طالباتنا اشطر من طلابنا لذلك اقترح التالي ..

[حمد 2002]

السلام عليكم ورحمه الله وبركاته ..

صبحكم الله بالنور والسرور

الموضوع يحمل العنوان التالي

طالباتنا اشطر من طلابنا

لاحظت بأن الطالبات اكثر تفوقا من الطلاب بالمدارس المستقله والخاصه للأسباب التالي :-

- المعلمات تدريسهم اقوى من المعلمين لانهم يتعاملون مع الطلاب كأنهم ابنائهم ويحرصون على تفوق الجميع بعكس المعلمين ..

- بعض المدرسات يدرسون الطلاب من البنين لين المرحله الابتدائيه فتلقون مستواهم الدراسي فل ابشن ولكن اذا راحوا لمدارس فيها معلمين بالأعداديه تلقون مستواهم ينزل ويرسبون ... فالاهل يستغربون اشلون كان ولدنا مستواه زين والحين نزل مستواه التعليمي !!


- المعلمات نلقاهم يتابعون الطلاب اول بأول .. بعكس المعلمين الي همهم راتبهم فقط !!! نقول البعض لكي لانظلم البعض الاخرى ....

- المعلمات يمدون الطلاب بالملخصات الدراسيه والمذاكره والشرح قبل الامتحانات بعكس المعلمين !!

اقترح التالي بأن تكون هناك مدارس على سبيل التجربه بها يدرس الطلاب البنين على يد معلمات نساء من المرحله الابتدائيه لين الثانويه وهنا سنرى الفرق !!

بعضكم بيقول لي مايصير مدرسات وحريم والطلاب رجاجيل بهالعمر بقولكم التالي في الجامعه هل هناك دكاتره حريم ايدرسون الطلاب ول لا ؟!!!

اتمنى ملاحظتي وصلت للجميع بشكل واضح ..

بالتوفيق ...

[وطن]

مدرسات يدرسون الشباب لين الثانوية
؟؟


اقترح وجود بودي قارد مع كل مدرسة !!

تخيل ما حل الواجب وزفته
بيرضخها !!

[حسن]

حمد شدعوه الى الثانويه هذه كارثه بتشوف العى نسبه معيدين في الصف الثانوي

الطالب حده صف الرابع والمفروض يفصل من التعليم الانثوي


وبعدين من قالك عن المستوى العلمي

الاسبابا كثيره

وبعدين عيالنا ماياكلون زعتر وزيتون كان شفتهم فطاحل


شفت السلوقي في القلايل يوم لقف الاحباره

:)

[ولد العرب]

حمد ماترضاها لاهلك :weeping:

[khalid525]

ههههه حلو الاقتراح حمد راح يخفف من نسبة الشردة من المدارس

البنات اشطر لانهم يدرسون ، المشكلة مش من المعلمين

[حمد 2002]

مدرسات يدرسون الشباب لين الثانوية
؟؟


اقترح وجود بودي قارد مع كل مدرسة !!

تخيل ما حل الواجب وزفته
بيرضخها !!

صدقيني اختي وطن في ظل قانون ينظم هالاقتراح

الطالب يعرف حدوده

المعلمه تعرف حدودها


سنجد هالاقتراح اذا عملناه ستعمله مختلف الدول بالسنوات المقبله ..

يجب ان انكون سباقين بكل شيء وان نواكب عصرنا ..

نحن الان في سنه 2014 وليس في عام 19 وحطبه !!


بالتوفيق ...

[حمد 2002]

حمد شدعوه الى الثانويه هذه كارثه بتشوف العى نسبه معيدين في الصف الثانوي

الطالب حده صف الرابع والمفروض يفصل من التعليم الانثوي


وبعدين من قالك عن المستوى العلمي

الاسبابا كثيره

وبعدين عيالنا ماياكلون زعتر وزيتون كان شفتهم فطاحل


شفت السلوقي في القلايل يوم لقف الاحباره

:)

بوعلي كلامي مبني على تجارب وعلى خبرات .. وليس كلام عشوائي ..
الطالب اذا بيخترب هناك اسباب كثيره من البيت الى الشارع الى اصددقاء السوء ... الى آخره ...

