ابي طالب او موظف بجامعة قطر يفيدني !!

[بوغزلان28]

السلام عليكم ورحمة الله وبركاته

حبيت اطرح موضوعي باختصار واتمنى الاقي ردود من الاخوان اصحاب الاختصاص سواء طلاب او موظفين بجامعة قطر

الموضوع انا مخلص ثانويه ادبي رياضيات بنسبة 67% مسائي عام 2007م ، وموظف بنفس الوقت وحبيت اكمل دراستي طبعا ً في جامعة قطر

ابي اسئل اذا في تخصصات ممكن ادرس فيها مثلا ابتداء من الساعة 12 الظهر ، لانه دوامي ما راح يفرغني للدراسه

واللي يعرفوني معرفه شخصيه اكيد بكونون عارفين السبب


فا يا ريت احد يتحرى لي الموضوع وعن التخصصات المسمووحه

ولكم مني اطيب التحيه


اخوكم بو غزلان

[أم محمد 90]

اخوي عن تجربه ونصيحه واقرا مواضيعي الي تخص دراستي


انا وحدة درست 3 سنوات بجامعه قطر تخصص قانون دوام صباحي
واقولك اذا انت موظف ودوامك مايفرغك بتتتعب واااااااييييييد


اول شي بتتأخر ف التخرج

انا ثلاث سنوات ماكملت الا 52 ساعه !

السبب؟؟

اني ماقدر اخذ الا ثلاث مواد !

اي في مواد تبدا 12 ونص

و 12

وطالع بس حدهم لين 6 تقريبا

وع الحظ ترى

انا قعدت سنتين كاملين ابي اخذ (احكام الالتزام) ماقدرت والسبب انها تنطرح الصبح بس


ف انت شبتسوي اذا في مواد تفتح مواد ومو قادر تاخذهم لانهم بس ينطرحون الصبح ؟؟


نصيحه من مجربه (لا تدرس بجامعه قطر اذا انت مو متفرغ)


انا الحين بكليه المجتمع وبتخرج السنه الجايه وبكمل البكالريوس ف جامعه برا عن طريق بعثه من دوامي

[أم محمد 90]

وبالنسبه للتخصصات

التخصصات الادبيه غالبا كلاساتها متاخره اكثر من العلميه

[بوغزلان28]

انزين ام امحمد يزاج الله خير

بس ممكن اتقولين لي متى اقدر اسجل في كلية المجتمع واشلون

[أم محمد 90]

انزين ام امحمد يزاج الله خير

بس ممكن اتقولين لي متى اقدر اسجل في كلية المجتمع واشلون

التسجيل ان شاء الله شهر 4

بس للامانه مادري اي يوم ولكن هم دايما يحطون اعلان بموقعهم وينزلون بالجرايد


واضيف لك سلبيه بجامعة قطر كبرها وكثر كلياتها وبعد مواقفها

بتتعب وسط هالزحمه

اتذكر لما كان عندي كلاس 2

اطلع 1:20 من الدوام ماوصل الا 2:35

والدكتور يعطيني غياب او تاخير

لان المواقف بعيدة لين المشي

لين اصلا تدخل الجامعة وتسوق لين مواقف الكليه

بهدلة والله

[بوغزلان28]

الله المستعان وتسلمين اختي ام محمد بطلع رقمهم وبتواصل معاهم

[أم محمد 90]

الله يوفقك ان شاء الله

لا تنسى قدم امتحان ايلز من الحين حتى لو تجيب 5 بيساعدك وايد انك تخطي كلاسات مالها داعي

في فالبدايه كلاسات انجليزي (مثل الفاونديشن)

وكلاسات رياضيات

ف حاول من الحين تسجل ف امتحانات وتجيب لو درجة بسيطه تخليك تشقح كم كلاس

[basma222]

كليه المجتمع تسوي عندهم امتحان وحسب مستوي تدرس عندهم

[meme-93]

