المسؤول والفراش

[المحاميه]

السلام عليكم

لاحظت ان الفراش (التي بوي) يتم استغلاله من قبل المسؤول او الموظفين لأداء أعمال لاتدخل في اختصاصه ..

وهو المسكين مايقدر يرفض بسبب جهله او بحكم ان هو الفقير لله وان اللي حوله من الموظفين متحكمين فيه ومايقدر يقولهم لا لانه خايف انه يكتبون فيه تقرير او يقطعون رزقه

يعني مثلا وظيفته (عمل شاي - قهوه) لكن تحصله تحول بقدرة قادر الى مراسل (ياخذ الاوراق والمستندات من والى) طباعه (يطبع ويسوي سكان ويزود الطابعه بالاوراق الخ) مطراش (روح فوق ولا تحت واستلم الاغراض ولا الطلب وهاته ولا روح برا وهاتلي من الجمعيه ولا المطعم اللي ف البرج الثاني)

ولاتستغربون لو اطلبوا منه البعض غسل السياره ...
يعني مابقى الا يقولونله روح وصل اليهال المدارس وخلص مشاوير البيت الخ

للتذكير..
ترا هذا انسان بشر بغض النظر عن جنسيته وديانته وغيره .. اللي تسووونه غلط وحرام وضد الانسانيه .. ليش يعني تكرفونه وتخلونه يشتغل ف غير مجاله؟ وليش تستحقرونه؟ عشان هو ضعيف ومايقدر يقولكم لا ؟
اتقوا الله .. كلكم بتتحاسبون ..

كل واحد يخدم نفسه بنفسه مب يقط بلاويه على هالمسكين ..

وبعد حابه اقول ان بعضهم يستغل اللي معاه فالشغل يعني مب شرط فراش او تي بوي او مراسل لا ممكن يستغل اللي وظيفته او منصبه اقل منه ويخليه ينجز امور مش داخله ف اختصاصه او ينجزله اموره الشخصيه .. وهذا استغلال وفسااااد اداري لابد من مواجهته ومكافحته خصوصا لو كان الموظف مكره على اداء هالامور ...

[أم محمد 90]

فديتج لا مو دايماً ترى هالفراشين اغلبهم اغلبهم جامعيين وعندهم لغة
ولكن الموارد البشرية من نحاستهم مايبون يعينونه ع وظيفة مراسل او مندوب

ف يعطونه وظيفة (عامل)

وبحكم شطارته يخلونه يصور اوراق ويطبع ويودي ويجيب

والله الفراش الي عندنا جاامعي ومثقف وشااااااااطر لا تشوفينه يقرا عربي ويكتب ويصور ويرتب الملفات ويفيل وكل شي

بس مايبون يغيرون وظيفته الى مندوب او مراسل او طابع


بس مسألة يغسل السيارة ؟؟


والله حرام

[المحاميه]

لا اختي
مثلا
يكون فيه غيره مراسل ووظيفته ينقل الاوراق والمستندات من جهه الى جهه ثانيه
اما الفراش وظيفته اللي ذكرتها

والطباعه طبعا اختصاص السكرتاريه ..

لكن هذا استغلال

وماله اي مسمى ثاني

[عاشق العديد]

والله .. ياختي المحاميه كلامج صصحيح ..

واكثر من مره اكلمهم واقول لهم ماعليكم من حد .. لو المدير براسه يقولك قوله مالي شغل دام اني مابحصل مبلغ على الي اسويه ..
لكن خوفهم .. يخليهم يسون ..

فعلن ناس بدون ضضضضمير ..

[بانغ بانغ]

ذكرتيني بالسكيوريتي في البنوك

مادري يحرس او ايصور أوراق

[بوحارب]

أكيد يحصل له حلاوته من المسؤول فالتالي هالفراش مستانس كذا

خليه يترزق هالمسكين

[توشيبا]

ذكرتيني بالسكيوريتي في البنوك

مادري يحرس او ايصور أوراق

وابشرك يوقف الموظف او الموظفه عند باب البنك واهو المسكين يروح يوقفها في المواقف

من غير يروح يشتري لهم ريوق

[مختلفة عقليا]

السلام عليكم .,

انا ضد الاستغلال باي مسمي كان .,

بس حزات اطرش التي بوي ., بس الله شاهد .,

انا اساله ., ممكن اتروح ؟؟ او تقدر اتروح ؟؟ واعطيه عليها افلوس .,

خصوصا لو طلب برع الدوام ,.