والحين بالعاميه الخراب بكل مكان !!

وطلابنا وابنائنا متفتحين في ظل التكنلوجيا افضل من الاجيال السابقه !!!

يجب ان لانتسرع بالحكم يجب علينا ان نأخذ الامور حبه حبه .. وسنرى تجربه عظيمه تفخر بها الاجيال المقبله ...

بالتوفيق ..

[المحاميه]

يالله صباح خير

الله يهديك ياحمد

وش هالموضوع بعد

شوف اذا كلامك صح عيل بنشوفهم متفوقين فالجامعه بما ان يدرسونهم حريم كذا ماده؟
وبعدين لو السبب اللي ذكرته صحيح جان شفنا مستوى البنات نازل فالجامعه بما ان يدرسونهم رياييل

ياعمي ..
اصلا الدكاتره يقولونلنا ان احنا اشطر واحسن منكم وانكم مب مهتمين ومطلعينلهم قرون مع ان الدكتور واحد هو نفسه نفسه .. اذا الخلل فيكم انتو ومب ف طريقة التدريس ولا غيره

الشاطر شاطر لو وين انقط ..
ومعروف اغلب الشباب مهملين ولايدرون عن الدراسه شي وزين منهم اذا داموا هههه

وبعدين اقتراحك غلط وجداً صعب وغير منطقي ومحد بيرضى به .. ولاتقارن الدكاتره اللي فالجامعه ف مدرسين المدارس

اعتقد موضوعك جاي لكسر الروتين فقط لاغير وما من ورى مغزى..
انتهى ...

[المحاميه]

حمد شدعوه الى الثانويه هذه كارثه بتشوف العى نسبه معيدين في الصف الثانوي

الطالب حده صف الرابع والمفروض يفصل من التعليم الانثوي


وبعدين من قالك عن المستوى العلمي

الاسبابا كثيره

وبعدين عيالنا ماياكلون زعتر وزيتون كان شفتهم فطاحل


شفت السلوقي في القلايل يوم لقف الاحباره

:)

غير ان الصبيان شياطين ويبيلهم عصا من رجال
المره ماتقدر عليهم

وبروحنا نبي نصلبهم وندخلهم الخدمه العسكريه وهذا يقول خل يدرسونهم مدرسات :weeping:

[حمد 2002]

حمد ماترضاها لاهلك :weeping:

انا سأتمسك بفكرتي وسأدافع عنها الى النهايه ..

ولكل فكره سلبياتها وايجابياتها ..

ويجب علينا ان نأخذ الجانب المشرق من الفكره ونعالج السلبيات ان وجدت لكي نخرج بفكره عظيمه تبهر العالم بأجمع ..

بضرب لك مثال ب جون ويلارد ماريوت مالك فنادق ماريوت بالعالم !!

بدأ ايبيع عصير ليمون على السياح وتالي فتح مطعم وتالي فندق !!!

يجب علينا ان نطمح وان نفكر وان ندافع عما نطمح اليه ولا نستسلم ..

بالتوفيق ..

[حمد 2002]

ههههه حلو الاقتراح حمد راح يخفف من نسبة الشردة من المدارس

البنات اشطر لانهم يدرسون ، المشكلة مش من المعلمين

طلاب قبل كان معاهم عذر لانه يدرس بالصباح ويساعد ابوه ويشتغل بالمساء !!

اما طلاب الحين مالهم عذر الصراحه !!

لاشغل ولا مشغله !!

اكل ونوم ولعب بهالبلستيشن والتلفونات !!

بالتوفيق ..

[أسد الجزيرة]

بتقل نسبة عنوسة المدرسات

[مختلفة عقليا]

السلام عليكم .,

جوف الشباب اصغار ,’ والمدرسات قطريات وتوهم متخرجات .,

اتوقع الاضرار اكبر من الفوائد .,

يعني ما اتخيل صف كله (( اشناب )) ومدرسه عمرها 30 .,

اول شي صعبه تستحي اتوقف قدامهم ,’

ثاني شي الصف بيصير مصخره .,

ثالث شي بتظهر قصص (( العشق الممنوع )) .,

انا اجوف لو كان الخلل في المدرسين ., يحطون انظمه وطرق تدريس بدليه

ولو كان الخلل من الطلاب ., يشدون حيلهم ويخلون عنهم سوالف الاستهتار ,.

