مشاهدة النسخة كاملة : بخصوص اغلاق فندق الشيراتون لمده سنتين ( والحل )
غير البشر
04-03-2014, 09:48 AM
السلام عليكم ورحمه الله وبركاته
سيتم اغلاق فندق الشيراتون لمده سنتين بهدف الترميم
وهذا كان مفاجأه للكثير
في ناس حاجزه قاعات لأعراسهم
وخاطبهم الفندق ان يرجى مراجعتهم لأخذ عربون الحجز
يعني الي زواجه قريب وين يحصل قاعه فاضيه ؟؟؟؟؟
اتمنى ايجاد حل للموضوع
مختلفة عقليا
04-03-2014, 09:52 AM
السلام عليكم ..
يعني هاي اجراء الفندق ., شيسوي بعد ؟؟
اممم اظن بيلقي في قاعات ., او يسوي العرس في فندق 4 نجوم .,
او ممكن يسويه في خيمه ., اذا صكت صكت .,
بس زعلانه ., بيبندووونه ؟؟ اعشق هالفندق .,
ويسلموو .,
لبتونه
04-03-2014, 09:55 AM
السلام عليكم
اخوي وين مكتوب الخبر في الجرايد عرس اخوي قريب ومافي حد بلغنا نستلم المبلغ !!!!!!
ملاحظه الي عنده رقم مسؤوله حجوزات ماعليه امر يرسله عالخاص
Dana’1
04-03-2014, 09:55 AM
زين ردو العربون بعد
ما في حل الا انهم يدون غير صاله.. او تكون فرصة لهم بالتوفير وعمل عرس عائلي رائع بالبيت .. والحين الاجواء رائعة والحوشه كبيرة يجيبون من يزين لهم الحديقة والجلسات
او حتى خيمة ملكية
أما اذا مصرين على صالات فنادق مالهم ااا يأحلون العرس
والله يعوض عالجميع
العلياا
04-03-2014, 09:57 AM
وعليكم السلام
رفيجت أختي عندها عرس اهناك يوم الجمعة !!
بس متى اصدر القرار وساري من متى ؟
غير البشر
04-03-2014, 09:59 AM
السلام عليكم
اخوي وين مكتوب الخبر في الجرايد عرس اخوي قريب ومافي حد بلغنا نستلم المبلغ !!!!!!
ملاحظه الي عنده رقم مسؤوله حجوزات ماعليه امر يرسله عالخاص
الخبر صحيح وواحد من ربعي كلموه
وقالو له تعال استلم العربون
لان سمو الامير كان بالشيراتون امس
وقال لازم يتجدد واغلاقه من هذا الوقت
المسوؤل اسمه لؤي
اتصلي على الفندق واطلبيه
غير البشر
04-03-2014, 10:00 AM
وعليكم السلام
رفيجت أختي عندها عرس اهناك يوم الجمعة !!
بس متى اصدر القرار وساري من متى ؟
بخصوص الي عنده عرس هالفتره القريبه جدا مادري شنو الحل لهم
لكن رفيجي تقريبا عرسه بعد شهرين
غير البشر
04-03-2014, 10:01 AM
زين ردو العربون بعد
ما في حل الا انهم يدون غير صاله.. او تكون فرصة لهم بالتوفير وعمل عرس عائلي رائع بالبيت .. والحين الاجواء رائعة والحوشه كبيرة يجيبون من يزين لهم الحديقة والجلسات
او حتى خيمة ملكية
أما اذا مصرين على صالات فنادق مالهم ااا يأحلون العرس
والله يعوض عالجميع
اختي ديور في ناس ماعندهم حوش كبير وعندهم معازيم وايد
وخبرج ترتيب الفنادق غير
وبتكون حجوزات القاعات عليها ضغط كبير
غير البشر
04-03-2014, 10:03 AM
السلام عليكم ..
يعني هاي اجراء الفندق ., شيسوي بعد ؟؟
اممم اظن بيلقي في قاعات ., او يسوي العرس في فندق 4 نجوم .,
او ممكن يسويه في خيمه ., اذا صكت صكت .,
بس زعلانه ., بيبندووونه ؟؟ اعشق هالفندق .,
ويسلموو .,
عليكم السلام ورحمه الله وبركاته
كلنا نعشق هالفندق
يمثل رمز بالنسبه لقطر
بس لازم ندلعه ونجدده ههههههههه
حتى فنادق اربع نجوم اكيد راح يكون عليها ضغط
بسبب الغاء حجوزات الاعراس في الشيراتون
قلب صادق
04-03-2014, 10:10 AM
الله يعينهم المشكلة لازم يكون فيه حل لان اللي حجز اكيد رتب كل امورة على تاريخ وموعد محدد
وخصوصا اللي حاجز للحريم يمكن الرجال اهون بس الحريم اصعب وين تلقى قاعة في نفس اليوم او قبله او بعده بشوي
الدووحة
04-03-2014, 10:14 AM
الخبر صحيح وواحد من ربعي كلموه
وقالو له تعال استلم العربون
لان سمو الامير كان بالشيراتون امس
وقال لازم يتجدد واغلاقه من هذا الوقت
المسوؤل اسمه لؤي
اتصلي على الفندق واطلبيه
القرار مب جديد عندهم خبر من زمان , قبل 3 شهور كان في طباخ يدور مطعم ينقل كفالته لأن الفندق بيتسكر للصيانة , يعني حتى الطباخ كان عنده خبر
بس المسؤول اللي بالفندق يقول إن أمر الصيانة من فوق يحاول يسكت الناس و بس لا أكثر
monatee
04-03-2014, 10:17 AM
الخبر قريته قبل كم شهر في احدى الجرايد او المجلات وذاكرين ان الفندق سيتم غلقه لمده سنتين للترميم
بس الغريب انهم مابلغوا اللي عندهم حجز ،،، وعندهم العلم من 2013
شيخ الديرة
04-03-2014, 10:18 AM
كانت هناك مسابقة قبل سنتين لتقديم تصاميم أبداعية من أجل تجديد هذا الفندق, شارك فيها أحد أبنائي. وسيكون هناك طوابق للوفود الرسمية مخصصة لكل دولة من دول التعاون بحيث تعكس طابع تلك الدولة.
لبتونه
04-03-2014, 10:53 AM
وعرس اخوي من بيتكلف بتعويضات وتعويضات حجز السفر وتعويضات للكوشه وطاولات والفرقه كل هاي من بيرجع لنا عرابين وحاجزين قاعه للحنه قبل العرس
خسارة فوق طاقه الصراحه
حرام عرس اخوي بعد شهر بالظبط و لا احد كلمنا كلش اليوم بس تفاجائنا بالمكتوب في جرايد ونتصل محد يرد كلش
ووووووووبنمر الفندق نتاكد من صحة الخبر
w.qatar
04-03-2014, 11:00 AM
اهم شي المطعم اللي يسوي كيكة الكاسترد بالشيراتون تسكر ولا للحين ؟؟؟؟ وهل بينتقل مكان ثاني ضرورري ابي اعرف
الحياة الخالدة
04-03-2014, 11:04 AM
عيل خل اروح أذوق أم علي عندهم قبل لا يسكرون .. سمعت وايد يمدحونها
كلٌّ يغني على ليلاه
وخاطبهم الفندق ان يرجى مراجعتهم لأخذ عربون الحجز
اوبيييه حالتي صعبة
قعدت أفكر واحلل
شلون الشيراتون يخطبهم !!
:funny:
لا لا سوري بس جد حالتي مب طبيعية اليوم
نرجع للموضوع
اللي اعرفه ان خبر تجديدات الشيراتون صار له اكثر من سنة
بس متى الموعد بالضبط ما أدري
المفروض ان ادارة الشيراتون عندهم خبر
وما ياخذون مواعيد و حجوزات
و يوهقون العالم
الموضوع مب مخفي عن الناس
شلون ع الادارة
بو الجوري
04-03-2014, 11:25 AM
كلامك صحيح ، بس أعتقد القاعات يمكـن تكون شغاله لفتره ، لأنها تعتبر تقريبا برع الفندق
عالعموم هذا خطأ منهم إنهم خذوا حجوزات للأعراس ولازم يعوضون الناس مب بس يرجعون العربون
للعلم ، الفندق عنده خبر إن الفندق بيتسكر و بيسوون ترميم من فبراير 2013 :..
لآنه مسؤول فالفندق قال هالكلام :..