مرحبا اخوي
اخوي لا تعتمد اعتماد كلي على كلام الاخت ام محمد لان هالمشكله تواجه طلبة القانون بشكل كبير
وخل كلية المجتمع اخر اختياراتك اذا انت قادر تدخل الجامعه لان وايد بنات جونا من المجتمع دارسين فيها 3 سنوات او سنتين ونص احسبت لهم الجامعه 40 ساعه بس !! يعني زياده على ذلك 3 سنوات زياده فجامعة قطر عشان تاخذ بكالريوس ، وماحصلو من يبعثهم للخارج يكملون واضطروا يكملون فجامعة قطر يعني رحلة دراستهم الجامعية بتاخذ 6 سنوات ماتسوا عليهم
فاختصر الوقت وادخل جامعة قطر ان شاء الله اذا حصلت قبول
بالنسبه لساعات الدوام فالجامعه على حسب التخصص وربك بيفرجها ان شاء الله
http://www.qu.edu.qa/ar/students/admission/undergraduate/program_requirements.php
هذا رابط التخصصات فالجامعه مع النسب والمتطلبات و الاستثناء في نسبة الثانوية العامة
الارقام عشان تتواصل وتستفسر اكثر 3333-4403 ـ 4444-4403

والله يوفقك ان شاء الله

[عذاب]

السلام وعليكم ورحمة الله ووبركاته ..
سوف أعطيك بعض المعلومات المهمه لك .
معدلك في الثانويه لن يدخلك جامعة قطر الا لشروط وهذه الشروط تعجيزيه .
1 . امتحان act او بالاحرى math ..
2 . اعادة دراسة الثانويه العامه .
فـ الافضل لك ولانك موظف أن تسجل في كلية المجتمع علما بأن كلية المجتمع الان اصبحت بالعربي والانجليزي اختياري وهناك جسر وأتفاقيه بين كلية المجتمع وجامعة قطر .
لو أردت أن تكمل بالعربي عليك أكمال level English 1-2-3 وهذا يعتمد على امتحان القبول الذي سوف تؤديه .
أتمنى لك التوفيق .

[((ام خالد))]

عليكم السلام
أحيك أخوي على طموحك العالي وعزمك على تكملة الدراسة
بخصوص النسبة مااعرف شنو التخصص اللي يقبلك.. أنا تخرجت من ربيع 2013 وكانت نسب القبول للعلمي 70% والأدبي 75%
لكن وايد قوانين تغيرت الحين ونسب القبول بعد
نصيحتي لك سجل في جامعة قطر وادرس إدارة وإقتصاد بالعربي بدون تأسيسي وابتعد عن كلية المجتمع ..الحين الجامعة زحمة وتقريباً كل كلاسات الصبح تنطرح الظهر والعصر وأكثر من مجموعة واختر الوقت اللي يناسبك.. ومافي شي صعب بتواجه بعض الصعوبات وبتتعب والأيام بتركض وكورس ورا كورس لين تلاقي نفسك وصلت أخر المشوار.. وصدقني التعب كله بتنساه وأنت تصعد على منصة التكريم يوم التخرج

[الشاكوش]

اخوي في شباب واجد يداومون صباح ومحاضراتهم بعد ال1 وماشيين وامورهم طيبه وبعضهم ياخذ 5 مواد كل كورس
المشكلة طال عمرك ان نسبتك ما تسمح اعتقد اقل نسبة 75% بالنسبة للادبي و70% للعلمي

[ClassicRoyal]

ابتعد عن كليه المجتمع وادخل جامعه قطر اخوي حتا لوفونديشن وقول للتسجيل انك موظف يمكن يقولون لك شالطريقه والاوقات الزينه اللي يعطونك اياها بس نصيحه ابتعد عن كليه المجتمع

[أم محمد 90]

الدفعه الاخيره الي تخرجت من كليه المجتمع دشت جامعه قطر وامورهم عال العال !

وظ§ظ* ساعه تقريبا ويتخرجون !

واحسبو لهم المواد والحمدلله

المفروض مانطلع اشاعات قبل مانتاكد

وفي بنات اعرفهم شخصيا تخرجو من المجتمع والحين في لندن سنه وياخذون البكالريوس



اللي يبي جامعه قطر لازم يكون متفرغ تفرغ كااامل وهاي نصيحه وماخاب من استشار

[الشاكوش]

اختي ام محمد مع احترامي لج كلامج غير صحيح
اغلب الي فجامعة قطر موظفين وقليل منهم محصل تفرغ من دوامه
والامور طيبه احسن ما ادخل نفسي ف كلية المجتمع وفأشياء غير مضمونه واعور راسي
ومعروفه بعدين كلية المجتمع لفاقدي الامل مع احترامي الشديد ما تقارن بجامعة قطر

[NBA_]

أنا واحد من طلاب جامعة قطر تخصص: آدارة أعمال (بزنس) .. سنة أولى ( الكورس الثاني )

أول شي أهنيك على طموحك العالي لتكملة الدراسة , بالنسبة للاوقات ف ما عندك مشاكل أول 24 ساعة تقريبا اذا ما خاب ظني ما يعطون انذارات, تآخذ 3 مواد والوقت بتحصله ان شاء الله بعد الـ 12 , ولين ما خلصت 24 ساعة خذ لك كل كورس 4 مواد ..

