كم نسبه انتاجيتنا بالعمل !!

[حمد 2002]

السلام عليكم ورحمه الله وبركاته

الموضوع يحمل العنوان التالي

كم نسبه انتاجيتنا بالعمل بشكل عام !!

دائما ارى العمال الاسيوين رواتبهم 3000 ريال وتحت لكنهم دائما يقابلوني بابتسامه ماتفارق محياهم وفوق هالشيء مايتشكون ويحمودن ربهم بكل حال ..

اما احنا الي راتبه 25 الف يشتكي والي راتبه 30 يشتكي والي 40 مب عاجبه الوضع !!
ومه هالشيء طول ما احنا بالدوام اغلب وقتنا ضايع مابين السوالف والواتس اب والامور الاخرى !

ولاحظت الكثير من الناس وربما انا منهم يشتكون الا فيني صداع الا متضايق الا مادري شنو !!

شلون نحبب نفسنا بالدوام ؟

ونقبل عليه بكل انشراح صدر وسرور !

وفي مخيلتي اسئله كثيره وكلام وايد لاكني لا اريد ازيد لكي لايصيبكم الملل ..

بالتوفيق ..

[عاشق العديد]

..


السلام عليكم ياحمد ..

الرجل الاسيوي او العامل .. تعلم مكارم الاخلاق .. ويعرف قدرها ويعرف انه الابتسامه صدقه ..
فا دائما بادر الجميع ب ابتسسامه لعل وعسى ابتاسسسمتك تفرح قلب احد حزين ..
والموضوع ماله شغل بالرواتب فديتك في اسيوي تلاقي راتبه 50 و60 واكثر منك .. ونفس الشي ..
الواحد دائما يطالع للي اصغر منه ويحاول يكون مثله .. فالاسيوي لمن يشتغل مايطالعك انت يطالع الي تحته الي اقل منه ويكون نشيط وينتج انتاجيه جميله ..
هو القهر ياحمد ( للمن تنتج ويجيك واحد من بني جلدتك يحطم انتاجيتك )
وين عقبها تنتج .. الله المسسستعان ..

[أم محمد 90]

لو نشبع نوم بس جان بتزيد انتاجيتنا بالعمل

اعترف اني مقصره بشغلي

[شبح الصمت]

وعليكم السلام ورحمة الله وبركاته ،،،

اعترف انه نسبة الانتاجية عندي على حسب العمل الي معطى لي واي عمل يقدم لي والحمد لله انجزة بأسرع وقت وبدقة عالية بدون اخطاء والحمد لله واكون راضي عن نفسي والي معطني الشغل يكون بالمقابل راضي عن انتاجيتي للعمل والحمد لله ..

ولكن تبقى لدينا الانتاجية مرتبطه ومهمة بحسب المسئايل او الادارة والتقييم للموظف والتعامل الطيب السمح ..


عامل موظفينك على انهم اخوه ولا تعاملهم على أنهم معبودين تستملكهم لديك ..

موضوع جميل


مع تحياتي


..


شبح الصمت

[ودي أكون]

بالفعل مالخ خص بالراتب أبداً ..

الدور يرجع على التربيه والاخلاق مثل ماذكر احد الاخوان


وللعلم يرجى الفصل بموضوعك! .. مابين الاخلاق والانتاجيه .. ليتمكن لنا الرد باحترافيه :tease:

[العلياا]

ليش الربط بين الراتب وبين عدم الانتاجية !!
يعني اللي راتبه فوق ال30 الف ماله أي حق يتذمر !!

أخوي ترى الملل يجي من شي واحد فقط
إذا كنت في شغل وظيفتك فيه واحد اثنين ثلاثة
يعني الروتين وطبيعة العمل هي اللي تقتل في الانسان حب العمل ..

[R 7 A L]

يا خي الابتسامة والتكشيرة فطرة في كل انسان
مالها شغل فيما ذكرت

[R 7 A L]

يا خي الابتسامة والتكشيرة فطرة في كل انسان
مالها شغل فيما ذكرت

[بوخالد911]

هلا

لنتذكر الحديث الشريف : ان الله يحب اذا عمل أحدكم عملا أن يتقنه

الاتقان مطلوب بالعمل

وكذلك الاخلاص

ويفترض الموظف أن يؤدي عمله خلال دوماه كاملا من 7 ونص - 1 ونص

ولكن البعض مستهتر يخرج للفطور أو الشيشة او يغسل موتره

الله لا يبلانا

[بصمة قطرية]

المطلوب بس تحليل الراتب
و مراعاة الضمير ..
وقتها الإنتاجية بتكون 100%

[ذكـــــرى]

والله اشوف انتاجيه الاغلبيه شبه معدومه
يانوم في المكاتب يازط ياحش او طقطقه ع النت
والشغل يتاخر بالاسبوع علاشان الشيخه مو فاظيه تبي ترقد او ترد ع التويتر والاستقرام

اتكلم عن شي اشوفه في دوامي

[ذكـــــرى]

المطلوب بس تحليل الراتب
و مراعاة الضمير ..
وقتها الإنتاجية بتكون 100%

البعض اخر همه تحليل الراتب اهم شي راتبه ينزل وبس والضمير خلقه ميت

[khalid525]

شدخل الانتاجية بابتسامة العمال الاسيوين ؟ شكلي انا ما فهمت الموضوع

[نتفـه]

العامل بو 3000 في بلاده تساوي 30000 او اكثر يعني نفس راتب اللي 30 الف هني :)
ف عادي يبتسم ^_^
وبعدين مثل ما قالو الراتب ماله شغل ف النفسيات ...