Only Me
04-03-2014, 11:32 AM
بحسب بعض المصادر ان احتمال يهدمون الفندق بالكامل ويتغير شكله واحتمال بس تجديد بس الي عرفته ان بيتغير بالكامل
واذا الكلام صحيح ان بيتغير فحسافه كان رمز لدولتنا
(Sara)
04-03-2014, 11:33 AM
عيل خل اروح أذوق أم علي عندهم قبل لا يسكرون .. سمعت وايد يمدحونها
كلٌّ يغني على ليلاه
ههههههههههههههههههههههه
حتى البوفيهات صار طعمها مب شي لاتروحين
المهاجر
04-03-2014, 11:39 AM
اخوي غير البشر انت متأكد ان الفندق بيتم اغلاقه والقاعات من الحين؟
لأن اللي اعرفه ان الصيانه بتكون بالفندق وان القاعات بتكون شغاله لين نهاية شهر 5 الجاي
ومن بعدها بتغلق
رفيجك عرسه متى بالضبط؟
meme-93
04-03-2014, 11:45 AM
ليش مايبدون صيانه فاي مكان ويخلون القاعات حق اخر شي لين تخلص اعراس الناس الحاجزه
بدل مايخسرون هم ويبهدلون الناس
Al-Kuwari
04-03-2014, 11:58 AM
انا واحد من المتضررين
عرسي بتاريخ عشره ابريل يعني بعد خمس اسابيع وتوها امس الوالدة عندهم الصبح تتاكد من البوفيه ولا قالوا لها شي
واليوم راحت لهم بعد ما سمعت الخبر وقالوا والله اسفين ومافي تعويض !!
انزين انا من يعوضني ؟
البطاقات انطبعت
حجوزات شهر العسل بالكامل انحجزت
كل شي تم ترتيبه على الشيراتون
والمشكلة انا طالب يعني مقيد بتواريخ محدوده لان لازم ارجع بريطانيا للامتحانات
والحين لؤي يقولي والله القرار من الامير بتعترض ؟
امحق اسلوب وامحق خدمه
اللي صار مهزلة وما اقدر اقول غير حسبي الله ونعم الوكيل
الدووحة
04-03-2014, 01:10 PM
انا واحد من المتضررين
عرسي بتاريخ عشره ابريل يعني بعد خمس اسابيع وتوها امس الوالدة عندهم الصبح تتاكد من البوفيه ولا قالوا لها شي
واليوم راحت لهم بعد ما سمعت الخبر وقالوا والله اسفين ومافي تعويض !!
انزين انا من يعوضني ؟
البطاقات انطبعت
حجوزات شهر العسل بالكامله انحجزت
كل شي تم ترتيبه على الشيراتون
والمشكلة انا طالب يعني مقيد بتواريخ محدوده لان لازم ارجع بريطانيا للامتحانات
والحين لؤي يقولي والله القرار من الامير بتعترض ؟
امحق اسلوب وامحق خدمه
اللي صار مهزلة وما اقدر اقول غير حسبي الله ونعم الوكيل
من تجربه معاهم .. مره كنسلوا عرس و قالوا الديوان حاجزين القاعة لمؤتمر و بعد البحث في الموضوع اتضح انهم كذابين لأن في شخص عرسه بعد بيوم واحد و لكن تجهيزاته عرسه تحتاج يومين لتركيبها في القاعة اللي حصل إن كنسلوا العرس اللي قبل بيوم و قالوا من الديوان.
اسلوبهم هذا ما ينفع و لو افترضنا إن كلامهم صحيح كان عندهم خبر من 3 شهور ليش ياخذون حجوزات الناس.
إذا بيرجعون المبلغ و بيدفعون فوقه تعويض يغطي كل التكاليف ,,, اقترح على كل المتضررين حفله بسيطه و يسافرون و يوفرون فلوسهم.
w.qatar
04-03-2014, 01:25 PM
كلمت المطاعم قالوا مسكرين من امس لين ديسمبر 2014 بيفتحون من جديد
Right
04-03-2014, 01:28 PM
الحل بسيط جداً
تزوجوا في البيوت ، أحسن وأستر وأرخص وأوفر وأبرك
انا واحد من المتضررين
عرسي بتاريخ عشره ابريل يعني بعد خمس اسابيع وتوها امس الوالدة عندهم الصبح تتاكد من البوفيه ولا قالوا لها شي
واليوم راحت لهم بعد ما سمعت الخبر وقالوا والله اسفين ومافي تعويض !!
انزين انا من يعوضني ؟
البطاقات انطبعت
حجوزات شهر العسل بالكامل انحجزت
كل شي تم ترتيبه على الشيراتون
والمشكلة انا طالب يعني مقيد بتواريخ محدوده لان لازم ارجع بريطانيا للامتحانات
والحين لؤي يقولي والله القرار من الامير بتعترض ؟
امحق اسلوب وامحق خدمه
اللي صار مهزلة وما اقدر اقول غير حسبي الله ونعم الوكيل
ارفع عليهم قضية
للضرر النفسي و المادي
يستاهلون
ما يستحون
العلياا
04-03-2014, 02:33 PM
انا واحد من المتضررين
عرسي بتاريخ عشره ابريل يعني بعد خمس اسابيع وتوها امس الوالدة عندهم الصبح تتاكد من البوفيه ولا قالوا لها شي
واليوم راحت لهم بعد ما سمعت الخبر وقالوا والله اسفين ومافي تعويض !!
انزين انا من يعوضني ؟
البطاقات انطبعت
حجوزات شهر العسل بالكامل انحجزت
كل شي تم ترتيبه على الشيراتون
والمشكلة انا طالب يعني مقيد بتواريخ محدوده لان لازم ارجع بريطانيا للامتحانات
والحين لؤي يقولي والله القرار من الامير بتعترض ؟
امحق اسلوب وامحق خدمه
اللي صار مهزلة وما اقدر اقول غير حسبي الله ونعم الوكيل
الله يكون في عونك والله ييسر لك ان شاءالله
للحين الصورة ما وضحت بالضبط متى سيتم الاغلاق
ان شاءالله مثل ما قال المهاجر في شهر خمسة
بصمة قطرية
04-03-2014, 02:35 PM
الخبر صحيح وواحد من ربعي كلموه
وقالو له تعال استلم العربون
لان سمو الامير كان بالشيراتون امس
وقال لازم يتجدد واغلاقه من هذا الوقت
المسوؤل اسمه لؤي
اتصلي على الفندق واطلبيه
من فترة سمعت هالكلام مب توه
إن الشيراتون راح يتسكر سنتين تقريباً
عشان يجددونه ..!!
الـقـاسـي
04-03-2014, 02:50 PM
فندق الشيراتون بعد التجديد لازم يسموونه فندق النكبات انا اتذكر واحد كان عنده عرس وكنسلوا له الحجز قبلها بيومين يمكن لانه كان في اجتماع ضروري او مؤتمر
امس كلموا واحد من الربع وقالوا له تعال خذ عربونك وعرس الرجال باقي له اقل من شهر وحاجز كل شي ومرتب كل اموره يعني الحين شيسوي من بيعوضه ولا وين بيلقى قاعه
بصمة قطرية
04-03-2014, 02:55 PM
لازم تخاطبون الجهة المسؤولة عن الفنادق ..
أعتقد هيئة السياحة ..!!!
حرام العالم اللي بتتضرر من هالشي ..!!
مايصير جذي بس تعال خذ فلوسك ..
لازم كانوا يبلغونهم قبلها بفترة ..
تصرفهم غريب و مرفوض
خصوصاً ان لهم سوابق في هالشي
يعني مب أول مرة يكنسلون أعراس ..!!
