تفضل الفلوس واشترلي الاغراض من الجمعيه !!!!

[حمد 2002]

السلام عليكم ورحمه الله وبركاته

الموضوع يحمل العنوان التالي

كثره الاتكاليه لدى البعض !!!

اثناء تواجدي بالجمعيه لشراء اغراض البيت والمواد الاستهلاكيه جفت خدامه من اندنوسيا تتمشى بالسوبرماركت مع الدريول الهندي وبيدها ورقه فيها طلبات البيت !!! ، وبعدين الناس بيتشكون الا خدامتنا شردت الا مادري شنو !!!

من يتحمل هالاهمال هل الاب ولا الام او كلاهما مشتركين ؟!!

لين هالدرجه وصلت فينا الاتكاليه ان مانقدر انروح للجمعيه ؟ !!!

عندك شغل الصبح روح بالليل عندك شغل بالليل روح الضهر العصر المغرب :anger1: !!!

ويييح قلبي :) ...


والبعض الاخرى من الشباب للاسف مشتري راحته مممم ويعتمد على الدريول ولا على شركات الخدمات وتخليص المعاملات لامور بسيطه !!!
الا هاكم فلوس وخلصوا استمارت سيارتي من المرور الا هاك فلوس واشتر روتي وحليب للبيت والا هاك فلوس وود سيارتي للمغسله ولا هاك فلوس واشترلي الشيء الفلاني من المكتبه !!

اشلون بتعتمد على نفسك بعدين وبتفتح بيت وبتتزوج وبتكون اسره :):):):)

ولو افترت الدنيا عليك وراح هالدريول اشبتسوي !!

وغيرها من الامثله الكثيره للاسف !!!


انا ماطرحت هالموضوع الا بعد رأيتي وسماعي للاتكاليه لدى الكثير من الشباب للاسف !!

بالتوفيق ...


اخوكم حمد 2002

[بوحارب]

بعض الناس مشغولة لدرجة كبيرة وهالنوعية ما عليها كلام

لكن المشكلة اللي متكي في البيت ويخلي الناس تتصرف في فلوسه

هذا مصيبة من مصائب المجتمع

[حمد 2002]

بعض الناس مشغولة لدرجة كبيرة وهالنوعية ما عليها كلام

لكن المشكلة اللي متكي في البيت ويخلي الناس تتصرف في فلوسه

هذا مصيبة من مصائب المجتمع

صحيح كلامك اخوي بوحارب وهالنوعيه من الناس اتحط عليهم مليون علامه استفهام للاسف !!

اشكررررررك على المرور الجميل .. :victory:

[مختلفة عقليا]

السلام عليكم .,

لو كان مستفيد من وقته ., صح انه يعتمد باشياء معينه علي غيره .,

بس قاعد يلعب بلاي ستيشن ., طبعا هالشي مرفوض ,’

المفروض (( يٌربا )) علي الاعتماد علي النفس ,,

اظن عقب التجنيد ,’ اشياء وايد بتغير ., وهالشي من ضمنها .,

ويسلموو .,

[حمد 2002]

السلام عليكم .,

لو كان مستفيد من وقته ., صح انه يعتمد باشياء معينه علي غيره .,

بس قاعد يلعب بلاي ستيشن ., طبعا هالشي مرفوض ,’

المفروض (( يٌربا )) علي الاعتماد علي النفس ,,

اظن عقب التجنيد ,’ اشياء وايد بتغير ., وهالشي من ضمنها .,

ويسلموو .,

هالالكترونيات هي الي عودت الناس على الرباده والكسل ..

وان شاء الله التجنيد نفس ماتفضلتي يكون حل لتعويد الشباب على الجد والنشاط ..

