في حاله التبذير ... موضوع جاد للنقاش حياكم ...

[حمد 2002]

السلام عليكم ورحمه الله وبركاته

الموضوع يحمل العنوان التالي

((في حاله التبذير .. ماهو الحل ؟ ))

كلكم اتعرفون حب الحريم للتسوق والصرف بمبالغ طائله على امور وكماليات مالها داعي !!

هل من حق الزوج انه ياخذ جزء من راتب زوجته بغرض حفضه لها او استثماره لها .. في حاله وجد بانه زوجته مبذره ولا تحسن التصرف براتبها ؟!!

لاني انا حسبت حسبه عمليه في مخي لو بيخش مبلغ 15 الف كل شهر من راتب زوجته بيطلع في نهايه السنه 180 الف .. وعقب كمن سنه يقدر يشتري لها منزل او قطعه ارض بعد توفير مبلغ محترم بدلا من كماليات مامنها فايده ولا منفعه !!!

منتظر ارائكم وفقا لصلب الموضوع وعدم الخروج عن مساره لكي مايتسكر ..


بالتوفيق

[ضوى]

بعد بنخلي الزوج ياخذ راتب زوجته ويدخره لها ؟؟ طبعا مب من حقه الا برضاها هي ، حتى لو هي سفيهه وماتحسن التصرف بعد مب من حقه ، لا والله يبه خوش هي تكد وتشقى وهو من حقه ياخذ ويخش ،

وخلها معلومة ببالك يا حمد ، الكماليات والصرف عليها متعة للمراة تعرف شنو يعني متعة

[ضوى]

طيب واذا كان الزوج بخيل ومقتر وقحي ، يحق للزوجة تاخذ من فلوسه وتخش عنه

[مختلفة عقليا]

السلام عليكم .,

انا اجوف حل اي مشكله في التفكير ., يعني لو عرفت وين اللذه ووين الالم في الموضوع .,

او وين المساوء ووين النتايج ., اتوقع بتحل المشكله .,

يعني التغير من الداخل ., مو من رده الفعل .,

عشان جيه اقتراحي ., يحظرون دورات عن (( الاستهلاك )) و كيفيه الصرف .,

وعندي حل سريع ., قبل ما يروحون السوق تكتب شنو تبي بالضبط ., وتروح تاخذ اللي اتفقوا عليه .,

وبس والله .,

يسلموو .,

[Dana’1]

طيب واذا كان الزوج بخيل ومقتر وقحي ، يحق للزوجة تاخذ من فلوسه وتخش عنه
نعم يصير إنها تاخذ مبلغ بالمعروف يعني عالقد الي يسد حاجتها و أبناءها الاساسية مو الكماليات وهذا في حال البخل الشدييييييد من قبل الزوج[/b]

[حمد 2002]

بعد بنخلي الزوج ياخذ راتب زوجته ويدخره لها ؟؟ طبعا مب من حقه الا برضاها هي ، حتى لو هي سفيهه وماتحسن التصرف بعد مب من حقه ، لا والله يبه خوش هي تكد وتشقى وهو من حقه ياخذ ويخش ،

وخلها معلومة ببالك يا حمد ، الكماليات والصرف عليها متعة للمراة تعرف شنو يعني متعة

التبذير حرام .. وهذا بحد ذاته مستند قوي للرجال لكي يدخر جزء من راتب زوجته تحقيقها لمصالحها ..

والزوجه تنفق راتبها في البدايه على سبيل متعه بالتسوق تستمر لدقائق لكن ماذا ستكون النهايه نقمه وتحسر ..

بالتوفيق اختي ضوى :victory::victory:

[بونووف]

حماده سكر زياده

[حمد 2002]

طيب واذا كان الزوج بخيل ومقتر وقحي ، يحق للزوجة تاخذ من فلوسه وتخش عنه

مجبور يعطيها مصروف شهري .. واذا ماعطاها يجب عليها ان تطرق ابواب المحاكم ..

بالتوفيق ..

[حمد 2002]

السلام عليكم .,

انا اجوف حل اي مشكله في التفكير ., يعني لو عرفت وين اللذه ووين الالم في الموضوع .,

او وين المساوء ووين النتايج ., اتوقع بتحل المشكله .,

يعني التغير من الداخل ., مو من رده الفعل .,

عشان جيه اقتراحي ., يحظرون دورات عن (( الاستهلاك )) و كيفيه الصرف .,

وعندي حل سريع ., قبل ما يروحون السوق تكتب شنو تبي بالضبط ., وتروح تاخذ اللي اتفقوا عليه .,

وبس والله .,

يسلموو .,

صحيح كلامج يجب اعطاء دورات مكثفه للمقبيلن على الزواج ...