وووانصحك تاخذ لك فره ف منتدى جامعة قطر, وافتح المواضيع واقرا بتعرف أشياء وايد وايد .. لان نظام الجامعة ما تعرف عليه وايد ف لازم يكون عندك شوية خبره ف ادارة الاوقات وغيره ..

وأهم شي أدرس أول بأول , لان أنا أول كورس ما كنت مهتم كثير ع الدراسة ف جبت الـ GPA 2.8 وكنت أطمح أجيب فوق الـ 3.2 بس الحمدلله على كل حال .. ف مثل ما قلت كل درجة مهمة ف الجامعة لانه يمكن درجة يغير التقدير بالكامل.

وترى أنصحك بجامعة قطر .. وخلي كلية المجتمع اختيارك الاخير مثل ما تفضلوا باقي الاعضاء

وأهم شي #الدكاتره ف جامعة قطر ههههههههه :nice:

أنا ماخذ هالكورس 5 مواد, صج الجدول تعبان فيه بريكات وايد , بس الدكاتره ما شاء الله عليهم ممتازين :victory:

وادعولي بالتوفيق وان شاء الله أعوض ف هالكورس وأجيب فوق الـ 3 ..



بارك الله فيكم , مووفقين ان شاء الله

[Rosso]

بتلاقي مواد الصبح ومواد الظهر والعصر انت وحظك على حسب الكورس
لكن بيجيك كورس تضطر تاخذ مواد الصبح لان عدد الكلاسات محدود

[كروشيه]

اخي الكريم العلم ما له عمر بس المشكله بسنة التخرج من الثانويه ظ¢ظ*ظ*ظ§ يعني مر اكثر من خمس سنوات على التخرج وحسب علمي الشهاده لم تعد صالحه لدخول الجامعة الا باعادة الثانويه العامه بس لو حسبتها صح قدم الثانويه مره ثانيه وشد حيلك وجيب معدل وادخل جامعة قطر لانه مشكله كلية المجتمع ومن واقع تجربه عدد الساعات لا تحسب كلها في جامعة قطر للاسف بالرغم من انها فاتحتها الدوله وتحت اشراف المجلس الاعلى للتعليم واللي يحز بالخاطر ان جامعات الدول الاجنبيه العريقه تعترف بالساعات كلها الا جامعتنا . يعني بعد ما تخلص من كليه المجتمع محتاج على احسن الظروف سنتين او سنتين واشوي دراسه في جامعة قطرظ« ولكن اذا دخلت جامعة قطر حاول تاخذ ظ¤ مواد كل كورس وصيفي وبتخلص في فتره معقوله، وبالتوفيق للجميع

[أم محمد 90]

اختي ام محمد مع احترامي لج كلامج غير صحيح
اغلب الي فجامعة قطر موظفين وقليل منهم محصل تفرغ من دوامه
والامور طيبه احسن ما ادخل نفسي ف كلية المجتمع وفأشياء غير مضمونه واعور راسي
ومعروفه بعدين كلية المجتمع لفاقدي الامل مع احترامي الشديد ما تقارن بجامعة قطر



عيب هالكلام الكليه فتحتها الشيخه موزه للموظفين والي مخلصين ثانويه من زمان والي انطردو من جامعه قطر وحابين يرجعون لها


وهي للقطريين بس ويكفي انها مفصوله مب خلط نفس الاطلنطي

ومانقارن جامعه قطر بالكليه اكييد هذا دبلوم وهذا بكالوريا

لكن انا وضحت ان جامعه قطر ماتصلح للموظفين

اذا هو متفرغ او مبتعث بيقدر عليها

[khalid Qtr]

مرحبا الشيخ ..

