زيادة السرعة الى 120 هو الحل الأمثل لإزدحام شارع 22 فبراير

[محمد ناصر]

هناك ثلاثة أسباب رئيسية لإزدحام الشوارع وبغض النظر عن الأحوال الطارئه مثل الحوادث وأعطال السيارات. والأسباب الرئيسية لإزدحام الشوارع هي: السبب الأول هو سعة الشارع وعدد المسارات والسبب الثاني هو كثافة عدد السيارات المستخدمة لشارع والسبب الأخير هو سرعة الشارع.وللأسف الشديد ان هذه الأسباب الثلاثة متوفرة في شارع 22فبراير. فحل السبب الأول وهو توسعة الشارع وزيادة عدد السيارات يعتبر حلً ولكن ليس بالأمر السهل لكونه يحتاج من الوقت والمال الكثير ويحتاج في نفس الوقت الى إلغاء كل الجسور الموجودة واستبدالها بجسور جديدة وهذا كان من المفترض اخذه فالأعتبار قبل انشاء الشارع .فهذا الشارع يحتاج إلى ستة مسارات في كل اتجاه وليست ثلاثة مسارات لكونه شريان الحياة لمدينة الدوحة فهذا حل جذري ولكنه على المدى البعيد اما بالنسبة للسبب الثاني والمتمثل في كثافة عدد السيارات وخاصة مع بداية أوقات الدوام فهذا لايمكن ان نغير فيه شي لأن تقليل عدد السيارات المستخدمة لشارع فيه إضراراً بمصالح الناس التي انشأ من اجلها هذا الشارع وأما السبب الأخير وهو تحديد السرعة عند 100 كيلو فالساعة فهذا السبب يمكن معالجته ولسهولته من خلال زيادة حدود السرعة تدريجياً للوصول إلى السرعة المناسبة والمتناسبة مع سعة الشارع وعدد السيارات المستخدمة وذلك لزيادة معدل تدفق السيارات داخل الشارع لكون الشارع يعاني من بطء شديد فالحركة ففالنهاية أتمنى من إدارة المرور مناقشة هذا الموضوع وإجراء مزيدا من البحوث على هذا الأقتراح من خلال مراقبة حركة الشارع بكاميرات المراقبة الموجودة فالشارع او من الجو اما مايثار حول مداخل الشارع ومخارجه على انها هي السبب الحقيقي من وراء الأزدحام فهذا غير صحيح لأنها وبالعكس هي من يخفف الظغط على الشارع ولكي يخدم الشارع كل مستخدمينه الذين أنشأ هذا الشارع من اجلهم. ودمتم

[الزعفراني]

هذا اللي أطالب فيه شخصيا مع كل موضوع يطرح بخصوص هذا الخط ..

زيادة السرعة زيادة السرعة زيادة السرعه

لان المصرقعين والخايفين من الرادار يامكثرهم خصوصا الاسيويين وبعض اخوانا العرب

خط سريع وسرعته 100 شي طبيعي الاخ يمشي 80 وتخيل 80 في الثلاث مسارات

[ضوى]

بس ياخوي السرعة حصدت ارواح عيالنا ، كل يوم وفيات بسبب حوادث السرعة ، معقولة مافيه حل الا زيادة السرعة ؟

[Chambray]

سؤال انت تقدر تمشي اكثر من 60 في هالشارع في اوقات الذروه !!
السرعه 100 وتحصل هندي ماخذ الخط السريع ويمشي 80 !!! ولا 100 بالضبط !! انزين في ناس مستعجله

المشكلة في عقليات السائق

في اوروبا ماشفت ولا حد يلز سيارته بسيارة الثاني
او يكبس له ويبط عينه

السواقه عندهم اتيكيت وبالاشارات

هذا المفروض الي احنا نوصل له

تغيير عقليه السائق

[الزعفراني]

بس ياخوي السرعة حصدت ارواح عيالنا ، كل يوم وفيات بسبب حوادث السرعة ، معقولة مافيه حل الا زيادة السرعة ؟

زيادة السرعة الى 120 .. يجبر اللي يمشون حاليا 80 في المسارات الثلاث .. إلى زيادة سرعتهم الى 100 ويمشون ع المسار الايمن البعيد .. ويعطي انسيابية اكبر في حركة السيارات وبذلك تخف الزحمة