ويسلموو .,

[حمد 2002]

يالله صباح خير

الله يهديك ياحمد

وش هالموضوع بعد

شوف اذا كلامك صح عيل بنشوفهم متفوقين فالجامعه بما ان يدرسونهم حريم كذا ماده؟
وبعدين لو السبب اللي ذكرته صحيح جان شفنا مستوى البنات نازل فالجامعه بما ان يدرسونهم رياييل

ياعمي ..
اصلا الدكاتره يقولونلنا ان احنا اشطر واحسن منكم وانكم مب مهتمين ومطلعينلهم قرون مع ان الدكتور واحد هو نفسه نفسه .. اذا الخلل فيكم انتو ومب ف طريقة التدريس ولا غيره

الشاطر شاطر لو وين انقط ..
ومعروف اغلب الشباب مهملين ولايدرون عن الدراسه شي وزين منهم اذا داموا هههه

وبعدين اقتراحك غلط وجداً صعب وغير منطقي ومحد بيرضى به .. ولاتقارن الدكاتره اللي فالجامعه ف مدرسين المدارس

اعتقد موضوعك جاي لكسر الروتين فقط لاغير وما من ورى مغزى..
انتهى ...

الطالب عندما تدرسه معلمه بالابتدائيه وتهتم في من ناحيه علميه ويكون متفوق وتالي بالاعداديه معلم ايدرسه ومايهتم فيه علميا !!

هنا يصيده نوع من الفجوه العلميه !!!

وهالفجوه صعب تسكريها !!!

وستظل مؤثره عليه طوال حياته !!

بالتوفيق ..

[الحياة الخالدة]

الله يسعدك يا حمد .. صج مواضيعك تصنع الابتسامة على وجوهنا

[حسن]

بتقل نسبة عنوسة المدرسات


اتفق معك

بنتشر فيديوهات الكيك وسوالف العشق

[حمد 2002]

غير ان الصبيان شياطين ويبيلهم عصا من رجال
المره ماتقدر عليهم

وبروحنا نبي نصلبهم وندخلهم الخدمه العسكريه وهذا يقول خل يدرسونهم مدرسات :weeping:

اسلوب العصى انتهى !!

الحين الحوار العقلي !!

جوفي ليش عند الانجليز هناك مدرسات ايدرسون الطلاب لين يكبرون ومع هذا اتحصلين شاطرين بكل مجالات الحياه !!

الرجوله عده عوامل تبنيها وليست نقطه واحده فقط !!!

بالتوفيق ..

[أسد الجزيرة]

ممكن الطالب يعجب في المعلمة و يجتهد عشان يجذب انتباها :shy:

[حمد 2002]

بتقل نسبة عنوسة المدرسات

ليش دايما احنا تفكيرنا عن الزواج والزواج والنساء !!

يجب ان نرتقي بطريقه تفكيرنا لنتطور ...

بالتوفيق ..

[أسد الجزيرة]

اتفق معك

بنتشر فيديوهات الكيك وسوالف العشق

و تحصل المدرسة تدلع عشان يقولون انها كلها انوثة و غنج

[حمد 2002]

السلام عليكم .,

جوف الشباب اصغار ,’ والمدرسات قطريات وتوهم متخرجات .,

اتوقع الاضرار اكبر من الفوائد .,

يعني ما اتخيل صف كله (( اشناب )) ومدرسه عمرها 30 .,

اول شي صعبه تستحي اتوقف قدامهم ,’

ثاني شي الصف بيصير مصخره .,

ثالث شي بتظهر قصص (( العشق الممنوع )) .,

انا اجوف لو كان الخلل في المدرسين ., يحطون انظمه وطرق تدريس بدليه

ولو كان الخلل من الطلاب ., يشدون حيلهم ويخلون عنهم سوالف الاستهتار ,.