ويسلموو .,

[حمد 2002]

خلي المساكين يسترزقون يالمحاميه ...

[حمد 2002]

السلام عليكم .,

انا ضد الاستغلال باي مسمي كان .,

بس حزات اطرش التي بوي ., بس الله شاهد .,

انا اساله ., ممكن اتروح ؟؟ او تقدر اتروح ؟؟ واعطيه عليها افلوس .,

خصوصا لو طلب برع الدوام ,.
ويسلموو .,

وداخل الدوام عادي تكرفينه كرف صح ؟

[العلياا]

من قال انهم مساكين !!
حبيبتي محد يشتغل لوجهه الله خصوصا هالفئة ..

عندي واحد منهم وبلسانه قال لي ان في شهر واحد
طلع خمسين الف ريال قطري .. ريال ينطح ريال
هذول كلهم من عند من !!
بيشتغل وهو مبتسم بعد :)

[حمد 2002]

من قال انهم مساكين !!
حبيبتي محد يشتغل لوجهه الله خصوصا هالفئة ..

عندي واحد منهم وبلسانه قال لي ان في شهر واحد
طلع خمسين الف ريال قطري .. ريال ينطح ريال
هذول كلهم من عند من !!
بيشتغل وهو مبتسم بعد :)

شلون فراش و 50 الف ريال ..

ممكن توضيح بعيدا عن الالغاز ؟

[توشيبا]

من قال انهم مساكين !!
حبيبتي محد يشتغل لوجهه الله خصوصا هالفئة ..

عندي واحد منهم وبلسانه قال لي ان في شهر واحد
طلع خمسين الف ريال قطري .. ريال ينطح ريال
هذول كلهم من عند من !!
بيشتغل وهو مبتسم بعد :)

وين هذا الفراش :eek5:

ابغي اصير فراش تحت ادارة هالفراش

[العلياا]

شلون فراش و 50 الف ريال ..

ممكن توضيح بعيدا عن الالغاز ؟


وين هذا الفراش :eek5:

ابغي اصير فراش تحت ادارة هالفراش

ما يبلها توضيح يا حمد
ترى احنا المساكين مب هم
هو لو بيسوي لك أي شي بتعطيه لو عشر ريال كم بتوصل نهاية الشهر وشوف كم شخص يشتغله

هاي غير العملاء اللي مدلعينهم خصوصا لو كان يشتغل في قسم ( في أي بي )

:)

[المحاميه]

اممم

لا والقهر اذا الموظف صغير والفراش عود ف عمر ابوه ويقعد يتآمر عليه روح جيب ولا روح اطبع
انا استحي اقوله سولي قهوه او شاي بحكم السن ..

ش هاناس انا استغرب مافي احساس ولا شنو؟

والله يالعليا ويامختلفه ..
هو صحيح يمكن البعض يعطيه شي بسيط بس مب الكل وماعتقد على كل ورقه بيطبعها او على كل طلب بيعطونه مبلغ .. انا اشوف يتأمرون عليه والسلام
:weeping:

[المحاميه]

ما يبلها توضيح يا حمد
ترى احنا المساكين مب هم
هو لو بيسوي لك أي شي بتعطيه لو عشر ريال كم بتوصل نهاية الشهر وشوف كم شخص يشتغله

هاي غير العملاء اللي مدلعينهم خصوصا لو كان يشتغل في قسم ( في أي بي )

:)

انا مادري انتي وين تشتغلين
لكن الوضع اللي عندي مش مثل اللي عندج ..

