++ اعلان هروب ( اقتراح يا لوزارة الداخلية الموقرة ) ++

[شبح الصمت]

بسم الله والصلاة والسلام على أفضل المرسلين سيدنا محمد صلى الله عليه وسلم ..


أولاً نشكر وزارة الداخلية وعلى رآسها
http://www.moi.gov.qa/site/arabic/aboutmoi/images/minister3.jpg
سعادة الشيخ عبد الله بن ناصر بن خليفة آل ثاني رئيس مجلس الوزارة ووزير الداخلية

والعاملين في الداخلية رجالاً ونساءً

ولا يخفى عليكم موقع الداخلية المميز دائماً وسهولة الوصول إلى المعلومة التي نريدها ..


فعليه طرى على بالي أقتراح للوزارة وهو يخص حالات الهروب من الكفلاء لاني لاحظت انه حالات الهروب فقط تنشر في الجرائد الرسمية فقط ، وما احس احد ينتبه عليهم وفي ناس اطنش لانها تمللت من كثر ما تشوف الهاربين وصادهم مثل الملل من صورهم ..:secret:


فلو تم عمل صفحة أو تخصيص جزء بسيط في موقع وزارة الداخلية يكون فيها التالي :

1- عرض حالات الهروب بالصورة والاسم
2- وضع رقم مباشر لمثل هذه الحالات عند الشك او التاكد منهم

..

في نفس الوقت الهارب راح يخاف ويحس انه مطلوب من قبل العدالة إذا درى انه صورته وضعت في الموقع باللغة العربية والانجليزية وانه ناس وايد شافوا صورته ورآح يتعرفون عليه !!


فما رايكم في المقترح وهل لديكم ما تضيفونه ..


لانه من يومين صادني موقف وانا طالع من المسجد جاني نيبالي يقولي عندك وظيفة كنت ببلغ عنه بس قلت خلني اتريث ناديت هندي يعرف عربي قلت له ترجم لي شلي يبيه

قالي هذا يبي وظيفة والشركة بتعطيه نقل كفالة قلت له عطني جوازك شفت جوازه منتهية اقامته من سنة 2012 :eek5: وكان ملصق على الجواز رقم ومكتوب بخط اليد النيابة العامة وعنده اورقة صغيرة مكتوب فيها عدم ممانعة من نقل الكفالة .. !!!


فقلت زين اني ما استعجلت وبلغت عليه بس خذت رقم جواله كاحتياط وقلت لو هذه شارد ما راح يجي يدور اهنيه ومقوي قلبه لانه يمكن ابلغ عليه ..


كم وااحد والا وحده من هل قطر وغيرهم تضرروا من هروب الخدم وكم المدة الي تموا يبحثون عنهم لين ما سلموا نفسهم او تم القبض عليهم .. ( اتمنى كل واحد مر بتجربة يطرحها )

والله يحفظ قطراً أميراً وشعباً وحكومتاً ..


http://swelif.com/wp-content/uploads/2013/10/%D9%85%D8%B7%D9%84%D9%88%D8%A8-%D9%84%D9%84%D8%B9%D8%AF%D8%A7%D9%84%D8%A9-300x225.gif

[ودي أكون]

صبآح الخير ..

والله خوش فكرة أخوي شبح .. بس بنفس الوقت .. الوزارة بتعلن عن كم وجه ووجهه .. وكم وجهه بيثبت فالمخ !!
وغير هذا .. هالنقطة بتمشي مع الدريوليه لكن الخدامات صعبه وخاصه لانهم يعملون بداخل البيت !!

اما بالنسبة للدريوليه صحيح سهله تنشر صورته وتصيده كون أن عمله خارج البيت .. لكن هل تعلم .. حلوه هل تعلم .. المهم تدري ان احين الدريوليه عندهم موضه قديمة الشرده ..
لانهم تطوروا شوي وصاروا يعلبون عالكبير حسب علمي .. يجيك السايق يقولك بابا انا ابي اسافر خلاص مابي اشتغل .. بكنسلك .. مافي مشكله كنسل .. عقب كم شهر اتشوفه جاي يشتغل ف كروه !!


هذا اللي سمعته عنهم والله اعلم ..

شر لابد منه وحسبي الله عاللي يشجعهم والله المستعان

[شبح الصمت]

صبآح الخير ..

