الداخلية: دخول مواطني «التعاون» بالبطاقة أو الجواز

[رجل الجزيرة]

الداخلية: دخول مواطني «التعاون» بالبطاقة أو الجواز


http://raya.com/File/GetImageCustom/0b06df7a-4df4-4ecc-b116-edd004ac0ab0/316/235

الدوحة - الراية :

أعلنت وزارة الداخلية أن سياسة قطر لم تتغير تجاه مواطني دول مجلس التعاون الخليجي، بعد سحب كل من المملكة العربية السعودية والإمارات والبحرين سفراءها من الدوحة، مبينة أنه مازال بإمكان مواطني كل دول المجلس الدخول إلى البلاد باستخدام البطاقة الشخصية أو جواز السفر.

وكتبت الوزارة في حسابها على تويتر : «قطر ترحب بالأشقاء مواطني مجلس التعاون الخليجي عبر منافذها المختلفة من خلال استخدام الوثائق الثبوتية : البطاقة الشخصية أو جواز السفر..أهلا بكم»..نافية بذلك ، ضمنيا، الشائعات التي راجت حول منع قطر دخول مواطني الدول الثلاث عبر منافذها بالبطاقة .

http://raya.com/news/pages/28beb56f-f55b-4df7-a1c7-b2e24020d7bc

[قلب صادق]

جزاهم الله خير على سرعة الرد ونفي الاشاعات المغرضة التي اطلقها بعض ضعاف النفوس الذين يحاولون يصطادون في الماء العكر
شلت ايديهم وجعل كيدهم في نحورهم وحفظ الله قطر وشعبها وحكومتها من كيد الكائدين وادام الله المحبة بين ابناء دول مجلس التعاون

[خوي الدرب]

نظرة ثاقبة
ونحييها ونقدرها ونشد على أيديهم
فالناس في البيت الواحد تختلف وتتخاصم ولكن تبقى العلاقة الإنسانية والاحترام سيد الموقف

[moonبنتnight]

أنا سمعت أن السعودية منعت دخول القطريين بالبطاقة الشخصية :cry2:

[قطريه22]

الله يحفظ قطر والله يخلي لنا أميرنا

الحمدلله قطر أكبر من الي سووه هالدول يوم أمنعو الدخول بالبطاقه بينو أنهم صغار بعقولهم

[Dana’1]

^^^
منعوا صدق والا بس كلام ناس عن ناس

لان قالوها من قبل منعوا وسكروا الحدود ... بالوقت الي انا شخصيا سافرت ورديت بالبطاقة

[يوسف0]

الله يحفظ قطر والله يخلي لنا أميرنا

الحمدلله قطر أكبر من الي سووه هالدول يوم أمنعو الدخول بالبطاقه بينو أنهم صغار بعقولهم

هل متأكده انهم مانعين ؟؟

[توشيبا]

من قال ان السعوديه منعت دخولها بالبطاقه !

الحمدالله ان الداخليه ردت علي الاشاعه وان شاء الله نفتك من الاشعات اللي ماتجيب خير

[قطريه22]

هل متأكده انهم مانعين ؟؟

واحد من الاهل راجع من فتره من الامارات قال انهم طلبو جوازه والبطاقه مارضو ياخذونها منه..

خبرك اوقات موظفين الكونترات يمشون الي يبونه والي مايبونه يطلبون جوازه..

[توشيبا]

للعلم هاذي اشاعه والداخليه قطر ردت

صعب السعوديه والامارات ترد مثل قطر

بس هذا كله اشاعات

[قطريه22]

من قال ان السعوديه منعت دخولها بالبطاقه !