بالتوفيق .. :nice:

[بانغ بانغ]

صادق بوشهاب والله أنا كل يوم سبت المرة تعطيني لستة أطول من فواتير كيوتل وأروح الجمعية بروحي الحمد لله

[حمد 2002]

صادق بوشهاب والله أنا كل يوم سبت المرة تعطيني لستة أطول من فواتير كيوتل وأروح الجمعية بروحي الحمد لله

هههه الله المستعان ...

الله يوفقك ان شاء الله :nice:

[شبح الصمت]

يعطيك العافيه بوشهاب


تصدق اني من الناس الي استمتع في الشراء من الجمعية

احس بمتعه يوم افتر واشتري واختار بس في نهاية المطاف

يوم ادفع اتكدر :rolleyes2:

ههههههههههههههاي

وبخصوص موضوعك خلاص العالم ماشيه على اكتبي الاغراض عطيهم الدريول أو الخدامة

بس ليش يعني لازم الخدامه مع الدريول ترى خطر وشر لا بد منهم ومحاسبين الاسرة عليهم ان صار بينهم شيء

بتقولون لي يلحقون على من والا على من خلو عيونكم ساهرة عليهم لانهم امانة ..

[حمد 2002]

يعطيك العافيه بوشهاب


تصدق اني من الناس الي استمتع في الشراء من الجمعية

احس بمتعه يوم افتر واشتري واختار بس في نهاية المطاف

يوم ادفع اتكدر :rolleyes2:

ههههههههههههههاي

وبخصوص موضوعك خلاص العالم ماشيه على اكتبي الاغراض عطيهم الدريول أو الخدامة

بس ليش يعني لازم الخدامه مع الدريول ترى خطر وشر لا بد منهم ومحاسبين الاسرة عليهم ان صار بينهم شيء

بتقولون لي يلحقون على من والا على من خلو عيونكم ساهرة عليهم لانهم امانة ..

خخخخخ

صادق يالذيب ممم حتى لو الخدامه بروحها الواحد ماينسى ان بالجمعيه في عمال ووووو ...

البعض ايحاسب وايراقب الخدم ومب ملحق على بلاويهم عيل مابلاك لو تركت الحبل علي القارب وتركت القرعة ترعى !!!


مع التحيه اخوي شبح :nice::nice:

[العلياا]

بالنسبة للوالدة ما تحب تدخل جمعية خير شر
اذا تبي شيء الوالد يروح يشتري لها

شخصياً ما اشوف ان فيها شي هذا شغلهم

[شيخ الديرة]

أنا أعتمد على الدريول في شراء قائمة متطلبات البيت الأسبوعية, بعد أن يكتبوها الخادمة وتنقحها شيخة الديرة. وطلعتله بطاقة أئتمان بحد قليل ويستخدمها لما يشتري أي شي بدون كاش.

هناك محاسن كثيرة لهذا التصرف بعد تجربة 4 سنوات قريبا.

1. الدريول بس نايم بعد أن يوصل مشاوير المدارس, خللي يتحرك شوي
2. لما نروح أنا وشيخة الديرة للجمعية, ندفع ضعف المبلغ لأننا لا نلتزم بقائمة
3. يبعد عنك الملل من تكرار مشاوير روتينية وغير ممتعة
4. الخضراوات والفواكة الطازجة تكون متوفرة لما نكون بالشغل, ولما نروح بعد الشغل ما تلقه شي زين
5. لا تحس بالذنب برفض كوبونات سحبة الجوائز, خللي الدريول يمليها ويربحها

[حمد 2002]

بالنسبة للوالدة ما تحب تدخل جمعية خير شر
اذا تبي شيء الوالد يروح يشتري لها

شخصياً ما اشوف ان فيها شي هذا شغلهم

صدقتي المفروض احد من الوالدين يشتري الاغراض حتى لو الخادمه اترافقهم لمعرفه الاغراض الي تحتاجها مب مشكله ..

ممكن توضيح للنقطه الي معلم عليها باللون الاحمر .. مع الشكر ..

بالتوفيق ..