[محمد ناصر]

اشكركم على المرور الكريم . اولا انا اتكلم عن شارع الحركة فيه في ساعات الذروة تصل الى 20 كيلوا فالساعة واحياناً شبه متوقفة وزيادة السرعة من 100 الى 120 يعني زيادة عشرين فقط لكي نزيد من حركة السيارات داخل الشارع. ففي كل دول الخليج تجدون السرعة فالشوارع الرئيسية لاتقل عن 120 .كما انمعظم الحوادث الموجودة حالياً في شارع 22 فبراير هي بسبب التوقف المفاجئ داخل الشارع وليست بسبب السرعة ولكي تتأكدون اگثر لاحظوا متى يزيد عدد الحوادث في ساعات الذروة ام في الساعات العادية ؟ فكلنا من مستخدمي الطريق وكلنا لا نتمنى السرعة ولانتمنى الحوادث وحتى لو تمت زيادة السرعة ووجدوا لها اثار سلبية وهو ما لا اعتقده فلا يمنع ذلك من تقليل السرعة فالموضوع سهل وسلس.

[وطن]

الشارع ع المداخل والمخارج اللي فيه ما يستحمل زيادة سرعة
من وجهة نظري

لأن كمية السيارات كبيرة

لو عدد السيارات اقل ممكن اتفق معاك
بس في ظل التكدس اللي احنا فيه
ما يفيد

[بو خليفه 123]

لا بد من اقامة شارع نفسه موازي يكون متجه من جنوب الى شمال .. و الحالي يسوونه خط واحد من شمال الى جنوب

لا مخارج ولا مداخل ولا زيادة سرعه

الربع الأول من 2014 زاد عدد السيارات 4% .. تونا نقول يا هادي !

[وطن]

لا بد من اقامة شارع نفسه موازي يكون متجه من جنوب الى شمال .. و الحالي يسوونه خط واحد من شمال الى جنوب

لا مخارج ولا مداخل ولا زيادة سرعه

الربع الأول من 2014 زاد عدد السيارات 4% .. تونا نقول يا هادي !

اقترح يعيدون اختبارات القيادة للسائقين
و "يغربلون" "يصفون" "ينظفون" لنا الشارع من اللي ما يعرفون يسوقون !!

وعديمين الأخلاق بالمره معاهم :secret:

[حسن]

للا سف انا طالبت بفتح سرعه الشوارع الخارجيه 140 والداخليه 120 والداخليه كلش 100

فعلا السرعه مقيده

والبلاء من الاجانب بجميع اطيافها هم سبب عرقله السير
والازدحام والسواقه العشوائيه
هذا ماراه بشكل يومي
اما القطرين لا يشكلون نسبه تذكر

اليم الصبح كنت اقارن بين السواقه لماتفتح الاشاره اذا كان فيها قطري
تشوفه على طول يحرك ويكون بسرعه
اما اخوانا
يقعد يتسوطر ودك تدفه

يعني انا باقولك لما تفتح الاشاره تشوفني بيني وبين اللي وراه
مش اقل من 300 متر

والحمدلله اسوق سواقه سريعه واطلع بسرعه في الدوارات والاشرات
وازرق تزريقات عجيبه حلوه
وسرعتي على الهايوي 6اكتوزبر ماتنزل عن 120 و130 واكون ماسك اليمين لا اغير المسار
لان المسار اليسار تم تغيره بفضل الاجانب

[Super Cool]

في حل أسهل

في بعض البلدان في سرعة صغرى كذلك
يعني ممنوع تزيد عن 100 و ممنوع تقل عن 70 مثلاً
و مخالفتها نفس مخالفة السرعة تماماً و الكاميرا تعرف تميز السرعة المحكومة بالإزدحام من سرعة واحد كسلان
ما يبط جبدي الا اللي يقبض الخط السريع عالـ100 بالضبط يعني إحترام و طول الخط قاعد يرضع في جواله

[شيخ الديرة]

الطريق طوله 13 كم

بسرعة 100 كم/ساعة يحتاج 7.8 دقيقة نظرياً
بسرعة 120 كم/ساعة يحتاج 6.5 دقيقة نظرياً

الفرق 1.3 دقيقة

المشكلة ليست بالسرعة, وأنما العدد الكبير من المداخل والمخارج , يحتاج يغلقون بعد مداخل ومخارج