أنا طالب في الجامعة وموظف في جهة حكومية أخرى ، ولله الحمد وجدت تعاون من جهة عملي في موضوع دراستي رغم أني ما أخذت تفرغ

بعض زملائي رغم عدم تعاون جهات عملهم إلا أنهم يمشون بشكل جيد في دراستهم ويسجلون مواد الساعة 1 و 2 و 3 حسب المتوفر

نصيحتي لك تعيد الثانوية وتجيب نسبة فوق 75 % إذا كنت تشوف أن تجاوز امتحانات القبول صعب ..

[meme-93]

الدفعه الاخيره الي تخرجت من كليه المجتمع دشت جامعه قطر وامورهم عال العال !

وظ§ظ* ساعه تقريبا ويتخرجون !

واحسبو لهم المواد والحمدلله

المفروض مانطلع اشاعات قبل مانتاكد

وفي بنات اعرفهم شخصيا تخرجو من المجتمع والحين في لندن سنه وياخذون البكالريوس



اللي يبي جامعه قطر لازم يكون متفرغ تفرغ كااامل وهاي نصيحه وماخاب من استشار
لا اشاعات ولا هم يحزنون هههه الحين الي مايرضيج يزعلج هه
كل الي شفتهم ربعي وهالكورس داشين والكورس الي قبله واعلى نسبة ساعات انقبلت 40 لي 45 وعشان يتخرجون لازم يكملون 125 ساعه وعليج الحسبه ،، ودرسوا فالمجتمع مع الفاونديشن من سنتين ونص الى ثلاث سنوات
فوق ال8 بنات قالوا لي نفس الكلام وهم جاين من هناك
يوم سالتهم ليش ماتكملون برع قالوا محد بعثنا حتى المجلس الاعلى مابعثنا بالعربي روحوا على حسابكم

هذا اذا بيغرون شي هـ السمستر شي ثاني ،، لان المشكله مب فكلية المجتمع المشكله فقبول جامعة قطر الي تحذف مواد وتحط مواد على كيفها لطلبة الكليه عند القبول

[أم محمد 90]

لا اشاعات ولا هم يحزنون هههه الحين الي مايرضيج يزعلج هه
كل الي شفتهم ربعي وهالكورس داشين والكورس الي قبله واعلى نسبة ساعات انقبلت 40 لي 45 وعشان يتخرجون لازم يكملون 125 ساعه وعليج الحسبه ،، ودرسوا فالمجتمع مع الفاونديشن من سنتين ونص الى ثلاث سنوات
فوق ال8 بنات قالوا لي نفس الكلام وهم جاين من هناك
يوم سالتهم ليش ماتكملون برع قالوا محد بعثنا حتى المجلس الاعلى مابعثنا بالعربي روحوا على حسابكم

هذا اذا بيغرون شي هـ السمستر شي ثاني ،، لان المشكله مب فكلية المجتمع المشكله فقبول جامعة قطر الي تحذف مواد وتحط مواد على كيفها لطلبة الكليه عند القبول


ليش كلامج يزعلني !!

الجامعة مب جامعه ابوي ولا الكليه كليه ابوي @.@

بس انا اقول ليش الهجوم ع الكليه وتعظيم جامعه قطر !

ترى مانقدر ننسى الجامعه شنو سوت وكم مستقبل دمرت وكم سياسة غيرتها وحطمت طلاب وايد !!

ولا تنسين بالفتره الاخيره الاختناق الي صاير عقب مارجعو الي انطوو قيدهم !!

وبنفسج قلتي المشكله بجامعة قطر ..

وبالعكس بقولج معاي بالدوام ناس متخرجين من المجتمع والحين حصلو بعثه ويدرسون برا بس كان الشرط ان التخصص يكون مطلوب من الدوام نفسه

والكليه ماامدحها ، ولكن فيها معايير ويكفي انها عطت امل للي حطمته جامعه قطر ! ف مايجوز نجي ونقول انها مب شي وهي لفاقدي الامل !