ويسلموو .,

جوفي اختي جريده الوسيط ماله الشرق !!!

وبتجوفين اكثر اعلانات المدرسين الخصوصين رجال !!!

وهنا ستعرفين مغزى كلامي ومقصده !!

اصبحوا المعلمين هدفهم الماده والفلوس بعكس المعلمات !!

التدريس اصبح يمثل تجاره قووويه لدى البعض !!


بالتوفيق ..

[المحاميه]

ليش دايما احنا تفكيرنا عن الزواج والزواج والنساء !!

يجب ان نرتقي بطريقه تفكيرنا لنتطور ...

بالتوفيق ..


حمد
احنا مجتمع شرقي محافظ جدا
واللي تقوله مستحيل ولاتقعد تقارن الغرب فينا


الحين فهمت ليش خفت تنزل الموضوع امس وغيرت الخطه ههههه

[حمد 2002]

الله يسعدك يا حمد .. صج مواضيعك تصنع الابتسامة على وجوهنا

هلا ومرحبا اختي الحياه .. ان شاء الله دوم هالابتسامه يارب ..

بالتوفيق .. :nice:

[حمد 2002]

اتفق معك

بنتشر فيديوهات الكيك وسوالف العشق

نحن مجتمع دائما نرى الجانب السلبي ونقفل عن الجانب الايجابي !!

[حراير قطر]

حمد الطلاب بالروضه والابتدائي جذيه :omg:

ويفصلون الوحده تفصيل من قمة رأسها لين رجلها

في الاعدادي والثانوي شنو بيكونون :rolleyes2:

[حمد 2002]

ممكن الطالب يعجب في المعلمة و يجتهد عشان يجذب انتباها :shy:

في حاله وجود قوانين منظمه لن تصير مثل تلك الامور !!

وفي حاله وجود علاقه رسميه مابين الطالب والمعلمه .. استبعد مثل تلك الامور ..

بالتوفيق ..

[حمد 2002]

و تحصل المدرسة تدلع عشان يقولون انها كلها انوثة و غنج

في حاله عملها هالامر لن تصبح مدرسه بل مخربه للأجيال وارهابيه !!!

بالتوفيق ..

[حمد 2002]

حمد
احنا مجتمع شرقي محافظ جدا
واللي تقوله مستحيل ولاتقعد تقارن الغرب فينا


الحين فهمت ليش خفت تنزل الموضوع امس وغيرت الخطه ههههه

لان الناس دائما يفهومني غلط .. :nice:

[حمد 2002]

حمد الطلاب بالروضه والابتدائي جذيه :omg:

ويفصلون الوحده تفصيل من قمة رأسها لين رجلها

في الاعدادي والثانوي شنو بيكونون :rolleyes2:

في حاله لبس المدرسه لملابس محتشمه وتكون علاقتها رسميه مع الطلاب لن يتجرأوا بالتطاول عليها ..

بالتوفيق ..

[حمد 2002]

اطالب بدراسه الاقتراح على محمل الجد وتطبيقه بالسنوات القادمه ..


بالتوفيق

[قطريه22]

صباح الخير

اما على الاقتراح
تتوقع هالشيء حلال والا حرام؟؟ مدرسة تدرس رياييل اشكبرهم وتتكلم وتصارخ والا تمر من بينهم تشيك على الي يكتبونه؟ والا تكتب على اللوحه وهم يطالعون فيها؟؟

تتوقع شباب في هالسن بينتبهون للدرس اذا مدرسه تدرسهم؟
طيب تخيل تهاوشو؟ وهي موجوده؟
والا واحد من هالمراهقين انعجب فيها وغيره تتوقع اشبيصير؟
بتصير فوضى .
اصلا بتلاقي نسبة رسوب مرتفعه لانهم مايبون يخلصون دام في مدرسات عندهم..
اول مره تحط موضوع وتقترح اقتراح مايناسبه
الغريب قبل ماكنت ترضى بهالشيء الحين شلي خلاك تغير تفكيرك؟؟

[حراير قطر]

في حاله لبس المدرسه لملابس محتشمه وتكون علاقتها رسميه مع الطلاب لن يتجرأوا بالتطاول عليها ..