[ya3coub]

سؤال انت تقدر تمشي اكثر من 60 في هالشارع في اوقات الذروه !!
السرعه 100 وتحصل هندي ماخذ الخط السريع ويمشي 80 !!! ولا 100 بالضبط !! انزين في ناس مستعجله

المشكلة في عقليات السائق

في اوروبا ماشفت ولا حد يلز سيارته بسيارة الثاني
او يكبس له ويبط عينه

السواقه عندهم اتيكيت وبالاشارات

هذا المفروض الي احنا نوصل له

تغيير عقليه السائق


ما قصرت كفيت و وفيت :nice:

[Mohammed2]

نعم زياده السرعه الى ظ،ظ¢ظ* ستساعد على التقليل من الازدحام

التكدس يصير بشكل تدريجي لان السايق يمشي اقل من سرعه الشارع ( ظ¨ظ* الى ظ©ظ* كيلو) واللي خلفه اقل واللي خلفه اقل وبالتالي يزيد التكدس والازدحام

لو السرعه تزيد التكدس بيحدث بشكل ابطئ وممكن مايحدث

[Only Me]

خلهم يسووون رسوووم على الي يقبض خط 22 فبراير نفس سالك في دبي واتوقع الاسيويين بيستخدمون الطرق البديلة

[وطن]

خلهم يسووون رسوووم على الي يقبض خط 22 فبراير نفس سالك في دبي واتوقع الاسيويين بيستخدمون الطرق البديلة

:nice:

[شيخ الديرة]

خلهم يسووون رسوووم على الي يقبض خط 22 فبراير نفس سالك في دبي واتوقع الاسيويين بيستخدمون الطرق البديلة

أي طرق هذي؟

[Only Me]

أي طرق هذي؟

اكثر الاسيويين مكان عملهم على طريق سلوى ممكن يستخدمون طريق الصناعية

[Only Me]

ليش مانجرب هالرسوم ونحط مبلغ من 100الى 300 ريال بالشهر ونشوف في تقدم بالموضوع ولا لا
واذا شفنا الزحمه نفسها مافي الا جسر معلق

[brent]

خلهم يسووون رسوووم على الي يقبض خط 22 فبراير نفس سالك في دبي واتوقع الاسيويين بيستخدمون الطرق البديلة

نظام سالك أحسن شيئ...
لأن في ناس ما تفرق معاهم
أذا الواحد فيهم وصل في نص ساعة
أو خمس ساعات.
نظام سالك هو الحل الأمثل.
لين ما يخلصون من المترو.

[alemadi2022]

ااوكيه قلنا 22 فبراير مانقدر نزيد السرعه
ابي اعرف خط سلااااااح الجووو السرعه100 لييييييييييييييييييييييييش

والله ملل في مللل
انا خااطري اعرف من اللي يحط السرعاااات

تحياااتي

[شيخ الديرة]

خلهم يسووون رسوووم على الي يقبض خط 22 فبراير نفس سالك في دبي واتوقع الاسيويين بيستخدمون الطرق البديلة




أي طرق هذي؟


اكثر الاسيويين مكان عملهم على طريق سلوى ممكن يستخدمون طريق الصناعية

تقصد من الصناعية اللي يمر بالفروسية بأتجاه الغرافة؟ مليان شاحنات أم أربعة وأربعين تاير :)

[7llo]

لا وين 120 احنا 80 وماتحصل الا واحد كاع بريك جامد تدخل فيه , اذا بيخلون السرعه 120 لازم يخلون الخط مكون من 6 شوارع

[airbus]

اقترح يعيدون اختبارات القيادة للسائقين
و "يغربلون" "يصفون" "ينظفون" لنا الشارع من اللي ما يعرفون يسوقون !!

وعديمين الأخلاق بالمره معاهم :secret:


هدا الرد الزبدة

لانه في ناس مستفيدين من هده النوعيه من السواقين !!!!!!!!!!!!!!!!!!!!!!!