وبعدين لو موظف أعلى طلب خدمه شخصية من موظف ادنى .. شنو بيعطيه 500؟
الموظف الادنى مضطر يوافق + يخاف على تقييمه


للاسف استغلال واضح

[w.qatar]

مب بس المدير يستغله حتى الموظفين احيان يستغلون التي بوي

عندنا صارت سالفه لان وحده تعطي التي بوي فلوووس و تخليه يضرب لها الكرت كل يوم و هو داخل و هو طالع و الشيخه ما تداوم

و وحده ثانيه تخليه كل يوم يروح يجيب لها ريوق من الستي و طبعا هالخدمات مب بلاش ياخذ منهم فلوس

و سمعت ان فيه بعض المدراء يخلون التي بوي جاسوس عالموظف يدزه يشوف هل هم على مكاتبهم ولا لا

والبعض صار وكاله انباء ينقل الكلام ويسبب فتن

طبعا هالفئه العماليه تدور الفلوس ما تعترض على اي شي دام السالفه فيها مقابل مادي

[المحاميه]

خلي المساكين يسترزقون يالمحاميه ...

يسترزقون؟!؟

وعامل النظافه حاسده وغاسل اشراعه على هالكم بيزه اللي ياخذها وهو شغال ف هالشموس!!

ركز يالمتناقض

[المحاميه]

مب بس المدير يستغله حتى الموظفين احيان يستغلون التي بوي

عندنا صارت سالفه لان وحده تعطي التي بوي فلوووس و تخليه يضرب لها الكرت كل يوم و هو داخل و هو طالع و الشيخه ما تداوم

و وحده ثانيه تخليه كل يوم يروح يجيب لها ريوق من الستي و طبعا هالخدمات مب بلاش ياخذ منهم فلوس

و سمعت ان فيه بعض المدراء يخلون التي بوي جاسوس عالموظف يدزه يشوف هل هم على مكاتبهم ولا لا

والبعض صار وكاله انباء ينقل الكلام ويسبب فتن

طبعا هالفئه العماليه تدور الفلوس ما تعترض على اي شي دام السالفه فيها مقابل مادي

اشكرج عالاضافه

بس بصراحه فكره حلوه
جاري التطبيق


امزح :weeping:
اذا فلت من عقاب الدنيا ماراح افلت من عقاب الاخره وبعدين الواحد يشك ان فلوسهم ف هالحاله حلال !!!؟

[العلياا]

انا مادري انتي وين تشتغلين
لكن الوضع اللي عندي مش مثل اللي عندج ..

وبعدين لو موظف أعلى طلب خدمه شخصية من موظف ادنى .. شنو بيعطيه 500؟
الموظف الادنى مضطر يوافق + يخاف على تقييمه

للاسف استغلال واضح

شوفي مسؤولي لو طلب مني شي بحدود الشغل قلت له سمعاً وطاعه حتى لو كان ان هالشغل مفروض غيري يسوويه
هالشي مختلف تماما عن موضوع التي بوي
نشوفهم مساكين ويكسرون الخاطر لكن من عقب الكلام اللي بدر منه صدقيني انصدمت
وشووف عيني الكل يتأمر عليهم لكن مو ببلاش

ترى مب شريرة انا بس بعد الحق ينقال

[توشيبا]

وين مديري يدش علي هالموضوع قسم بالله مب كل المدرا

المدير عندنا يناديه واذا ماسمعه يطلع له ويوقف عنده ويقوله لو سمحت ماي واذا محد والله انه يدش ويسوي لي ويصب بي نفسه قهوه

وصرنا يالموظفين نتبع مبدا المدير عندنا

اليوم الفراش غايب كل واحد صار يدش المطبخ ويسوي لي نفسه شاي او كرك وكل شوي واحد يقول حد يبي شاي قبل سوي حق نفسي

فيليت لا احد يعم علي كل المسوولين والموظفين

[المحاميه]

شوفي مسؤولي لو طلب مني شي بحدود الشغل قلت له سمعاً وطاعه حتى لو كان ان هالشغل مفروض غيري يسوويه
هالشي مختلف تماما عن موضوع التي بوي
نشوفهم مساكين ويكسرون الخاطر لكن من عقب الكلام اللي بدر منه صدقيني انصدمت
وشووف عيني الكل يتأمر عليهم لكن مو ببلاش

