قانون المرور ....... ؟

[شبيه الريح]

السلام عليكم

ليه ماعندنا قانون مرور صااااااااااااااااااااااااارم

صاير فيه استهتار غير طبيعي

1- النسوان صاروا يعسكون السير ولا يفتكرون في اي احد (( الاجانب ))

2- يوقف في الجهه الثانيه من المدرسه على الشارع العام والباب الخلفي للسياره مفتوح ويروح ينزل ولده ويرجع لسيارته ولا يفتكر في احد وبعد اجنبي

طيب الى متى والاستهتار من ناس سافهينا وهو في الاصل ماله قيمه في بلاده ولا عنده سياره ولا يحلم فيها

ليه مايكون فيه حبس ثلاث ايام للشخص نفسه ماعاد ينفع حجز السياره

و للاسف بتبلغ في احد بتتبهذل معه مايكفي بلاغك بالتلفون

[monatee]

مايبوون يخالفون الاجانب لانهم مساكين واكيد ماخالف الا انه مضطر ،، فهم معذورين

بالمقابل القطري يستاهل مخالفه سرعه اوتجاوز من اليمين وقت الزحمه او صاف موتره بمنطقه الابراج ،، لانه فلوسه وايد وعادي يتخالف ،، فيطبق عليه القانون كامل وبشكل صااااارم

[بشائر]

ملاحظتك في محلها فعلا
صاروا يتهاونون بشكل ملحوظ يتجاوزون يطوفون الإشارة يعكسون السير بكل جرءة !
مرات أقول ما ينلامون لو شافوا ( بعض ) أهل البلد أنفسهم يتجاوزون ولا يهتمون
قبل كنت أشوف الأجانب أكثر ناس احترام لقوانين المرور وأكثر انضباطا .. الحين اختربوا ياترى من السبب في رأيك؟!!

[الجوكر90]

السلام عليكم
الشيخ انا اشوف القانون مافيه شي
بس الي يطبق القانون هو راعي المشكله

[رجل الجزيرة]

سؤال خطر على بالي:

كل هذي الأخطأ ليه إداراة المرور ما تخالفهم دام عندهم الكيمرات على الشوارع وتعلنهم على الملأ حتى السواقين يتردعون.

[بوحارب]

بعض رجال المرور أجانب يعني راح يكون تساهل مع ربعهم !!!

[S S]

من أمن العقوبة أساء الأدب

[بوخالد911]

القانون صارم جدا

السير بعكس الاتجاة عقوبته 6000 ريال و7 نقاط سوداء

المشكلة هي ان وقت ارتكاب المخالفة لا نرى الشرطي موجودا !!!

[وطن]

من أمن العقوبة أساء الأدب

بالضبط


القانون صارم جدا

السير بعكس الاتجاة عقوبته 6000 ريال و7 نقاط سوداء

المشكلة هي ان وقت ارتكاب المخالفة لا نرى الشرطي موجودا !!!
الحل هو تفعيل كاميرات المراقبة في كل الطرق
و تطبيق الغرامات على جميع المخالفين بدون استثناء و تهاون

[مرتبش]

عدد شرطة المرور كم بالنسبة لعدد السكان..اظن انه احد المؤشرات على تقدم الدول ..نفس اللي يقولون عدد الاطباء للسكان وعدد السيارات الخ..

اظن بنطلع مع دول افريقيا لو نعرف العدد

[طلعة الروح]

ودي أشوف الناس تمشي بطريق واحد بدون لفلفه وخصوصا الاجانب لأن ملاحظه هم اللي يكثرون من تغيير المسار بسبب وبدون سبب

[حبر وقرطاس]

حتى لو شرطي قطري وصادف واحد من الاهل بيمشيه عادي بس مب دايما والا على شرطتنا السلام.
امس واحد هندي معاه دسته عيال بسياره صالون داش مسار عكس السير تماما وفي شارع باتجاهين هههههههه في وجهي وتدرون اي شارع ؟
بشارع المرور الجديد بمدينه خليفه هههههههه انا واقف وهو مواجهني تميت واقف بسيارتي وجه بوجه وهو يفكر انه صح يوم شاف على يساره في مسار تمشي فيه سيارات سكت وحرك وهذا كله امام مبنى المرور الموقر :(

[شبيه الريح]

السلام عليكم
الشيخ انا اشوف القانون مافيه شي
بس الي يطبق القانون هو راعي المشكله

تقول القانون مافيه مشكله
طيب الى متى والقانون مطنش ولا فيه احد يتخذ قرار
التريلات تخالف وتطلع اي حزه وفي طرق ممنوعه ولا احد يقولها شي
خلهم ينفذون القعوبات ومنها الحبس وعقب بتشوف الانضباط

[شبيه الريح]

القانون صارم جدا

السير بعكس الاتجاة عقوبته 6000 ريال و7 نقاط سوداء

المشكلة هي ان وقت ارتكاب المخالفة لا نرى الشرطي موجودا !!!
ماستففدنا من هالمخالفه الا الحوادث
ايش الفايده من قانون صارم ولا فيه تنفيذ
خلهم ينفذون ولو سبوع واحد الحبس على عكس السير والسرعه الزايده والتريلات وبتشوف هل احد يتجراء ولا لا
ولا بس صارم وحاطينه على جنب

[lion66]

فنشوا موظفين المرور الاجانب ... وجيبوا rop cop

[القطيني]

أظن العطل في تطبيق القانون وليس في القانون
والجميع معنين أجنبي ولا مواطن
الكل يخالف لعدم وجود من يقوم بتطبيق القانون بشكل حازم