اكبر غلط تشطب عند الشركات

[العملة النادرة]

السلام عليكم ورحمه الله وبركاته

طبعا ما سمع زوجي نصيحه اغلب الناس بالتشطيب بروحه وهذي النتيجه البيت واقف من اكثر من شهر والفلوس طارت
نصايحكم لاكمال الباقي

اول شي طبعا احنا العظم تم عند شركه وبعدها تم التعاقد مع شركه اخرى للتشطيب على اساس 6 اشهر من شهر خمسه 2013 يعني المفروض البيت يتسلم لنا في شهر ديسمبر 2013 ولي يومكم البيت واقف وجزء من المبلغ ضاع

حاليا شنو لازم نسوي نبي نصايحكم

اول شي تم انجاز الاتى من التشطيبات ( العوازل وجزء من السباكه والكهرباء وسيراميك الحمامات والجبس وحجر الواجهه ) بعدها اخبرنا المالك الاصلي لشركه ان المهندس المصري سافر وان الشركه ما تقدر تكمل لنا البيت فراح يتم عمل محاسبة للمنزل وارجاع جزء من الدفعه الي تم استلامها الي اهيه كانت للمطابخ والشبابيك

المهم حاليا قرر زوجي انه يكمل البيت تشطيب بروحه انزين شنو الخطوات الي لازم نسويها شلون نكمل بالترتيب
علما ان المالك الاصلي وهو القطري راف بحالنا وقال الشبابيك راح نكملها لكم بحكم ان المصري مسوي لنا اوردر وبعد 20 يوم بتجهز فقولو الدرايش اوكي
انزين شلون باقي الترتيب
يعني ايش الخطوات الي بقت في احد يعرف رقم فورمان وحارس يمسك لنا البيت
بعدين شلون الخطوات للتكمله متى نشتري المطابخ والرخام والبيبان الدرج ومتى نركب طقم الحمام والارضيه الخارجيه يعني لو تكملون لي الترتيب البيت وابي ارقام عمال لتركيب ...

ولكم جزيل الشكر

[عاشق الشهادة]

وعليكم السلام ورحمه الله وبركاته



اتمنى اني اقدر اساعدكم قدر استطاعتي,
طرشي لي رقم زوجج على الخاص .

[Bozizoo]

اختي تبين رقم فورمن امين يكملك الشغل
ترى الموضوع محتاج ترتيب و تنضيم و الي باقي لك شي مايذكر ..
واذا تبين اشوف بنفسي شنو الي باقي انا مستعد و بدون مقابل

[رذاذ]

لا يكمل ويرفع قضية عليه بموجب العقد . ويدفعه ثمن التاخير . من الى . وياخد ورقه من المكتب الاستشاري بمراحل البناء .

اتمنى ترجعين للاستشاري وياليت احد يفدج اكثر مني

[معماري قطري]

السلام عليكم ورحمه الله وبركاته

طبعا ما سمع زوجي نصيحه اغلب الناس بالتشطيب بروحه وهذي النتيجه البيت واقف من اكثر من شهر والفلوس طارت

زوجج ما قصر سوى نص الصح .. الباقي كان يتأَكد من إِن المقاول زين ويسوي عقد كامل .. ومحد يدفع فلوس كاملة لازم دفعات وحسب اللي يكمل من الشغل .. مشكلة المقاولين اللي حتة حتة كلٍ يخرب على الثاني وكل واحد يشتكي إِن شغل اللي قبله غلط والمشكلة الشكوى تجي بعد بداية الشغل وأَخذ الفلوس .. وأَكثر اللي يخطون أَخطاء قوية يحطون اللوم على مقاول قبلهم مع انهم في البداية يقولون كل شيء زين .. عندنا مثل يقول الطبخة إِن كثروا طباخينها اختربت.


نصايحكم لاكمال الباقي

اول شي طبعا احنا العظم تم عند شركه وبعدها تم التعاقد مع شركه اخرى للتشطيب على اساس 6 اشهر من شهر خمسه 2013 يعني المفروض البيت يتسلم لنا في شهر ديسمبر 2013 ولي يومكم البيت واقف وجزء من المبلغ ضاع

ما يضيع شيء إِن شاء الله إِذا فيه عقود وشركة قائمة وايصالات تتحاسب الشركة مب واحد من المهندسين وسافر.

حاليا شنو لازم نسوي نبي نصايحكم

اول شي تم انجاز الاتى من التشطيبات ( العوازل وجزء من السباكه والكهرباء وسيراميك الحمامات والجبس وحجر الواجهه ) بعدها اخبرنا المالك الاصلي لشركه ان المهندس المصري سافر وان الشركه ما تقدر تكمل لنا البيت فراح يتم عمل محاسبة للمنزل وارجاع جزء من الدفعه الي تم استلامها الي اهيه كانت للمطابخ والشبابيك

المهم حاليا قرر زوجي انه يكمل البيت تشطيب بروحه انزين شنو الخطوات الي لازم نسويها شلون نكمل بالترتيب
علما ان المالك الاصلي وهو القطري راف بحالنا وقال الشبابيك راح نكملها لكم بحكم ان المصري مسوي لنا اوردر وبعد 20 يوم بتجهز فقولو الدرايش اوكي
انزين شلون باقي الترتيب
يعني ايش الخطوات الي بقت في احد يعرف رقم فورمان وحارس يمسك لنا البيت
بعدين شلون الخطوات للتكمله متى نشتري المطابخ والرخام والبيبان الدرج ومتى نركب طقم الحمام والارضيه الخارجيه يعني لو تكملون لي الترتيب البيت وابي ارقام عمال لتركيب ...

ولكم جزيل الشكر

إِختي لو بتتفقون مع 4 مقاولين فرضاً ولو واحد منهم وفر حارس أَو كل واحد وفر حارس لشغله .. بعد بتضيع الحسبة .. المفروض يكون أَي إِتفاق مع شركة وقادرة تسوي على الأَقل شغلتين سباكة وكهرباء وشركة ثانية تسوي باقي الشغل من صرف صحي وتبليط وغيره ولو باقي بناء وتتعاون مع الشركة اللي تسوي الكهربه والسباكة .. بس كل هذي الشغلات أَما تحت إِشراف فورمان مختص ويكون دوم متواجد ومتابع .. والعقود مهم تكون تحت إِشراف ومتابعة مكتب استشاري وهو ينظم الشغل مع الفورمان ومع باقي المقاولين وعمالهم .. أَو بالطريقة العادية الإِستشاري ينظم العقود وينسق شغل المقاولين ويشرف على كل شيء خطوة خطوة وكل مقاول له فورمان وعمال يشتغلون تحت توجيه الاستشاري.

في الحالة الأُولى ممكن الفورمان والحارس يكونون عليكم، والشركات حتى ممكن يكونون عمال أَو شركات ضعيفة، والإِستشاري ممكن يكون يشرف إِشراف خفيف وكل شيء يكون في الفورمان والمالك طبعاً .. في الحالة الثانية المقاولين شركات معتمدة وعقود تحت اشراف الاستشاري ومواصفات دقيقة ومتابعة أَكثر وتنسيق شغل وممكن حتى مقاول واحد يسوي الشغل كله.

في هذا حسيت بحماس الكثيرين من أَهل قطر المستعدين للمساعدة، والله يرزق كل مقاول يدور الرزق الحلال أَضعاف مضاعفة .. والله يوفقكم في بنيانكم.