بالتوفيق ..

حمد ترى المدرسات كلهم بالعبايات الحين ومب سالمين منهم

انا ادش المدارس وشوف عيني يمشون وعينهم ما تطيح عن المدرسات والامهات ...

[حمد 2002]

صباح الخير

اما على الاقتراح
تتوقع هالشيء حلال والا حرام؟؟ مدرسة تدرس رياييل اشكبرهم وتتكلم وتصارخ والا تمر من بينهم تشيك على الي يكتبونه؟ والا تكتب على اللوحه وهم يطالعون فيها؟؟

تتوقع شباب في هالسن بينتبهون للدرس اذا مدرسه تدرسهم؟
طيب تخيل تهاوشو؟ وهي موجوده؟
والا واحد من هالمراهقين انعجب فيها وغيره تتوقع اشبيصير؟
بتصير فوضى .
اصلا بتلاقي نسبة رسوب مرتفعه لانهم مايبون يخلصون دام في مدرسات عندهم..
اول مره تحط موضوع وتقترح اقتراح مايناسبه
الغريب قبل ماكنت ترضى بهالشيء الحين شلي خلاك تغير تفكيرك؟؟

انا ماغيرت تفكيري ... بل ماسك العصى من النص ... وهاذي اقتراحات ، تقبل الصح وتقبل الخطأ ،،

ويجب علينا ان نعرف الجانب السلبي من الفكره لكي نعالجه !! ..

وان لانطبق الفكره الا في حاله الاقتناع فيها 100 % ، وفي حاله عدم الاقتناع بها نرفضها ...

بالتوفيق ...

[قطريه22]

انا ماغيرت تفكيري ... بل ماسك العصى من النص ... وهاذي اقتراحات ، تقبل الصح وتقبل الخطأ ،،

ويجب علينا ان نعرف الجانب السلبي من الفكره لكي نعالجه !! ..

وان لانطبق الفكره الا في حاله الاقتناع فيها 100 % ، وفي حاله عدم الاقتناع بها نرفضها ...

بالتوفيق ...

ههههههههههههههههه اي عصا الي ماسكها من النص انت بتسوي كارثه بهالاقتراح

[حمد 2002]

حمد ترى المدرسات كلهم بالعبايات الحين ومب سالمين منهم

انا ادش المدارس وشوف عيني يمشون وعينهم ما تطيح عن المدرسات والامهات ...

اها ... افاده واضافه جميله بالموضوع اختي حراير ..

بالتوفيق ..

[حمد 2002]

ههههههههههههههههه اي عصا الي ماسكها من النص انت بتسوي كارثه بهالاقتراح

يمكن نطرح هالاقتراح على عامه الشعب والتربوين والتربويات وفي حاله رفضه خلاص مانطبقه وفي حاله الموافقه عليه انجوف السلبيات وانعالجها وتالي انطبقه ..

لتخافين مازلت ماسك العصى من النص ... :nice:

[قطريه22]

حمد ترى المدرسات كلهم بالعبايات الحين ومب سالمين منهم

انا ادش المدارس وشوف عيني يمشون وعينهم ما تطيح عن المدرسات والامهات ...

صح كلامج
لان الي وصل المرحله الاعداديه تفكيره يتغير وماراح يكون بنفس تفكير واحد بأول ابتدائي
ولاتنسى ياحمد انهم يكونون في فترة مراهقه

[حمد 2002]

صح كلامج
لان الي وصل المرحله الاعداديه تفكيره يتغير وماراح يكون بنفس تفكير واحد بأول ابتدائي
ولاتنسى ياحمد انهم يكونون في فترة مراهقه

اها ... شكرا على الاضافه ..

بالتوفيق ..