[قرنقووش]

سلامة قلبك
22 فبراير مشكلته فالمداخل والمخارج فقط .. حتى 3 خطوط كافية
في شباب قابلوا الشركة اللي سوت هذا المشروع وقالوا احنا كنا مسوين تخطيط لكن رفضوه البلدية بسبة بيوت الشيوخ وبيوت الناس اللي مانشالت .. ولا المشروع كان بيمشي صح
هذي زبدة خط فبراير

[airbus]

سلامة قلبك
22 فبراير مشكلته فالمداخل والمخارج فقط .. حتى 3 خطوط كافية
في شباب قابلوا الشركة اللي سوت هذا المشروع وقالوا احنا كنا مسوين تخطيط لكن رفضوه البلدية بسبة بيوت الشيوخ وبيوت الناس اللي مانشالت .. ولا المشروع كان بيمشي صح
هذي زبدة خط فبراير

المشكلة من السواقين المحترفين الي في الشارع ماتعرف تدخل الشارع ولا تخرج منه

يعني الي بيدخل الشارع لازم يدخل بسرعة بطيئة جدا كيف تدخل في طريق سريع بسرعة بطيئة المفروض تخدل اسرع وتكون لك فرص تخل بين السيرات اما بتوقف وتنطر لن الشارع احد يكون فيه فهده مصيبة

اما الي يطلع من 22 فبراير نفس المصيبة يطلع بسرعة بطيئة جدا فيعمل على تعطيل كل السيارات الي وراه

مصيبة شوارع الدوحة السواقين الي مادري شلون واخدين رخصة ونسبتهم كبيييييييييرة جدا اكتر من 60 في المية

تخيل انه ادا شرطي او اي سيارة لها ليت حق الطوارئ و واقف على جنب الشارع وما حادث ومافي ولا شي
تخيل كل الأساويين يوقفون ويبوا يعرفو اشنوا السالفة ليش السيارة موقفة اهني تخيل يمشيلك 20 كم في الساعة وهده تحصل كل يوم تحصل الشارع زحمة و بعد ماتجتاز السيارة الي واقفة على جنب يتحرك السيد عادي

[بو طالب]

المشكلة من السواقين المحترفين الي في الشارع ماتعرف تدخل الشارع ولا تخرج منه

يعني الي بيدخل الشارع لازم يدخل بسرعة بطيئة جدا كيف تدخل في طريق سريع بسرعة بطيئة المفروض تخدل اسرع وتكون لك فرص تخل بين السيرات اما بتوقف وتنطر لن الشارع احد يكون فيه فهده مصيبة

اما الي يطلع من 22 فبراير نفس المصيبة يطلع بسرعة بطيئة جدا فيعمل على تعطيل كل السيارات الي وراه

مصيبة شوارع الدوحة السواقين الي مادري شلون واخدين رخصة ونسبتهم كبيييييييييرة جدا اكتر من 60 في المية

تخيل انه ادا شرطي او اي سيارة لها ليت حق الطوارئ و واقف على جنب الشارع وما حادث ومافي ولا شي
تخيل كل الأساويين يوقفون ويبوا يعرفو اشنوا السالفة ليش السيارة موقفة اهني تخيل يمشيلك 20 كم في الساعة وهده تحصل كل يوم تحصل الشارع زحمة و بعد ماتجتاز السيارة الي واقفة على جنب يتحرك السيد عادي


هذا اللي نسميه : اغتنام الفرصه المناسبه

وبعدين الحين صعب تحصل ( فجوه ) بين السيارات عشان تدخل منها .. حتى الهنود قامو يمسكون الصدام

لا اله الا الله

[Only Me]

تقصد من الصناعية اللي يمر بالفروسية بأتجاه الغرافة؟ مليان شاحنات أم أربعة وأربعين تاير :)

ايوا اقصد هذا الطريق
خلهم يروحون هناك احنا ليش نتعذب بسبتهم كلم المسؤولين يمكن تعجبهم الفكرة ( سالك قطر )

[fhd4]

سبحان الله … الله يهدي كل اللي يطالبون بالرسوم …

سبب الزحمة تصميم الشارع الغلط … وبعد ياخذون رسوم عليه عشان يحلون المشكلة اللي هم السبب فيها!!!

