اخواني واخواتي الأعضاء ابي ارائكم في بناء مجلس

[MoTeC]

87706
هاي المساحه اللي متوفره في زاويه الحوش :weeping:
بعد الطبيله طبعا تبتدي بمدخل المجلس وعاليمين تكرمون يجي الحمام والمغاسل
بعدين باب يفصلهم وتدخل المجلس
الأبواب ملونه بالبرتقالي واللي باللون (الابيض) بس فريم بدون باب
والعنابي دريشه طبعا حذاها باب لجهة المطبخ
والأزرق الفاتح هذي طوفه ممكن اني الغيها واخلي مدخل المغاسل من داخل المجلس حذى المدخل اللي من جهة المطبخ
ف شرايكم انتوا والسقف بسويه كيربي ولا في احسن منه
ونبي تجاربكم وآرائكم بهالشي

ويعطيكم العافيه مقدماً :victory:

[MoTeC]

:eek5: يعطيهم العافيه اللي مروا

[Chambray]

هلا اخوي

اتصل في الدوحة كويك سبان

عندهم كويك سبان افضل من الكيربي بمراحل

ايضاً عندهم نوع يدخل الضوء وعليه ضمان 10 سنوات

لكن انا مافهمت انت ايش الي تبيه بالضبط

هل المجلس موجود ؟ ام انك تريد تصميم واستشارة للمجلس ؟؟

ام انك تريد توسعه المجلس

او فقط تضليل حوش المجلس

[MoTeC]

مشكور عالرد ههههه :tease:
لا مش موجود وابي ابني مجلس+ابي استشارتكم :shy:
وهذا التصميم انا قعدت اقلب فبرنامج الرسام وحطيته هل هو اوكيه ولا يبيله تعديل
والسقف شلون اخليهم يسوونه صب ولا الكيربي بيكون كافي (مع العوازل طبعاً )
واللي قالي بيسوي هذا كله بيكلفني 30الف من بناء وسقف و توصيلات كهربا+ماي و وانتوا بكرامه توصيلات مجاري والصبغ عليه داخل وبرى
واللي علي تركيب البيبان + تشطيب الحمام والمغاسل

[w.qatar]

مب كان مساحه المجلس صغيره حاول تعرض شوي 3.6 ضيق

[MoTeC]

:weeping: هذا اللي متوفر مثل ماقلت فأول الموضوع وماقدر ازيد

[معماري قطري]

الله يوفقك في بنيانه وإِن شاء الله يكون مجلس عامر

مساحته معقولة وتقدر تجهزه تجهيز جيد وتأَثيث مناسب .. وأَوقات حلو يكون المجلس صغير والجلسة ملمومة .. كان من فترة موضوع لأَحد الإِخوان يبي منزل تراثي وكانت فيه اقتراحات وأَفكار كثيرة تقدر تشوفها لو حبيت.

[MoTeC]

الله يجزاك خير اخوي معماري واللهم امين
اما التأثيث شكلي بخليه بسيط
وموضوع الاخ اي مريت عليه اعتقد كان يبي مجلس تراثي
اعتقد انا بميل للبساطه فالأثاث مثل جلسه وتلفزيون وانتهى ههههه

[معماري قطري]

الله يجزاك خير اخوي معماري واللهم امين
اما التأثيث شكلي بخليه بسيط
وموضوع الاخ اي مريت عليه اعتقد كان يبي مجلس تراثي
اعتقد انا بميل للبساطه فالأثاث مثل جلسه وتلفزيون وانتهى ههههه

بما إِن العرض عندك 3.6 تقدر تسويه بسهولة طابوق بدون عمدان خرسانة وبأَساسات طابوق بالعرض .. يعني طريقة البنيان القديمة .. بس شوف ناس فنانين في بنيان الطابوق وفوق خله يسوي طوق خرسانة ويشبك معاه خشب مربع عادي وفوقه يحط بلايوود الأَسود المقاوم للماء .. إِسمه مارين بلايوود .. هذا بيكون أَحسن من الحديد ولا الكي سبان .. وتسوي فوقه عزل بأَي طريقة ولو تبي بعد ديكور من الخشب لمرازيب ماء المطر أَي نجار يسويها لك بسهولة وبتحصل أَشكالها معروفة وتقدر تشوفها زرقا فاتحة في سوق واقف .. والوارش سوه بعد جزء من الخشب المصبوغ أَزرق فاتح .. وداخل شوف لو تعدل على المغسلة والحمام ولو تقدر تضيف لهم مطبخ صغير لعمل الشاي والقهوة وتعزل هذي المنطقة في جهة بيكون أَحسن .. لأَن عندك طول مناسب في الأَرض .. الإِرتفاع للسقف خله 3.5 متر وخل الدرايش تجي ضيقة ومرتفعة وفي آخرها الزجاج الملون .. ممكن لو حبيت تضيف صفين طوب زجاجي بين الطابوق في الحائط لتكون بديل عن سكايلايت وحسب اتجاه الشمس ضيف للواجهات الثانية .. بتكون خليت المجلس شرح ومنور بأَنوار حلوة ومريح.

باطرش لك خاص رقم مقاول يقدر يسوي هالشغلة بسهولة بس ان شاء الله يكون فاضي .. وانتبه لمسئلة الكهرب اللي ما اظن تحتاج وايد مكيف طنين كفاية.