مافي شي اسمها فقد امل بالدراسة ، في شي اسمه سعي

[meme-93]

عيب هالكلام الكليه فتحتها الشيخه موزه للموظفين والي مخلصين ثانويه من زمان والي انطردو من جامعه قطر وحابين يرجعون لها


وهي للقطريين بس ويكفي انها مفصوله مب خلط نفس الاطلنطي

ومانقارن جامعه قطر بالكليه اكييد هذا دبلوم وهذا بكالوريا

لكن انا وضحت ان جامعه قطر ماتصلح للموظفين

اذا هو متفرغ او مبتعث بيقدر عليها

المشكله مب ان الشيخه موزه فتحت الكليه ولا غيرها بالعكس الكليه وين اول مافتحت والحين تطورت بشكل كبير وكل مال وتطور
المشكله فجامعة قطر وطريقة قبولها للطلبه من هالكليه لان مغصوبين يقبلونهم فصاروا يحطون لهم الف عله وعله للطلاب
تخيلي مواد ماخذينها البنات فالمجتمع خلوهم يعدونها ومواد قالوا ماتخذونها يسالون انزين شناخذ يقولون مانعرف ،، اغلب البنات مسجلات على مادتين وثلاث بس مايعرفون شياخذون وشيخلون
وغير جي الجهات الي تبعث للخارج شبه مب معترفه بهـ الكليه لان وايد حاولوا يروحون يكملون سنه برع مع ان عندهم قبول الجامعات برع لكن محد يرسلهم
المشكله مافي تعاون مع هـ الكليه فالوقت الحالي ،، لكن متاكده بتنحل هالمشاكل مع الوقت لان الكليه توها فبداية مشوارها

[meme-93]

قلتيها ام محمد بعض الدوامات تطرش الطلبه يكملون
بعضهم مايطرشون
والي مايشتغل يروح على حساب من؟؟؟
اذا المجلس مايطرش !!

[أم محمد 90]

قلتيها ام محمد بعض الدوامات تطرش الطلبه يكملون
بعضهم مايطرشون
والي مايشتغل يروح على حساب من؟؟؟
اذا المجلس مايطرش !!

لا تنسين يا مي مي ان عندنا ناس وايد تحارب الدراسة

عيل طالب وده يكمل بيطلع ساعتين شنو بيأثر فيك تمنعه !

[meme-93]

لا تنسين يا مي مي ان عندنا ناس وايد تحارب الدراسة

عيل طالب وده يكمل بيطلع ساعتين شنو بيأثر فيك تمنعه !

والله في دوامات تخلي ودوامات تطلعين ساعه وناس ساعتين وناس نص يوم وناس نص ساعه ودومات خير شر ماتطلعين
شتسوين فيهم كلن ومزاجه
المفروض يحطون قانون تشجيعي للي يكمل دراسته يجبر جهة عمله تفرغه ساعتين من وقت الدوام للدراسه
لمصلحة الكل الدوامات والناس والدوله وبتزيد نسبة الجامعيين

[بوغزلان28]

تسلمين اختي بسما والله حتى ما يردون على الاتصال ناوي اروح لهم الاحد

[بوغزلان28]

السلام وعليكم ورحمة الله ووبركاته ..
سوف أعطيك بعض المعلومات المهمه لك .
معدلك في الثانويه لن يدخلك جامعة قطر الا لشروط وهذه الشروط تعجيزيه .
1 . امتحان act او بالاحرى math ..
2 . اعادة دراسة الثانويه العامه .
فـ الافضل لك ولانك موظف أن تسجل في كلية المجتمع علما بأن كلية المجتمع الان اصبحت بالعربي والانجليزي اختياري وهناك جسر وأتفاقيه بين كلية المجتمع وجامعة قطر .
لو أردت أن تكمل بالعربي عليك أكمال level English 1-2-3 وهذا يعتمد على امتحان القبول الذي سوف تؤديه .
أتمنى لك التوفيق .


امين يا رب ويوفق الجميع

[بوغزلان28]

عليكم السلام
أحيك أخوي على طموحك العالي وعزمك على تكملة الدراسة
بخصوص النسبة مااعرف شنو التخصص اللي يقبلك.. أنا تخرجت من ربيع 2013 وكانت نسب القبول للعلمي 70% والأدبي 75%
لكن وايد قوانين تغيرت الحين ونسب القبول بعد
نصيحتي لك سجل في جامعة قطر وادرس إدارة وإقتصاد بالعربي بدون تأسيسي وابتعد عن كلية المجتمع ..الحين الجامعة زحمة وتقريباً كل كلاسات الصبح تنطرح الظهر والعصر وأكثر من مجموعة واختر الوقت اللي يناسبك.. ومافي شي صعب بتواجه بعض الصعوبات وبتتعب والأيام بتركض وكورس ورا كورس لين تلاقي نفسك وصلت أخر المشوار.. وصدقني التعب كله بتنساه وأنت تصعد على منصة التكريم يوم التخرج