الحمدالله ان الداخليه ردت علي الاشاعه وان شاء الله نفتك من الاشعات اللي ماتجيب خير

الخبر من قطر ان اي حد من دول مجلس التعاون يبي يدخل قطر يقدر يدخل بالبطاقه او الجواز
ماتكلمو عن الدول الثانيه

[قطريه22]

^^^
منعوا صدق والا بس كلام ناس عن ناس

لان قالوها من قبل منعوا وسكروا الحدود ... بالوقت الي انا شخصيا سافرت ورديت بالبطاقة

السعوديه مادري اذا منعو البطاقه او لا بس الامارات مثل ماقلت لاخوي يوسف ان واحد من الاهل طلبو جوازه ومارضو ببطاقته
بس مادري اذا هالشيء معمم عندهم والا من الموظف
الواحد اظمن له اذا بيسافر ياخذ جوازه مايندرى يمكن تجيهم الحاله ومايرضون بالبطاقه

[يوسف0]

واحد من الاهل راجع من فتره من الامارات قال انهم طلبو جوازه والبطاقه مارضو ياخذونها منه..

خبرك اوقات موظفين الكونترات يمشون الي يبونه والي مايبونه يطلبون جوازه..

مشكوره على التوضيح

[توشيبا]

واحد من الاهل راجع من فتره من الامارات قال انهم طلبو جوازه والبطاقه مارضو ياخذونها منه..

خبرك اوقات موظفين الكونترات يمشون الي يبونه والي مايبونه يطلبون جوازه..

رفجي امس العصر واصل الدوحه من الامارت عن طريق البر جمرك الاماراتي والسعودي محد طلب منه جواز

انا مره قد طلبت مني الموظفه في بو سمره جوازي قلت البطاقه عندج اختي قالت دخلت في السستم انك بدش بالجواز وعطيتها جوازي شي عادي

[قطريه22]

رفجي امس العصر واصل الدوحه من الامارت عن طريق البر جمرك الاماراتي والسعودي محد طلب منه جواز

انا مره قد طلبت مني الموظفه في بو سمره جوازي قلت البطاقه عندج اختي قالت دخلت في السستم انك بدش بالجواز وعطيتها جوازي شي عادي

والله مايندري ياخوي يمكن مثل ماقلت لك على حسب الموظف يمكن حاقد والا شيء

[قطريه22]

مشكوره على التوضيح

العفو اخوي

[مختلفة عقليا]

السلام عليكم .,

اخيرا وزارة الخارجيه صارت اترد ابسرعه ., احيهم علي هالشي .,

والله يحفظ قطر .,

يسلموو .,

[رجل الجزيرة]

السلام عليكم .,

اخيرا وزارة الخارجيه صارت اترد ابسرعه ., احيهم علي هالشي .,

والله يحفظ قطر .,

يسلموو .,

تقصدين الداخلية.

:)

[حسن]

اتمنى عدم نشر اخبار سمعت قالولي

وبعدين شنهي المشكله بطاقه ولا جواز

عمري ماسافرت الى بالجواز

اذا ماشوف الختم ماحس اني سافرت

[قطريه22]

اتمنى عدم نشر اخبار سمعت قالولي

وبعدين شنهي المشكله بطاقه ولا جواز

عمري ماسافرت الى بالجواز

اذا ماشوف الختم ماحس اني سافرت

اخوي حسن انا مانشرت اشاعه هالخبر من واحد من الاهل وماعتقد بيكون كذاب وبيطلع هالسالفه
انا قلتها عشان الي يسافر يسوي احتياطه وياخذ جوازه معاه احسن من انه يوصل هناك ويقلبون عليه ويقولون له وين جوازك

[المحاميه]

كفو ياقطر


وهالناس الفاضيه اللي بس فالحه تطلع اشاعات لغرض ف نفسها .. نقول الله يهديهم ويصلحهم
وش الفايده يعني لو تفككنا وكل واحد حط عالثاني؟

والعلاقات بترد مثل قبل واقوى ان شاء الله .. سحابة سودا وعدت

[مختلفة عقليا]

تقصدين الداخلية.

:)


هههههههههههههههههههه اي

[المحاميه]

توني اشوف ردج قطريه ..

يعني اللي فهمته ان قطر مامنعت دخولهم بالبطايق وهم يبون يمنعونا

ماستغرب من بعد سالفة سحب السفراء .. كل شي جايز

[R 7 A L]

انا سافرت للسعودية يوم الجمعة بالبطاقة
ماتغير شي

[الزعفراني]

جزاهم الله خير على التوضيح لان بعض مرضى النفوس يستغلون مثل هالاحداث ويروجون للاشاعات ..

