لماذا لا يتم توزيع اراضي زراعيه على المواطنين ؟!!

[عبدالعزيز 9]

السلام عليكم ورحمه الله وبركاته

لماذا لا يتم توزيع اراضي زراعيه على المواطنين ؟!!

للاعتماد على الانتاج القومي ! ورخص اسعار الانتاج المحلي

[alsoq]

يقلون لك ما فيه مخزون مائي هذي حجتهم:)

لو تسلم اراضي للمواطنين يزرع فيها ترا الشمال ارضها طيبه كل شي يطلع فيها

ويعطون كل شخص مهله كم سنة تشوفه الجهات المختصه واذا ما انتج تسحب الارض منه وتعطى لمن هو اجدر

كان شفت اكتفا ذاتي في الخضار وغيره

[عبدالعزيز 9]

اقتراح حلو ان الي مايستغل الارض صح تنسحب منه وماشاء الله منطقه الشمال كبيره واراضي طيبه ومحتاجين مراعي عشان نحقق الاكتفاء الذاتي من غير الرجوع للدول المجاوره

[alsoq]

عبد العزيز

انا كنت شغال في دخان في الثمانينات

والله العظيم شفت زارع عنب وهنود والاجانب يجيبون بذور فواكة ويزرعونا اشياء بعضها اشوفه اول مره

يعني فيه اراضي قابله لازراعة في قطر بالذات الشمال

بس عندنا دعم ميت للزراعة

[عبدالعزيز 9]

عبد العزيز

انا كنت شغال في دخان في الثمانينات

والله العظيم شفت زارع عنب وهنود والاجانب يجيبون بذور فواكة ويزرعونا اشياء بعضها اشوفه اول مره

يعني فيه اراضي قابله لازراعة في قطر بالذات الشمال

بس عندنا دعم ميت للزراعة


الدعم ميت في الزراعه والصناعه !!

[BIG-VEGA]

فعلا ليش

الوضع الحالي يقول ممكن ننغدر من اقرب الناس

ليش ماتتوزع اراضي وتكون مملوكه للدوله تتاجر على الاقل للمواطنيين ...
اراضي حق زراعه ... حق دواجن ... حق ابقار وحليب وغيره

الاراضي موجوده وميته محد مستغلها
والفلوس حدث ولا حرج
والناس موجودين وجاهزين حق هاي المشاريع وممكن الدوله تراقب وتحدد الجوده
والماي موجود ...ماجات على انشاء محطات تحليه زياده

المواطن بس محتاج ارض وشويه دعم ... ووايد مواطنين بس محتاجين ارض مايبون فلوس

مثل ماخصصت اراضي للعزب .. اخصص اراضي للزراعه او غيره .. وتتاجر لمده مثلا 10 او 20 سنه

كلش مافيه شي يمنع
نبي اكتفاء ذاتي
مانبي منه من حد ولا تبعيه

[حمد بن سعد]

ليش اهو بقى مكان

[alsoq]

ليش اهو بقى مكان

شوف اخوي حمد
اراضي العزب اللي توزع مو احسن توزع اراضي زراعيه الرعي وممنوع ايش بيحط في العزبه
الحمدلله الاراضي موجود بمساحات كبيره وناس والمستثمرين عندهم استعداد يشتغلون

بس وين دعم

[المحقق كونان]

اقتراح ممتاز

والي ماينتج تنسحب منه الارض

انا مستعد .. بس وين الارض ؟؟!!

[Gentleman]

السلام عليكم ورحمه الله وبركاته

لماذا لا يتم توزيع اراضي زراعيه على المواطنين ؟!!

للاعتماد على الانتاج القومي ! ورخص اسعار الانتاج المحلي

خلهم يوزعون أراضي سكنية أول بعدين نتكلم عن الأراضي الزراعية!

[سعادة الوزير]

زروع 3 او 4 اشخاص في قطر تكفي للانتاج المحلي وللتصدير ايضاُ!!!

