جلد الطبلون !!

[ولد العديد]

جلد الطبلون ذاب من الشمس وين ممكن اغيره ماعليكم امر

ويكون شغله نظيف

[jassas]

محلات التنجيد ممكن يسوونه عندك الالماني مقابل حديقة الريان العامة أو يلو كاب سوق الفروسية مقابل حديقة اسباير

[QTR-1978]

شنو الموتر اذا كروزر بدل الطبلون انا بدلت حق 2007 ب 2000 ريال ولا ترقع فالموتر

[بـويوسف]

واذا فتك 4800
عيب من المصنع .. يتبدل ع الضمان .. بس ما اعرف كم ضمانه 5 او 6 سنين

[ولد العديد]

بويوسف صح كلامك 5 سنين والله ماكنت اعرف لين عرفت خلص الضمان خخخخخخ قلت ابدل على حسابي

[بـويوسف]

اطلب من الامارات ويكون طبلون 2008 وطالع

او ادخل ع مدير قطع الغيار في الصناعية .. وبيعطيك خصم ان شاء الله

حاول معاهم وان شاء الله ماراح يقصرون معاك يبدلون لك القطعه الي فوق بس

ولا تنجد الطبلون كامل لان عقب فترة يطير لونه او تطلع نفخات

[قرنقووش]

لمسة فن

[MoTeC]

اذا مثل ماقال واحد من الاخوان الموتر فتك روح الوكاله يبدلونه عالضمان
واعتقد الطبلون الجديد يجيك لونه شوي افتح من اللي راكب الحين على موترك ومايتنفخ

[فتك العديد]

اخوي طبلون الفتك يتبدل على الضمان حتى لو الموتر مخلص ضمانه لانه هاي عيب من المصنع وجايهم كتاب من المصنع بتغيير اي طابلون قديم والدفعه الجديده مافيها عيوب ومايتنفخ ويذوب وعندي واحد من الربع بدل طابلون فتك 2006 من فتره بسيطه وضمانه منتهي من زمان وماشي فوق ال 200 الف بعد ماقتله الموضوع وكلمهم
روح الصناعيه عند واحد اسمه رامي وقوله عن الطابلون وهو عارف المشكله هاي وترى في البدايه بيحاولون معاك انك تدفع فلوس بس انت خلك فاهم السالفه وقولهم انه عيب من المصنع وانه في ناس بدلوه على حساب الوكاله علشان مايدفعونك فلوس وفي اسوء الاحتمالات اذا كان موترك مديله قديم وايد بيدفعونك فلوس التركيب بس
للعلم انا مبدل عندهم طابلون حق سيارتين 2009 من قبل 3 سنين والحمدالله للحين مافيهم مشاكل

[Mzyoon Q6r]

عندي فتك للبيت فيه نفس المشكله بس ماجربت اروح الشركه واسألهم رحت للتايلندي للتنجيد اللي بالصناعيه ضرب علي السعر قالي ب 2000 وبالاخير 1800 وما بدلت ورحت الريان للتنجيد عند العبيدلي قالي يلبسون الطبلون جلد ب 1500 وياخذ يومين بس ماكان عندي وقت اسويه .