[جبر ال جبر]

انا احس اني اقدر اعطي اكثر وانتج من طاقتي اقل من 5% وودي ع الاقل اشتغل بنص طاقتي بس المشكله الي عندي مايساعدون محبطين وهم يشجعونا ع الكسل والرباده اوقات ظروفك وبيئه العمل ماتساعد ع الابتكار والانتاجيه واثبات مهاراتك وابداعتك في العمل حتى لو راتبك 50000

[حسن]

على حسب الوظيفه ياحمد

بس الكثير من الوزارات هناك بطاله مقنعه من قلب

انا كنت متاكد

من ذالك

:)

[hanayen]

انا ضد الموضوع
انا أشوف ابداع في العمل في كل المجلات اللي مروا علي ما عمري دخلت دائره حكومية الا ولقيت ترحيب بابتسامه ومعامله راقيه
المدرسيين والمدرسات يشتغلون بتفاني وبعطاء بلا حدود

[مختلفة عقليا]

السلام عليكم .,


ان الله احب اذا عمل احدكم عمل ان يتقنه .,

اظن احنا مو فاهمين الدين صح ., وكاننا لبراليين بطريقه (( ترضي )) غرورنا ,,

فاصلين الدين عن الدنيا ,, فكانت هاذي النتيجة .,

اذا ما حسيت بان اللي اتسويه عباده ., اشلون بتنتج .,

اذا ما حسيت ان العمل واجب عليك اتجاه وطنك ., كرد جميل له ., اشلون بتنتج .,

انا اتوقع يبيلنا اعاده تفكير ., طريقه التفكير بتجاه اي شي هي .,اللي اتخالينا انغير سلوكنا اتجاهه .,

ويسلموو .,

[عاشق العديد]

السلام عليكم .,


ان الله احب اذا عمل احدكم عمل ان يتقنه .,

اظن احنا مو فاهمين الدين صح ., وكاننا لبراليين بطريقه (( ترضي )) غرورنا ,,

فاصلين الدين عن الدنيا ,, فكانت هاذي النتيجة .,

اذا ما حسيت بان اللي اتسويه عباده ., اشلون بتنتج .,

اذا ما حسيت ان العمل واجب عليك اتجاه وطنك ., كرد جميل له ., اشلون بتنتج .,

انا اتوقع يبيلنا اعاده تفكير ., طريقه التفكير بتجاه اي شي هي .,اللي اتخالينا انغير سلوكنا اتجاهه .,

ويسلموو .,

ذكرتيني بسالفه ..
عشره من ربعي يداومون بنفس المكان وصار لهم بدوام اكثر من اسبوعين من غير طلعه يناوبون شفتات وينامون فالمعسكر ..
9 من العشره نفسيه لدرجه تقولين له سلام عليكم يقولج ليش تسلمين انا فاضي لج لاتسلمين روحي .. واحد من العشره الوحيد الي يقول هاذي بلادي وانا مادري متى بطلع يمكن بعد شهر شهرين سنه ..
نفسيه عال العال .. ومقتنع انه هاذي بلدي وهم في حاجتي ..

[مختلفة عقليا]

ذكرتيني بسالفه ..
عشره من ربعي يداومون بنفس المكان وصار لهم بدوام اكثر من اسبوعين من غير طلعه يناوبون شفتات وينامون فالمعسكر ..
9 من العشره نفسيه لدرجه تقولين له سلام عليكم يقولج ليش تسلمين انا فاضي لج لاتسلمين روحي .. واحد من العشره الوحيد الي يقول هاذي بلادي وانا مادري متى بطلع يمكن بعد شهر شهرين سنه ..
نفسيه عال العال .. ومقتنع انه هاذي بلدي وهم في حاجتي ..


هلا .,

كفوووو عليه ., والله افرح من قلبي لا جفت ناس جيه واعيه .,

الله يكثر من امثاله .,

[حسن]

السلام عليكم .,


ان الله احب اذا عمل احدكم عمل ان يتقنه .,

اظن احنا مو فاهمين الدين صح ., وكاننا لبراليين بطريقه (( ترضي )) غرورنا ,,

فاصلين الدين عن الدنيا ,, فكانت هاذي النتيجة .,

اذا ما حسيت بان اللي اتسويه عباده ., اشلون بتنتج .,

اذا ما حسيت ان العمل واجب عليك اتجاه وطنك ., كرد جميل له ., اشلون بتنتج .,

انا اتوقع يبيلنا اعاده تفكير ., طريقه التفكير بتجاه اي شي هي .,اللي اتخالينا انغير سلوكنا اتجاهه .,

ويسلموو .,


كلام سليم وحكيم

فعلا العمل عباده كان الجيل القديم هذا مبداءه
اما الحين اختلفت

هدفه من يدفع اكثر تخصصي ولا غير تخصصي كله ماشي
وهذا اللي سبب الفوضى اللي نشوفها احيانا

يعني تشوف مهندس كهرباء بكره شغال في مجال مايمت لدراسته خير شر

بيقولك من حقه يبحث عن الراتب
وانا اقول حقه
بس المشكله في التعيين ماينظرون للتخصص المطلوب في المجال
يعني جايك من ادراه اخري بس باعطيه ان كان راتبه كبير

وهذا الواقع