[حمد 2002]

أنا أعتمد على الدريول في شراء قائمة متطلبات البيت الأسبوعية, بعد أن يكتبوها الخادمة وتنقحها شيخة الديرة. وطلعتله بطاقة أئتمان بحد قليل ويستخدمها لما يشتري أي شي بدون كاش.

هناك محاسن كثيرة لهذا التصرف بعد تجربة 4 سنوات قريبا.

1. الدريول بس نايم بعد أن يوصل مشاوير المدارس, خللي يتحرك شوي
2. لما نروح أنا وشيخة الديرة للجمعية, ندفع ضعف المبلغ لأننا لا نلتزم بقائمة
3. يبعد عنك الملل من تكرار مشاوير روتينية وغير ممتعة
4. الخضراوات والفواكة الطازجة تكون متوفرة لما نكون بالشغل, ولما نروح بعد الشغل ما تلقه شي زين
5. لا تحس بالذنب برفض كوبونات سحبة الجوائز, خللي الدريول يمليها ويربحها

شكرا على ذكر تجربتك اخوي شيخ الديره بهالموضوع ..

بس بعد لما راعي البيت وراعيه البيت ايروحون للجمعيه ويشترون الاغراض يحسون بمتعه مابعدها متعه ..

بالتوفيق يالذيب .. :nice::nice:

[khalid Qtr]

اخوي حمد ..

لاحظت في الفترة الأخيرة أن البعض يدخل الجمعية وينادي واحد من العمال ويطلب منه يمشي معه وياخذ له الأغراض ، والحبيب حاط السماعة وبتكلم جوال ..

قمة الاتكالية ..!

[العلياا]

صدقتي المفروض احد من الوالدين يشتري الاغراض حتى لو الخادمه اترافقهم لمعرفه الاغراض الي تحتاجها مب مشكله ..

ممكن توضيح للنقطه الي معلم عليها باللون الاحمر .. مع الشكر ..

بالتوفيق ..

أقصد أنا ما اشوف انه عيب او مشكلة ان الخادمة او الدريول يروح يشتري اغراض البيت
مع ان تربيت في بيت ما عمره دخله دريول
كل امورنا نخلصها بروحنا اما معاملات وروح ودي سيارتي وماعرف شنو عندنا مناديب يقومون بهالشي

[حمد 2002]

اخوي حمد ..

لاحظت في الفترة الأخيرة أن البعض يدخل الجمعية وينادي واحد من العمال ويطلب منه يمشي معه وياخذ له الأغراض ، والحبيب حاط السماعة وبتكلم جوال ..

قمة الاتكالية ..!

صدقت والله ..

حتى انا ملاحظ هالشيء !!!

اشكرررك على الاضافه الجميله يابوليد .. :victory::victory:

[حمد 2002]

أقصد أنا ما اشوف انه عيب او مشكلة ان الخادمة او الدريول يروح يشتري اغراض البيت مع ان تربيت في بيت ما عمره دخله دريول
كل امورنا نخلصها بروحنا اما معاملات وروح ودي سيارتي وماعرف شنو عندنا مناديب يقومون بهالشي

الله يوفقكم ان شاء الله ..

ويظل رايج واحترمه

بالتوفيق ..

[وطن]

كيفهم فلوسهم ويصرفونها وين ما يبون


اذا الله ميسر لهم حد يخدمهم بفلوس
ليش ما يستفيدون من اللي متيسر لهم ؟

:)


للعلم
اروح الجمعية بروحي لأني احب اختار اغراضي بنفسي :tease:
ومعظم اموري اخلصها بنفسي لأني ما اثق اعتمد على حد

[وطن]

اخوي حمد ..

لاحظت في الفترة الأخيرة أن البعض يدخل الجمعية وينادي واحد من العمال ويطلب منه يمشي معه وياخذ له الأغراض ، والحبيب حاط السماعة وبتكلم جوال ..

قمة الاتكالية ..!