بوخالد911
04-03-2014, 02:56 PM
اوووبس
ضررربة قوووية
بس للأمانة قاعات الشيراتون هي الأفضل
اوووبس
ضررربة قوووية
بس للأمانة قاعات الشيراتون هي الأفضل
قاعة سنت ريجس غطت عليه من زمان
basma222
04-03-2014, 03:53 PM
انا ما اقول الا حسبي الله و نعم الوكيل عرس ولدي قريب من الصبح ندور قاعه ماحصلنا نفس التاريخ وكل اللى دفعنا من بيعوضنا عنه
qatara
04-03-2014, 04:04 PM
فندق شيرتون سيصبح مثل مطار الدوحه القديم كل شوي ترميم كلف قيمة عدة مطارات
يخي يهدم عن بكره ابيه ويبنى بشكل جديد اوفر وافضل
المحاميه
04-03-2014, 04:09 PM
اللي رجعولهم العربون
لأتغيرون شيء
إلا القاعه والبطاقات وبجذي نسبه الخساره بسيطه
اللي رجعولهم العربون
لأتغيرون شيء
إلا القاعه والبطاقات وبجذي نسبه الخساره بسيطه
المحامية
المشكلة في تغيير القاعة
مب شي بسيط
وبعدين في اتفاقيات ما بين مطرب و محلات التجهيزات و غيرها
كلها خسائر لهم
الله يعينهم
بوعابد333
04-03-2014, 04:22 PM
الله يعينكم المفروض يكلمون كل واحد حاجز عندهم السالفه موب تعال خذ فلوسك وحرك قبل العرس بشهر !! تصرف غريب
basma222
04-03-2014, 04:25 PM
احنا الفلوس كامله خذوها وللحين ما رجع لنا شىء
ClassicRoyal
04-03-2014, 04:31 PM
عندكم قاعات الردس وايد حلوووه وكبيره
غير البشر
04-03-2014, 04:49 PM
الله يعينهم المشكلة لازم يكون فيه حل لان اللي حجز اكيد رتب كل امورة على تاريخ وموعد محدد
وخصوصا اللي حاجز للحريم يمكن الرجال اهون بس الحريم اصعب وين تلقى قاعة في نفس اليوم او قبله او بعده بشوي
صحيح كلامك اخوي قاعه النساء اصعب
المشكله مب عرس واحد الا اعراس كثيره
يعني بتصير ربكه وخربطه والناس راح تتبهدل
الله يكون بعونهم ويسهل امورهم يارب
غير البشر
04-03-2014, 04:52 PM
القرار مب جديد عندهم خبر من زمان , قبل 3 شهور كان في طباخ يدور مطعم ينقل كفالته لأن الفندق بيتسكر للصيانة , يعني حتى الطباخ كان عنده خبر
بس المسؤول اللي بالفندق يقول إن أمر الصيانة من فوق يحاول يسكت الناس و بس لا أكثر
ايوووووه اخوي
بس اخوي الي صار ان بعد ذهاب سمو الامير حفظه الله
لتكرين بيوم التمييز العلمي
اخبرهم لماذا لم يتم التجديد الى الان
وامر بالبدأ الفوري بأعمال الصيانه
غير البشر
04-03-2014, 04:52 PM
الخبر قريته قبل كم شهر في احدى الجرايد او المجلات وذاكرين ان الفندق سيتم غلقه لمده سنتين للترميم
بس الغريب انهم مابلغوا اللي عندهم حجز ،،، وعندهم العلم من 2013
المفروض مهما صار تكون في مهله للناس الي حاجزه
لكن الخبر كان كا الصاعقه بالنسبه لهم
غير البشر
04-03-2014, 04:54 PM
وعرس اخوي من بيتكلف بتعويضات وتعويضات حجز السفر وتعويضات للكوشه وطاولات والفرقه كل هاي من بيرجع لنا عرابين وحاجزين قاعه للحنه قبل العرس
خسارة فوق طاقه الصراحه
حرام عرس اخوي بعد شهر بالظبط و لا احد كلمنا كلش اليوم بس تفاجائنا بالمكتوب في جرايد ونتصل محد يرد كلش
ووووووووبنمر الفندق نتاكد من صحة الخبر
اختي الخبر صحيح
لكن الي ماعندي في عمله متى
هل هو من الان ام بعد شهر ام اكثر
لكن الاكيد ان خلال هالفتره القريبه واعراس كثيره انلغت
واتمنى تروحون لهم لتدارك الوقت الضيق واخذ الحيطه
وبالتوفيق
غير البشر
04-03-2014, 04:56 PM
اوبيييه حالتي صعبة
قعدت أفكر واحلل
شلون الشيراتون يخطبهم !!
:funny:
لا لا سوري بس جد حالتي مب طبيعية اليوم
نرجع للموضوع
اللي اعرفه ان خبر تجديدات الشيراتون صار له اكثر من سنة
بس متى الموعد بالضبط ما أدري
المفروض ان ادارة الشيراتون عندهم خبر
وما ياخذون مواعيد و حجوزات
و يوهقون العالم
الموضوع مب مخفي عن الناس
شلون ع الادارة
خاطبهم = اعلمهم = اخبرهم = كلمهم =اتصلو فيهم ههههههه تبغين بعد او خلاص
اي وطن بس الحين جاهم امر فوري بأعمال التجديد
غير البشر
04-03-2014, 04:57 PM
كلامك صحيح ، بس أعتقد القاعات يمكـن تكون شغاله لفتره ، لأنها تعتبر تقريبا برع الفندق
عالعموم هذا خطأ منهم إنهم خذوا حجوزات للأعراس ولازم يعوضون الناس مب بس يرجعون العربون
للعلم ، الفندق عنده خبر إن الفندق بيتسكر و بيسوون ترميم من فبراير 2013 :..
لآنه مسؤول فالفندق قال هالكلام :..
هلا بالغالي
يالله حيييه الغايب
في ردود بالموضوع ان اعراسهم قريبه وتم الغاءها :omen2:
غير البشر
04-03-2014, 04:58 PM
اخوي غير البشر انت متأكد ان الفندق بيتم اغلاقه والقاعات من الحين؟
لأن اللي اعرفه ان الصيانه بتكون بالفندق وان القاعات بتكون شغاله لين نهاية شهر 5 الجاي
ومن بعدها بتغلق
رفيجك عرسه متى بالضبط؟
مرحبا با الغالي
عرس رفيجي شهر 6
بس في اعضاء بالموضوع ردو ان اعراسهم قريبه
واخبروهم انهم يراجعون الفندق لأخذ العربون
لان الامر جاهم امس بصفه عاجله ومفاجأه ماكان مرتب
غير البشر
04-03-2014, 04:59 PM
ليش مايبدون صيانه فاي مكان ويخلون القاعات حق اخر شي لين تخلص اعراس الناس الحاجزه
بدل مايخسرون هم ويبهدلون الناس
المفروض يكون بنفس ماذكرتي
بس وقع الفاس في الراس خلاص
وانحطو اما الامر الواقع
الله يكون بعونهم
غير البشر
04-03-2014, 05:01 PM
انا واحد من المتضررين
عرسي بتاريخ عشره ابريل يعني بعد خمس اسابيع وتوها امس الوالدة عندهم الصبح تتاكد من البوفيه ولا قالوا لها شي
واليوم راحت لهم بعد ما سمعت الخبر وقالوا والله اسفين ومافي تعويض !!
انزين انا من يعوضني ؟
البطاقات انطبعت
حجوزات شهر العسل بالكامل انحجزت
كل شي تم ترتيبه على الشيراتون
والمشكلة انا طالب يعني مقيد بتواريخ محدوده لان لازم ارجع بريطانيا للامتحانات
والحين لؤي يقولي والله القرار من الامير بتعترض ؟
امحق اسلوب وامحق خدمه
اللي صار مهزلة وما اقدر اقول غير حسبي الله ونعم الوكيل
مرحبا اخوي
الله يبارك في زواجك ويسهل امورك في الي صار
بالنسبه لقاعه النساء يعتبر الوقت ضيق للترتيب مره ثانيه للعرس
اتمنى تشوف لك بأسرع وقت وتتواصل مع الفندق او قاعات اخرى للوصول الى حل سريع
وبالتوفيق اخوي
كلاسيك قطر
04-03-2014, 05:43 PM
لحوووول الفندق روعه ويرممونه ليش شنو بيسون اكبر برج في العالم بيغطي ع برج خليفه وانا مادري
خله في مكانه هاي رمز قطر
Azizuk
04-03-2014, 05:58 PM
شوف لك محامي قوي واطلب تعويض 20 مليون عشان يطلع لك 2 مليون وقدمة لزوجتك هدية وخلو العرس بسيط
الله يعينكم ان شاالله ويعوضكم خير
aziz4z
04-03-2014, 06:14 PM
السلام عليكم ..
يعني هاي اجراء الفندق ., شيسوي بعد ؟؟
اممم اظن بيلقي في قاعات ., او يسوي العرس في فندق 4 نجوم .,
او ممكن يسويه في خيمه ., اذا صكت صكت .,
بس زعلانه ., بيبندووونه ؟؟ اعشق هالفندق .,
ويسلموو .,
:nice:
Al-Kuwari
04-03-2014, 09:43 PM
مرحبا اخوي
الله يبارك في زواجك ويسهل امورك في الي صار
بالنسبه لقاعه النساء يعتبر الوقت ضيق للترتيب مره ثانيه للعرس
اتمنى تشوف لك بأسرع وقت وتتواصل مع الفندق او قاعات اخرى للوصول الى حل سريع
وبالتوفيق اخوي
الحمدلله لقيت الهيلتون بنفس التاريخ وحجزناها اليوم لكن الحين ببدل البطاقات والهيلتون طلعت علي اغلى شوي بس الحمدلله على كل حال ومانقول غير حسبي الله ونعم الوكيل ضيعونا و وترونا من الصبح
انا انحلت مشكلتي ولله الحمد ، لكن غيري الكثير وش بيسوون ؟؟؟!!
جاسم الدوحة
05-03-2014, 05:05 AM
تزوجوا في البيوت ، أحسن وأستر وأرخص وأوفر وأبرك
بس مب أرْيـــح
بن مسلم
05-03-2014, 05:37 AM
الخبر كان مثل الصاعقه خصوصا انهم اعلنوا انهم مراح يسكرون الفندق وانا من اسبوعين جددت اشتراكي في الفندق.