جزاج الله خير

[بوغزلان28]

اخوي في شباب واجد يداومون صباح ومحاضراتهم بعد ال1 وماشيين وامورهم طيبه وبعضهم ياخذ 5 مواد كل كورس
المشكلة طال عمرك ان نسبتك ما تسمح اعتقد اقل نسبة 75% بالنسبة للادبي و70% للعلمي

تسلم الشاكوش والوهقه انه النسبه داقه 67 في الاميه

[بوغزلان28]

أنا واحد من طلاب جامعة قطر تخصص: آدارة أعمال (بزنس) .. سنة أولى ( الكورس الثاني )

أول شي أهنيك على طموحك العالي لتكملة الدراسة , بالنسبة للاوقات ف ما عندك مشاكل أول 24 ساعة تقريبا اذا ما خاب ظني ما يعطون انذارات, تآخذ 3 مواد والوقت بتحصله ان شاء الله بعد الـ 12 , ولين ما خلصت 24 ساعة خذ لك كل كورس 4 مواد ..

وووانصحك تاخذ لك فره ف منتدى جامعة قطر, وافتح المواضيع واقرا بتعرف أشياء وايد وايد .. لان نظام الجامعة ما تعرف عليه وايد ف لازم يكون عندك شوية خبره ف ادارة الاوقات وغيره ..

وأهم شي أدرس أول بأول , لان أنا أول كورس ما كنت مهتم كثير ع الدراسة ف جبت الـ GPA 2.8 وكنت أطمح أجيب فوق الـ 3.2 بس الحمدلله على كل حال .. ف مثل ما قلت كل درجة مهمة ف الجامعة لانه يمكن درجة يغير التقدير بالكامل.

وترى أنصحك بجامعة قطر .. وخلي كلية المجتمع اختيارك الاخير مثل ما تفضلوا باقي الاعضاء

وأهم شي #الدكاتره ف جامعة قطر ههههههههه :nice:

أنا ماخذ هالكورس 5 مواد, صج الجدول تعبان فيه بريكات وايد , بس الدكاتره ما شاء الله عليهم ممتازين :victory:

وادعولي بالتوفيق وان شاء الله أعوض ف هالكورس وأجيب فوق الـ 3 ..



بارك الله فيكم , مووفقين ان شاء الله

انشالله يا رب يوفقك بس اخوي كم نسبة القبول

[بوغزلان28]

لا تنسين يا مي مي ان عندنا ناس وايد تحارب الدراسة

عيل طالب وده يكمل بيطلع ساعتين شنو بيأثر فيك تمنعه !


والله انا معاج في هالنقطه

يا جماعه يهديكم يرضيكم

قالوا ابدا

،،، وعقب محاولات بائت بالفشل تدرون اش قالوا لي : احنا ممكن انفرغك باجازه بدون راتب + توقيع نموذج تقول انك بعد انتهاء الدراسه الجامعه ما تجي تطالب بالترقيه !!

يعني لا راتب والا ترقيه

[فلتة زمانها]

من رايي جامعة قطر افضل وعندهم قبول استثنائي
اذا في مجال في شغلك تنزل شفتات يكون افضل
انا ادرس واشتغل في البدايه واجهت صعوبه وهلكت بس عقب رتبت وقتي
ترا الدراسه ممتعه وااااايد
بالتوفيق

[meme-93]

والله انا معاج في هالنقطه

يا جماعه يهديكم يرضيكم

قالوا ابدا

،،، وعقب محاولات بائت بالفشل تدرون اش قالوا لي : احنا ممكن انفرغك باجازه بدون راتب + توقيع نموذج تقول انك بعد انتهاء الدراسه الجامعه ما تجي تطالب بالترقيه !!

يعني لا راتب والا ترقيه
ايش هذا الشغل الي مايبي يطور موظفينه ولا يشجعهم !!!
حاول تغير دوامك او قسمك اهم شي دراستك فالنهايه انت الكسبان والشهاده وايد ترفع فوق

الله يوفقك ويكتب لك الخير