والله خوش فكرة أخوي شبح .. بس بنفس الوقت .. الوزارة بتعلن عن كم وجه ووجهه .. وكم وجهه بيثبت فالمخ !!
وغير هذا .. هالنقطة بتمشي مع الدريوليه لكن الخدامات صعبه وخاصه لانهم يعملون بداخل البيت !!

اما بالنسبة للدريوليه صحيح سهله تنشر صورته وتصيده كون أن عمله خارج البيت .. لكن هل تعلم .. حلوه هل تعلم .. المهم تدري ان احين الدريوليه عندهم موضه قديمة الشرده ..
لانهم تطوروا شوي وصاروا يعلبون عالكبير حسب علمي .. يجيك السايق يقولك بابا انا ابي اسافر خلاص مابي اشتغل .. بكنسلك .. مافي مشكله كنسل .. عقب كم شهر اتشوفه جاي يشتغل ف كروه !!


هذا اللي سمعته عنهم والله اعلم ..

شر لابد منه وحسبي الله عاللي يشجعهم والله المستعان



صباح النور

لا لا اختي ينحط بالخط العريض للدريولية وللخدماات او اياً كان الهارب عند التستر عليه سيعاقب كل من يتستر عليه ولا تنسين الخدامات يمكن وحده رزيلة تجي زيارة لوحده وتشوف هالخدامة وتروح تبلغ

ههههههههههههههههههههاي
فبالحالة راح يخاف المتستر عليها وراح يطردها وذيك راح تخاف كل ما تروح مكان راح يصدونها او يبلغون عنها ..


وما اتوقع لانه اقل شيء عقب ما تنكسل اقامته سنتين إلا إذا في شيء احنا نجهله .. !!!

انتي بس رفعي الموضوع وان شاء الله يتطبق ونحفظ وجيهم لانه الموقع من اي مكان نقدر ندخل له لو شكينا في احد ونتعرف عليه مب ادور جريدة لها كمن يوم لاجل اتعرف على وجه والا نقصص صورهم ونعلقهم في مواترنا ..

[حمد 2002]

في حال تطبيق هالقرار هل هناك ناس بيصداون بالماي العكر .. وخصوصا منظمات حقوق الانسان ؟ وغيرهم ؟

وهل تعتقد انهم بيخافون ؟ لو تم تطبيق هالامر ؟

وهل الناس كلها فاضيه وتدخل نت ؟

هالشيء يمكن ايخليه يرتكب المزيد من التجاوزات ومايسلم نفسه للعداله في حال وضع صورته بالموقع لانه بتزداد عنده الرهبه والخوف لانه يفتكر نفسه مرتكب جريمه جنائيه !!


هل بهذا الامر نكون قضينا على مساله هروب العماله مممم يعني خلاص مب شاردين ادريوليتنا وخدمنا ؟


وهل مساله هروب الخدم فقط متوقفه عند هالقضيه ؟

وهل الامر خطير لين هالدرجه بحيث نضع صورهم بالموقع ؟

وهل تقترح بان يتم وضع صوره فقط الهندي الشارد ام معلومات عنه مثلا من كفيله ومعلومات عنه ؟

ماهي الناحيه السلبيه التي تجدها من تطبيق هذا القرار ؟

وكذلك الناحيه الايجابيه من هذا القرار ؟

وضع الصور بالموقع يحتاج الى موظفين ممم هل تأيد ان يكون يتحمل الكفيل جزء من تكلفه وضع الصور على الموقع ام تكون بالمجان ؟!!

في دول نفس امريكا والدول المتقدمه يتم وضع صور فقط الهاربين من العداله كالسفاحين والارهابين والذين يمثلون خطر على الدوله !! فهل هاؤلاء يمشي عليهم نفس التصنيف ؟

بعض الهاربات من النساء .. وبعضهم من جنسيات مسلمه وعرب .. فهل هالشيء يمكن يمثل حساسيه ونقطه خلاف من وضع صوره حرمه بالموقع والتشهير بها ؟!!

وليش ذكرت وزاره الداخليه فقط وحملتها المسؤليه وين الجهات الاخرى كوزاره العمل مثلا !!!


بالتوفيق .. وبارك الله فيك ..

