كسر روتين المجمعات . . . . . . .

[جرير]

السلام عليكم

مساكم الله بالخير جميع


طبعا قبل يومين مشيت على الكورنيش تقريبا مسافه اربعه كيلو ( انجاز لم يتحقق من كم سنه )

المهم نرجع لموضوعنا

فيه ظاهره مادري اذا حد ملاحظها غيري


سواء كان الجو حلو او حر او رطوبه او الجو رومانسي او او او او

الاحظ ندره خروج العوائل القطريه

صعب وانت مار على الكونيش تلاقي عائله قطريه مع رب الاسره طبعا يتعشون او جالسين على شكل جلسه عائليه

بقصد كسر الروتين الممل من المجمعات ونفقاتها الزايده

طبعا البعض راح يقول فيه عوائل محافظه (((( ليش الناس بتاكل عايلتك او بيتعرضون لها او يمكن طالع بشكل ملفت او بشكل اخر ))))

طبعا طلعه هاديه ويا كثر الاماكن الخضراء في الدوله سواء صوب المتحف وعندك الكورنيش بطول 4 كيلو

وعندك صوب المتحف الاسلامي وحدث ولا حرج عن الاماكن اللي موفرتها الدوله مشكوره

بس لازال لدى البعض نظره . . . . هل هو مجرد هروب الزوج وعدم تفرغه لقضاء اوقات ممتعه مع العائله

ووجود السائق له دور كبير . . . . يعني نادر تلاقي حد يطلع مع عايلته الا في ما ندر . . . الله يخلي السواقين

والبعض بيقول هذ الاجانب اللي يروحون هناك . . . . اوكيه في اجانب وفيه عرب وناس اشكال والوان

وناس محافظه وناس مستمتعه بوقتها . . . . ليش اذا الواحد حصل له وقت فراغ مع عايلته ضروري يقطع

تذكره وعلى طول اقرب سفره حتى لو يوم واحد . . . .

بالنسبه لي قبل فتره خذت عشاء ورحت صوب المتحف الاسلامي مع العيال وامهم

وعشاء وطلعه لين الحين تمر على البال وطبعا تكررت في اماكن اخرى والله ولا حد حولك طبعا هذا

هذا اذا صادفت قطو يمر عليك بالغلط

للناس اللي عندهم نظره استحياء او فاهمه الطلعه بمعنى لازم يطلع يتغدا او يتعشى في احدى المجمعات

ولازم يكون راجع ب 20 كيس

اذكر من زمان كانت العوايل تطلع بس الحين اختفت هالظاهره فيه ناس بتقولك مشاغل الحياه

يعني الناس الثانيه ما عندها مشاغل والا ماعندها وقت حق اسرها


دعوه لكسر روتين المجمعات

وتداخل الاب في عمق الاسره

[بانغ بانغ]

طال عمرك بسبب المتطفلين والمزعجين

[ضوى]

بالعكس انا استمتع بالطلعة للاماكن المفتوحة وزوجي يلح وايد عشان يطلعنا للكورنيش او اسباير او حديقة المتحف ، بس احس مافي وقت ووقتنا يضيع بالطريق ، بس الحين ماشاء الله الجو جميل وحلوة القعدات في هالاماكن ،

[طلعة الروح]

المفروض ان الناس تطلع وتتمشى بس يمكن من ندرة القطريين ، صعبه تلاحظهم مقارنة مع الاجانب الموجودين في هالأماكن..