بالتوفيق اختي مختلفه .. :victory:

[حمد 2002]

حماده سكر زياده

هلا هلا بالذيب ,,

[قطريه22]

ماعتقد الزوج له حق في راتب زوجها
حتى لو هي مبذره وتصرف هو مايقدر يمنعها ولايقولها شيء
بس لو كانت تصرف وبكثره وعلى حسابه ممكن يتكلم

[حمد 2002]

نعم يصير إنها تاخذ مبلغ بالمعروف يعني عالقد الي يسد حاجتها و أبناءها الاساسية مو الكماليات وهذا في حال البخل الشدييييييد من قبل الزوج[/b]

اوفقك الرأي

بالتوفيق .. :nice:

[حمد 2002]

ماعتقد الزوج له حق في راتب زوجها
حتى لو هي مبذره وتصرف هو مايقدر يمنعها ولايقولها شيء
بس لو كانت تصرف وبكثره وعلى حسابه ممكن يتكلم

لا من حقه تحقيقا لمصلحتها ومصلحه الاسره لان التبذير حرام ..

وهو مب جمع الفلوس له بل لها ..

بالتوفيق .. :nice:

[توشيبا]

من ناحيتي اللي يفكر او يسال زوجته كم راتبج احس مافيه خير

مدام اخذتها انت تتحمل كل شي وتصرف عليها لو راتبها تعطيه اهلها كله بكيفها

[أم محمد 90]

بعد بنخلي الزوج ياخذ راتب زوجته ويدخره لها ؟؟ طبعا مب من حقه الا برضاها هي ، حتى لو هي سفيهه وماتحسن التصرف بعد مب من حقه ، لا والله يبه خوش هي تكد وتشقى وهو من حقه ياخذ ويخش ،

وخلها معلومة ببالك يا حمد ، الكماليات والصرف عليها متعة للمراة تعرف شنو يعني متعة

اي والله انا راتبي هالشهر طار ع شنطتين واسوارة و 3 عبايات ورغم الافلاس الوشيك الا اني مستمتععععععه

:victory:

[أم محمد 90]

من ناحيتي اللي يفكر او يسال زوجته كم راتبج احس مافيه خير

مدام اخذتها انت تتحمل كل شي وتصرف عليها لو راتبها تعطيه اهلها كله بكيفها

الله الله

شالرد اللي يشرح الصدر

H-p اول مرة يعجبني رد لك

[قطريه22]

لا من حقه تحقيقا لمصلحتها ومصلحه الاسره لان التبذير حرام ..

وهو مب جمع الفلوس له بل لها ..

بالتوفيق .. :nice:

تخيل يسألها وتقوله مالك خص في راتبي
والله انه بيتفشل وبينحرج

[حمد 2002]

من ناحيتي اللي يفكر او يسال زوجته كم راتبج احس مافيه خير

مدام اخذتها انت تتحمل كل شي وتصرف عليها لو راتبها تعطيه اهلها كله بكيفها

لو تعطيه اهلها مب مشكله .. بس المشكله ومحور الحديث اخوي توشيبا في صرفها على امور وكماليات غير ضروريه بالسوق !!!

يعني تشتري مثلا شنطه ب 8 الاف كل شهرين وراتبها ضايع على هالامور !!!


اشرايك يالذيب بهالنقطه ؟

[بونووف]

انا يعور قلبي الزوج الي مقطع نفسه عشان يبني بيت ويبي يجهز لعائلته افضل مستقبل ورااص على عمره يادوب يمشي نفسه ومنقطع عن ربعه ومايقدر يسافر ..وتيي مرته تاخذ لها ساعه في فيلاجيو صارفه 10 الاف وفي الصيف مسافره مع اهلها وخلت زوجها بروحه

[العلياا]

عيب حتى يسألها كم راتبج :rolleyes2:

[توشيبا]

لو تعطيه اهلها مب مشكله .. بس المشكله ومحور الحديث اخوي توشيبا في صرفها على امور وكماليات غير ضروريه بالسوق !!!

يعني تشتري مثلا شنطه ب 8 الاف كل شهرين وراتبها ضايع على هالامور !!!


اشرايك يالذيب بهالنقطه ؟

والله ياحمد لو تشتري فيها خياش شعير وتقطها بكيفها

الا محبه فيها انصحها نصيحه انك انت اللي تصرف عليها وراتبها تخليه في البنك يمكن يوم تحتاجه او اهلها يحتاجون منها فلوس ونصيحه وحده ولا تكرر حتي لا يدخل الطمع والوسوسه في راسك

اما عندي ماعندي شغله الا راتب زوحتي اراكض وراها واشوف وين تحطه هذا طمع وقله مروه في الرجل

[حمد 2002]

اي والله انا راتبي هالشهر طار ع شنطتين واسوارة و 3 عبايات ورغم الافلاس الوشيك الا اني مستمتععععععه

:victory:


وشهد شاهدا من اهلها !!
وهاي محور حديثنا والي انطرح من اساسه الموضوع !! :)

شكرا ام محمد على الاضافه الجميله ..