[مختلفة عقليا]

السلام عليكم .,

الفكره وايد حلوه ,’

وياليت يكتبون تفاصيل عنه ., يعني وين كان يشتغل ,’

ويسلموو .,

[حسن]

شوف ياشب ح لو يبون يوضوعون حد يقدرون

صدقني

ولا شارد واحد

بس مايبون او مش مهم لذاك الزود


وبعدين من اللي بيخاف هذولا يخافون وش قالولك دياي ولا قطري

لا يعمي ولا يفتكرون اساسا

الكثير منهم الاجرام عندهم مثل شربه المويه على قوله هل مكه

[حسن]

في حال تطبيق هالقرار هل هناك ناس بيصداون بالماي العكر .. وخصوصا منظمات حقوق الانسان ؟ وغيرهم ؟

وهل تعتقد انهم بيخافون ؟ لو تم تطبيق هالامر ؟

وهل الناس كلها فاضيه وتدخل نت ؟

هالشيء يمكن ايخليه يرتكب المزيد من التجاوزات ومايسلم نفسه للعداله في حال وضع صورته بالموقع لانه بتزداد عنده الرهبه والخوف لانه يفتكر نفسه مرتكب جريمه جنائيه !!


هل بهذا الامر نكون قضينا على مساله هروب العماله مممم يعني خلاص مب شاردين ادريوليتنا وخدمنا ؟


وهل مساله هروب الخدم فقط متوقفه عند هالقضيه ؟

وهل الامر خطير لين هالدرجه بحيث نضع صورهم بالموقع ؟

وهل تقترح بان يتم وضع صوره فقط الهندي الشارد ام معلومات عنه مثلا من كفيله ومعلومات عنه ؟

ماهي الناحيه السلبيه التي تجدها من تطبيق هذا القرار ؟

وكذلك الناحيه الايجابيه من هذا القرار ؟

وضع الصور بالموقع يحتاج الى موظفين ممم هل تأيد ان يكون يتحمل الكفيل جزء من تكلفه وضع الصور على الموقع ام تكون بالمجان ؟!!

في دول نفس امريكا والدول المتقدمه يتم وضع صور فقط الهاربين من العداله كالسفاحين والارهابين والذين يمثلون خطر على الدوله !! فهل هاؤلاء يمشي عليهم نفس التصنيف ؟

بعض الهاربات من النساء .. وبعضهم من جنسيات مسلمه وعرب .. فهل هالشيء يمكن يمثل حساسيه ونقطه خلاف من وضع صوره حرمه بالموقع والتشهير بها ؟!!

وليش ذكرت وزاره الداخليه فقط وحملتها المسؤليه وين الجهات الاخرى كوزاره العمل مثلا !!!


بالتوفيق .. وبارك الله فيك ..



انا عارف هذا الولد يخفي اشياء كثيره


بس توصلت لك وين تشتغل

يالله ياشبح رد

:)

[ودي أكون]

صباح النور

لا لا اختي ينحط بالخط العريض للدريولية وللخدماات او اياً كان الهارب عند التستر عليه سيعاقب كل من يتستر عليه ولا تنسين الخدامات يمكن وحده رزيلة تجي زيارة لوحده وتشوف هالخدامة وتروح تبلغ

ههههههههههههههههههههاي
فبالحالة راح يخاف المتستر عليها وراح يطردها وذيك راح تخاف كل ما تروح مكان راح يصدونها او يبلغون عنها ..


وما اتوقع لانه اقل شيء عقب ما تنكسل اقامته سنتين إلا إذا في شيء احنا نجهله .. !!!

انتي بس رفعي الموضوع وان شاء الله يتطبق ونحفظ وجيهم لانه الموقع من اي مكان نقدر ندخل له لو شكينا في احد ونتعرف عليه مب ادور جريدة لها كمن يوم لاجل اتعرف على وجه والا نقصص صورهم ونعلقهم في مواترنا ..

لا يبه هاذولا يساعدون بعض .. مايفتنون على بعض ..
يحرضون بعض !!
اما في حالة الابتزاز فعادي يتذابحون !! .. وهالشيء اللي بيأدي الى جرايم !!

هذا والله اعلم

[شبح الصمت]

في حال تطبيق هالقرار هل هناك ناس بيصداون بالماي العكر .. وخصوصا منظمات حقوق الانسان ؟ وغيرهم ؟

ليش يتصيدون وليش ما يراعون حقوق الكفيل الي مخسر شرد خلاص يرد سفارته ويطالب بحقوقه ، صح وإلا لا .. !!
ترى السالفة معنوية للكفيل قبل ما تكون مادية وحط عليها مليون خط ..