تصميم الشوارع بشكل عام يفتقد للانسيابية … المفروض ان المخارج لاتعرقلها اشارة أو دوار أو مطبه أو لفة قريبة …

لكن كل التقاطعات عبارة عن عنق زجاجة مثل ما يقولون …

[Dana’1]

نعم لازم يزيدون السرعة.. الناس تسرع واذا قربوا من الرداد عطاك بريك وخفف عشان ما يمسكة وهالحركة بس كفيله بأنها تسبب حوادث فضلا عن تأخير السير لان هو يضرب بريم والي بالخلف وهكذا

خلوا السرعة مفتوحة120 ولك مجال لين 140 مثل خط بوسمرة

[بوحارب]

أتوقع هذا اخس شارع في العالم

[كيلو حديد]

يشيلون الرادارات بعد
يوسعون التحويلات لانها سبب الزحمه
يبنون فوقه جسر يكون واحد رايح
والارضي عكس

[الارض]

قلتها مليون مره المخارج والمداخل ياااااااااااااااااااااااااااااااااااابشر مالها دخل في زحمة هالشارع الفاشل

هالشارع لازم يكون في كل اتجاه 8 خطوط على الأقل

أقسم بالله العظيم مب حاله يومياً لازم نوقف تماماً في نص الشارع من تكدس السيارات فهموني شلون بنستضيف كاس العالم عقب ثمان سنين دام كل سنتين ميتين الف سياره يديده تدخل الشوارع

لااااااااااااااااااااااااااااااااااازم تتم ازاله البيوت اللي جنبه واضافة مسار يديد ويكون كل مسار 8 خطوط أو أن يبنون جسر فوقه من جسر دحيل لين مطار الدوحه

[مخطط قطري]

اقتراح ممتاز 120

[ضوى]

زيادة السرعة الى 120 .. يجبر اللي يمشون حاليا 80 في المسارات الثلاث .. إلى زيادة سرعتهم الى 100 ويمشون ع المسار الايمن البعيد .. ويعطي انسيابية اكبر في حركة السيارات وبذلك تخف الزحمة

يجوز كلامك فيه من الصحة اذا ماكانت المخارج بهالكثرة ؟؟ انا عمري بحياتي ماشفت هاي وي فيه هالمخارج ، عنبو مخرج بمخرج بمخرج وتبي الناس تطير 120 ، والله كوارث غير طبيعية اللي صايرة وبتزيد عقب هالسرعة

[رُفق المجنّا]

اغلاق بعض المخارج مع تقنين حد أعلى ( 120) وأدنى (80) ولكم في طريق سلوى مثال إذا استثنينا مخرج دوار المدماك اللي ماله داعي اساساً

[SeniorTrader]

اوافقك الراي ادني سرعه 80 واعلى 120 اتوقع الزحمه بتمشي

لاكن من يسمع ويخاذ بالاراء البنائه مالهم الا رايهم الي هو اساس الزحمه

[السكين]

التصميم هو الخاطيء ، المداخل والمخارج ستكون مشكلة بسيطة لو كان الشارع على الأقل 6 مسارات .

برأيي زيادة السرعة بتزيد الكارثة ..أقولك ليش ، لأن طال عمرك الآسيوي لو حطيتة بحلبة لوسيل بيمسك اليسار ويكّع بريكات كل شوي بدون سبب ..ويشيل ويحط رجله عن البترول حسب الكلام مع الشخص اللي جنبه .. أنا ركبت معاهم وشفت طريقتهم يتكلم ويشيل ويدوس عن الدواسة بدون سبب ..والبريك عنده نفس شربة الماي ولا أسهل منّه .

طريق الشمال .. واسع .. لو فيك خير امشي على اليسار بسرعة 120 بدون ما تنضغط ..الخط اليمين أنا أستخدمه فاضي لأنه منسي ..التحويلة اللي قدام ايكيا .. سرعتها 80 .. روح شوف اللي ماشيين فيها 60 مع انه التحويلة كبيرة وتقدر تدخلها 140 عادي .

بالاضافة لتصميم الشوارع يجب إعادة الأختبار للسائقين الجدد لااااازم ، أول كنا نعاني من تهور الشباب وسرعتهم الحين نعاني من بطيء الآسيويين .

خط 22 فبراير .. مأساة وحله التوسيع فقط ..جسر علوي ..موازي .. الإزالة والتوسيع .. المهم بقاؤه بهالطريقة مع غشامة السواقين واللي اشوف نسبتهم أكثر ثلاثة أرباع هو أكبر خطأ .