ترى مب شريرة انا بس بعد الحق ينقال

والله مادري ياختي بس اذا يطلعون من ورا الشغله مبلغ يرضيهم ف مب مشكله
المشكله لو تم استغلالهم وهم مابيدهم شي

[المحاميه]

وين مديري يدش علي هالموضوع قسم بالله مب كل المدرا

المدير عندنا يناديه واذا ماسمعه يطلع له ويوقف عنده ويقوله لو سمحت ماي واذا محد والله انه يدش ويسوي لي ويصب بي نفسه قهوه

وصرنا يالموظفين نتبع مبدا المدير عندنا

اليوم الفراش غايب كل واحد صار يدش المطبخ ويسوي لي نفسه شاي او كرك وكل شوي واحد يقول حد يبي شاي قبل سوي حق نفسي

فيليت لا احد يعم علي كل المسوولين والموظفين


مانعمم
بس الظاهر منتشره
ومعروف ان احنا شعب اتكالي
ودوم نحط اشغالنا على هالجنسيات

[مختلفة عقليا]

وداخل الدوام عادي تكرفينه كرف صح ؟


هلا .,

هههههههههه .,

اتحطها في ذمتك ., ؟؟ والله ما اسويها

[كازانوفا]

متااابعه ..........

[بوخالد911]

صحيح

والمراسيلين صاروا درويولية للمدراء
ود الموتر للوكالة
جيب سمج من الجبرا

رووح خلص المعاملة

[بوخالد911]

صحيح

والمراسيلين صاروا درويولية للمدراء
ود الموتر للوكالة
جيب سمج من الجبرا

رووح خلص المعاملة

[bos3eed]

أكيد يحصل له حلاوته من المسؤول فالتالي هالفراش مستانس كذا

خليه يترزق هالمسكين

اوافقك الرأي, بس في بعض الموظفين يكرفونهم ومايعطونهم شي

[bos3eed]

مب بس المدير يستغله حتى الموظفين احيان يستغلون التي بوي

عندنا صارت سالفه لان وحده تعطي التي بوي فلوووس و تخليه يضرب لها الكرت كل يوم و هو داخل و هو طالع و الشيخه ما تداوم

و وحده ثانيه تخليه كل يوم يروح يجيب لها ريوق من الستي و طبعا هالخدمات مب بلاش ياخذ منهم فلوس

و سمعت ان فيه بعض المدراء يخلون التي بوي جاسوس عالموظف يدزه يشوف هل هم على مكاتبهم ولا لا

والبعض صار وكاله انباء ينقل الكلام ويسبب فتن

طبعا هالفئه العماليه تدور الفلوس ما تعترض على اي شي دام السالفه فيها مقابل مادي

ماره علي هالسالفه , صدقتي هالنوع من المدراء الله يكفينا شرهم

[ya3coub]

مانعمم
بس الظاهر منتشره
ومعروف ان احنا شعب اتكالي ودوم نحط اشغالنا على هالجنسيات



أشكرج أختي المحامية على الطرح

و هاي واقع موجود خصوصا بالوزارات الحكومية بس ما نعمم عليهم كل شخص و تربيته و اخلاقه

قد يكون القسم كله يتأمر بس يبقى واحد من هالقسم يكلمه باحترام

لفت انتباهي اعترافج بقولج "معروف ان احنا شعب اتكالي"

و انا اعتبر احد افراد هذا الشعب ولا اتفق معاج نحن لسنا بشعب اتكالي

نحن شعب لديه و لله الحمد الكثير من الرفاهية ولكننا لسنا بإتكالين

يقال عنا اننا اتكالين من الناس التي ترى مثل هذة التصرفات و تحكم عالجميع

و الأخوان فوق كثير منهم قال الي يقوم يسوي الشاي لنفسه او يطلب بكل ادب المشروبات من غير اوامر ثانية