[حمد 2002]

تخيل يسألها وتقوله مالك خص في راتبي
والله انه بيتفشل وبينحرج

الي اترد بهالطريقه ماتستحق ان تكون زوجه واترد في بيت اهلها ابرك لها .. :victory:

[حمد 2002]

انا يعور قلبي الزوج الي مقطع نفسه عشان يبني بيت ويبي يجهز لعائلته افضل مستقبل ورااص على عمره يادوب يمشي نفسه ومنقطع عن ربعه ومايقدر يسافر ..وتيي مرته تاخذ لها ساعه في فيلاجيو صارفه 10 الاف وفي الصيف مسافره مع اهلها وخلت زوجها بروحه

بالفعل منظر محزن ويعور القلب يابونوف !!!!

الله المستعان


بالتوفيق .. :)

[حمد 2002]

عيب حتى يسألها كم راتبج :rolleyes2:

الزوجه شريكه عمره .. ومن حقه يسألها عن كل شيء ..

بالتوفيق .. :victory:

[حمد 2002]

والله ياحمد لو تشتري فيها خياش شعير وتقطها بكيفها

الا محبه فيها انصحها نصيحه انك انت اللي تصرف عليها وراتبها تخليه في البنك يمكن يوم تحتاجه او اهلها يحتاجون منها فلوس ونصيحه وحده ولا تكرر حتي لا يدخل الطمع والوسوسه في راسك

اما عندي ماعندي شغله الا راتب زوحتي اراكض وراها واشوف وين تحطه هذا طمع وقله مروه في الرجل

هل حرص الزوج على راتب زوجته .. وحرصه عليها وعلى مصلحتها اصبح طمع ؟ !! :rolleyes2:

الله المستعان ...

بالتوفيق ..

[حسن]

مااقدر افيدك ياحمد عن الموضوع لاني مااعرف

بحكم اني متزوج وزوجتى ربه بيت فقط

ولن ارضى ان اتزوج امراه تعمل هذا مبدائ كرجل

ومالي على الباقين راي كلن وكيفه


:victory:

[حمد 2002]

مااقدر افيدك ياحمد عن الموضوع لاني مااعرف

بحكم اني متزوج وزوجتى ربه بيت فقط

ولن ارضى ان اتزوج امراه تعمل هذا مبدائ كرجل

ومالي على الباقين راي كلن وكيفه


:victory:

ممكن تدلي بدلوك بشكل عام يالنوخذه ..

لو الزوجه تصرف راتبها كله على امور تافهه !! هل من حق الزوج التدخل وبقوه لحل هالامر ؟

[مرتبش]

مايحق له ياخذ فلوسها ويخشها لكن اذا هي عارفة نفسها انها ماتقدر تمسك البيزة وعطته فلوسها فليش لا ..لكن الخوف انه يطلع اسوأ منها ويغامر بالفلوس او يتزوج عليها !..عوامل مختلفة تحكم الموضوع

[ضوى]

ممكن تدلي بدلوك بشكل عام يالنوخذه ..

لو الزوجه تصرف راتبها كله على امور تافهه !! هل من حق الزوج التدخل وبقوه لحل هالامر ؟

بروحك تقول راتبها يعني كدها وشغلها وتعبها ، مب عاجبه تبذيرها يقعدها بالبيت ويكد هو ويدخر اللي يبيه لكن من فلوسها وغصبا عنها لا مب من حقه

[وطن]

والله ياحمد لو تشتري فيها خياش شعير وتقطها بكيفها

الا محبه فيها انصحها نصيحه انك انت اللي تصرف عليها وراتبها تخليه في البنك يمكن يوم تحتاجه او اهلها يحتاجون منها فلوس ونصيحه وحده ولا تكرر حتي لا يدخل الطمع والوسوسه في راسك

اما عندي ماعندي شغله الا راتب زوحتي اراكض وراها واشوف وين تحطه هذا طمع وقله مروه في الرجل

أشكرك أخوي اتش بي





حمد
حتى في راتبها تدخلت !!
اذا هي مبذرة من وجهة نظرك
يمكن من وجهة نظرها انت بخيل
ما تدري ؟!!
كل واحد يشوف الموضوع من منظوره الخاص

واذا هي مبذره انت مالك حق عليها
لها رب بيحاسبها !!

[Super Cool]

إذا مب مقصرة في إلتزاماتها أو إتفاقياتها المالية مب من حقه ياخذ منها اي شي...راتبها لها إلا ما "تتبرع" به للعائلة

و في نفس الوقت ما يصير هي تكون قليلة اصل....يعني زوجها مديون و هي ماخذة رنج أقساطه 8000 مادري أكثر!!!!

[وطن]

إذا مب مقصرة في إلتزاماتها أو إتفاقياتها المالية مب من حقه ياخذ منها اي شي...راتبها لها إلا ما "تتبرع" به للعائلة

و في نفس الوقت ما يصير هي تكون قليلة اصل....يعني زوجها مديون و هي ماخذة رنج أقساطه 8000 مادري أكثر!!!!