[bos3eed]

اقتراح جميل وغير مكلف ويمكن تنفيذه على الفور, وبالامكان العمل به لفترة بسيطه كنوع من التجربه, شخسرانيين!

اما عن نفسي فانا واحد ما اتعطل, اللي مايوسع الف عنه واتجاوز من اليمين عند الاشارات واركب رصيف وازرق بين السيارات وامشي عكس السير وكل سنه اكفر عن اخطائي ب 10000 ريال للمرور ونرجع حبايب و تستمر الحياه.

[ابوعلي]

انا مع زيادة السرعة ولكن قبل الزيادة التشديد في الاختبارات وخاصة اختبار الشارع ولكن زيادة السرعه بالوقت الحالي بتكون كارثة وافضل اعادة الاختبار للكثير وخاصة حديثي السواقة

[فــلان]

120 وكل كيلو ونص إشاره كل يوم وفيات, هم مب عارفين يمشون وكله الشارع مسكر وحوداث تصادم من الخلف

[طلعة الروح]

الشوارع زحمة والسيارات ( روح على روح) وانت تطالب بسرعة 120
احنا نمشي على 60 و70 بس عشان نحاسب من اللي يلفلفون ع الواحد من اليمين واليسار
وبعدين النفق نفسه مايساعد ع السرعه كلش لأنه بعده اشارات على طول ومنعطفات لليمين ف لازم تحاسب من اللي وراك ومن اللي جمبك

[الواثق باالله]

السبب الرئيسي للإزدحام هو التصميم الغلط في المداخل والمخارج

حتى لو صارت السرعة 130 مافي فايدة

وسبب آخر هي الإشارات تحت الجسر يلزمهم مدة أطول

وأهم إشارتين الجوازات - المدماك

اليوم أكثر من 10 دقايق واقف تحت جسر الجوازات لفتحت الإشارة في غير وقت الذروة

يعني كان قدامي 300 متر للدوار فقط !!!!

فمابالك بأوقات الذروة يروح حارتين من الطريق والناس تنتظر الإشارة تفتح

الله المستعان

[مرتبش]

المداخل والمخارج هي المشكلة مو السرعة.. عمركم شفتو طريقين سريعين يتاقطعون في دوار؟ ماتصير ولا صارت الا عندنا..كيف طريق سلوى مع 22 فبراير يتقاطعون في دوار المدماك..لازم تقاطع حر بجسر او نفق يحولك لشمال وجنوب 22 فبراير بلا توقف..وكذلك من 22 فبراير تحويلة حرة الى شرق وغرب طريق سلوى..
ايضا دوار الجوزات قريبا سيصبح مثل تقاطع طريقين سريعين ويجب عمل الجسور الملتقة للتحويل بين تلطريقين بلا توقف..
القضية سهلة لكن لاتوجد ارادة لحلها

[Anas_G]

ولما يكون فاضي ويجي هندي يمسك الخط اليسار ويتمشى على 80 عشان خايف يمشي 100 ويصيده الردار ..انا اقول يرفعو سرعة الخط اليسار الى 120 .. ومخالفة اي واحد يمشي بطيئ ويقعد يلعب في تليفونه وهو على الخط السريع ذبحونا

[بومحمد المطاوعه]

ياخوي

الحين و وفيات وحوادث بالهبل

بعد تبي تزيد السرعه

اصلن الازدحام يصير لان اكثر الناس مب مثقفين ولا عندهم احترام فالشارع

لو الكل يمشي صح والله مب شايف زحمه

[شيخ الديرة]

المداخل والمخارج هي المشكلة مو السرعة.. عمركم شفتو طريقين سريعين يتاقطعون في دوار؟ ماتصير ولا صارت الا عندنا..كيف طريق سلوى مع 22 فبراير يتقاطعون في دوار المدماك..لازم تقاطع حر بجسر او نفق يحولك لشمال وجنوب 22 فبراير بلا توقف..وكذلك من 22 فبراير تحويلة حرة الى شرق وغرب طريق سلوى..
ايضا دوار الجوزات قريبا سيصبح مثل تقاطع طريقين سريعين ويجب عمل الجسور الملتقة للتحويل بين تلطريقين بلا توقف..
القضية سهلة لكن لاتوجد ارادة لحلها


والله إسم مرتبش ما يلوگلك، أحسن تغيره الى فاهمها ونص