[w.qatar]

اتمنى يتبنون مثل هذي المشاريع شكثر ناس يبون بس عدم وجود الاراضي عائق كبير

شوفوا الامارات كل الشعب ينتفع بارض زراعيه و ينتجون كل شي خضار وبعض الفواكه و بيض و حتى الحلال و الحليب و اللبن
متوفر

[R 7 A L]

وبعد التوزيع نرى بيوت مبنيه فيها ومجالس
وحوط
مثل مجمعات العزب

[المحاميه]

لو كل مواطن وله ارض زراعيه انزين وبعدين ش بنستفيد
ممكن توضح؟

يعني بتقنعني ان الكل مثالي وبيستغلها احسن استغلال وبيساهم في ازدهار قطر من ورا هالارض؟

[طرف محايد]

الفكرة رائعة اخوي عبد العزيز


المهم في كل مشروع آلية التنفيذ

حتى لا يفشل المشروع من بدايته


ليش ما تناقشون آلية التنفيذ

[عيسى111]

الدول الكبرى مانعة علينا الصناعة والزراعة إلا بعض الأشياء الزراعية والصناعية اللي تتماشا مع مصادر الإنتاج ونوع الزراعة المناسبة لطبيعة الأرض

والسبب هو التبادل التجاري بين البلدان

[qatara]

الواجب تسحب كل العزب الا المنتجه لان اغلبها اصبح مرتع لامور سئيه
ومكانها يتم تخصيص اراضي زراعيه ودوااجن واغنام ولو للمنتجات البسيطه
اقلها للاكتفاء الذاتي

[عبدالعزيز 9]

لو كل مواطن وله ارض زراعيه انزين وبعدين ش بنستفيد
ممكن توضح؟

يعني بتقنعني ان الكل مثالي وبيستغلها احسن استغلال وبيساهم في ازدهار قطر من ورا هالارض؟


اذا ما استغلها صح ضمن الشروط تنسحب منه الارض

[عبدالعزيز 9]

الفكرة رائعة اخوي عبد العزيز


المهم في كل مشروع آلية التنفيذ





حتى لا يفشل المشروع من بدايته


ليش ما تناقشون آلية التنفيذ


محتاجين حد يوصل صوتنا للجهات المختصه على الاقل نحقق الاكتفاء الذاتي من غير تصدير او استيراد !

[وطن]

جاااان زين


هذه احد أحلامي

[تغلبية]

الدول الكبرى مانعة علينا الصناعة والزراعة إلا بعض الأشياء الزراعية والصناعية اللي تتماشا مع مصادر الإنتاج ونوع الزراعة المناسبة لطبيعة الأرض

والسبب هو التبادل التجاري بين البلدان


بالغت أخوي عيسى ..

الزراعة في قطر ما وصلت الى المستوى اللي يهدد مصالح اي دولة

سواء بالانتاج او الاستيراد


المشكلة ان الى الان نسب الاكتفاء الذاتي ما ارتفعت اذا قلنا الزراعة تحتوي على

زراعة المحاصيل(حبوب-خضار-فواكه اعلاف) + انتاج سمكي+انتاج حيواني (مواشي+دجاج وبيض+البان ومنتجاتها)

للحين القطاع الخاص ماخذ دوره المتكامل في الانتاج

مادري شالاسباب ؟؟!!1

شكلنا بايخ واحنا نستورد وما نأمن أكلنا بنفسنا :(

[دنيا الاسهم]

اوافق جدا ياليت يتم توزيع اراضي زراعية لاي للمواطن الجاد للزراعة ولاكتفاء الذاتي بدل المنة من المجتمع الخارجي
انا مستعدة ازرعها واصرف عللى الارض الزراعية مابي ولا ريال بس تتوفر الارض وانا بازرعها
اتمنى من المسؤولين توفير ارض لي
واللي طلب ارض و ما يزرعها خلال 3الى 6 شهور يتم سحب الارض
والارض تكون في مكان تخصصة الحكومة ،، والبلاد ولله الحمد غنية الا ان ينقصها التنمية سواء في الثروة الحيوانية او الزراعية ،،
خاصة في وقت الازمات تبين النواقص والحاجة الماسة للمواد الاساسية

[بوخالد911]

ليش لا

والله المفق

[hanayen]

والله الفكرة اكثر من رائعه الوالده عندها ولع في الزراعة زارعه في حديقه بيتنا أشياء محد يعتقد ان ممكن تنزرع في الدوحة وايد تحب زرعها واعتقد ان لو حد يصقل إبداعات الناس اللي تحب الزراعة بنكون دوله منتجه وممكن مصدره