[كرواتيا]

بالعكس اسوأ دكاتره الجامعه هم الحريم
الطلاب اصلا يشردون لو الدكتوره مره
الحريم معروفات يعلون الجبد خاصه في التدريس واقل درجات في كشوف الطلبه عند الدكتورات

[Dana’1]

نعم صحيح. وبعد ازيد المفروض يمسكون النساء كل ماله علاقة بالإدارة في الدوائرة الحكوميه والخاصة ويشيلون كل الوزراء الرجال ويحطون بدالهم نساء من الشخصيات الرائعة.. وشوف كيف الوضع بيتغير للأحسن مثل ما تفضلت
لا زم نغير نظرتنا للمرأة

[Miss]

حمد من صجك !!
اللي بيقعد يدقق فيها واللي بيقط كلام عليها
الحين في رابع وثالث وعيونهم على المدرسات
شلون ثانوي بعد
اذا هم ما احترموا المدرس بيحترمون المدرسه ؟
وبعدين من بترضى تدخل ادرس ثانوي واعدادي ؟

[إينشتاين]

بنشوف مدرسة المشاغبين على الطريقة القطرية

[أم محمد 90]

بالعكس اقتراح حمد جدا رائع

الطالب عمره 18 يتخرج يدش الجامعه وفي دكاتره نساء ومافيها شي لو افتحو مدارس للتجربه !!


حمد الحريم بيعارضون فكرتك لان وين بيتلبسون الضيق وبيفلون الشعر والفل ميك اب والفطاير والشاي ف مدرسه صبيان؟؟

والله انا مره رحت لاخواني وهم ف ابتدائي انصدمت من لبس المدرسات !!

[ضوى]

حمد بديت تقط خيط وخيط ، انت من صجك والا تبي تزيد عدد مواضيعك المضحكة في المنتدى !! اذا جذي بنأيد اقتراحك وبنعلق تعليق فكاهي في هالموضوع ، اما اذا انت جاد فنتمنى انك تجربه على المعلمات في محيط عائلتكم الكريمة وتقول لنا نتيجة هذه التجربة وبعدها نقرر تستحق هالتجربة التعميم او لا يعني ابدأ من حولك

[R 7 A L]

انت وين درست الثانوية
؟

[بصمة قطرية]

والمنقبة تشرح الدرس بالنقاااب ..!!!
و تصارخ على الطالب لو سوه شي .!!
ووووووو إلخ ..
صعبة و مستحيلة الفكرة
من راح يرضاها إخته و لا زوجته و لا بنته تدرس شباب أطول منها ..!!!!

[تغلبية]

منهي المدرسة اللي بترضى اتدرس شباب

الحين يهالوه صف رابع ما اسلموا منهم المدرسات ومن سوالفهم

هالدور تبيهم يدرسون اشناب!!


ومن جهة ثانية شخصية المعلمة اليوم مب قوية ولها هيبة مثل اول

لا هي بقادرة عليهم... والانحراف لكل الاطراف بيكون سهل جداً

والشباب في هالعمر يبيهم مدرسين رجال يسنعونهم لان معروفة من قديم خلطة الرجال مع النساء تولد الخنا والمياعة



((( هاللي قاصر يا حمد ))

[ضوى]

منهي المدرسة اللي بترضى اتدرس شباب

الحين يهالوه صف رابع ما اسلموا منهم المدرسات ومن سوالفهم

هالدور تبيهم يدرسون اشناب!!


ومن جهة ثانية شخصية المعلمة اليوم مب قوية ولها هيبة مثل اول

لا هي بقادرة عليهم... والانحراف لكل الاطراف بيكون سهل جداً

والشباب في هالعمر يبيهم مدرسين رجال يسنعونهم لان معروفة من قديم خلطة الرجال مع النساء تولد الخنا والمياعة



((( هاللي قاصر يا حمد ))


للعلم فقط النموذجي للصف السادس ولك ان تتخيلي حجم الكارثة

[بريق الحق]

جرب تقترح الموضوع على الاقربون وجووف راح يوافقون ولا لا:shy:
اظن المسلسلات الامريكيه اثرت على مخك شوي

[طرف محايد]