وهل تعتقد انهم بيخافون ؟ لو تم تطبيق هالامر ؟
اي نعم بيخافون وبيعملون ألف حساب لهذا الموضوع لو تم تداول الموضوع بينهم وراح تشوف


وهل الناس كلها فاضيه وتدخل نت ؟
النت في كل مكان في جوالك شوف طل في جوالك يالشيخ.


هالشيء يمكن ايخليه يرتكب المزيد من التجاوزات ومايسلم نفسه للعداله في حال وضع صورته بالموقع لانه بتزداد عنده الرهبه والخوف لانه يفتكر نفسه مرتكب جريمه جنائيه !!
ما اتوقع راح يتجاوز لانه بيحس نفسه مراقب والي راح يتستر عليه راح يتتحمل مسؤولية تستره ويتعاقب من قبل الدولة لانه خلاص شيء من وزارة الداخلية يعني مافي كيري ميري سيده في الجبهة القانون وواضح

هل بهذا الامر نكون قضينا على مساله هروب العماله مممم يعني خلاص مب شاردين ادريوليتنا وخدمنا ؟
ما راح نقضي عليها بس راح نحد منه اشوي اشوي بتكاتف المجتمع مع بعضه البعض وحفاظاً على حقوق الكفيل وعلى الهروب منه والحد من المشاكل


وهل مساله هروب الخدم فقط متوقفه عند هالقضيه ؟
اي نعم متوقفة ليش ما تشوف ما تسمع مب عايش ويانا والا انت من كوكب آخر يالمحقق كونان :nice


وهل الامر خطير لين هالدرجه بحيث نضع صورهم بالموقع ؟
لا نعلم بخطورتهم وما يخططون له ولكن من خاف سلم
ودور الدوء قبل الفعلة فعلنا نتغدء فيهم قبل لا يتعشون فينا واذا لهم حق القانون بياخذه من الكفيل


وهل تقترح بان يتم وضع صوره فقط الهندي الشارد ام معلومات عنه مثلا من كفيله ومعلومات عنه ؟
صورته
واسمه


ماهي الناحيه السلبيه التي تجدها من تطبيق هذا القرار ؟
لا احد ناحية سلبية وانما ارى ناحية ايجابية راح تفيد المجتمع وتحد من ظاهرة الهروب

وكذلك الناحيه الايجابيه من هذا القرار ؟
تكاتف المجتمع والقضاء على الهاربين وعدم اعطاهم فرصة القضاء على الكفيل نفسياً ومساعدة الجهات الامنية قبل كل شيء

وضع الصور بالموقع يحتاج الى موظفين ممم هل تأيد ان يكون يتحمل الكفيل جزء من تكلفه وضع الصور على الموقع ام تكون بالمجان ؟!!
ليس بكثير على وزارة الداخلية الله يجزاهم خير

في دول نفس امريكا والدول المتقدمه يتم وضع صور فقط الهاربين من العداله كالسفاحين والارهابين والذين يمثلون خطر على الدوله !! فهل هاؤلاء يمشي عليهم نفس التصنيف ؟
الله لا يقول ونوصل هالمرحلة بس اذا في ناس خطريين مش غلط اني احط صورهم للتنبيه
فكل ديرة مقبرة
والله يحمي قطر من شر النفوس المريضة


بعض الهاربات من النساء .. وبعضهم من جنسيات مسلمه وعرب .. فهل هالشيء يمكن يمثل حساسيه ونقطه خلاف من وضع صوره حرمه بالموقع والتشهير بها ؟!!
انا ما اشهر اهي الي شهرت في نفسها تتحمل عواقبها


وليش ذكرت وزاره الداخليه فقط وحملتها المسؤليه وين الجهات الاخرى كوزاره العمل مثلا !!!
لانه الجهة الحازمة في مثل هالامور ولها السلطة العليا في تنفيذ الاموار


بالتوفيق .. وبارك الله فيك ..



التوفيق للجميع وإن شاء الله اني رديت على ما بخاطرك من تسالات ..

[Right]

إقتراح طيب من وجه طيب


أضيف نقطة وهي أن موقع الوزارة لا يليق بمستوها الطيب


لذا نتمى تطويره وتحديثه وإضافة خدمات إلكترونية جديدة

[شبح الصمت]

السلام عليكم .,

الفكره وايد حلوه ,’

وياليت يكتبون تفاصيل عنه ., يعني وين كان يشتغل ,’

ويسلموو .,


وعليكم السلام ورحمة الله وبركاته ،،
اقتراح بعد طيب اختي بس يشلون اسم الكفيل
ولو وضع سبب الهروب يكون افضل

مثال الله لا يقول سارق + سوء اخلاق + سحر




شوف ياشب ح لو يبون يوضوعون حد يقدرون

صدقني

ولا شارد واحد

بس مايبون او مش مهم لذاك الزود


وبعدين من اللي بيخاف هذولا يخافون وش قالولك دياي ولا قطري

لا يعمي ولا يفتكرون اساسا

الكثير منهم الاجرام عندهم مثل شربه المويه على قوله هل مكه


يا هلا ومرحبا اخوي العود

شوف بوعلي هذه مشكلتنا يعني بيخافون !!
اي بيخافون ليش نحسسهم انهم اقوياء وانا احنا ضعفاء وما بيدنا شيء ..
لا ياخوي لازم نخليهم يحسوون في الخوف وانهم مراقبين بعيون الناس ..

وصدقني راح يخافون ويمكن البعض راح يسلم نفسه لاقرب مركز شرطة ..


لا يبه هاذولا يساعدون بعض .. مايفتنون على بعض ..
يحرضون بعض !!
اما في حالة الابتزاز فعادي يتذابحون !! .. وهالشيء اللي بيأدي الى جرايم !!

هذا والله اعلم


بيساعدون بعض اختي بس في نفس الوقت اهم وين كلهم تحت كفالة كفلاء وراح الكفيل يخاف لو كان في قرار صارم وواضح بشأن التستر صدقيني راح تشوفين او اي شخص يتستر يتعامل معه نفس ما يتعامل الهارب بالضبط وياكلها صح .





إقتراح طيب من وجه طيب


أضيف نقطة وهي أن موقع الوزارة لا يليق بمستوها الطيب


لذا نتمى تطويره وتحديثه وإضافة خدمات إلكترونية جديدة





بيض الله وجهك ياخوي
وان شاء الله من الاحسن للاحسن لك نظرتك ولنا نظرتنا وللجميع نظرة للموقع وانا اشوفه من احسن المواقع سهل وفيه من المعلومات ما نحتاجتها ونتمنى الاحسن ان شاء الله ..

[شبح الصمت]

كم وااحد والا وحده من هل قطر وغيرهم تضرروا من هروب الخدم وكم المدة الي تموا يبحثون عنهم لين ما سلموا نفسهم او تم القبض عليهم .. ( اتمنى كل واحد مر بتجربة يطرحها )

[المحاميه]

انزين موقفك سلبي
وليش مابلغت عليه واقامته منتهيه من 2012؟

[حمد 2002]

انزين موقفك سلبي
وليش مابلغت عليه واقامته منتهيه من 2012؟

سؤال وجيه :victory:

[شبح الصمت]

انزين موقفك سلبي
وليش مابلغت عليه واقامته منتهيه من 2012؟



لاني شفت رقم لاصق في الجواز وخط عربي ورقم جوال وقالي اتصل فيه هذه في النيابة العامة يعني الرجال واثق من كلامه مهب خايف وقلت لج لو خايف ما راح يجي ويعرض نفسه انه يحصل له وظيفة ومكتوب في ورقة صغيرة مالت الداخلية لا مانع من نقل كفالته بخط اليد بعد ..

ورقم جواله عندي ومستعد اعطيه للجهات الامنية لتحقيق في أمره

[شبح الصمت]

سؤال وجيه :victory:



تم الرد على سؤالها الوجيه يا بش مهندس

:nice:

[المحاميه]

لاني شفت رقم لاصق في الجواز وخط عربي ورقم جوال وقالي اتصل فيه هذه في النيابة العامة يعني الرجال واثق من كلامه مهب خايف وقلت لج لو خايف ما راح يجي ويعرض نفسه انه يحصل له وظيفة ومكتوب في ورقة صغيرة مالت الداخلية لا مانع من نقل كفالته بخط اليد بعد ..