عدد الموظيفين الي يشتغلون حول ال900 موظف ماهو مصيرهم المفروض مايصدرون مثل هالقرار الي بيوم وليله لسببين اولا الا حاجز حق عرسه وحتي الي مشترك الحين لو بيروح اغلبية الفندق اغلبيتها الفنادق اسعارها نار.
الحمدلله لقيت الهيلتون بنفس التاريخ وحجزناها اليوم لكن الحين ببدل البطاقات والهيلتون طلعت علي اغلى شوي بس الحمدلله على كل حال ومانقول غير حسبي الله ونعم الوكيل ضيعونا و وترونا من الصبح
انا انحلت مشكلتي ولله الحمد ، لكن غيري الكثير وش بيسوون ؟؟؟!!
الحمدلله
الله يوفقكم يا رب
ويبارك لكم
العلم
05-03-2014, 06:57 AM
مبروك يا بوسعود :shy: بس خربوا عليك :nop::funny:
ابركها من ساعه شنهو المشكله
اللي عنده عرس يقول حق االمره خلاص نلغي الحفله
والفلوس نسافر فيها
دبي ونسكن فندق وملحمه الجزائر
ولا البحرين في سان روك اللي في سماهيج
ياخوفكم من ذا النسوان
:eek5:
غير البشر
05-03-2014, 07:36 AM
الحمدلله لقيت الهيلتون بنفس التاريخ وحجزناها اليوم لكن الحين ببدل البطاقات والهيلتون طلعت علي اغلى شوي بس الحمدلله على كل حال ومانقول غير حسبي الله ونعم الوكيل ضيعونا و وترونا من الصبح
انا انحلت مشكلتي ولله الحمد ، لكن غيري الكثير وش بيسوون ؟؟؟!!
زين الحمدلله الله يبشرك بالخير ويوق لكم ويبارك لك
بخصوص البطاقات تهون اهم شي القاعه
صادق في ناس راح تتوهق او تغير اشياء كثيره وتكاليف اكبر بهذا القرار المفاجئ
الله يسهل امورهم جميعا ان شاء الله
Right
05-03-2014, 07:37 AM
بس مب أرْيـــح
ليش مب أريح ؟
غير البشر
05-03-2014, 07:43 AM
من تجربه معاهم .. مره كنسلوا عرس و قالوا الديوان حاجزين القاعة لمؤتمر و بعد البحث في الموضوع اتضح انهم كذابين لأن في شخص عرسه بعد بيوم واحد و لكن تجهيزاته عرسه تحتاج يومين لتركيبها في القاعة اللي حصل إن كنسلوا العرس اللي قبل بيوم و قالوا من الديوان.
اسلوبهم هذا ما ينفع و لو افترضنا إن كلامهم صحيح كان عندهم خبر من 3 شهور ليش ياخذون حجوزات الناس.
إذا بيرجعون المبلغ و بيدفعون فوقه تعويض يغطي كل التكاليف ,,, اقترح على كل المتضررين حفله بسيطه و يسافرون و يوفرون فلوسهم.
اذا على التعويض انسى
نادر ماتحصل في قطر ان حد يدفع تعويض
الله يعوض الي تنكسلت اعراسهم
بصراحه الواحد في هالوقت يكون مشغول في الترتيبات الثانيه
وتطلع له هالمشكله
الله يكون بعونهم
بو الجوري
05-03-2014, 07:45 AM
هلا بالغالي
يالله حيييه الغايب
في ردود بالموضوع ان اعراسهم قريبه وتم الغاءها :omen2:
هلا بالغالي
تصدق ولد عمي طلع من المتضررين :secret:
أمس أسألهم عن بطاقات الحريم اللي أنا بوصلهـا
قالو إنطر بنغيّر فالبطاقات ! لأنه الشيراتون خلاص بح :eek5: و عرس الحريم الإسبوع الجاي
الفندق قالهم بنخلي القاعه بس الأكل من برع ! و عقب قالو خلاص بنعطيكم الرتز ( اللي هي أصغر و مايبونهـا )
المهم فالنهايه إتفقوا يسوون العرس فأرض المعارض ، بعد موافقة مصمم العرس إنه الأمور تمام
الصراحـه لازم يرفعون قضايا على الفندق ، لآنه غير الضغط النفسي و التعب و التغييرات ويمكن تكاليف أكثر
بيكون هناك أحيانا مشاكل بين المعاريس
غير البشر
05-03-2014, 07:45 AM
كلمت المطاعم قالوا مسكرين من امس لين ديسمبر 2014 بيفتحون من جديد
مرحبا اختي
مستحيل ماعتقد يفتحونبالتاريخ الي ذكرتيه
عمليه التجديد بتكون كامله وشامله
وامس جاني خبر انها مب عمليه تجديد
بل هدم واعاده بناء :rolleyes2:
http://raya.com/news/pages/0fee4c33-a113-429e-a424-34c6d297072e
خيارات بديلة للنزلاء في فنادق الشركة الأخرى ..كتارا للضيافة:
بدء ترميم وتأهيل شيراتون الدوحة اليوم
قاعة الدفنة تواصل العمل واستضافة الفعاليات المحجوزة حتى 4 إبريل
الدوحة - الراية:
أعلنت "كتارا للضيافة" عن خطة واسعة لإعادة تأهيل وترميم فندق ومنتجع شيراتون الدوحة ستنطلق اليوم الأربعاء، موضحة أن قاعة "الدفنة" بالفندق ستواصل العمل واستضافة الأحداث المحجوزة مسبقا لغاية 4 أبريل المقبل.
وبينت أن الأعمال ستشمل إعادة تأهيل وترميم شاملة لجميع الغرف والمناطق العامة ومرافق الترفيه وقاعات المؤتمرات والاجتماعات، فضلاً على تعزيز مرافق الطعام والشراب في الفندق.
وقال متحدث من شركة كتارا للضيافة: "يعد هذا قرارا استراتيجيا لتعزيز أحد أكثر أماكن الضيافة شهرة في الدوحة. وستعمل أعمال إعادة الترميم على تعزيز مكانة فندق ومنتجع شيراتون الدوحة عند إعادة افتتاحه في ديسمبر 2014، كونه أحد أكثر معالم الضيافة ريادة في الدوحة وفقا لأعلى معايير المرافق الفاخرة والحديثة في جميع جوانب عملياتها.
وأشارت "كتارا للضيافة" إلى أنه سيتم منح جميع ضيوف الفندق من نزلاء الغرف وضيوف مرافق الطعام والشراب والمؤتمرات والاجتماعات خيارات بديلة في فنادق الشركة الأخرى، وسيعمل قسم الحجوزات في الفندق على التواصل مع العملاء ابتداءً من اليوم لمناقشة هذه الخيارات.
بو الجوري
05-03-2014, 07:46 AM
ابركها من ساعه شنهو المشكله
اللي عنده عرس يقول حق االمره خلاص نلغي الحفله
والفلوس نسافر فيها
دبي ونسكن فندق وملحمه الجزائر
ولا البحرين في سان روك اللي في سماهيج
ياخوفكم من ذا النسوان
:eek5:
فكرتك ممتازه بس وين اللي يفهم ويطبق
أنا لو مكان المعرس
بآخذ عربوني و بقول حق المره و أهلها إنه مالقينـا مكان و يابلفيت تعبت نفسيا
و بآخذ المره و بسافـر خخخخخخخخ
غير البشر
05-03-2014, 07:48 AM
هلا بالغالي
تصدق ولد عمي طلع من المتضررين :secret:
أمس أسألهم عن بطاقات الحريم اللي أنا بوصلهـا
قالو إنطر بنغيّر فالبطاقات ! لأنه الشيراتون خلاص بح :eek5: و عرس الحريم الإسبوع الجاي
الفندق قالهم بنخلي القاعه بس الأكل من برع ! و عقب قالو خلاص بنعطيكم الرتز ( اللي هي أصغر و مايبونهـا )
المهم فالنهايه إتفقوا يسوون العرس فأرض المعارض ، بعد موافقة مصمم العرس إنه الأمور تمام
الصراحـه لازم يرفعون قضايا على الفندق ، لآنه غير الضغط النفسي و التعب و التغييرات ويمكن تكاليف أكثر
بيكون هناك أحيانا مشاكل بين المعاريس
هلااا با الذيب
لاحول ولاقوه الابالله
الاسبووووووووووع الجاي :omg:
الله يكون بعونه وين بحصل قاعه في خلال اسبوع
بصراحه الموضوع صعب وصعب جدا
زين مهما صار على الاقل مايتعطل العرس
وزين ان حصل مكان
وغيره كثير ماراح يحصل
الله يهون عليهم
الله يبارك له ويسهل اموره ياارب
غير البشر
05-03-2014, 07:49 AM
فكرتك ممتازه بس وين اللي يفهم ويطبق
أنا لو مكان المعرس
بآخذ عربوني و بقول حق المره و أهلها إنه مالقينـا مكان و يابلفيت تعبت نفسيا
و بآخذ المره و بسافـر خخخخخخخخ
ههههههههههههه والله هي فكره جيده
ترا بوعلي يعجبك حق التوفير
ماخذ الخبره من حمد هههههههه
غير البشر
05-03-2014, 07:50 AM
الحل بسيط جداً
تزوجوا في البيوت ، أحسن وأستر وأرخص وأوفر وأبرك
اخوي في ناس ماعندهم حوش يكفي معازيمهم
وخاصه اذا كانت عوائلهم كبيره
غير البشر
05-03-2014, 07:50 AM
الله يكون في عونك والله ييسر لك ان شاءالله
للحين الصورة ما وضحت بالضبط متى سيتم الاغلاق
ان شاءالله مثل ما قال المهاجر في شهر خمسة
تم الاغلاق للأسف
غير البشر
05-03-2014, 07:51 AM
من فترة سمعت هالكلام مب توه
إن الشيراتون راح يتسكر سنتين تقريباً
عشان يجددونه ..!!