فجأة

صار حمد خبير تعليم


يا ابني انت والله كتابتك في المنتدى مشكلة

لا انت فاهم في التعليم عشان تقترح هالفكرة

ولا عندك عيال عشان نقول لاحظ شي واكتشف شي


كل مواضيعك مزاجية ومالها أي علاقة بالواقع


وتقول من خلال تجارب ودراسات

وينها هالدراسات؟


أنا عيالي درسوهم حريم

وأكبر غلطة يقوم بها المجلس انها اوكل تدريس الاولاد للسيدات

مع كل احترامنا لهم هذي تعتبر كارثة


نحن لسنا امريكا

نحن نعيش في شبه الجزيرة العربية



ويمكن اطلاعك ع واقع التعليم في قطر محدود

ولا تعرف مستوى التحديات والمشاكل


وتقول ان الطلاب في الابتدائي ناجحين هههههه


خاطري اعرف مصادرك ودراساتك الي اطلعت عليها




يا حمد

الله يكون في عونك

والله تحتاج تتعلم اكثر وتقرا وتوسع مداركك


مجرد انك تكتب موضوع من سطرين

وبشكل عشوائي


هو مشكلة لك


ولنا !!

[أم محمد 90]

اخوي طرف محايد حمد طرح الموضوع بطريقه محترمه واسلوب جيد

وكان مجرد اقتراح

وقال جربو

وطرح المشكله + الاقتراح

ماجاب عجب من عجايب الدنيا ولا نادى للفسق والفجور

وكلن راح صوب هله والله عيب

الرجال طرح موضوع بشكل عام

تخصون اهله ليش !!

[pink pearl]

اقتراحك في غير محله، وإن شاء مايتحقق ولا بيتحقق
الله لايقول

[عاشق العديد]

حمد ماترضاها لاهلك :weeping:

انا جدا مستاء من موضوع حمد ..

ولكن اقول ياحمد ركز ركز ركز .. فيما تحاول العبث به ..

[توشيبا]

اخالفك الراي وعن تجربه

اخوي كان من الصف السادس لين وصل ثالث اعدادي اكتشفت انه يكلم ابلته اللي كانت ادرسه في الصف الخامس !

صارت معناه لين فرجها ربك وافتكينا من هالمشكله

تعتقد فيه ياهل في الصف الخامس يقدر يتغزل في مدرسته ! ولا المدرسه اهي السبب

ان كان فيه خطر الطلاب علي المدرسات وترا فيه خطر من المدرسات علي الطلاب

انا اشوف لين حد ثالث ابتدائي ويتحول الطلاب الي مدارس فيها مدرسين رجال

يتعلم الطبع الرجولي قبل الدراسه افضل من دلع مدرسات واهو بو شنب

[Ţĥę őήę]

معاك حق أنا لاحضت الفرق في اخوي لما انتقل من الأيادي الناعمة للخشنة
المدرسين مايراجعون ولا يثبتون المعلومات في أذهان الطلاب بالإعادة يعطون الدرس وخلاص ولايحلون تدريبات مع الطلاب
الحل أننا نعدل في تدريس المعلمين الذكور لأن من الصعب أن المدرسات يدرسون الشباب لين الثانوية

[Charisma]

حمد !!

جعلني ماشوفك وزير للتعليم

انت مشيت على نظام خربانه خربانه :rolleyes2:

[طرف محايد]

اخوي طرف محايد حمد طرح الموضوع بطريقه محترمه واسلوب جيد

وكان مجرد اقتراح

وقال جربو

وطرح المشكله + الاقتراح

ماجاب عجب من عجايب الدنيا ولا نادى للفسق والفجور

وكلن راح صوب هله والله عيب

الرجال طرح موضوع بشكل عام

تخصون اهله ليش !!