[مختلفة عقليا]

السلام عليكم .,

احنا كل جمعه اتكون طلعه عائليه ., ايام انروح حديقة المتحف ., تو كوفي المتحف ^^

بس اغلب الناس ما يروحون ., وهاي غلط طبعا ., يقولك كله اجانب .,

زين والاجانب ناس ,’ ومستفيدين من هالاماكن احسن منا بعد .,

ويسلموو ,’

[الخيالة]

عادي دوم نروح ونقضي احلي الاوقات مع الاهل شعلي من الناس شدخلني في اللي موجودين احنا نقعد مع بعض نسولف ناكل عادي

[Super Cool]

بالنسبة لي حاولت آخذ هالخطوة كم مرة مع المره و كل مرة تتكسر رغبتي على حائط قلة المواقف

و بعد ما اتم فالزحمة نص ساعة و أدور موقف نص ساعة أفقد الأمل و آخرتها أروح كاتارا و الا سوق واقف

[قطريه22]

مشكلة الكورنيش وايد قريب من الشارع والي بيقعد على الحشيش الي في الشارع كلهم يشوفونه

الناس توجهت لسباير وحديقة المتحف لكبر المساحه فيها الكورنيش للرياضه والمشي حلو

[المحاميه]

لاحظت هالشي اخوي
وسبق تطرقت لهالنقطه
وقلت ان مجتمعنا قاعد يندثر لانه يسحب نفسه من الاماكن ومن الفعاليات الخ
صحيح الحين صعب تحصل عائله قطريه في اي مكان سواء حديقه ولا كورنيش ولا مجمع ولا سوق الخ

الاجانب لهم نصيب الاسد
واحنا قاعدين ف بيوتنا
مادري متى بنطلع من القوقعه اللي احنا عايشين فيها

[المحاميه]

السلام عليكم .,

احنا كل جمعه اتكون طلعه عائليه ., ايام انروح حديقة المتحف ., تو كوفي المتحف ^^

بس اغلب الناس ما يروحون ., وهاي غلط طبعا ., يقولك كله اجانب .,

زين والاجانب ناس ,’ ومستفيدين من هالاماكن احسن منا بعد .,

ويسلموو ,’

ايه والله صاجه
دوم يقولون يه من صجج كله اجانب او كله بوفلان..

انزين وشنو يعني مانعيش مثل الناس لان الموجودين اجانب؟ .. واذا انقلبت الايه وصار المكان كله قطريين بيقولون لا عيب وين نروح والعالم يعرفونا وبيقعدون يطالعونا وهالشي منقود.. :weeping:

ماذا تريد ايها الشعب القطري :secret:

[طلعة الروح]

لاحظت هالشي اخوي
وسبق تطرقت لهالنقطه
وقلت ان مجتمعنا قاعد يندثر لانه يسحب نفسه من الاماكن ومن الفعاليات الخ
صحيح الحين صعب تحصل عائله قطريه في اي مكان سواء حديقه ولا كورنيش ولا مجمع ولا سوق الخ

الاجانب لهم نصيب الاسد
واحنا قاعدين ف بيوتنا
مادري متى بنطلع من القوقعه اللي احنا عايشين فيها

أذكر انج تطرقتي للمسألة في اليوم الرياضي للدولة واتفق معاج ان اللي صاير عادات مجتمعيه بحته ، وقلة اعداد المواطنين تلعب دور ايضا مقارنة بنسبة الاجانب

[جرير]

طال عمرك بسبب المتطفلين والمزعجين


بالعكس انا ما شوف المزعجين موجودين في هالاماكن




بالعكس انا استمتع بالطلعة للاماكن المفتوحة وزوجي يلح وايد عشان يطلعنا للكورنيش او اسباير او حديقة المتحف ، بس احس مافي وقت ووقتنا يضيع بالطريق ، بس الحين ماشاء الله الجو جميل وحلوة القعدات في هالاماكن ،


اصلاا ما عندنا الا الجو في هالاوقات وبعدها صيف وحر ورطوبه . . . ويقعد الواحد يتندم على الاجواء اللي ما طلع وبدل جو فيها






المفروض ان الناس تطلع وتتمشى بس يمكن من ندرة القطريين ، صعبه تلاحظهم مقارنة مع الاجانب الموجودين في هالأماكن..