الخبر الي جاني امس
ان هدم + بناء جديد
Right
05-03-2014, 07:52 AM
وين حماية المستهلك ؟!
ولا فالحين بس في شالفرق بين الشامبو التقليد والشامبو الأصلي !!
غير البشر
05-03-2014, 07:53 AM
فندق الشيراتون بعد التجديد لازم يسموونه فندق النكبات انا اتذكر واحد كان عنده عرس وكنسلوا له الحجز قبلها بيومين يمكن لانه كان في اجتماع ضروري او مؤتمر
امس كلموا واحد من الربع وقالوا له تعال خذ عربونك وعرس الرجال باقي له اقل من شهر وحاجز كل شي ومرتب كل اموره يعني الحين شيسوي من بيعوضه ولا وين بيلقى قاعه
المفروض مايسكت عن حقه ويطالب بتعويض ويرفع قضيه
وهقو الناس وصار ربكه في الموضوع
بس اعتقد صار تنسيق بينهم وبين بعض القاعات
لان في اعضاء وناس اعرفهم حصلو قاعات
المحاميه
05-03-2014, 08:41 AM
المحامية
المشكلة في تغيير القاعة
مب شي بسيط
وبعدين في اتفاقيات ما بين مطرب و محلات التجهيزات و غيرها
كلها خسائر لهم
الله يعينهم
وطن
ادري انهم يبون قاعة الشيراتون لانها كبيره وفخمه وتستقبل عدد من المعازيم
لكن شنو الافضل نكنسل كل شي ونخسر فلوس الكوشه والطاولات والتقديمات والمطرب والمكياج والشعر والحنه وووو الخ ولا ندور حل بديل ممكن نطلع منه بأقل الخساير يعني خلاص الوحده انحطت ف ظروف لازم تدور وترضى بالقاعه المتوفره .. والكوشة والمطرب والتجهيزات الخ على قولتج عادي نفس ماهم بس تقولهم تم تغيير القاعه .. وين المشكله؟ ماراح يقولون لا احنا بس نشتغل في قاعات الشيراتون ..
المحاميه
05-03-2014, 08:43 AM
الحمدلله لقيت الهيلتون بنفس التاريخ وحجزناها اليوم لكن الحين ببدل البطاقات والهيلتون طلعت علي اغلى شوي بس الحمدلله على كل حال ومانقول غير حسبي الله ونعم الوكيل ضيعونا و وترونا من الصبح
انا انحلت مشكلتي ولله الحمد ، لكن غيري الكثير وش بيسوون ؟؟؟!!
الحمدلله رب العالمين
من توكل على الله ماخاب
بتنحل للجميع باذن الله بس يبيله صبر ودواره
عندكم قاعة كتارا بعد لاتنسون
المحاميه
05-03-2014, 08:45 AM
ابركها من ساعه شنهو المشكله
اللي عنده عرس يقول حق االمره خلاص نلغي الحفله
والفلوس نسافر فيها
دبي ونسكن فندق وملحمه الجزائر
ولا البحرين في سان روك اللي في سماهيج
ياخوفكم من ذا النسوان
:eek5:
يلغي العرس وبعد يوديها دبي ولا البحرين ؟
لاتعليق
اكيد اتغشمر
حمد 2002
05-03-2014, 08:47 AM
الحمدلله رب العالمين
من توكل على الله ماخاب
بتنحل للجميع باذن الله بس يبيله صبر ودواره
عندكم قاعة كتارا بعد لاتنسون
تبينهم ايدورون في غضون ايام معدوده !!
من يعوضهم عن تكلفه البطايق حقه الزواج !!
الطاقات ولا الدي جي !!
ترتيبات العرس !!
فيه ناس عندها فلوس وتقدر اتعوض الخساره بس الي ماعنده وماخذ قرض للزواج شالحل !!!
والاضرار النفسيه !!
انتي بتعطينه ثمن الخساره يالمحاميه !!!
المفروض انتي محاميه واتعرفين ان هالامور اتعود على صاحبها بأضرار نفسيه قبل الماديه !!!
الله يعينهم الصراحه، موقف لايحسدون عليه !!
المحاميه
05-03-2014, 08:48 AM
المفروض مايسكت عن حقه ويطالب بتعويض ويرفع قضيه
وهقو الناس وصار ربكه في الموضوع
بس اعتقد صار تنسيق بينهم وبين بعض القاعات
لان في اعضاء وناس اعرفهم حصلو قاعات
هذا اللي اقوله ان شاء الله محد بيتضرر والكل بيحصل
بس خلوا عنكم التوتر
الضرر نفسي اكثر من ماهو مادي
المحاميه
05-03-2014, 08:50 AM
تبينهم ايدورون في غضون ايام معدوده !!
من يعوضهم عن تكلفه البطايق حقه الزواج !!
الطاقات ولا الدي جي !!
ترتيبات العرس !!
فيه ناس عندها فلوس وتقدر اتعوض الخساره بس الي ماعنده وماخذ قرض للزواج شالحل !!!
والاضرار النفسيه !!
انتي بتعطينه ثمن الخساره يالمحاميه !!!
المفروض انتي محاميه واتعرفين ان هالامور اتعود على صاحبها بأضرار نفسيه قبل الماديه !!!
الله يعينهم الصراحه، موقف لايحسدون عليه !!
حمد
انا ماقلت ان اللي صار شي عادي
لكن خلاص الواحد انحط ف موقف شيسوي يقعد يندب حظه ويحط يده على خده؟
يعني بدال لانخفف عنهم نزيدهم؟ شسالفتك ؟
انا قلت قبل يغير القاعه + يطبع بطاقات ثانيه .. بتكلفه اقل يعني بطاقات تمشي الحال وتذكر فالنهاية البطاقه بتنقط وين؟
وشنو الاحسن تعرس ف قاعه ولا ينلغى العرس بكبره ولا يسونه ف تاريخ ثاني وتروح عليهم فلوسهم؟
المحاميه
05-03-2014, 08:51 AM
هذا اللي اقوله ان شاء الله محد بيتضرر والكل بيحصل
بس خلوا عنكم التوتر
الضرر نفسي اكثر من ماهو مادي
حمد
اقرا قبل لاتفلسف فوق راسي
حمد 2002
05-03-2014, 08:53 AM
حمد
انا ماقلت ان اللي صار شي عادي
لكن خلاص الواحد انحط ف موقف شيسوي يقعد يندب حظه ويحط يده على خده؟
يعني بدال لانخفف عنهم نزيدهم؟ شسالفتك ؟
انا قلت قبل يغير القاعه + يطبع بطاقات ثانيه .. بتكلفه اقل يعني بطاقات تمشي الحال وتذكر فالنهاية البطاقه بتنقط وين؟
وشنو الاحسن تعرس ف قاعه ولا ينلغى العرس بكبره ولا يسونه ف تاريخ ثاني وتروح عليهم فلوسهم؟
وهل تعتبرين هذا حل ؟
هذا انسحاب من الموقف الي هم امامه !!
المفروض يوصل الامر للقضاء للتدخل لان هالشيء في اضرار نفسيه قبل الماديه !!
ويجب تعويض كل متضرر بمبلغ مايقل عن 5 ملايين ريال ..
حمد 2002
05-03-2014, 08:55 AM
حمد
اقرا قبل لاتفلسف فوق راسي
ياليت اختي المحاميه قبل كتابه الحروف وقبل كتابه النقاط وقبل كتابه العبارات ان تضعي مكانج مكانهم لكي تحسي بالموقف الحرج الي هم فيه !!
المحاميه
05-03-2014, 08:56 AM
ياليت اختي المحاميه قبل كتابه الحروف وقبل كتابه النقاط وقبل كتابه العبارات ان تضعي مكانج مكانهم لكي تحسي بالموقف الحرج الي هم فيه !!
حطيت نفسي وعشان جذي حطيت حلول بدال ماقول ويه وانا ويحرون وقهر وروحوا اشتكوا ..
واللي يبي يشتكي .. يحل مشكلته اول عقب يشتكي لان الوقت ضيق
ولد العرب
05-03-2014, 08:58 AM
وهل تعتبرين هذا حل ؟
هذا انسحاب من الموقف الي هم امامه !!
المفروض يوصل الامر للقضاء للتدخل لان هالشيء في اضرار نفسيه قبل الماديه !!
ويجب تعويض كل متضرر بمبلغ مايقل عن 5 ملايين ريال ..
والله مفرووض انت محامي جدا انت جميل وترفع الضغط:weeping: حمد طرش لي الصنف اللي عندك خلص مني وغير البشر مايرد علي :eek5:
وطن
ادري انهم يبون قاعة الشيراتون لانها كبيره وفخمه وتستقبل عدد من المعازيم
لكن شنو الافضل نكنسل كل شي ونخسر فلوس الكوشه والطاولات والتقديمات والمطرب والمكياج والشعر والحنه وووو الخ ولا ندور حل بديل ممكن نطلع منه بأقل الخساير يعني خلاص الوحده انحطت ف ظروف لازم تدور وترضى بالقاعه المتوفره .. والكوشة والمطرب والتجهيزات الخ على قولتج عادي نفس ماهم بس تقولهم تم تغيير القاعه .. وين المشكله؟ ماراح يقولون لا احنا بس نشتغل في قاعات الشيراتون ..
اتفق معاج
في قاعات وايد
بس المشكلة في التاريخ
ممكن صاحب محل التجهيزات أو المطرب أو غيره
يكونون مرتبطين في التاريخ الجديد
!!
هذا ضرر نفسي و مادي عليهم
الله يعينهم
basma222
05-03-2014, 09:02 AM
اتفق معاج
في قاعات وايد
بس المشكلة في التاريخ
ممكن صاحب محل التجهيزات أو المطرب أو غيره
يكونون مرتبطين في التاريخ الجديد
!!
هذا ضرر نفسي و مادي عليهم
الله يعينهم
اى والله امس ارتفع عندي الضط و السكر
طول اليوم افكر في عرس ولدي اللى ما باقي عليه الا شهر
المحاميه
05-03-2014, 09:11 AM
اتفق معاج
في قاعات وايد
بس المشكلة في التاريخ
ممكن صاحب محل التجهيزات أو المطرب أو غيره
يكونون مرتبطين في التاريخ الجديد
!!
هذا ضرر نفسي و مادي عليهم
الله يعينهم
لالا
انا كان قصدي
مثلا هم حاجزين القاعه بتاريخ 4-4 وانلغت القاعه يدورون اي قاعه فاضيه بهالتاريخ وبس اهني الاضرار بتكون اقل
المحاميه
05-03-2014, 09:12 AM
اى والله امس ارتفع عندي الضط و السكر
طول اليوم افكر في عرس ولدي اللى ما باقي عليه الا شهر
باذن الله بتحصلين قاعه ثانيه بنفس التاريخ
بس لاتتوترين
حمد 2002
05-03-2014, 09:21 AM
حطيت نفسي وعشان جذي حطيت حلول بدال ماقول ويه وانا ويحرون وقهر وروحوا اشتكوا ..
واللي يبي يشتكي .. يحل مشكلته اول عقب يشتكي لان الوقت ضيق
اذا حصلوا مبلغهم والعربون من الشيراتون بعدها بيضيع حقهم القانوني ركزييي انتي محاميه والمفروض ماتنسين هالنقاط المهمه !!
الحل بانهم يطالبون بمحاكمه مستعجله وتعويض عن الاضرار النفسيه والماديه ومب مشكله لو تأخر عرسهم كمن شهر بس اهم شيء انهم بردو الحره الي بجبدهم :):)
حمد 2002
05-03-2014, 09:22 AM
والله مفرووض انت محامي جدا انت جميل وترفع الضغط:weeping: حمد طرش لي الصنف اللي عندك خلص مني وغير البشر مايرد علي :eek5:
خخخخخ
حمد 2002
05-03-2014, 09:23 AM
باذن الله بتحصلين قاعه ثانيه بنفس التاريخ
بس لاتتوترين
هالكلام مايوكل عيش اختي المحاميه !!
تفتكرين الامر بكل هالسهوله !!
ولا تبين المصباح السحري ايطلع لهم قاعه بنفس التاريخ والموعد !!
لازم نأخذ بالاسباب بارك الله فيج !!
اى والله امس ارتفع عندي الضط و السكر
طول اليوم افكر في عرس ولدي اللى ما باقي عليه الا شهر
لا تسوين في نفسج جذي مب زين
توكلي على الله
وهو بييسرها بحوله وقوته
لالا
انا كان قصدي
مثلا هم حاجزين القاعه بتاريخ 4-4 وانلغت القاعه يدورون اي قاعه فاضيه بهالتاريخ وبس اهني الاضرار بتكون اقل
ايه اذا لقوا عاد
الله يعينهم ويوفقهم ويبارك لهم
هالكلام مايوكل عيش اختي المحاميه !!
تفتكرين الامر بكل هالسهوله !!
ولا تبين المصباح السحري ايطلع لهم قاعه بنفس التاريخ والموعد !!
لازم نأخذ بالاسباب بارك الله فيج !!
انت شفيك تزيد النار حطب !!!
تعوذ من ابليس
وادعي للناس بدال ما تشيش الموضوع زود
:anger1:
المحاميه
05-03-2014, 09:31 AM
طيب ياحمد
بما انك حاط نفسك مكانهم وحاس بالوضع ومتعاطف معاهم
اقترح عليك انك تشوف كم واحد يبي يشتكي وتروح المحكمه وتقدم لهم طلب وتفتح صحيفة دعوى وتطالب بحقهم
شرايك؟
لان الوقت الحين مايسمحلهم يطبون المحاكم ويمشون فالاجراءات
حمد 2002
05-03-2014, 09:36 AM
انت شفيك تزيد النار حطب !!!
تعوذ من ابليس
وادعي للناس بدال ما تشيش الموضوع زود
:anger1:
احنا كمجتمع للأسف اختي وطن طيبين لابعد حدود !!
ويجب على الشخص انه يعرف متى يكون طيب والعكس صحيح !!
راعي المحل باعنا سلعه غير جيده ولا اختربت بسرعه بنسكت عن حقنا !!
سيارتنا اختربت وراعي الكراج خرب سيراتنا زود ولا ماعرف ايصلحها بنسكت عن حقنا !!
يجب علينا ان لانهرب من الواقع ونسكت عن حقنا !!
ويجب على المتضررين ان يأخذو حقهم بشكل قانوني !! لان البلاد فيها قانون يحفظ للناس حقوقهم ..
(( الساكت عن الحق شيطان أخرس ))
حمد 2002
05-03-2014, 09:37 AM
طيب ياحمد
بما انك حاط نفسك مكانهم وحاس بالوضع ومتعاطف معاهم
اقترح عليك انك تشوف كم واحد يبي يشتكي وتروح المحكمه وتقدم لهم طلب وتفتح صحيفة دعوى وتطالب بحقهم
شرايك؟
لان الوقت الحين مايسمحلهم يطبون المحاكم ويمشون فالاجراءات
هل اعتبر هذا انتقاد غير مباشر لمحاكمنا ام ماذا بالظبط ؟
ولد العرب
05-03-2014, 09:39 AM
هل اعتبر هذا انتقاد غير مباشر لمحاكمنا ام ماذا بالظبط ؟
تتوقع ياحمد :rolleyes2:
حمد 2002
05-03-2014, 09:40 AM
تتوقع ياحمد :rolleyes2:
نسمع الجواب منها ..
(Sara)
05-03-2014, 09:40 AM
حمد هاي أوامر من الامير يعني راح تغيرها انت وغيرك
ياخي أقول اعشق الراحه
وانتهى الموضوع :rolleyes:
احنا كمجتمع للأسف اختي وطن طيبين لابعد حدود !!
ويجب على الشخص انه يعرف متى يكون طيب والعكس صحيح !!
راعي المحل باعنا سلعه غير جيده ولا اختربت بسرعه بنسكت عن حقنا !!
سيارتنا اختربت وراعي الكراج خرب سيراتنا زود ولا ماعرف ايصلحها بنسكت عن حقنا !!
يجب علينا ان لانهرب من الواقع ونسكت عن حقنا !!
ويجب على المتضررين ان يأخذو حقهم بشكل قانوني !! لان البلاد فيها قانون يحفظ للناس حقوقهم ..