انا ما جبت طاري اهله ابداً

فليش تدرجين اسمي وتقولين ذكرت اهله؟

ومن يقرا ردك يعتقد اني تكلمت ع اهله


الموضوع وما فيه ان هناك مواضيع يمكن مناقشتها

ومن يطرحها يكون لديه خلفية عما يطرحه

اما كل من هب ودب

وكل من جلس يفكر في اخر الليل

وطلع لنا بفكرة

هذا ما اسمه اقتراح

اسمه تخبيط ع الاخر

وهذا دأب أخونا حمد


والمشكلة انكم تسلكون له

ما تقولون له غلط تفكيرك



الإشكالية في قلة الاطلاع على الموضوع

وفهم سلبياته وايجابياته

حتى الادلة الي طرحت لا تقف حائط صد امام الانتقادات


وهذا هو طرح الموضوع ولا رد عليه

وينتظر من يدافع عنه

[بريق الحق]

انا ما جبت طاري اهله ابداً

فليش تدرجين اسمي وتقولين ذكرت اهله؟

ومن يقرا ردك يعتقد اني تكلمت ع اهله


الموضوع وما فيه ان هناك مواضيع يمكن مناقشتها

ومن يطرحها يكون لديه خلفية عما يطرحه

اما كل من هب ودب

وكل من جلس يفكر في اخر الليل

وطلع لنا بفكرة

هذا ما اسمه اقتراح

اسمه تخبيط ع الاخر

وهذا دأب أخونا حمد


والمشكلة انكم تسلكون له

ما تقولون له غلط تفكيرك



الإشكالية في قلة الاطلاع على الموضوع

وفهم سلبياته وايجابياته

حتى الادلة الي طرحت لا تقف حائط صد امام الانتقادات


وهذا هو طرح الموضوع ولا رد عليه

وينتظر من يدافع عنه
حكيم في كلامك اللهم زد وبارك (:

[vip-30003]

اخوي حمد اشكرك على الموضوع الاكثر من رائع ولكن

انت عايش في قطر ولا وين بالضبط ؟؟؟

الحين طلاب النموذجيه فل ابشن !!!!!!! ما اقول كل المدارس بعض المدارس مقصره

واهل الطلاب يستغربون ليش نزل المستوى ؟؟ الشاطر شاطر بكل مكان

والله العظيم في طلاب في الاعدادية مايعرفون يقرون ويكتبون !!!!!

رب العالمين بيحاسب من ضيع هالجيل ،، واعتقد مهارة القراءة والكتابة اساسيات

المدارس الابتدائية وبعد اساسيات الرياضيات ،، والله شفنا بلاوي

النموذجية بنظري فاشلة والحريم مايقدرون على كل الطلاب

وسن البلوغ يصادف تواجد البعض بين الحريم

من فترة موضوع اجتماع اولياء الامور مع المدرسات ضايق البعض

الحين تدريس طلاب الثانوية ههههه

انا مع الاختلاط في هيئة التدريس والادارة في المدارس النموذجيه

وهذا لمصلحة الطالب

وضد تدريس الحريم لطلاب بعد عشر سنوات يعني لين الصف الرابع او الخامس فقط

المحترم يحترم كل الوزاراء فيها اختلاط او شبة اختلاط

ومثل هالمدارس لازم عنصر رجالي كا اخصائي او مشرف او مدرس شرعية او او مدرس رياضة

وجهة نظر لا اكثر ،،،

[pink pearl]

يطرح مواضيع ورى بعض ولا يرد على المواضيع السابقة- انزين رد ناقش حاور مع اللي يردون عليك !!!!

[meme-93]

حمد بالعكس
احنا يالبنات ندور وين المدرس الرجال ونروح له
في الجامعه ولا الخصوصي
ماخذ كلاس تدرسه مره الا اذا اضطريت فالجامعه
ومدرسيني الخصوصيين ماحط الا رجال
بالعكس الرجال في الشرح واااااااايد شطار عن تجربه معاي ومع وايد اشخاص
على سبيل المثال
مسألة الرياضيات الحرمه تحلها في 5 خطوات
ام المدرس الرجال يحلها في خطوتين فقط!! وهذا حصل معاي وايد

ومن تجارب من قريب ومن بعيد واايد صبيان اصطلبوا يوم دخلوا المرحله الاعداديه وصار التدريس مع رجال ،، بعدين البنين يبي لهم قسوه شووي عشان يطلعون رجال مب حنونين فلم هندي يبكيهم !