اضافة احرف في ارقام السيارات في قطر

[technical]

بسم الله الرحمن الرحيم , اريد اعلام الناس انه يوجد دراسة لاضافة احرف لارقام السيارات في قطر حتى لا تصل الارقام الى سبعة . وذاك كما جاء في جريدة العرب .

http://www.alarab.qa/details.php?issueId=2275&artid=285107

لا ادري متى سيتم تطبيق هذا الاقتراح , لكن ايلين ذاك احفظوا فلوسكم , والسلام .

[وطن]

يصير اشتري كل الحروف نفس رقمي
:shy:


خل يسوون لي خصم :rolleyes2:

[R 7 A L]

مانبي حروف عربية

[جراسا]

مانبي حروف عربية

يعني حنا في بلد عربي وماتبي حروف عربية؟؟!!

[qatara]

وبس هاذهي مته بنخلص من سالفه هلرقام

كل يوم ارقام جديده وتعال غير وبدل

[دايموند]

والله شي جميل هل هالشي راح يطيح من اسعار ارقام السيارات الجنونية ؟؟


و هل الحروف راح يتم اختيارها من على كيفنا ؟؟

[حسن]

يعني ابيع اللي عندي واحتفض بالكاش

والله كان زين

راحت عليهم اصحاب الملايين

[قلب صادق]

اشوف ان هالشي ماله داعي لان هذه الحروف اظن يضيفوها في الدول اللي مقسمة الى محافظات او اقاليم

[عنيــــد]

الحروف فكرة ممتازة و مطبقة عالمياً ،، السيارات في ازدياد في البلد و لازم ادخال الاحرف لزيادة اللوحات ،،

[كلاسيك قطر]

اي والله واشوي اله بيصير نفس ارقام السعوديه خلنا ع الارقام الانجليزيه او العربيه احسن من الحروف

[نفسي عزيزه]

لابد للحروف او بيصير الرقم شطول كنه رقم شخصي :rolleyes2:

[R 7 A L]

يعني حنا في بلد عربي وماتبي حروف عربية؟؟!!

اكيد في بلد عربي
والحروف العربية تنتمي الى لغتنا التي نعتز بها
ولكن
حتى لاتقع اخطاء فضلت الحروف الانجليزية
ج ح
ع غ
ط ظ وغيرها الفرق بينها نقطة

[ذكـــــرى]

البلا بعض الحروف راح تصير مصايب نفس الي صار بالسعوديه

[شبح الصمت]

تبون تحليلي للموضوع

لا راح تستوي حالياً ولا شيء بس لانه صار مثل ضخ ارقام في السوق وزيادة غير طبيعية في الارقام ..


فاتوقع هذه مثل الطعم او شرك لاجل العالم تخاف وتبيع او تعرض ارقامها برخص ..

[بوخالد911]

بل

بيختررررررررررررب رقم موتررررررررررري
:(

[ClassicRoyal]

بل والله مب شي هيبه الارقام ع المواتر بتطيح اتمنا يزيدون رقم سابع ولا تصير هالبلوه وحتا لوحتوا حروف شكثر سيايير بتدخل قطر ؟ هل شوارع قطر تستحمل سيارات اكثر بتقولون ماله خص بس الهدف من هاي هو توسعه النطاق

[مخطط قطري]

اذا صارت حروف مشكله صراحه بطيح الارقام اتمنى مايكون فخ ويكون لمصلحه ناس معينه تستفيد
Abc 123
👍

[بصمة قطرية]

ليش يعني حروف ..!
شالهدف من هالحروف ..!!؟
مادري أحس الأرقام بتخترب ..
أرقامنا حلوة و كشخة بدون حروف ..
بيطلع لنا عسل بصل مطر رعد ......إلخ ..

[ClassicRoyal]

من رااايي يضيفون رقم سابع بس وانتها الموضوع

[همر]

يعني ابيع اللي عندي واحتفض بالكاش

والله كان زين

راحت عليهم اصحاب الملايين


ها اتبيع رقمك بعشرة الاف ؟!!!

ولي صارت حروف وصك رقمك مية الف ببيعه عليك :shy:



كلام سماسره مأخوذ خيره

ولكم في ارقام دبي واسعارها الجنونيه الف عبره

بس من يفهم ....

[أم محمد 90]

اتمنى اتمنى ان صج نختار الحروف ع كيفنا :)

[Dana’1]

بالعكس حلو .. وسهل الحفظ خصوصا إذا حلو.. غير إن إذا الواحد مل ولا حوله كتاب وإلا مواضيع مكررة بهالجوال ولا به سوالف يتفرج ويقرأ شي حلو وشي مخيس ههه كل واحد وحظة

أ ح ب 1
ق ط ر 1

[بصمة قطرية]

بالعكس حلو .. وسهل الحفظ خصوصا إذا حلو.. غير إن إذا الواحد مل ولا حوله كتاب وإلا مواضيع مكررة بهالجوال ولا به سوالف يتفرج ويقرأ شي حلو وشي مخيس ههه كل واحد وحظة

أ ح ب 1
ق ط ر 1


عشنا هالشي و إستمتعنا بقراءة الكلمات خخخخخخخخ

[بوحارب]

كلام فاضي

[معماري قطري]

اكيد في بلد عربي
والحروف العربية تنتمي الى لغتنا التي نعتز بها
ولكن
حتى لاتقع اخطاء فضلت الحروف الانجليزية
ج ح
ع غ
ط ظ وغيرها الفرق بينها نقطة

صادق وانا معاك .. الحروف اللاتينية أَو الانجليزية يستعملها الكل وواضحة خصوصاً الكبيرة .. والكل قصدي كل العالم ومن ضمنهم قطر.

بس تمنيت من زمان يطبقون إِقتراح إِقترحته اللي هو يسوون خلفيات للوحات كصور باهتة للبيئة القطرية .. ويسمحون بكتابة أَسماء وأَرقام يختارها الشخص وبمقابل بعد ما تجيزها لجنة معينة .. مثل مثلاً واحد يختار لوحة بإسم علي وتكتب بأَحرف كبيرة أَو ali - 1 لو كان اسم علي ماخوذ وغيره من أَسماء .. هذا مطبق في أَمريكا من حول 25 سنة وأَكثر ولكل جمعية أَو هيئة شعار يكون خلفية للرقم .. سعر الرقم الخاص كان 50 دولار واحتمال للحين .. ما سئلت عنه شباب حاطين قطر وقطر ورقم والإمارات حاطين اختصار حروف بلادهم.

خلنا نفترض يسعرون الرقم الخاص ب 5 أَو 10 آلاف ريال بيكون سعر معقول ووايد بياخذونه وبيتم سوق الأَرقام موجود بنسبة أَقل بكثير.

[الصغيره]

ضد الاحرف العربيه راح تترجم بسوء

مثلا لو اسمي خلود وابوي اسمه بحرف الراء وجدي محمد تخيلو خ رم او اسمي سلوى وابوي بحرف الام وجدي خالد س ل خ لا واللي يسلمكم نروح للحساء بس مهرتنا نترجم الاحرف اش يصير لما تكون هنا بالعربيه الا والله بتكثر المشاكل والضرب والمضارب والحوادث والتهزء


استغفر الله

[v_h3]

ماظن يطبق هالشي لان الي عندة ارقام والهوامير بيتضررون وبتروح هيبة الرقم والحل انهم بيزيدون رقم

[جاسم الدوحة]

أرى أن الأفضل هو زيادة رقم (للفئة) فقط
وتكون أرضيته بلون مختلف
مثل النظام المتبع في أبوظبي

مثال : يكتب أعلى اللوحة (قطر 1 خصوصي)
وتحتها رقم السيارة (الخماسي) بحد أعلى

وهكذا يمكن تكرار الرقم ذاته مرارًا
ولكن تحت فئة (قطر 2 خصوصي) وهكذا

أتمنى قدرت أوصل الفكرة .

[سهم عتيج]

أرى أن الأفضل هو زيادة رقم (للفئة) فقط
وتكون أرضيته بلون مختلف
مثل النظام المتبع في أبوظبي

مثال : يكتب أعلى اللوحة (قطر 1 خصوصي)
وتحتها رقم السيارة (الخماسي) بحد أعلى

وهكذا يمكن تكرار الرقم ذاته مرارًا
ولكن تحت فئة (قطر 2 خصوصي) وهكذا

أتمنى قدرت أوصل الفكرة .

هذا ايضا متبع في دولة الكويت اذا ماخاب ظني

قد يكون حلا مرضياً للثلاثين سنة القادمة

والله اعلم

[حلم قطري]

كما هو معروف ان كثير من الأشخاص عند سيارتين و3 و4
له او يسوقونها عياله

من وجهة نظري يكون للشخص رقم واحد فقط يثبت على كل سياراته .

[حسن]

الحين انتو كل واحد يفصل ويلبس علشان رقم

من صجكم

يامه ضحكت من جهلها اللوحاتو


:funny:

[شيخ الديرة]

الفكرة جيدة, لأن كل مرتبة مكونة من حروف أو أرقام تعطيك 34 أحتمال (24 حرف انجليزي وعشرة أرقام)
وهذا سوف يؤدى الى أن تشكيلة مكونه فقط من 4 حروف أو أرقام تساوي أكثر من مليون رقم الذي يستوجب 7 مراتب رقمية
فمن الممكن أن يكون رقم السيارة H1T9 , او 123A وهكذا

خمس مراتب توصل الى 45 مليون تشكيلة
http://www.partsgateway.co.uk/pgtimes/wp-content/uploads/2013/10/UPhgU.jpg

[style]

وانا اقول الارقام اللي للبيع زايده هالايام...ناس ماتهرول عبث...لا وفيه ناس تقول الحروف كلام فاضي يبي يصرف ارقامه...بعد فتره برخص التراب هذا اذا حصلت شراي بعد...انا اقول كل واحد يمسك فلوسه وخل الارقام تولي

[راعي النيسان]

انا اقترح اضافة حرف او حرفين مع اول اربعة ارقام من اللوحة الحالية بكذا الكل بيكون عنده رقم مميز وهذا الموضوع معمول به ومنفذ بسلطنة عمان وتحس جميع الارقام حلوة وسهلة الحفظ بالاضافة الى وضوحها عكس لما تكون 3 احرف نفس السعودية واربعة او خمسة ارقام فبيكون صعب تذكر الرقم في حالة لو صار حادث او ارتكاب اي مخالفة مرورية

[دايموند]

وانا اقول الارقام اللي للبيع زايده هالايام...ناس ماتهرول عبث...لا وفيه ناس تقول الحروف كلام فاضي يبي يصرف ارقامه...بعد فتره برخص التراب هذا اذا حصلت شراي بعد...انا اقول كل واحد يمسك فلوسه وخل الارقام تولي

تهقى جذي السالفه هههه

[شيخ الديرة]

صديقي كان طبيب عربي بأمريكا, لوحته كانت

http://services.sos.state.mi.us/plates/myPlate-new.asp?phrase=2PCME&plateType=STANDARD&plateID=PMWave&vType=auto&hndCap=false

من يحزر أختصاص هذا الطبيب؟

[خوي الدرب]

الله لا يقوله
شفنا الدول اللي حطت حروف جاءت الحروف بطوام لأن الحروف حين شبكها بعضها يعطي معنى ماهو بزين
بعدين اذا الواحد حدث له حادثة مع سيارة وحاولت السيارة الهروب هل يجلس يلحق يسجل الرقم أو يحاول يلحق يسجل الحروف
صراحة الحروف مع الارقام مجرد زيادة تعقيد فقط

[شبح الصمت]

أمس رفيجي يكلمني يقولي انعرضت علي ارقام ثلاثية بالهبل


يقول صادتني الرقالة امبادل ما كنت اشتري واخم الاولي والتالي فالسوق


اركبي احس ما قامت تشيليني


هرولوا هرولوا

[QTR-1978]

كلام جرايد على قولتهم

[مختلفة عقليا]

السلام عليكم .,

من اللحين حاجزه ا/1

والله يا هي تجاررررررررره ., :nice:

يسلمو .,

[مضارب دوسري]

انا سمعت بتكون
a وبعدها الرقم
و
bوبعدها الرقم
وكل مايخلص حرف بيكملون الحروف الاخرى

[لـبـيـه]

كل مانزل موضوع عن الارقام نلاحظ الاسعار تزيد شسالفه ؟

[شبح الصمت]

كلام جرايد على قولتهم



أنا قلت حق الربع

هي مثل الطعم ( تخويفي )

لانه العالم قامت تعرض الارقام باسعار خيالية ومن حقها صراحة انا بحكم اني كنت ابيع واشتري كنت اخذ بسعر فوق وابيع بسعر فرق الـ 5 آلاف فعادي

فيوم صار التمييز في الارقام المخربطة الخماسية اهنيه اعتفسوا العالم كلن قام يبيع رقمه حتى لو سلطة وصار في ضخ ارقام ما لها معنى بس انه في الشكل حلوه


لو تم التمييز على الرباعي والخماسي الي فيها 3 ارقام متشابه والسداسية الصفة كنا بنشوف السوق متوازن بس السالفة صارت ميز وبيع فوق تحت اهم شيء اعرض ورزقك بييجك


والله يرزق كل تجار ويعوض من خسر

[كتكوت الوحش]

انها الضربه القاضية انكسرت الارقام

[ابوالعبد]

فعلا الكلام صحيح في دراسه اضافه حرف لانه سيارات في تزايد واتوقع كم شهر وبيقفلون الارقام

[شبح الصمت]

فعلا الكلام صحيح في دراسه اضافه حرف لانه سيارات في تزايد واتوقع كم شهر وبيقفلون الارقام




اشلون وفي مزاد قريب

حدث العاقل بما يعقل ياخوي ..


هذه كلام جرائد وما شفنا انه في شيء من صوب المرور !!


ما اتوقع المرور ما عندهم الجراءة انهم يقولون راح نسوي شلي راح يخافون منه قولي


ارقام وانخذت منهم والعالم تاجرت فيها وكلن يتحمل الربح والخسارة

[الـقـاسـي]

ليش يعني توهم باديين بالارقام اللي بدايتها 6 يعني قدامهم مب اقل من سبع سنين او عشر سنين لين يوصلون للارقم اللي بدايتها 9

يعني بتفهموني الارقام بتخلص وبتصير عندنا في الشوارع اكثر من 990 الف سياره لوحتها بيضا مب معقول هالكلام

انزين الارقام القديمه وين راحت اللي تبدا بـ 1 و 2 و3 يعني ولا سياره تكنسلت من القدام كل يوم تتكنسل سيارات وارقام قديمه فالمرور يرجعون لها وبتمشيهم اقل شي 20 سنه

[بـــاروود]

والي عندهم ارقام ثلاثيه مساكين صج راحت فلوسك ياصابر

[ClassicRoyal]

انا اقول اذا كلش كلش يسون مثل الامارات مثلا حرف ال a اغلا من الارقام اللي يمها b عشان مايظلمونه

[باحث علم]

ياجماعه والله لعوزنا هالمرور كل يوم والثاني تعال بدل وغير وعدل ولا نخالفك وناخذ فلوسك ونبهدلك

[الجوكر90]

السلام عليكم
ع حسب خبرتي المتواضعه هالكلام صحيح
بس راح يسوون هالشي بعد 3 لين 4 سنين
ï»»ن يوم تكلموا وقالوا في مقترح ان يحولون الارقام بالانجليزي هالكلام كان فنهاية 2008 والارقام تحولت نفس الشي الربع الاخير من 2011
والي ياكد كلامي انهم تقريبا كل 8 شهزر ينزلون بداله جديده مع ان لو تدخل المرور راح تحصل وايد ارقام بدايتها 1و2و3و4و5 ومع ذالك نزلوا 6
عشان سببين
الاول عشان المزاد يبون ينزلون ارقام خشنه
والسبب الثاني عشان الحروف
اذا حسبناها هم بينطرون لين كل البدالات تخلص
توهم بادين ف6 من شهرين يعني شهر 9 او 10 راح ينزلون بدالة 7 وبعدا 8 وبعد سنتين ونص او ثلاث بالكثير راح تنزل الحروف

بس السوال الي ماعرفت له اجابه السداسي وشو وضعه
راح يضيفون عليه حرف وï»» ï»»
ï»»ن الرقم طويل ولو ضافو عليه حرف صعب ع المواطن ان يحفظه
اشوف ان يخلون السداسي بدون حروف ويخلون الارقام السداسيه اتدور فالسوق ويضيفون احرف ع باقي الارقام

[ClassicRoyal]

السلام عليكم
ع حسب خبرتي المتواضعه هالكلام صحيح
بس راح يسوون هالشي بعد 3 لين 4 سنين
ï»»ن يوم تكلموا وقالوا في مقترح ان يحولون الارقام بالانجليزي هالكلام كان فنهاية 2008 والارقام تحولت نفس الشي الربع الاخير من 2011
والي ياكد كلامي انهم تقريبا كل 8 شهزر ينزلون بداله جديده مع ان لو تدخل المرور راح تحصل وايد ارقام بدايتها 1و2و3و4و5 ومع ذالك نزلوا 6
عشان سببين
الاول عشان المزاد يبون ينزلون ارقام خشنه
والسبب الثاني عشان الحروف
اذا حسبناها هم بينطرون لين كل البدالات تخلص
توهم بادين ف6 من شهرين يعني شهر 9 او 10 راح ينزلون بدالة 7 وبعدا 8 وبعد سنتين ونص او ثلاث بالكثير راح تنزل الحروف

بس السوال الي ماعرفت له اجابه السداسي وشو وضعه
راح يضيفون عليه حرف وï»» ï»»
ï»»ن الرقم طويل ولو ضافو عليه حرف صعب ع المواطن ان يحفظه
اشوف ان يخلون السداسي بدون حروف ويخلون الارقام السداسيه اتدور فالسوق ويضيفون احرف ع باقي الارقام

بس اخوي اذا ماكان للسداسي حروف بكون في خربطه صراحه واصلا بكون صعب علينا حفظه انا اقول يسون مثل الامارات abcdx يكون في فرق بالاسعار بين حرف وحرف

[العربية نت]

الحين سداسي من ثلاث الى اربع ارقام ويقولون مميز وين المميز منه:eek5:
وخماسي ثلاثي او رباعي ومخربط ويقولون مميز وين المميز منه :eek5:
صراحة المرور فيها خربطه لدرجة تمييز ارقام اي كلام ليش نقول رقم مميز الا اذا كان مميز فعلا وحلو على اللوحة
بس المرور ههههه فلوس وبس

وسالفة الحروف أكيد بيصير فيها رابح وخاسر خاصة الأرقام الي ذكرتها :shy:

[Anas_G]

الارقام بتنزل للنص .. لان اذا كان في 8999 رقم رباعي .. الحين راح يصير الدبل اذا نزلو A+B
بس اذا انا المرور مسك السالفة وشال الارقام المميزة مثل ما هو مسوي الحين وينزل الحروف بالترتيب يعني لما تخلص من ال A ينزل ال b مثلا وبهالطريقة ما راح تنزل اسعار الارقام مع اني اتمنى ان السوق ينزل لانها اسعار خيالية وما تستاهل ابدا رباعي مرخبط 60 الف وين عايشين

[حفيد الأنصار]

من جددكم انتو مهتمين باللوحات اللحين ومميز وماني عارف ايش :secret:

[لـبـيـه]

من وجهة نظري

الارقام الي راح توضع لها الحروف راح تبتدي من جديد مثلا راح يصير الي عنده رقم مثل 001 وبعده 001a
وبعده 001b وبعده 001c وانت ماشي وما اتوقع الي عنده رقم الحين بيتضرر نفس الامارات الاولويه للي يمتلكون الارقام من قبل وتالي تجي الحروف

[المستريح]

يعني ابيع اللي عندي واحتفض بالكاش

والله كان زين

راحت عليهم اصحاب الملايين

لاتخاف عليهم عندهم اكثر هذا الزود شارين به ارقام

[HAMAD9030]

انا اقوول مش طعم
والارقام بترووووح خساره
هههههههههههههههههههه

[Aaziz]

امركم عجيب اكثر ناس تتناقلون الاشاعات في الوتس اب و البي بي و المنتدى و المجالس و ماتبون المسؤولين يستخدمون هذي الميزه
لو كل منا وقف نشر الاشاعات و تداولها بيننا كان ماشفنا الا ماهو واقع سواء سن قانون او مميزات للمواطنين
تناقل الاشاعات حقيقتا هو حل يقدمه المواطن للمسؤول على طبق من ذهب ، اصبح يستخدم لجس نبض الشارع في بعض الاحيان
وصرنا لعبه و ضايعيين بين الاشاعات الي اساسها حقيقي و بين المغرضين و بين الغوغائيين و بين الطراروه

اوقفو نشر و تداول الاشاعات عشان مانسمع الا ماهو حقيقي

[الجوكر90]

بس اخوي اذا ماكان للسداسي حروف بكون في خربطه صراحه واصلا بكون صعب علينا حفظه انا اقول يسون مثل الامارات abcdx يكون في فرق بالاسعار بين حرف وحرف
والله يالغالي ننطر ونشوف
اقتراحي صعب تطبيقه بس كلام فكلام ï»» اكثر

[SeniorTrader]

بعد التاكد ان الموضوع محتاج اقل شي سنتين للتطبيق من ناس في صلب الموضوع

وبتكون دراسه بحيث ان مايتاثرون راعيين الارقام

وفي مزاد قريب واقل رقم ب 150 الف

صدتلي رقم الظاهر راعيه خايف بسعر ولا بالاحلام

[لـبـيـه]

الخرجي نفى اي نيه للمرور بوضع حروف على الارقام ونفى كل الاشاعات الي تقول ان في حروف راح تنزل على الارقام وقال ان في مزاد شهر 4

ودي اعرف من وين تجيبون مصادركم وتنشرون اشاعات لا وتقولون متاكدين الارقام بتنحط حروف عليها

[شيخ الديرة]

https://d320ze5h7gg57a.cloudfront.net/sites/default/files/imagecache/blog_feature_500/files/blog_images/car_barcode_based_on_images_by_anderoo_and_fauxpre ss_500x280.jpg

[technical]

الخرجي نفى اي نيه للمرور بوضع حروف على الارقام ونفى كل الاشاعات الي تقول ان في حروف راح تنزل على الارقام وقال ان في مزاد شهر 4

ودي اعرف من وين تجيبون مصادركم وتنشرون اشاعات لا وتقولون متاكدين الارقام بتنحط حروف عليها

بسم الله الرحمن الرحيم ، المصدر موجود في اول مشاركة ، والسلام.

[تاجر كشخة]

مانبي حروف عربية

هذا الي ناقص شرايك بعد نخلي اللغة الانجليزية لغة رسمية

[7llo]

لحول مع هل المرور ترا سالفه كل شوي روح بدل رقم السياره انشالله مايسوونها

[MoTeC]

بسم الله الرحمن الرحيم ، المصدر موجود في اول مشاركة ، والسلام.

ما هو الكلام اللي قاله الرجال من نفس الجريده الخرجي ينفي هالكلام اللي انتشر

[technical]

ما هو الكلام اللي قاله الرجال من نفس الجريده الخرجي ينفي هالكلام اللي انتشر

بسم الله الرحمن الرحيم ، الرجاء الرجوع الى التعليق الاول الواضح بذاته ، والسلام.