(( الساكت عن الحق شيطان أخرس ))
من قال نسكت عن حقنا
الحين في هالزمن الناس عرفت حقوقها
وقامت تطالب بها
راعي المحل باعنا سلعة نرجعها وان ما رضى نشتكي عليه
و السيارة اذا اختربت وما عرفوا يصلحونها الوكالة نخاطب الشركة الأم
لكن الاخوان اللي تضرروا من الحجوزات اللي انلغت
أو من اي شي اخر
لازم بالأول يحلون مشكلتهم لان الوقت ضيق
وفي نفس الوقت يتخذون اجراء رسمي ضد اللي سبب لهم الضرر
لكن ما يتم التركيز ع الشكوى
ويهملون الحل
المحاميه
05-03-2014, 09:41 AM
هل اعتبر هذا انتقاد غير مباشر لمحاكمنا ام ماذا بالظبط ؟
انتقاد؟
وين انتقادي؟
حمد 2002
05-03-2014, 09:44 AM
حمد هاي أوامر من الامير يعني راح تغيرها انت وغيرك
ياخي أقول اعشق الراحه
وانتهى الموضوع :rolleyes:
اولا انا ماعندي علم بان هل الامير طول الله في عمره امرهم ام لا !!
لاني قريت هالكلام من قبل اخونا غير البشر بهذا الموضوع ومادري عن مدى صحت هالخبر من قبل اخونا غير البشر !!
لذالك مابي اسوي اشاعه !! وانا من مكافحين الاشاعات ..
..
المحاميه
05-03-2014, 09:45 AM
من قال نسكت عن حقنا
الحين في هالزمن الناس عرفت حقوقها
وقامت تطالب بها
راعي المحل باعنا سلعة نرجعها وان ما رضى نشتكي عليه
و السيارة اذا اختربت وما عرفوا يصلحونها الوكالة نخاطب الشركة الأم
لكن الاخوان اللي تضرروا من الحجوزات اللي انلغت
أو من اي شي اخر
لازم بالأول يحلون مشكلتهم لان الوقت ضيق
وفي نفس الوقت يتخذون اجراء رسمي ضد اللي سبب لهم الضرر
لكن ما يتم التركيز ع الشكوى
ويهملون الحل
ينصر دينج
هذا قصدي وكلامي
ينصر دينج
هذا قصدي وكلامي
وأظن انه نفس راي وقصد حمد
بس خانه التعبير
شرايك حمد ؟
حمد 2002
05-03-2014, 09:52 AM
من قال نسكت عن حقنا
الحين في هالزمن الناس عرفت حقوقها
وقامت تطالب بها
راعي المحل باعنا سلعة نرجعها وان ما رضى نشتكي عليه
و السيارة اذا اختربت وما عرفوا يصلحونها الوكالة نخاطب الشركة الأم
لكن الاخوان اللي تضرروا من الحجوزات اللي انلغت
أو من اي شي اخر
لازم بالأول يحلون مشكلتهم لان الوقت ضيق
وفي نفس الوقت يتخذون اجراء رسمي ضد اللي سبب لهم الضرر
لكن ما يتم التركيز ع الشكوى
ويهملون الحل
الشكوي جزأ لايتجزأ من الحل ..
وفي حاله حجزنا لقاعه جديده واخذ العربون من اداره الفندق يكون بذلك سقط جزأ كبير من حقنا القانوني امام القضاء ..
لذلك يجب على كل معرس ان ياجل عرسه ويبدأ بجرائاته القانونيه ..
بالتوفيق ..
الشكوي جزأ لايتجزأ من الحل ..
وفي حاله حجزنا لقاعه جديده واخذ العربون من اداره الفندق يكون بذلك سقط جزأ كبير من حقنا القانوني امام القضاء ..
لذلك يجب على كل معرس ان ياجل عرسه ويبدأ بجرائاته القانونيه ..
بالتوفيق ..
من قال يسقط جزء من حقك القانوني
من أي قانون جايبها يا حمد !!!!
استشرت أي محامي في الموضوع
ولا من عندك اخوي؟
ولد العرب
05-03-2014, 09:57 AM
من قال يسقط جزء من حقك القانوني
من أي قانون جايبها يا حمد !!!!
استشرت أي محامي في الموضوع
ولا من عندك اخوي؟
وطن وطن :anger1: لاتغلطين على القانون 2002 يكفي انه سياده الفلك ومحور الحوار العام ويكفي عمر مخه 3000سنه :secret:
حمد 2002
05-03-2014, 09:59 AM
من قال يسقط جزء من حقك القانوني
من أي قانون جايبها يا حمد !!!!
استشرت أي محامي في الموضوع
ولا من عندك اخوي؟
هل الناس الي اخذت العربون بيكون لها نفس القوه القانونيه من الي ماخذت العربون ؟
القانون بحر اختي وطن وخيط يوديج فوق وخيط ودليل ايوديج تحت ..
ولو شخص حاط كل حلاله بهالعرس ومتفق مع كل الشركات وحاز تذاكر طيرات غير قابله لاسترداد ؟ وماعنده ولا فلس ثاني ايحطه ولا حد يبي ايساعده ؟
شالحل من وجهه نظرج ؟!!
هاي ليله العمر اختي وطن وصعب الواحد ايسويها خلال فتره اسبوع ولا اسبوعين !!
وحتى لو دبر المبلغ تبينه ايحط ديون فوق المبلغ الي عليه وفرضا محد عوضه بعدين ؟!! شالحل ؟
حمد 2002
05-03-2014, 10:01 AM
انتقاد؟
وين انتقادي؟
انتي ادرى ..
وطن وطن :anger1: لاتغلطين على القانون 2002 يكفي انه سياده الفلك ومحور الحوار العام ويكفي عمر مخه 3000سنه :secret:
:secret:
هل الناس الي اخذت العربون بيكون لها نفس القوه القانونيه من الي ماخذت العربون ؟
القانون بحر اختي وطن وخيط يوديج فوق وخيط ودليل ايوديج تحت ..
ولو شخص حاط كل حلاله بهالعرس ومتفق مع كل الشركات وحاز تذاكر طيرات غير قابله لاسترداد ؟ وماعنده ولا فلس ثاني ايحطه ولا حد يبي ايساعده ؟
شالحل من وجهه نظرج ؟!!
هاي ليله العمر اختي وطن وصعب الواحد ايسويها خلال فتره اسبوع ولا اسبوعين !!
وحتى لو دبر المبلغ تبينه ايحط ديون فوق المبلغ الي عليه وفرضا محد عوضه بعدين ؟!! شالحل ؟
حمد
على اساس ان المحكمة راح تحكم لهم في يومين ولا شهر ولا شهرين
لا تفتي للناس اخوي
وخلهم ياخذون الاجراءات القانونية من محامي مختص
وما يعطلون نفسهم في ارتباطاتهم
عرس هذا مب حفلة تخرج عشان يتأجل بسهولة
ترتيباته وايد
وعقوده مع كذا شركة
كافي عليهم الضغط النفسي اللي هم فيه الحين
بو الجوري
05-03-2014, 11:16 AM
بهالمناسبه أحب أعزم كل الشباب على عرس ولد عمي المتضرر تاريخ 14/3 فالساحه اللي عند نادي الغرافه :telephone:
و حياكـم الله
basma222
05-03-2014, 03:09 PM
باذن الله بتحصلين قاعه ثانيه بنفس التاريخ
بس لاتتوترين
الحمدلله ربي يسر امرنا و حصلنا نفس التاريخ
لك الحمد والشكر يا رب
الحمدلله ربي يسر امرنا و حصلنا نفس التاريخ
لك الحمد والشكر يا رب
الحمدلله
وعسى الله يبارك لهم ويجمع بينهم في الخير
دايموند
05-03-2014, 04:28 PM
انا سمعت ان الشيرتون راح تعوضهم بخيمه في فندق الرتز...هذا والله اعلم
هل السبب انشاء محطة قطار امام الشيراتون؟
هل السبب انشاء محطة قطار امام الشيراتون؟
لا و مشروع الريل حافرين له من زماااااان :nice:
بو خليفه 123
05-03-2014, 05:00 PM
خلاص سوو اعراسكم في حوش البيت
ماله داعي التبذير والمخاسير
والله انها فرصه
خلاص سوو اعراسكم في حوش البيت
ماله داعي التبذير والمخاسير
والله انها فرصه
و كوشة العروس في البلكونه
:waiting:
لبتونه
06-03-2014, 07:57 AM
و كوشة العروس في البلكونه
:waiting:
هههههههههههههههههههههههههه
والي ماعنده حوش بيته صغير
لبتونه
06-03-2014, 08:00 AM
حمدالله حصلنا حق اخوي نفس اليوم العرس بفندق اخر اللهم لك حمد وشكر
غير البشر
06-03-2014, 08:03 AM
حمدالله حصلنا حق اخوي نفس اليوم العرس بفندق اخر اللهم لك حمد وشكر
زين الحمدلله
الله يبشركم بالخير
والف مبروك الله يوفقهم ان شاء الله ويرزقهم الذريه الصالحه
غير البشر
06-03-2014, 08:04 AM
و كوشة العروس في البلكونه
:waiting:
ههههههههههههههه عرس ديانا
basma222
06-03-2014, 08:10 AM
للحين ما رجعوا فلوسنا كل يوم بكرة تعالوا
حمدالله حصلنا حق اخوي نفس اليوم العرس بفندق اخر اللهم لك حمد وشكر
الحمدلله
الله يبارك لهم ويجمع بينهم في الخير
ههههههههههههههه عرس ديانا
هاهاهاهاها
تقريبا
Right
06-03-2014, 08:34 AM
محد مربح هالقاعات إلا خرابيط هالحريم إلي لها أول وما لها آخر !!