المفروض ادارة الجمعية تمنع هالشي
لأن العامل هو لمساعدة اللي ع الكاشير و لحمل الأغراض
مب يدز الجاري ويعبي للناس

الا اذا واحد مريض ومحتاج مساعدة هذا عذره معاه

[حمد 2002]

كيفهم فلوسهم ويصرفونها وين ما يبون


اذا الله ميسر لهم حد يخدمهم بفلوس
ليش ما يستفيدون من اللي متيسر لهم ؟

:)


للعلم
اروح الجمعية بروحي لأني احب اختار اغراضي بنفسي :tease:
ومعظم اموري اخلصها بنفسي لأني ما اثق اعتمد على حد

الفلوس تكون نقمه مب نعمه اذا تعود راعيها على الاتكاليه !! ...

واذا شردت الخدامه بعدين بيقعدون :app: ويصفرون !!!

........................................

اما بالنسبه للنقطه الثانيه بتعليقج حبيت اقولج بانج احسنتي التصرف والفعل :nice: ...

في اشياء وضروف صعبه بامكانا نتعتمد على الخدم والعمال والشركات حقت التخليص بس في امور بسيطه وضروفنا تسمح لا والف لا ومليار لا !!

بالتوفيق اختي وطن :victory:

[Super Cool]

سؤال يفرض نفسه

اشلون عرفت انها خدامة و ان اللي معاها دريول؟

[بونووف]

امس متكي فالبيت طرشت الدريول ياخذ لي اغراض

عادي ياخي حزات مالي بارض اطلع من البيت وفي اشياء ضروريه اطرش الدريول يروح يجيبها لي .. واعطيه فلوس ويجيب لي الفاتوره

[sweet qatar]

حرية شخصية

[كازانوفا]

بالفعل شفت هالمنظر كثيرر واللى يقهر لما تتصل الخدامه وتسالها ايش كاتبه ما فهمت خطك ومسكينه تصير تمشى بين الناس عشان يقرأ لها هههههههههههه بجد منظر غريب

[وحيد-الشوق]

حمد الله يرضى عليك انت شنو عاجبك في حياتنا ؟؟

[ضوى]

بصراحة انا رحت الجمعية مرتين ووديت الشغالة معاي ، علمتها شنهو اللي تاخذه للبيت واي نوعية واي علامة تجارية ، ومن عقبها هي تكتب اللسته واضيف اللي ابيه من اغراض شخصيه لي ولبناتي ، وتروح مع السايق ويجيبون الاغراض الشهرية والاسبوعية ، وبصراحة مرتاحة جدا مرتزة بالبيت مع عيالي وفاكة نفسي من العباله خلاص يحق لي ارتاح ، واتفق مع شيخ الديرة تماما في اسبابه

[عاشق العديد]

بالعكس حمد مافيها شي ..

الطباخ عندي دريول وزراع وكل شي ..
ومايبي حد يروح يشتري له اغراضه صكه بالبطاقه الزرقاء وخله يروح يشتري ويجيب لك الفاتوره مع الوصل مال الجمعيه ..
ويعطيك ذاك المجبوس الي يخليك تنقنقنق .. والامور طيبه واحنا بخير .. ولا ابشرك يروح الجمعيه بالباي سيكل ..

[ضوى]

صحيح ونسيت شي ثاني بعد ، زوجي معين لي واحد في البيت مهنته بس يخلص امورنا في البيت وخارج البيت سيارات رخص ايل بترول تواتكي الماي اي شي يخترب في البيت ، الله لا يخلينا من بو العيال مريحنا اخر راحة عسى الله يريحه دنيا واخرة ، والحمد لله اقلها متابعين عيالنا بمدارسهم واكلهم وشربهم واصحابهم وسوالفهم لانه في ناس قايمة بالامور الكمالية الاخرى

[يمامـة]

شوف يا حمد ،،


اشوف مافيها شي لو السايق عطيناه لستة الطلبات ويابها من الجمعية او الجبرة ( مال اول الجبرة )