عفوا اخوي
ممكن تشرح لي التزاماتها المالية ؟
ما فهمتها
قصدك التزاماتها المالية في وين ؟

ودين زوجها ايش أسبابه هل هي السبب ؟!

[حسن]

ممكن تدلي بدلوك بشكل عام يالنوخذه ..

لو الزوجه تصرف راتبها كله على امور تافهه !! هل من حق الزوج التدخل وبقوه لحل هالامر ؟


والله ياحمد مابي افتي لك ولكن اذا طلبت راي وراي الحق

اذا انا راضي من اعماقي صحيح وليس متستر تحت عباءه الرضى المجتمعيه
ونظره المجتمع

وماعندي مانع انها تصرف وتلعب وتشتغل فيه صح
كيفها هي حره دام انا قبلت ان اتزوج امراه تعمل وعن قناعه كل زوج هو حر

ولكن لو انا مهب راضي ورضيت على فرض الوقع وتاثير المجتمعى على

لا والف لا

تساعد وتساهم حتى بالبيت وتحاول ان تتدخر لها ولاسرتها الزوج والابناء
اما حق سفرات مالها داعي وبشكر يؤثر على الميزانيه واتدهور الاخلاق
والسيارات اللي اسعرها نصف مليون بحجه فلوسها كيفها لا هذا الكلام مايمشي
على كرجل

نسيت اقولك بعد وتتبع ماركات وغيرها لا هذه مرفوضه

المشكله ياحمد الزياده كما ذكرها الامير في بومها وتخوف منها

بان تكون سلبيه

وفي منظوري نعم اصبحت سلبيه

[ضوى]

عفوا اخوي
ممكن تشرح لي التزاماتها المالية ؟
ما فهمتها
قصدك التزاماتها المالية في وين ؟

ودين زوجها ايش أسبابه هل هي السبب ؟!

تصدقين وطن ، حتى مع التزاماته المادية الكثيرة سابقاً عمره ماسألني راتبج وين يروح والله بالعكس يزيدني ، سبحان الله فيه ناس الفلوس همها الكبير ، يبه تصرفه على اهلها تصرفه في شنطة تصرفه في سفره اشعليكم دام زوجها راضي ، واذا مب راضي هم ينيازون مع بعض ، ليش ازرع افكار هدامة بين زوج وزوجته ، وافتح عينه على راتب زوجته واخليه يفكر ايه من حقي اخذ من فلوسها انا علي دين ، وهي تصرف على الكماليات ، خلوا الازواج عايشين مرتاحين هم ابخص ببعض

[Super Cool]

عفوا اخوي
ممكن تشرح لي التزاماتها المالية ؟
ما فهمتها
قصدك التزاماتها المالية في وين ؟

ودين زوجها ايش أسبابه هل هي السبب ؟!

لنفرض عليها فاتورة تلفون أو أقساط من قبل الزواج أو حتى متفقة ويا أهلها أن تعطيهم مبلغ شهري

طالما غطت كل إلتزاماتها و إتفاقياتها المادية بعدها راتبها حر و كيفها تسوي فيه اللي تبي

فالمقابل لنفرض الرجال مديون لأنه شاري بيت للعايلة أو سلفة علاج أو دراسة للعيال أو أو أو
وهي عارفة أنه مضغوط مادياً و بالياللللللللللله قاعد يغطي كل شهر و هي تروح تاخذ موتر قسطه
يفتح ثلاث بيوت هذي ما فيها إحساس مولية...إما إا مديون من السفر و المواتر خله يولي ههههههه

[Super Cool]

تصدقين وطن ، حتى مع التزاماته المادية الكثيرة سابقاً عمره ماسألني راتبج وين يروح والله بالعكس يزيدني ، سبحان الله فيه ناس الفلوس همها الكبير ، يبه تصرفه على اهلها تصرفه في شنطة تصرفه في سفره اشعليكم دام زوجها راضي ، واذا مب راضي هم ينيازون مع بعض ، ليش ازرع افكار هدامة بين زوج وزوجته ، وافتح عينه على راتب زوجته واخليه يفكر ايه من حقي اخذ من فلوسها انا علي دين ، وهي تصرف على الكماليات ، خلوا الازواج عايشين مرتاحين هم ابخص ببعض

آنا قايل حق المره....إذا شفتيني بنسجن من الديون تقدرين تتدخلين و تساعديني غير جذي ان شاء الله اشتغل وظيفتين ولا آخذ منج ريال!!!

و إذا تبين تهديني...إهديني هدايا مب فلوس

[وطن]

تصدقين وطن ، حتى مع التزاماته المادية الكثيرة سابقاً عمره ماسألني راتبج وين يروح والله بالعكس يزيدني ، سبحان الله فيه ناس الفلوس همها الكبير ، يبه تصرفه على اهلها تصرفه في شنطة تصرفه في سفره اشعليكم دام زوجها راضي ، واذا مب راضي هم ينيازون مع بعض ، ليش ازرع افكار هدامة بين زوج وزوجته ، وافتح عينه على راتب زوجته واخليه يفكر ايه من حقي اخذ من فلوسها انا علي دين ، وهي تصرف على الكماليات ، خلوا الازواج عايشين مرتاحين هم ابخص ببعض

الله يتمم عليكم و يزيدكم من فضله يا ضوى

فعلا في رياييل يزيدون حريمهم بدون ما يطلبون
وفي اللهم يا كافي .. يشوفها وين تصرف الريال !!
ولا يبيها تساهم معاه في البيت في المصرف و كل شي
وين عايشين في أوروبا !!
ترا القوامة لك يالحبيب
مب لها
:secret:

اذا هي حبت تصرف من طيب خاطر اوكى.. والله يجزيها خير
لكن اجباري !!
لا والف لا



لنفرض عليها فاتورة تلفون أو أقساط من قبل الزواج أو حتى متفقة ويا أهلها أن تعطيهم مبلغ شهري

طالما غطت كل إلتزاماتها و إتفاقياتها المادية بعدها راتبها حر و كيفها تسوي فيه اللي تبي

فالمقابل لنفرض الرجال مديون لأنه شاري بيت للعايلة أو سلفة علاج أو دراسة للعيال أو أو أو
وهي عارفة أنه مضغوط مادياً و بالياللللللللللله قاعد يغطي كل شهر و هي تروح تاخذ موتر قسطه
يفتح ثلاث بيوت هذي ما فيها إحساس مولية...إما إا مديون من السفر و المواتر خله يولي ههههههه

اشووووه
خرعتني
عبالي التزاماتها المالية اللي معاه في البيت
خبرك الحين البعض يدفعها الإيجار ومصروف البيت
شيرينغ شيرينغ


يا أخوي تاخذ اللي تاخذه .. رنج ولا بنتلي
عندها احساس ولا لا مع نفسها
الله يهنيهم ويسعدهم

[Super Cool]

الله يتمم عليكم و يزيدكم من فضله يا ضوى

فعلا في رياييل يزيدون حريمهم بدون ما يطلبون
وفي اللهم يا كافي .. يشوفها وين تصرف الريال !!
ولا يبيها تساهم معاه في البيت في المصرف و كل شي
وين عايشين في أوروبا !!
ترا القوامة لك يالحبيب
مب لها
:secret:

اذا هي حبت تصرف من طيب خاطر اوكى.. والله يجزيها خير
لكن اجباري !!
لا والف لا




اشووووه
خرعتني
عبالي التزاماتها المالية اللي معاه في البيت
خبرك الحين البعض يدفعها الإيجار ومصروف البيت
شيرينغ شيرينغ


يا أخوي تاخذ اللي تاخذه .. رنج ولا بنتلي
عندها احساس ولا لا مع نفسها
الله يهنيهم ويسعدهم

ما اعتقد في مره بترضى على زوجها ينسجن وهي عندها تغطي عنه
خصوصاً إذا ما يصرف على أرقام و مواتر و خرابيط...مثل ما قلت آنا لين اليوم ما خذت من زوجتي ريال
حتى مرة خشت لي فلوس فالسيارة لأني رافض آخذ منها و رجعت المبلغ بالريال...آنا ملزوم أصرف عالبيت

تجيب لي هدية زرار و الا قلم و الا جوال مب مشكلة

فلوس لا

[وطن]

ما اعتقد في مره بترضى على زوجها ينسجن وهي عندها تغطي عنه
خصوصاً إذا ما يصرف على أرقام و مواتر و خرابيط...مثل ما قلت آنا لين اليوم ما خذت من زوجتي ريال
حتى مرة خشت لي فلوس فالسيارة لأني رافض آخذ منها و رجعت المبلغ بالريال...آنا ملزوم أصرف عالبيت

والله يا اخوي ما اقدر اقول لك مافي مره ترضى زوجها ينسجن وهي عندها
في هالمواقف كل واحد يطلع أصله ومعدنه

يمكن في حريم ما يسددون عن ازواجهم
شدراني

[Super Cool]

أعرف واحد متقاعد من الدفاع المدني فراتبه على قده راح فتح شركة صيانة يدقدق

فيها و يصرف عالبيت مع راتب التقاعد...في مرّة تمشكل مع واحد و خرب شغل

عميل و انسحب منه شيك بـ 15 الف ظمان..."ما أعرف تفاصيل السالفة" المهم الرجال

انضرب فالموضوع ماعنده يغطي و صاحب الشيك راح إشتكى عليه فالنيابة و سحبوه و بهدلوه

تصدقين زوجته عندها عمارة شقق ورث بإسمها تستلم أجاراتها و تقدر تغطي قالت له

عندي عرس "بنت رفيجتي" وراي إلتزامات ماقدر أغطي و خلت زوجها فالنظارة!!!!

[ضوى]

أعرف واحد متقاعد من الدفاع المدني فراتبه على قده راح فتح شركة صيانة يدقدق

فيها و يصرف عالبيت مع راتب التقاعد...في مرّة تمشكل مع واحد و خرب شغل

عميل و انسحب منه شيك بـ 15 الف ظمان..."ما أعرف تفاصيل السالفة" المهم الرجال

انضرب فالموضوع ماعنده يغطي و صاحب الشيك راح إشتكى عليه فالنيابة و سحبوه و بهدلوه

تصدقين زوجته عندها عمارة شقق ورث بإسمها تستلم أجاراتها و تقدر تغطي قالت له

عندي عرس "بنت رفيجتي" وراي إلتزامات ماقدر أغطي و خلت زوجها فالنظارة!!!!

هذي محدثة نعمة ، بنت العز واللي شايفة خير ما تخلي زوجها ثانية بالسجن

[وطن]

أعرف واحد متقاعد من الدفاع المدني فراتبه على قده راح فتح شركة صيانة يدقدق

فيها و يصرف عالبيت مع راتب التقاعد...في مرّة تمشكل مع واحد و خرب شغل

عميل و انسحب منه شيك بـ 15 الف ظمان..."ما أعرف تفاصيل السالفة" المهم الرجال

انضرب فالموضوع ماعنده يغطي و صاحب الشيك راح إشتكى عليه فالنيابة و سحبوه و بهدلوه

تصدقين زوجته عندها عمارة شقق ورث بإسمها تستلم أجاراتها و تقدر تغطي قالت له

عندي عرس "بنت رفيجتي" وراي إلتزامات ماقدر أغطي و خلت زوجها فالنظارة!!!!

بالفعل في هذه المواقف كل واحد يبين أصله ومعدنه

ولا عرس بنت رفيجتها أهم من زوجها !!

الله يصلح الأحوال

[بشائر]

موضوع مهم ياحمد أشكرك عليه ..
حلو إن الزوج يهتم بأمر زوجته ومستقبلها ويخاف على مالها وهذا مطلوب أصلا ً..
وممكن يحفظ لها المبلغ المقترح منك ( 15000) لكن بحساب آخر باسمها طبعا ويتفق معها إنها ماتجيسه لين يصير عندها
مبلغ معين تقدر تستثمره ..
بعض الزوجات ( من اللي راحوا الطيبين) وفرت فلوسها عند زوجها من ( الغير طيبين) قام في نهاية المطاف أعرس عليها بفلوسها :)

وفقك الله .

[أم محمد 90]

موضوع مهم ياحمد أشكرك عليه ..
حلو إن الزوج يهتم بأمر زوجته ومستقبلها ويخاف على مالها وهذا مطلوب أصلا ً..
وممكن يحفظ لها المبلغ المقترح منك ( 15000) لكن بحساب آخر باسمها طبعا ويتفق معها إنها ماتجيسه لين يصير عندها
مبلغ معين تقدر تستثمره ..
بعض الزوجات ( من اللي راحوا الطيبين) وفرت فلوسها عند زوجها من ( الغير طيبين) قام في نهاية المطاف أعرس عليها بفلوسها :)

وفقك الله .

حسسسبي الله علييييييه

[Super Cool]

موضوع مهم ياحمد أشكرك عليه ..
حلو إن الزوج يهتم بأمر زوجته ومستقبلها ويخاف على مالها وهذا مطلوب أصلا ً..
وممكن يحفظ لها المبلغ المقترح منك ( 15000) لكن بحساب آخر باسمها طبعا ويتفق معها إنها ماتجيسه لين يصير عندها
مبلغ معين تقدر تستثمره ..
بعض الزوجات ( من اللي راحوا الطيبين) وفرت فلوسها عند زوجها من ( الغير طيبين) قام في نهاية المطاف أعرس عليها بفلوسها :)

وفقك الله .

إبليس قط زقارته و قام يصفق!!!!

المفروض التوفير يكون بإسمها أو إسم عيالها على أقصى حد

[مختلفة عقليا]

أعرف واحد متقاعد من الدفاع المدني فراتبه على قده راح فتح شركة صيانة يدقدق

فيها و يصرف عالبيت مع راتب التقاعد...في مرّة تمشكل مع واحد و خرب شغل

عميل و انسحب منه شيك بـ 15 الف ظمان..."ما أعرف تفاصيل السالفة" المهم الرجال

انضرب فالموضوع ماعنده يغطي و صاحب الشيك راح إشتكى عليه فالنيابة و سحبوه و بهدلوه

تصدقين زوجته عندها عمارة شقق ورث بإسمها تستلم أجاراتها و تقدر تغطي قالت له

عندي عرس "بنت رفيجتي" وراي إلتزامات ماقدر أغطي و خلت زوجها فالنظارة!!!!


مستعده احلف ان مو عشان العرس ., لنفرض جدلا .,

ان اجار الشقه ب 6000 ., لو عندها 8 شقق الحساب بيطلع 48000 يعني ولا شي بالنسبه لـ 15000

بس لو كانت تبيه ينقرص ويتعلم ما يعود هالحركه ., بتخليه يتم عشان يعرف يتصرف .,

دام ما سمعنا رايي الطرفين ,. مانقدر نحكم ,.

يسلموو ,’

[Super Cool]

مستعده احلف ان مو عشان العرس ., لنفرض جدلا .,

ان اجار الشقه ب 6000 ., لو عندها 8 شقق الحساب بيطلع 48000 يعني ولا شي بالنسبه لـ 15000

بس لو كانت تبيه ينقرص ويتعلم ما يعود هالحركه ., بتخليه يتم عشان يعرف يتصرف .,

دام ما سمعنا رايي الطرفين ,. مانقدر نحكم ,.

يسلموو ,’

ناقص الفواتير و رواتب العمال و تكلفة الصيانة و العمارة أكثر من 8 شقق للأمانة

المره كان يطلع لها فالشهر حول الـ 20...و الرجال اللي عليه الشيك مب هو الغلطان

لكن العامل ماله غلط فالصيانة وهو عليه شيك ظمان...ينقرص من أي ناحية؟ هو ما

سوى شي اصلاً و طاحت في راسه!؟

[بونووف]

مستعده احلف ان مو عشان العرس ., لنفرض جدلا .,

ان اجار الشقه ب 6000 ., لو عندها 8 شقق الحساب بيطلع 48000 يعني ولا شي بالنسبه لـ 15000

بس لو كانت تبيه ينقرص ويتعلم ما يعود هالحركه ., بتخليه يتم عشان يعرف يتصرف .,

دام ما سمعنا رايي الطرفين ,. مانقدر نحكم ,.

يسلموو ,’

اما انه تخليه يتوقف عشان ينقرص هذي مافيها خير من الاخر ..

[qrt_trading]

بالنسبة لي أنا راتبي كله لعيالي وشغالاتي والبيت في السنه يمكن مره او مرتين أدلع نفسي واسوي لي كم عباية وأخذ لي وأنتو بكرامه جوتي ولا نعال، وصار لي 5 سنين الحين أقول كل شهر الشهر الجاي راح افسفس مبلغ جذي وادلع نفسي وأخذ لي شنطه ماركة بس لين جا الشهر الجاي ذي استخسرت المبلغ على نفسي ورحت صرفته على بيتي او اعيالي.

[بوعابد333]

حلو يكون في حساب مشترك اقصد كل واحد منهم يحط مبلغ معين شهرياً فهالحساب ويخلونه إدخار للمستقبل

والزوجة اللي تشتغل و تفسفس فلوسها عالماركات والكلام الفاضي وما تدخر اشوف قعدتها فالبيت ابرك يعني لا تربي العيال بتقطهم عند الخدامه آخرتها عشان تشتري شنطه ونعال الله يعزكم بمبلغ وقدره هذا كلام ؟!!

اشوف الحرمه تقعد فالبيت تربي العيال احسن من الشغل خاصة مع جرايم الخدم محد يأمن عليهم والله يهدي الجميع

[ريم الشمال]

الانسان دائما يبحث عن الأفضل لنفسه ولمن يحب
لذلك الزوج اقرب إلى الزوجة خاصة بعد العشره والاولاد لذلك هو بمقدوره أن يساعد زوجته في تدبير أمور معينة خاصة إذا كان ذو شخصية قيادية وهي أنسانة طيبة وإلي في يدها ليس لها أو من الذين يصرفون دون وجود الكنترول على عملية الصرف والأمر ممكن يكون العكس يكون الزوج هو من يصرف دون كنترول لذلك تقوم الزوجة بمساعدته ...
من خلال النصيحة بفتح حساب في البنك أو شراء اسهم وبيعها متى وجد أنها لها قيمة في السوق أو يدفعها لشراء بيت أو أرض عن طريق البنك حيث يتم خصم مبلغ من المعاش شهرياً والباقي منه تصرفه على نفسها ...
اما القول أن يقوم هو بجمع أموال الزوجه فالأفضل إلا يفعل وأنما ينصح ويشور عليها بما ينفعها مما قيل سابقاً .
الحياة الزوجية لا تقوم في كثير من أمورها على الحساب بالقلم والمسطرة بين الزوجين ولا بتأمين الكامل ولا تخوين أنما تحتاج فقط أن يكون أحدهما فطن حتى تسير الحياة بشكل جيد لهما بخلاف إذا كان الطرفين الزوج والزوجة نفطنين هذه حياتهم قمة الروعة والتناسق بينهما اعتقد .

[بصمة قطرية]

أعرف واحد متقاعد من الدفاع المدني فراتبه على قده راح فتح شركة صيانة يدقدق

فيها و يصرف عالبيت مع راتب التقاعد...في مرّة تمشكل مع واحد و خرب شغل

عميل و انسحب منه شيك بـ 15 الف ظمان..."ما أعرف تفاصيل السالفة" المهم الرجال

انضرب فالموضوع ماعنده يغطي و صاحب الشيك راح إشتكى عليه فالنيابة و سحبوه و بهدلوه

تصدقين زوجته عندها عمارة شقق ورث بإسمها تستلم أجاراتها و تقدر تغطي قالت له

عندي عرس "بنت رفيجتي" وراي إلتزامات ماقدر أغطي و خلت زوجها فالنظارة!!!!

