المجموعة و سحب الرصيد ؟؟!

[venum]

السلام عليكم ورحمة الله و بركاته

اخواني الاعزاء

ماعليكم امر بغيت استفسر عن طريقة سحب فلوسي من حسابي في المجموعة

طبعا كلكم عارفين ان المجموعة مايردون ع التلفون :anger1:

فاللي يعرف شالطريقة يشرحلي شسالفه،، يعني اقدر امر عليهم و يعطوني شيك بالمبلغ عالبنك ولا يحولونه على حسابي في البنك "QNB" و متى اقدر امر عليهم هل لازم الصبح ولا يصير العصر و اقدر اروح لفرع سلوى ولا بس فرع المطار..

و شاكر لكم تعاونكم مسبقا و بيض الله وجيهكم.


اتمنى من الادارة و المشرفين الكرام عدم نقل الموضوع لتعم الفائده ولو ليوم واحد

اخوكم / حمد

[داااايم السيف]

عليكم السلام ورحمة الله وبركاته
روح اخوي الى اي فرع من فروع المجموعه وبلغهم انك قررت تسحب رصيدك وبيعطونك رصيدك وانت واقف
تحياتي لك

[ابوعلي]

اخوي ممكن مثل ما قالك اخونا بومطر

وفي طريقة ثانية اذا تسحب او تودع في ومن حساب المجموعة انك تربط حساب المجموعة مع حسابك بالبنك

ويشترط منك تروح المجموعة وتعبي فورمة عندهم وخلال يوم او يومين يربطون الحساب وعقب وانت بالبيت تخلص امورك بالاتصال او عن طريق موقع المجموعة في الويب

[داااايم السيف]

صحيح اخوي ابوعلي والف شكر ع مداخلتك الكريمه
هناك مشكلة تعرض لها الكثير من الاخوه والاخوات المتعاملين مع المجموعه وهي انها قررت مؤخرا باستدعاء جميع العملاء لتحديث بياناتهم لديها
واعتقد هذه المبادره لها ايجابيتها وبالمقابل ان سلبيتها تكمن في الازدحام الشديد الذي يتعرض لها العملاء بسبب اندفاع العديد من ملاك سهم مسيعيد لتحصيل اموالهم نتيجة مبيعاتهم لنصف الكمية المخصصة للاكتتاب وهذا يعني اننا بصدد استقبال ازدحام مماثل خلال بضع ايام لمن سيقرر بيع النصف الآخر
اتمنى ان تضاعف المجموعه اعداد الموظفين للحد من هذا الازدحام الخانق خصوصا في هذا الوقت

[قطريه22]

نفس مشكلتك اخوي عندي مبلغ ابي اسحبه من المجموعه ادخل على المحفظه واحول المبلغ لحسابي في البنك ومايتحول شيء والمبلغ يرجع لحساب المجموعه
وتلفوناتهم ترن يحطون هالموسيقى الي عورت راسنا ويصكرونه بوجوهنا
مادري شالحل معاهم