بالعكس ما شوف الا ندره في اعدادا القطريين . . . صارت عند البعض ثقافه ان هالاماكن للاجانب





السلام عليكم .,

احنا كل جمعه اتكون طلعه عائليه ., ايام انروح حديقة المتحف ., تو كوفي المتحف ^^

بس اغلب الناس ما يروحون ., وهاي غلط طبعا ., يقولك كله اجانب .,

زين والاجانب ناس ,’ ومستفيدين من هالاماكن احسن منا بعد .,

ويسلموو ,’



الدوله صارفه مليارات الريالات على تطوير هالاماكن . . . وفعلا علينا استغلال بعض الاقات فيها للهروب من روتين المجمعات الممل






عادي دوم نروح ونقضي احلي الاوقات مع الاهل شعلي من الناس شدخلني في اللي موجودين احنا نقعد مع بعض نسولف ناكل عادي




اهم شي قضاء الاوقات الحلوه لانها فرصه ما تتعوض . . . بالذات مع زحمه الاشغال وكثره المشاغل وتغيير جو مع الاهل







بالنسبة لي حاولت آخذ هالخطوة كم مرة مع المره و كل مرة تتكسر رغبتي على حائط قلة المواقف

و بعد ما اتم فالزحمة نص ساعة و أدور موقف نص ساعة أفقد الأمل و آخرتها أروح كاتارا و الا سوق واقف



فعلا ندره المواقف وقله وجودها والازدحام اللي صاير يحرم الواحد من التواجد في هالاماكن . . . .

فيضطر البعض لتغيير الواجهه . . . الى اماكن اخرى






مشكلة الكورنيش وايد قريب من الشارع والي بيقعد على الحشيش الي في الشارع كلهم يشوفونه

الناس توجهت لسباير وحديقة المتحف لكبر المساحه فيها الكورنيش للرياضه والمشي حلو


سباير مع اني ما رحتها . . . بس اشوف ناس وايد تتكلم عنها




لاحظت هالشي اخوي
وسبق تطرقت لهالنقطه
وقلت ان مجتمعنا قاعد يندثر لانه يسحب نفسه من الاماكن ومن الفعاليات الخ
صحيح الحين صعب تحصل عائله قطريه في اي مكان سواء حديقه ولا كورنيش ولا مجمع ولا سوق الخ

الاجانب لهم نصيب الاسد
واحنا قاعدين ف بيوتنا
مادري متى بنطلع من القوقعه اللي احنا عايشين فيها


القوقعه . . .


كلامج صح فعلا مع اني اشوف الشي اقل من عادي اذا رحت هالاماكن بس المشكله الناس تتاثر بناس ثانيه

وتحب تعطي سلبيه وتاثر على غيرها








ايه والله صاجه
دوم يقولون يه من صجج كله اجانب او كله بوفلان..

انزين وشنو يعني مانعيش مثل الناس لان الموجودين اجانب؟ .. واذا انقلبت الايه وصار المكان كله قطريين بيقولون لا عيب وين نروح والعالم يعرفونا وبيقعدون يطالعونا وهالشي منقود.. :weeping:

ماذا تريد ايها الشعب القطري :secret:


يريد كرك و جباتي







أذكر انج تطرقتي للمسألة في اليوم الرياضي للدولة واتفق معاج ان اللي صاير عادات مجتمعيه بحته ، وقلة اعداد المواطنين تلعب دور ايضا مقارنة بنسبة الاجانب


اذكر فعلا تفاعل العرب والاجانب في ذاك اليوم كان اكثر من القطريين

وكانت المشاركه مقتصره على المسؤلين فقط ولاحظنا قله العامه في المشاركه والاحساس بقيمه اليوم الرياضي

[قنديلة]

اللي بيعيش تحت اضواء اراء الناس ما بيعيش حياته الحقيقية وبتمضي رحلة عمره هباء

عيشوا حياتكم وغيروا جو على اهلكم فخيركم خيركم لاهله ، في ضوء الحشمة والدين