مستثمر جديد بمبلغ بسيط

[محمد بن أحمد]

السلام عليكم ورحمة الله وبركاته


مرحباً بكم أخوآني وأخوآتي المستثمرين الكبار والصغار ..

أنا عندي مبلغ بسيط تقريباً مايتعدآ الـ 200,000 الف ريال قطري ..

وحاب استثمر فيه كله بالأسهم لمدة 6 أشهر إلى سنة ..

فماذا تنصحوني أشتري ؟


جزاكم الله خير

[النهار]

فرصه عندك شركة امسيعيد

[أخو من طاع ربه]

بروة فرصه ذهبيه

[سميسمة كافيه]

هلا اخوي شخبارك ادل شخص مستشار مالي بالبورصة ممكن يساعدك بهذي الامور وخصوصا المضاربة اذا بغيت رقمه كلمني لا هنت

[معماري قطري]

استثمار لفترة سنه ممكن يكون مضمون لكن ركز في إِختيارك على الأَسهم الناجحة .. ومب غلط تنوع من كم سهم ولو تبي سهم ما غيره عندك وقود اليوم بينزل أَو الأَحد بسعر 256 وبيبدأَ بإِذن الله يزيد كما عودنا .. غيره سهم صناعات .. صحيح هذي الأَسهم غالية لكن قليلها كثير سعراً وربحاً.

[مضارب دوسري]

الاسهم كثيره ولكن اضرب العائد على كل شركه ب 13
اذا كان الناتج اغلى من سعر السوق لا تشتريه
واذا كان الناتج اقل من سعر السوق توكل على الله بتكون فرصه حلوه
ادخل موقع ارقام وحط الشركات وشوف نتايجها 2013

عن نفسي افضل شركه عايدها ضرب 13ويطلع الناتج اقل بكثير هي التحويليه
ويشهد الله لا املك فيها ولا سهم ولكن اراقبها

[فارس الكلمة]

أخي مضارب دوسري ..

التحويلية لم توزع نقدي هذه السنة .. فعن أي عائد تتكلم طال عمرك ..؟

هل عن عائد السهم قبل التوزيع ..؟ أم بعده ..؟

[مضارب دوسري]

أخي مضارب دوسري ..

التحويلية لم توزع نقدي هذه السنة .. فعن أي عائد تتكلم طال عمرك ..؟

هل عن عائد السهم قبل التوزيع ..؟ أم بعده ..؟
هلا اخوي
انا لا اتحدث عن التوزيع بل اتحدث عن عائد السهم
عائد السهم قبل التوزيع
عائد السهم في 2013
قبل التوزيع كان 5.11
وبعد اضافة الاسهم المجانيه اصبح 4.08
اضرب الناتج في 13 يطلع الناتج 53

والسعر الحالي للسهم 44

والسهم متوقع له ارتفاعات هذا العام
ملاحظه
ضرب العائد في 13 هذي نسبه من تاليفي وليست دراسه

في ناس يضربون ب 15 و20 وناس ب 12
وللعلم والله لا املك فيه بس لا شفته نوى بدخل عليه

[مضارب دوسري]

الاسهم كثيره ولكن اضرب العائد على كل شركه ب 13
اذا كان الناتج اغلى من سعر السوق لا تشتريه
واذا كان الناتج اقل من سعر السوق توكل على الله بتكون فرصه حلوه
ادخل موقع ارقام وحط الشركات وشوف نتايجها 2013

عن نفسي افضل شركه عايدها ضرب 13ويطلع الناتج اقل بكثير هي التحويليه
ويشهد الله لا املك فيها ولا سهم ولكن اراقبها

اسف في خطا
الصحيح اذا كان الناتج اعلى من سعر السوق توكل على الله وادخل
واذا كان الناتج اقل من سعر السوق ابحث عن بديل

وابعد عن الاسهم الربويه اخوي عشان ربي يبارك لك ان شاء الله

[قطري سهم]

عليك ب مزايا و زاد

[عضو مشاكس]

انتظر الوقت المناسب للدخول

[معماري قطري]

وقود شركة شبه مضمونه وقوتها واضحة وإِرتفعت بسرعة بعد توزيع الأَرباح والأَسهم المجانية

المتفائل يتوقع لها 350 وفوق آخر السنة والمتشائم يتوقع لها 300 .. وإِن شاء الله هذي سنة خير ويطلع السهم فوق.

ما انكر إن آخر شرائي فيها أَمس 30 سهم بباقي ما تبقى من سيولة، وأَحاول أَبيع وأَحول على هذا السهم الناجح بكل المقاييس.

[محمد بن أحمد]

معنى كلامكم

أفضل حل هو أسهم مسيعيد

يعطيكمم العافيييية

[عبد الله]

اصبر شوي السوق غير مستقر ..إلا إذا انت تبي تغامر شوي وترفع الأدرينالين فأهلاً وسهلا

[Nojoom]

لو مكانك

مسيعيد راح يكون لها نصيب الاسد من هالبلغ قول 50% وبالقي انوع بالشركات الثانيه

[Bin Hood]

اخوي السوق هالايام بالذات ما يطمن

من الاخر ابعد لو مؤقتا

[محمد بن أحمد]

والله ياخوك ناوي اشغل الفلوس شوي بدال ماتكون راقده فالبنك

لان السنه الجايه باذن الله ناوي اتزوج فيها :playball:

[جعران]

اخي العزيز ناوي تتزوج
خلي فلوسك بالبنك الا اذا
اعلنت بروة غدآ التوزيع
اكثر من 1.75 اشتر
فيها وتوكل على الله

[محمد بن أحمد]

الحلول المربحه

بروة

وقود

مزايا

مسيعيد

صحيح هالكلام ؟