ورقم جواله عندي ومستعد اعطيه للجهات الامنية لتحقيق في أمره

شدخل!
ماعليك منه
يمكن مزور
هذي قواة عين
ولاهم مايمشون على القانون ولا يحترمونه
انا اقول تبلغ عنه احسن

[المحاميه]

وبعد مافهمت اشلون يعني مكتوب على جوازه النيابه العامه شالقصد يعني؟

[شبح الصمت]

شدخل!
ماعليك منه
يمكن مزور
هذي قواة عين
ولاهم مايمشون على القانون ولا يحترمونه
انا اقول تبلغ عنه احسن


وبعد مافهمت اشلون يعني مكتوب على جوازه النيابه العامه شالقصد يعني؟



نفس الورقة الصغيرة شكله كان رايح يطالب بحقوقه او شيء وعنده عدم ممانعة من نقل الكفالة من الشركة
وحطوا رقم للاستفسار الي يبي يستفسر عنه شكله واحد من الموظفين ..

[المحاميه]

مادري
مشكوك ف امره
احس وضعه القانوني كلش مايطمن

[شبح الصمت]

مادري
مشكوك ف امره
احس وضعه القانوني كلش مايطمن




انا لو كنت شاك فيه لحظة ما كنت تهاونت وبلغت بس يوم جبت الهندي وعرفه عدل قالي يبين عليه مسكين ولو انا شكيت فيه كنت بقولك بلغه عليه ..

بس شكله الشركة مب معطينه حقه ورافع عليهم قضية شيء ومتعلقه او معطينه اخلاء طرف بس نقل لشركة اخرى حسب ما اعلم انه نقل الكفالة من شركة لشركة فقط

[نور الحور]

فكرة ممتازة شبح ..

عليك أفكار .. ماشاء الله :nice:

أنت مو أنت وأنت جيعان ههههههه

والله تعبنا من سالفة الهروب والتستر .. على الأقل هالاقتراح بيحد منه أتوقع بنسبة كبيرة ..

عساك على القوة شبح

[R 7 A L]

اقتراح طيب من وجه طيب
ياليت تضيف عليه موقع الوزارة بتوتر

[العلياا]

اقتراح موفق ونتمنى تطبيقه

قواك الله

[شبح الصمت]

فكرة ممتازة شبح ..

عليك أفكار .. ماشاء الله :nice:

أنت مو أنت وأنت جيعان ههههههه

والله تعبنا من سالفة الهروب والتستر .. على الأقل هالاقتراح بيحد منه أتوقع بنسبة كبيرة ..

عساك على القوة شبح



سكتي ما تريقيت بس الفكره من امس في بالي كنت خايف انساهها

حتى اليوم الصبح اول ما قمت قاعد اقول شنهي الفكرة الي في بالي

زهايمر خليها مستوره بس ..

المهم الفكرة راح تساعد صدقيني وتحد من التستر والهروب


اقتراح طيب من وجه طيب
ياليت تضيف عليه موقع الوزارة بتوتر


جعل من جابك الجنه
ووجهك ياخوي





الووووووو







الداخلية في نفر شارد شكله كذا وكذى يرجى ..


http://www.google.com/imgres?imgurl=http://con9.net/lexus/z-193.jpg&imgrefurl=http://www.srab7.com/vb/showthread.php?t%3D54844&h=421&w=640&sz=50&tbnid=cxM6q2vTj6ysxM:&tbnh=125&tbnw=190&zoom=1&usg=__4MLCK0o1HloCXXNhc4fYUQ5i1WU=&docid=LbbqzTvTNWXIzM&sa=X&ei=TNgSU_KqCYSGtAbtiYCYDA&ved=0CCsQ9QEwAg

[شبح الصمت]

اقتراح موفق ونتمنى تطبيقه

قواك الله


الله يجزاج خير اختي

والتوفيق من الله
والمجهود من الجهات العليا إن شاء الله


ما فيها عيب امبادل الجرائد تتحول لوزارة الداخلية وتنتشر بين المجتمع

[qatara]

اقتراح جيد وازيد

والفرض عليه او على المكتب الذي احضره
برجاع كل درهم صرفه الكفيل + غرامه للدوله
ولا يتم في السجن الين يخيس واجزم ان طالت به المده
انه سيرجعها من بلاده ويكون عبره لغيره