[دلة الرسلان]

الداخلية دايما تواكب الأحداث بارك الله في وزيرها وضباطها وافرادها , وياليت يتم تعليق مثل هذا الاعلان على منفذ ابوسمرة ومطار الدوحة

لتطمين الاخوان من مواطني دول مجلس التعاون وتعزيز صدق السياسة القطرية التي تتعامل بحكمة وموضوعية مع الجميع .

[بو خليفه 123]

اتمنى عدم نشر اخبار سمعت قالولي

وبعدين شنهي المشكله بطاقه ولا جواز

عمري ماسافرت الى بالجواز

اذا ماشوف الختم ماحس اني سافرت


اثاري هذا شعور متفق عليه بين الشيبان يابو علي

بس ودك بعض الاختام مايشوفونها الي عندك :shy:

[درع الوطن]

أشكر الإدارة على سرعة حذف بعض المشاركات اللي للأسف خرجت عن النص ....

هذا وقت التكاتف والتلاحم ... ليس وقت توزيع الإتهامات والتلاسن ...

[bunaif]

نظرة ثاقبة
ونحييها ونقدرها ونشد على أيديهم
فالناس في البيت الواحد تختلف وتتخاصم ولكن تبقى العلاقة الإنسانية والاحترام سيد الموقف


كلام سليم 100%

[بوحارب]

محد ملعوزنا الا البزران اللي ينشرون الاشاعات

[من بغى الزين]

انا رحت السعوديه وطلبوا الجواز للأسف

[كلاسيك قطر]

أنا سمعت أن السعودية منعت دخول القطريين بالبطاقة الشخصية :cry2:

نفس الكلام بعد وقالو وتأشيره بعد

والحين ثبت انه اشاعه

[كلاسيك قطر]

بس المشكله اذا بتسافر البحرين في جسر ملك فهد يقولك لازم الجواز

[محمد2]

أنا سمعت أن السعودية منعت دخول القطريين بالبطاقة الشخصية :cry2:

حنا كشعوب ايش اللي استفدنا من قيام مجلس التعاون الخليجي(غير السفر بالبطاقة الشخصية) واكثر شى تضررنا من هالمجلس.
مثال:دول مجلس التعاون كلها في نهاية الثمانينات وبداية التسعينات ما كانت تعرف شي اسمة الرادر. باستثناء الامارات وبالاخص امارة دبي. وجلسوا الاخوان في ادارة المرور لدول التعاون كل سنة في اجتماعاتهم فالاستفادة من كيفية اخلاء جيوب مواطنيهم من خلال فرض مخالفات خيالية. وتعلموا هالشي من دبي،
مثال آخر:نفس الشي بالنسبه لفرض الرسوم والمغالاة فيه بالنسبة للمعاملات الشخصية والاقتصادية الخ..... من هالضرايب التى لا تعد ولا تحصى

[إينشتاين]

حنا كشعوب ايش اللي استفدنا من قيام مجلس التعاون الخليجي(غير السفر بالبطاقة الشخصية) واكثر شى تضررنا من هالمجلس.
مثال:دول مجلس التعاون كلها في نهاية الثمانينات وبداية التسعينات ما كانت تعرف شي اسمة الرادر. باستثناء الامارات وبالاخص امارة دبي. وجلسوا الاخوان في ادارة المرور لدول التعاون كل سنة في اجتماعاتهم فالاستفادة من كيفية اخلاء جيوب مواطنيهم من خلال فرض مخالفات خيالية. وتعلموا هالشي من دبي،
مثال آخر:نفس الشي بالنسبه لفرض الرسوم والمغالاة فيه بالنسبة للمعاملات الشخصية والاقتصادية الخ..... من هالضرايب التى لا تعد ولا تحصى

صدقت... بختصار.. مجلس التعاون منذ نشأته مضرته على المواطن اكثر من نفعته