حمد 2002
06-03-2014, 08:59 AM
محد مربح هالقاعات إلا خرابيط هالحريم إلي لها أول وما لها آخر !!
هههههههههههههههههههههههههههههههههههههههههههههههههه ههههههههه
محد مربح هالقاعات إلا خرابيط هالحريم إلي لها أول وما لها آخر !!
لا أبشرك
مالها أول
ومالها تالي
:omen2:
حمد 2002
06-03-2014, 09:05 AM
لا أبشرك
مالها أول
ومالها تالي
:omen2:
وشهد شاهد من اهلها ..
ولد العرب
06-03-2014, 09:07 AM
وشهد شاهد من اهلها ..
اختنا من ارووع ماتكون من الشفافيه فياحمد لاتصيد في الماء العكر معرووفه وطن ماعندها واحد ولا 2
حمد 2002
06-03-2014, 09:07 AM
اختنا من ارووع ماتكون من الشفافيه فياحمد لاتصيد في الماء العكر معرووفه وطن ماعندها واحد ولا 2
ماكلمتك كلمتها ..
(Sara)
06-03-2014, 09:08 AM
اختنا من ارووع ماتكون من الشفافيه فياحمد لاتصيد في الماء العكر معرووفه وطن ماعندها واحد ولا 2
والله مكبرين الموضوع ع الفاضي :rolleyes:
ولد العرب
06-03-2014, 09:10 AM
والله مكبرين الموضوع ع الفاضي :rolleyes:
حمد يقول مايكلمك خلك برع السالفه :secret:
ولد العرب
06-03-2014, 09:11 AM
ماكلمتك كلمتها ..
ياالاخ لطيف اسمه الحوار العام
تقدر تخاطب الاداره بالموضوع :shy:
حمد 2002
06-03-2014, 09:12 AM
حمد يقول مايكلمك خلك برع السالفه :secret:
اصلا هي متسببه ..
كل موضوع تدخله تثير المشاكل فيه (( سارا )) ..
وشهد شاهد من اهلها ..
ايه وين المشكلة
نحب الزين
اختنا من ارووع ماتكون من الشفافيه فياحمد لاتصيد في الماء العكر معرووفه وطن ماعندها واحد ولا 2
هاهاهاهاهاها
اشكرك اخوي ولد العرب
معليه حمد اخونا
نتقبل منه
بس تكثرها حمد
:victory:
حمد 2002
06-03-2014, 09:14 AM
ياالاخ لطيف اسمه الحوار العام
تقدر تخاطب الاداره بالموضوع :shy:
الحوار المباشر والواضح انا معاه مب اللف والدوران .. ..
ولد العرب
06-03-2014, 09:14 AM
اصلا هي متسببه ..
كل موضوع تدخله تثير المشاكل فيه (( سارا )) ..
مالك خص في البنت الادارة هي مسؤوله عن هاي الشي الرجاء الالتزم بالحوار والاداب العامه :secret:
(Sara)
06-03-2014, 09:15 AM
اصلا هي متسببه ..
كل موضوع تدخله تثير المشاكل فيه (( سارا )) ..
:omg:
ولد العرب اترك الرد لك :weeping:
حمد 2002
06-03-2014, 09:15 AM
معليه حمد اخونا
نتقبل منه
بس تكثرها حمد
:victory:
:) ياليت ولد العرب ايجوف هالكلام الطيب ..
شكرااا على الكلام الطيب والراقي اختي وطن ..
ومساعه قلت لج هالشيء من باب الضحك الممزوج بالجديه بهدف تلطيف الاجواء لا اكثر ..
بالتوفيق ..
:victory:
ولد العرب يتغشمر معاك يا حمد
:) ياليت ولد العرب ايجوف هالكلام الطيب ..
شكرااا على الكلام الطيب والراقي اختي وطن ..
ومساعه قلت لج هالشيء من باب الضحك الممزوج بالجديه بهدف تلطيف الاجواء لا اكثر ..
بالتوفيق ..
حمد 2002
06-03-2014, 09:18 AM
مالك خص في البنت الادارة هي مسؤوله عن هاي الشي الرجاء الالتزم بالحوار والاداب العامه :secret:
من طق الباب جاه الجواب ..
والكلام الي تستحي منه بده ...
و الرصاصه الي ماتصيب تدوش ..
والبندق اللي ماتثور في هدفها تذعره ..
بالتوفيق ..
حمد 2002
06-03-2014, 09:20 AM
:omg:
ولد العرب اترك الرد لك :weeping:
عدال يالي اتصيح .. من سارا تبكي :omg: ... عيارتج :omen2: ..
حمد 2002
06-03-2014, 09:21 AM
:victory:
ولد العرب يتغشمر معاك يا حمد
لا لا لا ولد العرب مره صكوني باند وقعد يضحك علي اسبوع كامل :sneaky: مب ناسيله هالموقف البطولي :deal:
ولد العرب
06-03-2014, 09:21 AM
:victory:
ولد العرب يتغشمر معاك يا حمد
من جدك وطن تكلميني في من لا لا ارجووك :secret:
لا لا لا ولد العرب مره صكوني باند وقعد يضحك علي اسبوع كامل :sneaky: مب ناسيله هالموقف البطولي :deal:
عادي انا بعد ضحكت
:tease:
من جدك وطن تكلميني في من لا لا ارجووك :secret:
مافهمت شي من كلامك !!
ويالله لا تخربون موضوع الرجال
ويسكرونه عليه
ولد العرب
06-03-2014, 09:25 AM
من طق الباب جاه الجواب ..
والكلام الي تستحي منه بده ...
و الرصاصه الي ماتصيب تدوش ..
والبندق اللي ماتثور في هدفها تذعره ..
بالتوفيق ..
الاخت سارا من ارقى الاسلوب والذرابه وهي حبت تهدي الامور ولكن مستحيل انت تفهم ولن تفهم مثل مايقولون عشم ابليس في الجنه مالك الا دكتور عكاشه :weeping:
ولد العرب
06-03-2014, 09:26 AM
عادي انا بعد ضحكت
:tease:
والله ماعرف اوضح اكثر من كذا هههههههههههههه بيرفع على قضيه معليش طوفيها لي :shy:
مافهمت شي من كلامك !!
ويالله لا تخربون موضوع الرجال
ويسكرونه عليه
والله ماعرف اوضح اكثر من كذا هههههههههههههه بيرفع على قضيه معليش طوفيها لي :shy:
المحاميه
06-03-2014, 09:29 AM
:eek5:
اظاهر انتو فاهمين غلط
اي موضوع تقلبونه استراحه عشان اليوم الخميس ههه ترا ذي الحوار العام
بس زين تسون ف غير البشر :secret:
Right
06-03-2014, 09:42 AM
لا أبشرك
مالها أول
ومالها تالي
:omen2:
وشهد شاهد من أهلها
وشهد شاهد من أهلها
قلنا لكم
نحب الزين
:nice:
Right
06-03-2014, 09:46 AM
قلنا لكم
نحب الزين
:nice:
إنتي أوكي :victory:
توشيبا
06-03-2014, 10:28 AM
كل السبب من غير البشر
قلب صادق
11-03-2014, 06:05 AM
السلام عليكم ورحمة الله وبركاته
اليوم حاطين اعلان عن نقل حجوزات الاعراس من فندق شيراتون الى قاعة المعارض وذلك بالتنسيق بين هئية اللسياحة وكتارا وفندوق شيراتون
فلهم جزيل على هذه المبادرة الطيبة وحل مشكلة الحجوزات التي سوف تلغى بسبب الصيانة
basma222
11-03-2014, 06:33 AM
احنا نبي فلوسنا
حصلنا حجز في فندق ثاني بس للحين ما رجعوا فلوسنا
blackjacket
03-04-2014, 02:30 PM
اتصل فيهم محد يرد
عندكم رقم موظف عندهم
Bomohd
03-04-2014, 03:04 PM
عندهم مكتب مقابل نادي قطر لاستلام العربون
نيساني
03-04-2014, 05:27 PM
حلوى ام علي من يضبطها غير الشرتون؟؟؟
ابو جمال
03-04-2014, 05:59 PM
اخيراً !!! .... مابغو يرممونه
Powered by vBulletin® Version 4.2.5 Copyright © 2024 vBulletin Solutions Inc. All rights reserved.