لكي لا نصبح ملطشه حتا الخدم يلعبوون على كيفهم

[شبح الصمت]

اقتراح جيد وازيد

والفرض عليه او على المكتب الذي احضره
برجاع كل درهم صرفه الكفيل + غرامه للدوله
ولا يتم في السجن الين يخيس واجزم ان طالت به المده
انه سيرجعها من بلاده ويكون عبره لغيره


لكي لا نصبح ملطشه حتا الخدم يلعبوون على كيفهم


الله يجزاكـ خير ياخوي
بعد اقتراح يضاف عليه
ولكن في حالة تم انه الكفيل اهو السبب في هروبه طبعاً يكون في تحقيق في الموضوع لاجل ما يقولون علينا ظالمين الكفلاء ..

[qatara]

الله يجزاكـ خير ياخوي
بعد اقتراح يضاف عليه
ولكن في حالة تم انه الكفيل اهو السبب في هروبه طبعاً يكون في تحقيق في الموضوع لاجل ما يقولون علينا ظالمين الكفلاء ..

يعاقب الكفيل فالحق حق
واضن يكفي الكفيل مصاريف و عذاب الفيزا والاقامه وتذاكر الروحه
والجيه فكلها تكليف تبخرت بدون وجه حق

ولو حاسبو كم عامل بعدد الاصابع بهذه الطريقه اجزم لك كلهم
سيخبرون بعضهم ويتجنبون التلاعب والهروب او رفض العمل لانه
سيكلفه ارجاع حقوق الكفيل واجزم يسكون رادع لغيره من العماله

[شبح الصمت]

يعاقب الكفيل فالحق حق
واضن يكفي الكفيل مصاريف و عذاب الفيزا والاقامه وتذاكر الروحه
والجيه فكلها تكليف تبخرت بدون وجه حق

ولو حاسبو كم عامل بعدد الاصابع بهذه الطريقه اجزم لك كلهم
سيخبرون بعضهم ويتجنبون التلاعب والهروب او رفض العمل لانه
سيكلفه ارجاع حقوق الكفيل واجزم يسكون رادع لغيره من العماله



يعاقب من حقه الكفيل انه ترجع له حقوقه واتوقع 3 شهور غير كافية صراحة كاختبار للعامل والخدامة ..


هذه اهي انهم راح يحاسبون ويخافون وينزل الاعلان بكل اللغات
صدقني راح تشوف اختلاف وفرق

[qatara]

يعاقب من حقه الكفيل انه ترجع له حقوقه واتوقع 3 شهور غير كافية صراحة كاختبار للعامل والخدامة ..


هذه اهي انهم راح يحاسبون ويخافون وينزل الاعلان بكل اللغات
صدقني راح تشوف اختلاف وفرق

نتمنى ان يوخذ الحق من المقصر سوا الكفيل او المكفول

ولا المكفول انسان والكفيل ليس بانسان وماله سهل

سبحان الله اين الحق ولو كان درهم او دينار

[الصغيره]

من خلال الصرافه التي يرسلون منها المال ومن خلال الاسم والرقم الشخصي يقدروون يمسكون اي هارب عن طريق كيوتل عن طريق الملصقات على السوبرماركت عن طريق تعريف الهارب انه مجرم عن طريق العقوبه الماليه حنا نروح نبلغ وحقوقنا مسلوبه اقلها الجوال يرده الصراحه الموضوع طال وشمخ وصار قنبله مالها حل بتنفجر باي لحظه لول كان الذكور يهربون ومفردين الحين الخدامات وجماعا ت نبي وقفه من الكل ونبي عواقب وروادع وحل سريع الله يجزاكم خير

[ضوى]

اقتراح رائع جدا يا شبح ، هل حطيته في الاقتراحات في موقع الداخليه نفسه ؟!!!