وبالتالي مب بالضرورة في كل مرة الزوج والزوجة يروحون المجمعية ويشترون الاغراض

يعني شي جذيه وشي جذيه وشي جذاك ،،

[يمامـة]

صحيح ونسيت شي ثاني بعد ، زوجي معين لي واحد في البيت مهنته بس يخلص امورنا في البيت وخارج البيت سيارات رخص ايل بترول تواتكي الماي اي شي يخترب في البيت ، الله لا يخلينا من بو العيال مريحنا اخر راحة عسى الله يريحه دنيا واخرة ، والحمد لله اقلها متابعين عيالنا بمدارسهم واكلهم وشربهم واصحابهم وسوالفهم لانه في ناس قايمة بالامور الكمالية الاخرى

صدقتي ،،
قبل كنت اتعنى الجمعية في كل مرة ابي فيها اغراض

الحين خلاص يمكن بالكثير امرها في الشهر مرة ،، ومسكين الدريول
اييب كل شي ،، واذا سافر اربعة ما يسدون مكانه ،،

فالمهم ان الوحدة تستت في بيتها ومب مشكلة اتطرش الدريول ،،

[يمامـة]

حمد الله يرضى عليك انت شنو عاجبك في حياتنا ؟؟

ما اعتقد حمد يعيش حياة تختلف عن حياتنا ...> مستحيييل


بس الظاهر انه يحب يناقش كل الأمور وفي كل المواضيع :shy:

[qrt_trading]

بالنسبة لي استمتع بروحة الجمعية واللسته تتقسم 2 بيني وبين زوجي علشان انخلص بسرعه بس ساعات اذا كنت مريضه زوجي يأخذ الشغالة معاه ويخليها تأخذ الأغراض الناقصة.

[بوخالد911]

هلا

البعض والقلة من الرجال هم يرحوون للجمعيات للشراء
وعاادي هالشي

[غزلان]

اكثر من مره اشوف خدامات بيدهم ورقه يشترون اغراض البيت من الجمعيه وهالشي يرجع لأهل البيت يعني حريه شخصيه

[نفسي عزيزه]

يعتمد

[النهار]

ياخوي وانت في الجعيه يجي الواحد منهم وعنده ورقه مكتوبه بالعربي
وهو الله بالخير مايعرف يقراء
كل شويه ناط عند واحد هذي شنهو مكتوب هذي يارفيق مكتوب دجاج ساديا
وين يحصل هذي دجاج تعال معاي كم غرام يبي انا مايعرف صبر شويه كلم مدام
الو مدام السائق يبي يشتري دجاج ومايعرف الحجم المدام انت موظف الجمعيه اي انا موظف الجمعيه
نبي 1200 كرتون زين مدام .... شراء الدجاج واللسته طويله متهوق ممكن يساعد انا شويه انا عربي شويه شويه
اللسته طولها متر رفيق شوف نفر تاني انا مشغول الحين
لانه كل شويه داق على المعزبه لانه مايعرف الاحجام المطلوبه
هههههههههههههههههههههه

[Abdullah_89]

اعتقد اغراض الجمعيه المفروض المعزب او المعزبه يكونون موجودين مع الخادمه فالجمعيه حتى لو كانت المعزبة ماتدري شي عن اغراض المطبخ

شخصيا اعرف الكثير من الاهل يعتمدون على الخادمه في أغراض المطبخ لكن يكونون موجودين معاها فالجمعيه

اما سالفة الخبر والحليب والاغراض البسيطه اعتقد الواحد واهو راجع البيت يوقف عن أي سوبرماركت واهو قاعد فالسياره يقدر يشتري هالاغراض ماله داعي الاعتماد على السائق فهالموضوع

[عضو مشاكس]

من كل شي تتحندون

[غير البشر]

انا محد يروح الجمعيه غيري
الا اذا كنت مسافر :omen2: