من يعرف دكتور لعلاج آلام الرأس ( المخ والاعصاب )

[الواعد]

السلام عليكم

عندي الوالدة ( الله يحفظها ) مرات تحس بأوجاع في رأسها

وصورنا راسها في عيادة الشرطة وقال لنا الدكتور انه تقريبا

كان عندها جلطة خفيفة وعطانا لها حبوب اسبيرين فقط

والحين رجع لها الألم فكيف الحل ؟؟؟

هل يوجد دكتور وبدون مواعيد لهالشيء ؟؟؟؟

ارجو الرد بسرعة

[لبيبة]

وعليكم السلام ورحمة الله وبركاته

الله يحفظ الوالدة ويشافيها من كل شر

ممكن تروح عيادة الدوحة، عندهم أطباء مخ وأعصاب في العيادة الخارجية، ومن غير مواعيد.

[سميسمة كافيه]

اختي في دكتور هندي بمستشفى حمد ممتاز جدا للاعصاب والمخ والصراحة ناسي اسمه ممكن ذكريني بمسج علشان اجيبلك اسمه لا هنتي

[الواعد]

اختي في دكتور هندي بمستشفى حمد ممتاز جدا للاعصاب والمخ والصراحة ناسي اسمه ممكن ذكريني بمسج علشان اجيبلك اسمه لا هنتي

معاك اخوك الواعد

كيف اصلا نقدر نحولها على هالدكتور ؟؟؟

[وطن]

ما عليها شر
اجر وعافية

في عيادة الدوحة
دكتور سامح بدران

ما أدري لو للحين موجود هناك او لا
هو تخصص أعصاب

[لبيبة]

معاك اخوك الواعد

كيف اصلا نقدر نحولها على هالدكتور ؟؟؟




التحويل يبي له روحة للطوارئ ومن هناك يعطون تحويلة للعيادات الخارجية وتسجل موعد، وممكن ياخذ اكثر من شهر لو مستعجل.

[deema117]

ما تشوف شر الوالدة في استشاري ممتاز في عيادة الشرطة اسمه دكتور / عماد

غالباً هاي كبر في السن مطلوب المحافظة والمداومة ع الاسبرين لعمل سيولة في الدم وتجنب الجلطات

ولو حاب دكتور ممتاز متخصص في الأعصاب في مستشفى حمد راجعوا دكتور أسامة العلمي عنده مواعيد

صباحي ومسائي ( تحتاج تحويل من المركز الصحي التابعة له ) .


وسلامتها إن شاء الله

[سميسمة كافيه]

معاك اخوك الواعد

كيف اصلا نقدر نحولها على هالدكتور ؟؟؟

تروحين المركز الصحي وتطلبين تحويل لعيادة الاعصاب والمخ باسم الدكتور الفلاني او تروحين مباشرة لقسم العيادات الخارجية الطابق الرابع وتاخدين موعد

[لبيبة]

ممكن تلاقي موعد في العيادات المسائية، ويكون اسرع. لكن اسرع شي هو عيادة الدوحة.

نصيحة لا تطلع عن مستشفى حمد، كل الاجهزة لجميع الفحوصات متوفرة عندهم.

اذا تبي عيادة الدوحة لانها اسرع مثل ما قالت وطن، د. سامح بدران. اما مستشفى حمد د. سادات كمران، ما اعرف اذا عنده عيادة مسائية.

كلمهم بالتليفون وتأكد.

عيادة الدوحة 44384333
مستشفى حمد قسم المواعيد (لحجز موعد) 44395777

[وليف الشوق]

قبل الذهاب لاي مستشفى نصيحه سوي لها ( حجامه ) وشوفي الفرق وراح تدعين لي بأذن الله

[بصمة قطرية]

التحويل يبي له روحة للطوارئ ومن هناك يعطون تحويلة للعيادات الخارجية وتسجل موعد، وممكن ياخذ اكثر من شهر لو مستعجل.



إذا عن طريق الطواري
و شكوا فعلاً ان في جلطة الموعد راح يكون قريب أقل من إسبوع ..
و أساساً الحالات العاجلة المفروض يشوفونها في الطواري
ما يعطونها موعد للعيادة ..!!
خلها تروح الطواري ..
ما عليها شر ان شاءالله ..

[فتى الجود]

السلام عليكم

ماتشوفون شر وهذا
الموضوع عاجل ولا يمكن تأخريه
تطلع على العيادة الخارجية وتسوي موعد اعتقد بالدور الثالث
عند دكتور باكستاني او هندي اسمة (( على رضا )) -
تاخذ موعد عاجل حتى لو عيادة مسائية

او تحاول للموظفه للى تنسق الموعد تستعجل لك بالموعد

وفي ذي الوقت عليك بالحجامه
وعندك الثلاثاء الجاي
تاريخ 18 / 3 / 2014
بيصادف
17 / جمادى الأولى 1435هــ

وبعد عندك الخميس 19 من الشهر العربي
و عندك السبت 21

كما ورد في الأثر عن الرسول " صلى الله عليه وسلم


وبتكون من أحسن الأيام للحجامه
والله بيرزقكم الخير الكثير أنشاء الله


ولاتنسى ياخوى
الصدقة وصنائع المعروف

[alwahesh]

الصداع اسبابه كثيره الشيخ

انا انصحك تعرضها على طبيب عيون لان احتمال يكون عندها التهاب في الشبكيه او ارتفاع ضغط العين ( الجبر للعيون الدائري الثالث ) مغربي الدائري الرابع

او الضغط مرتفع بشكل عام

اما الجلطه غير والصداع لا يطاق مع عدم وضوح النظر وزغلله مع احيانا ضيق تنفس

الله يشفيها شفاء لا يضاهي سقما

[الواعد]

الله يعطيكم العافية جميع على الردود الطيبة وماقصرتوا

وديناها للدكتور سامح بدران في عيادته الخاصة لانه طلع من عيادة الدوحة

عيادته اسمها ( مركز آيكون الطبي ) جنب فندق كراون بلازا بعد إشارات المجنون على اليمين باتجاه المطار

وقال ان الألم من الرقبة واعطاها علاج والحمدلله الحين طيبة

[بصمة قطرية]

الله يعطيكم العافية جميع على الردود الطيبة وماقصرتوا

وديناها للدكتور سامح بدران في عيادته الخاصة لانه طلع من عيادة الدوحة

عيادته اسمها ( مركز آيكون الطبي ) جنب فندق كراون بلازا بعد إشارات المجنون على اليمين باتجاه المطار

وقال ان الألم من الرقبة واعطاها علاج والحمدلله الحين طيبة

الحمدلله على سلامتها ..
قال سبب الألم ..؟
هل هو دسك في الرقبة ..!!؟
لأنه يسبب صداع قوي ..!

[قطري vip]

حاتم بدران من أفضل دكاترة الأعصاب وطلع من عيادة الدوحة الى مستشفى أيكون جنب فندق كراون بلازا

[فتى الجود]

الله يعطيكم العافية جميع على الردود الطيبة وماقصرتوا

وديناها للدكتور سامح بدران في عيادته الخاصة لانه طلع من عيادة الدوحة

عيادته اسمها ( مركز آيكون الطبي ) جنب فندق كراون بلازا بعد إشارات المجنون على اليمين باتجاه المطار

وقال ان الألم من الرقبة واعطاها علاج والحمدلله الحين طيبة

السلام عليكم

تستاهل سلامتها والله يطمنكم عليها بأذن الله