[شبح الصمت]

من خلال الصرافه التي يرسلون منها المال ومن خلال الاسم والرقم الشخصي يقدروون يمسكون اي هارب عن طريق كيوتل عن طريق الملصقات على السوبرماركت عن طريق تعريف الهارب انه مجرم عن طريق العقوبه الماليه حنا نروح نبلغ وحقوقنا مسلوبه اقلها الجوال يرده الصراحه الموضوع طال وشمخ وصار قنبله مالها حل بتنفجر باي لحظه لول كان الذكور يهربون ومفردين الحين الخدامات وجماعا ت نبي وقفه من الكل ونبي عواقب وروادع وحل سريع الله يجزاكم خير


يعطيج العافيه
اختي وبخصوص الصراريف محد يقدر يرسل إلا واقامته سارية المفعول هذه نقطة وصحيح يمكن يكون شارد وما يكون الصراف عنده خبر وهالصفحة راح تسهل على الكل انهم يعرفون وينزلون اسماء الفارين من كفلائهم وعدم التعاون وترى مب صعبة اي واحد يفر يقدر يعطي احد من ربعه انه يحول له بس اذا انمسك المتستر عليه يعاقب مثل عقاب الهارب ..

وان شاء الله نحد من هالظاهرة وتقل بتعاون المجتمع ومجهود وزارة الداخلية الواضح في خدمة الشعب


اقتراح رائع جدا يا شبح ، هل حطيته في الاقتراحات في موقع الداخليه نفسه ؟!!!



الله يجزاج خير

اي نعم اختي تم التواصل والحمد لله

والله يقدم الي فيه الخير

[مو مهم]

اول مره اتفق مع اخوي حمد 2002 بشي
ًاخوي شبح هل ترضى ان يتم وضع صورتك في موقع وزاره الداخليه انك مطلوب شيكات ...!

اذا على العماله الهاربه فخسائر الكفيل ليست بقدر خسائر المتضررين من بعض الاشخاص عن طريق اعطائهم شيك بدون رصيد

وثاني شي الدوله تحاول تشوف طرق لجعل العامل ياتي بدون كفيل للبحث عن وظيفه وفتحوا تاشيرات عمل لمدة 6 اشهر للبحث عن وظيفه .. بدون كفيل


انا ضد هالفكره ولكن توجد طرق علميه حديثه ومتطوره اتمنى تطبيقها وهي البصمه في المستشفيات في البنوك في التحويلات الماليه واول ما يدخل بصمته ينعرف انه هارب من الكفيل وكل مكان بقطر يوجد امن لديهم يتم القبض عليه وابلاغ اقرب مركز امني..

[الفقيرة لله]

حلوه الفكره.. أتوقع بعضهم يخافون من الفضايح

[شبح الصمت]

اول مره اتفق مع اخوي حمد 2002 بشي
ًاخوي شبح هل ترضى ان يتم وضع صورتك في موقع وزاره الداخليه انك مطلوب شيكات ...!

اذا على العماله الهاربه فخسائر الكفيل ليست بقدر خسائر المتضررين من بعض الاشخاص عن طريق اعطائهم شيك بدون رصيد

وثاني شي الدوله تحاول تشوف طرق لجعل العامل ياتي بدون كفيل للبحث عن وظيفه وفتحوا تاشيرات عمل لمدة 6 اشهر للبحث عن وظيفه .. بدون كفيل


انا ضد هالفكره ولكن توجد طرق علميه حديثه ومتطوره اتمنى تطبيقها وهي البصمه في المستشفيات في البنوك في التحويلات الماليه واول ما يدخل بصمته ينعرف انه هارب من الكفيل وكل مكان بقطر يوجد امن لديهم يتم القبض عليه وابلاغ اقرب مركز امني..


اختي انتي اتابعين الجرائد الرسمية ترى يحطون في الجريدة اعلان هروب !!

بس انه بيكون في النت لانه الكل يتصفح وفي متداول اليد شكيت في احد بس افتح الصفحة وشوف اذا اهو المطلوب او غيره
وبخصوص البصمه بعد فكرة بس راح تكلف وقت ومبالغ مالية كثيرة لانه بيكون في ترابط بين الجهات الامنية والامكان الي قلتيها بس النت خلاص افتح صفحة الحكومةواطلع وانسخ صورهم واسمائيهم وتكون عندي في الصراريف وكل مكان يمكن يتوجهون له ..

بالمقابل راح يكونون خايفين




حلوه الفكره.. أتوقع بعضهم يخافون من الفضايح



مب فضايح اختي ذولي ما يخافون لو يخافون ما اشردوا وعرضوا نفسهم للخطر ..

بس نحاول انه نضيق عليهم ونحسسهم بانهم مراقبين والي متستر عليهم راح يحاسب

[مو مهم]

انا رجال اخوي