يظبط

حولي اوريدوا لاتضيعين عمرج مثل الي صادني بتندمين


انحدار شديد وقوي خلال الاشهر الماضيه في فودافون


وأنا بعد من أقدم الي اشتركو معهم كانوا روعة...وللأسف مثل ما ذكرت هم في إنحدار أختربوا من ناحية الإرسال وهذا أهم شي

أنا كذا كذا ماراح أخسر بإذن الله لأني مسددة إلي علي ولقدام ...وقبل صدور فاتورتي يومين راح أحول إلى أوريدو إذا مالقيت أي تطور أو تم تأخير ال ظ¤ جي
وغير إن عندي خطي الأساسي أوريدو وفية الفور جي جربتة كم يوم بالايفون ظ¥ اس ...بس حاليا رديتة بجهاز نوكيا ههههه لأنه حق مكالمات والنوكيا يعطيك كم يوم بدون تشحنه!

مازال الإنتظار جاري لمطلع الأسبوع الجاي

[Dana’1]

يعجبني في فودافون الشفافية في عروضهم ومعرفة ما لك وما عليك عكس Ooreoo التي يحيط بها الغموض في كل شيئ
عيب فودافون ضعف إرسالهم ولا وجه للمقارنة بينهم وبين Ooreoo في هذه الناحية

صحيح عروض قوية وواضحة..لكن للأسف ارسال تعيس فما تحس بفايدة ومتعة العروض للأسف الشديد

[Dana’1]

المشكلة الحين في كل المناطق السرهة بطيئة كل شهر اخد 6 قيقا انترنت استخدم بس 500 ميقا والباقي يروح علي

صحيح نفس زوجي عندة ظ¥ قيقا موعارف يصرفهم قبل لا تنتهي
بس لاتنسى إن وجود الواي فاي بكل مكان ساهم بهذا الشي فالناس تفضل تستخدمة لسرعتة بالمقاهي وووووإلخ
الحين النت بكل بمكان

[airbus]

صحيح نفس زوجي عندة ظ¥ قيقا موعارف يصرفهم قبل لا تنتهي
بس لاتنسى إن وجود الواي فاي بكل مكان ساهم بهذا الشي فالناس تفضل تستخدمة لسرعتة بالمقاهي وووووإلخ
الحين النت بكل بمكان

انا بكل مكان لان عندي نت الا البيت السبب ماقدر اكمل من 6 قيقا حتى لو 1 قيقا لانه السرعة بطيئة جدا زمان كانت احسن مليون مرة

[كاتم الاسرار]

ياخي فودافون مب قادرة على ال3g بتقدر على 4g

السرعه بطيئة جدا والصراحة من 3 شهور الي طافت والشركة في انحدار في كل شي

والله صدقتك الشركة في نزووووول ومستمر

[l0o0rd-qtr]

يالشيخه ضعف الارسال ماله علاقه بال3 جي او ال 4 جي الارسال يعتمد على البرج وقربه من المستخدم يعني حتى لو 4جي الارسال بيتم ميت لازم يزيدون عدد الابراج توكلي على الله وحولي لاوريدو على الاقل في شبكه زي الناس

[Dana’1]

يالشيخه ضعف الارسال ماله علاقه بال3 جي او ال 4 جي الارسال يعتمد على البرج وقربه من المستخدم يعني حتى لو 4جي الارسال بيتم ميت لازم يزيدون عدد الابراج توكلي على الله وحولي لاوريدو على الاقل في شبكه زي الناس

صحيح كلامك الجيل الرابع والجيل الثالث ماله علاقة بقوة الإرسال وضعفة..بس الموظف عول إن سبب ضعف الإرسال هو إنشغالهم بتطوير الشبكات من الجيل الثالث للرابع...بس يتم بيضبطون بعد الإسال

عاد شكلها مافية جيل رابع ولا تضبيط إرسال هههه لأن اليوم الأحد وهو دوخل مطلع هالأسبوع إلي المفروض حسب كلام لموظف إن الجيل الرابع تتفعل اليوم!

وشكلي بروح لأوريدو أخلص معاهم ..أساسا الطلب عندي من فترة مستعدة ههه بس بعبية وأسلمة لهم والأمور طيبة بإذن الله

[م. عبدالعزيز]

مر شهر ومافي شي جديد على الفور جي من فودافون.. اعتقد مطولين الجماعه ، من سنه 2009 لين اليوم وارسال الجيل الثاني تعبان ، عيل اتوقع الجيل الرابع راح يجهز سنه 2023 ان شاءالله

... اوريدو وبس

[مشـــــاعر]

مر شهر ومافي شي جديد على الفور جي من فودافون.. اعتقد مطولين الجماعه ، من سنه 2009 لين اليوم وارسال الجيل الثاني تعبان ، عيل اتوقع الجيل الرابع راح يجهز سنه 2023 ان شاءالله

... اوريدو وبس

هههههههههههههههههه
حطمتهم عاااد 2023 ههههههههههههههه

أنا عن نفسي كلش ماجربت فودافون بس أشوف اللي عندي مايمدحونها كله يقطع !!
كيووتل مرض بس أهوون من فودافووون !!

[Dana’1]

مر شهر ومافي شي جديد على الفور جي من فودافون.. اعتقد مطولين الجماعه ، من سنه 2009 لين اليوم وارسال الجيل الثاني تعبان ، عيل اتوقع الجيل الرابع راح يجهز سنه 2023 ان شاءالله

... اوريدو وبس
:) شكلهم كذا
أنا ماعاد سألت فيهم وفعلا قبل موعد الفاتورة نقلت لاوريدوا قريب الشهر اذا ماتميتها:)

والغريب إ بعد الموافقة والنقل... فودافون راسله ايميل بتفاصيل الفاتورة !!!

الله المستعان

[ya3coub]

اتمنى انه يكون كلام صحيح و بدون وزيادة فالأسعار

[عبدالعزيز 9]

سئلت فرعهم الي في الاندمارك وقالي الموظف شهر 6

[نفسي عزيزه]

ماعليك من الموظف ،، مافي شي شهر سته خذ الكلام الاكيد :nice:

فودافون اعلنت فشلها وبأعتراف كذا موظف منها