[hanayen]

ارضنا ممكن زراعه كل شي فيها ليمون تين توت طماطم باذنجان مانجو كنار لوز بقدونس كزبره نعناع مولوخيه خيار ملفوف بطاطا جزر
كل ما تتخيلونه وتحتاجونه في البيت يوميا

[مختلفة عقليا]

الواجب تسحب كل العزب الا المنتجه لان اغلبها اصبح مرتع لامور سئيه
ومكانها يتم تخصيص اراضي زراعيه ودوااجن واغنام ولو للمنتجات البسيطه
اقلها للاكتفاء الذاتي

السلام عليكم ,’

انا معاك في هالشي ., بس اشلون بتسحب الارض ؟؟ ما تقدر

انا مع الفكره ., وماله خص التبادل التجاري بين الدول ., لان مهما زرعنا في اشياء لازم نستوردها .,

ويسلموو .,

[حسن]

اراضينا ماتصلح للزراعه في الكثير منها

وبعدين عندك شح المياه الجوفيه

ولكن هناك مزارع متطوره وتستخدم التكنولوجيا الحديثه فيها يعني الزراعه الافقيه والعاموديه وهناك زراعه في كونتينرات
واستخدام المياه من قبل الهواء عمليه تولي الماء من الهواء

بس الله العالم كم تكلفته هذه الاجهزه

انا اشجع بتلك الزرارعات لسد حاجات البلد باستخدام طرق متطوره

[BIG-VEGA]

ياحب البعض حق تكسير المجاديف :looking:

اذا على الاستغلال السيء للاراضي ... حط قوانين ومراقبه
اذا على الماي ... محطه جديده للتحليه ماعتقد بتخرب ميزانيه الدوله
اذا على التربه ... الحين التربه تنشرى من اوربا وغيرها حق مشاتل مب كل الارض
واذا على السماد ... عندنا من احسن المصانع الاسمده الكيميائيه

واذا الزراعه معقدتكم وايد:rolleyes2:
الدياي
الي هو الدجاج :)
شفيه الدياي:shy:

للي يعرف وجرب تربيه الدياي
مساحه عزبه الي يوزعونها ... لو خصصوها حق الدياي
كم تتوقعون الناتج :confused:
اذا في حوش بيت وعندك مكينه تفريخ ... من كثر الدياي تتوهق فيهم وتبيعهم او توزعهم


الموضوع مافيه خساره ان شاء الله ... بس محتاج تفائل وجهد ودعم

[اناقه]

و يا حبذا لو تكون للمتقاعدين منها تسلية لهم و دخل في نفس الوقت يساعد راتب التقاعد اللي اغلبة يروح على معاش خدامة و دريول و التزامات بنكية

الله يكون في عون شيابنا

[hanayen]

اخوي حسن اراضينا صالحه وكل اللي ذكرته أمي تزرعه في حديقه البيت والله ان في المواسم أمي توزع على الأهل كلهم الليمون والباذنجان ما يكفي عشرين بيت وغيره الكثير الارض يبيلها عنايه واهتمام

[بطران متملل]

خل نحصل سكنيه اول

[Right]

الجواب: لأن ليس لديهم واسطة !!

[qatara]

اراضينا ماتصلح للزراعه في الكثير منها

وبعدين عندك شح المياه الجوفيه

ولكن هناك مزارع متطوره وتستخدم التكنولوجيا الحديثه فيها يعني الزراعه الافقيه والعاموديه وهناك زراعه في كونتينرات
واستخدام المياه من قبل الهواء عمليه تولي الماء من الهواء

بس الله العالم كم تكلفته هذه الاجهزه

انا اشجع بتلك الزرارعات لسد حاجات البلد باستخدام طرق متطوره

دحول وبحر من المياه الحلوه والخريج تحت قطر وتقولي شح مياه

واذا كان على نسبة الملوحه فالحل موجود

ايجاد محطة تحليه توزع على هذه المزارع بدال هلملاعب الي راحت
فيها المليارات ما وراها فايده واسمنت وطابوق اكلت اراضي شاسعه
ولا منها فائده لاهي صناعيه و لاسكنيه ولا زراعيه
وصرف وخساره و صيانه ووو