شركه اعلانيه مزعجه وومملين كيف اوقفهم عند حدهم

[الصغيره]

مدري كيف اتصرف شركه اعلانيه اسمها الرنبو اتصلاتهم على كل تلفوناتي ليل نهار سفر او بالبلد قلة ادب ازعاج حتى مره مسويه عمليه ازعجوني رفعوا ضغطي وكل ما طلبت الاداره يتهربون حتى وانا مسافره يتصلون ويكبدوني مسجات وابي اشكي عليهم وين اروح وايش هي الاسس اللي اتبعها بالامر اطالبهم بالاداره ابي انبه على الاداره علما باني من ثلاث سنوات والازعاج شبه اسبوعي

عطيتهم تلفوني قلت شلوه من اوراقكم من نظامكم من روووسكم صاروا يتصلون على تلفوني الثاني والبيت ماعمري تعاملت معهم ولا شريت منهم اش اتصرف ساعدوني وين اروح وهل حمايه المتستهلك ممكن يساعدوني ؟؟؟

[الدبلوماسي]

كلمي حد من هلج خل يروح الشرطه يقدم بلاغ ازعاج وخل يجرجرونهم عشان يعرفون ان الله حق صدقيني بيتعلمون درس ماتعلموه في حياتهم وبتريحين عمرج وبتريحين ناس وايد جاييهم الازعاج منهم

[قطريه22]

بلغي عليهم من كيوتل

[monatee]

بلاغ ازعاج في الشرطه

وخليهم يتأدبون

[زهرة بنفسجية]

والله انا كل فترة و الثانيه يتصلون علي مين بس اللي عطاهم رقمي ..!
المهم يتصلون وبجد ازعاااج أكون توني قايمة من النوم أو حتى نايمة
في واحد مصري خلاص حفظت صوته من كثر ما يتصل و تعبت وقوله لاااااا عاد تتصل احذف رقمي
يقولي آسف على الإزعاج بس كنا عايزين تستفيدي من عرضنا ويتابع كلامه .. أقوم اقفل الخط بوجه و بعد أسبوع يرجع يتصل
آخر مرة عملت خيار حظر لرقمهم بتلفوني
أعتقد هاي أفضل حل مع ه النوعية المزعجة

[سميسمة كافيه]

بلاغ ازعاج في الشرطه

وخليهم يتأدبون

:nice:

[Most Wanted]

زهره عطتكم الحل سوو بلوك حق تلفوناتهم وبتفتكون من الإزعاج
انا اتصلوا لي مره واعرفوا ان الله حق ولا عاد شفت رقمهم عندي

[بوخالد911]

سوووي بلوووك

و رفع شكوى للعاصمة

[alnoida]

بلاغ ازعاج في الشرطه

على الشركة المتصلة
وعلى من عطاهم الرقم
اكيد الرقم مصدره المحلات التجارية اللى تاخذ الرقم
وطلبي جميع حقوقك القانونية
وخليهم يتأدبون

[قطري 777]

خطاج السووء ان شاء الله والموضوع لا يبيله شكوى ولا روحه ولا جيه كل مايتصلون لا تعطينهم ريق حلووو خلج كبريت وصدقيني مارح يتصلون

الوالده صار معها نفس الموقف كل شوي مصري متصل ازيك يحغه عندنا وعندنا قالتلي الوالده وعطيته كم كلمه والله من يومها ماتصل لازم الواحد يلبس قناع ويكون قاسي للاسف .

[حياة]

انا يمكن من ثلاث سنين واللي معطتهم الرقم وحده اشترت منهم وقالوا لها رشحي لنا كم رقم والظاهر يخصمون لها اذا جابت اكثر من عشر ارقام...
صراحه دعيت عليهم وعلى اللي عطتهم رقمي ثلاث سنين وهم لاملوا ولاكلوا وكل ماحظرت رقم اتصلوا من رقم ثاني انا صراحه ززززززهقت ووصلت حدي صرت اهاوشهم وادعي عليهم مأذيني في كل وقت وكل حزه...
والحين طلعت سالفه جديده وهي وحده تتصل من فندق الانتر علشان يعطوني بطاقه عضويه وتقول ماتعرف من عطاهم رقمي ... حسسسسبي الله عليهم وعلى من وزع الارقام المفروض اللي بيوزع رقم حد يستأذن منه قبل لايعطيه اي جهه موب يزعجون العالم..

[bunaif]

نزلت برنامج على جوالي النوت وارتحت منهم هذولا النصابين لا والمشكله تجيني ارقام من افريقيا بعد كلها رنات مادري ايش اللي عرفهم برقمي 1!!!

[زهرة بنفسجية]

رجعت اليوم اتصلت الشركة نفسها لكن من غير رقم اللي محظور عندي و من وحده مصريه هالمرة
المهم عطيته كم كلمة و سكرت بوجهها
المشكله كل شوي يتصلون من رقم
المرة الجاي بهددهم بالشرطة
الوضع ماعاد ينطاق

[فتى الجود]

السلام عليكم

أشتكي عليهم في مركز الشرطه

[الصغيره]

اشكركم على تعاطفكم معي وشكلنا بالهوى سوى لكن فيه طريقه خلونا نجربها قبل ال شكوى والطريقه اذا اتصلوا فينا نسوي انفسنا فرحانين بالعرض ونرحب بالتجربه ونعطيهم عنوانا مثلا اقول حياكم الرويس او دخان ولما يوصلون هناك اقول الحين جاء الحق الحين حق الازعاج اللي عيشتوني اياه اشربوه وان ما وقفتوا ازعاجكم خلاص الشرطه بينا وراح اطلب تعويض يكسر ظهركم

مافيه الاهالحل على انني مهددتهم بالشرطه لكن ما جابت نتيجه مصريين معودين على الازعاج

[راشد محمد]

انا اهاوشهم اقولهم ببلغ الشرطة عنكم وبكلم حمايه المستهلك ويخافون

[خشوف]

انا مسويه بلوك على ارقامهم حراميه منتجاتهم مكينه تباع عندهم 14 الف بالطلب مع الشحن 5000الف ريال

[OM_OMAR_QATAR]

زادت بعد سالفة النمبر بوك


عندج كيوتل وعندج شرطة العاصمة

[زمن العجائب]

اشتكي بكيوتل وهدديهم بالشرطة
والحل مع اللي بيوقفه الناس بالمجمعات ؟؟؟؟