في الأخير ( كلن يعمل بأصله ) ..
أنا أعرف وحدة يوم تأزموا باعت ذهبها و لا تشوف زوجها في هالحالة ..!!
سبحان الله ( الناس معادن ) ..

[لاجل QT]

بالرضى ممكن

اما غصبن عنها سوري عاد هذا حرامي

في البداية بيقول لها لمصلحتها ولما يشوف الفلوس تكثر بيطمع فيها

حرامى

[حفيد الأنصار]

بالنسبة لي أنا راتبي كله لعيالي وشغالاتي والبيت في السنه يمكن مره او مرتين أدلع نفسي واسوي لي كم عباية وأخذ لي وأنتو بكرامه جوتي ولا نعال، وصار لي 5 سنين الحين أقول كل شهر الشهر الجاي راح افسفس مبلغ جذي وادلع نفسي وأخذ لي شنطه ماركة بس لين جا الشهر الجاي ذي استخسرت المبلغ على نفسي ورحت صرفته على بيتي او اعيالي.


جزاك الله خير وكثر الله من أمثالك
احقاقا للحق .. أغلب الحريم اللي أشووفهم وأعرفهم نفس هالحال
رواتبهم يصرفون نسبة كبيرة منها ع البيت او ع الشغاله والبزوره ... الخخخ

[أم محمد 90]

مستعده احلف ان مو عشان العرس ., لنفرض جدلا .,

ان اجار الشقه ب 6000 ., لو عندها 8 شقق الحساب بيطلع 48000 يعني ولا شي بالنسبه لـ 15000

بس لو كانت تبيه ينقرص ويتعلم ما يعود هالحركه ., بتخليه يتم عشان يعرف يتصرف .,

دام ما سمعنا رايي الطرفين ,. مانقدر نحكم ,.

يسلموو ,’

مستعده تحلفييييين !!

يااااه بعض البشر ذمتهم وسيعه

استغفر الله ..

[راعي طموح]

في البداية الموضوع تكلم عن التبذير و القصد هو الاسراف لانه في فرق بينهم:-

التبذير: صرف المال في الحرام حتى لو كان قليلا - مثال: صرفت البنت فلوسها على حف حواجبها ((تبذير))
الاسراف: هو صرف المال زيادة عن الحد المعقول او الزائد عن الحاجه - مثال: بنت عندها 8 شنط اثنين جداد ما استخدمتهم و تبي تشتري الشنطه ال 9 ((اسراف))

نرجع للموضوع

انا ضد تدخل الرجل في راتب الزوجه باي شكل من الاشكال .. هو رب البيت و هو في يده العصمه و هو المفروض اللي يصرف على البيت و على زوجته

نجي لموضوع حث الزوجه على الاستثمار

الموضوع يحتاج انت توعيها و تعلمها هي تستثمر من نفسها .. استجابت فانت وصلت لهدفك .. ما استجابت في طريقه انا اسويها و بعرضها للاستفاده منها من الجميع

انت الرجل و لازم عليك تنفق عليها .. انت بينك و بين نفسك رتبت امورك و شفت وضعك انك تقدر تمشي راتب لزوجتك قيمته 10 الاف ريال

بعد مده الله فتح عليك و قررت تزيد راتب زوجتك 2000 ريال .. اصبر و تمهل .. هي حاليا متكيفه على ال 10 الاف .. هال 2000 قسمها .. 1000 زياده لها .. و 1000 منك تستثمرها لها .. و لا تعلمها عنها .. و بكذا استثمرت لزوجتك اللي بتشوف ثمرة استثمارك لها بعد مده من الزمن .. و بتكون شاكره لك

الازواج دوم يفتحون حسابات لعيالهم و يستثمرون لهم .. انت كرب الاسره اذا شفت انه زوجتك ما تستثمر فاعتبرها كاحد عيالك و افتح لها حساب و استثمر .. هذي اسرتك و اهلك و تامين مستقبلهم جميع احدى واجباتك


نجي للزوجة الموسع لها في الرزق

فلوسج ملك لج محد له حق فيها .. بس يعتبر عيب و قلة سنع عدم مشاركتج في اعباء الحياه مع زوجج و خاصه اذا كان من محدودين الدخل .. زوجج يعتبر واجهة الاسرة .. الاهتمام به و مساعدته للارتقاء بالاسرة هو يعتبر ارتقاء لج و لاسرتج ككل

الازواج اللي يتعاملون مع بعض كانهم اجانب ساكنين مع بعض (لان عيال او بنات العرب لو يسكنون في بيت واحد راح يساعدون بعض من دون ما يكون في ارتباط او علاقه مثل الزواج .. هذا اللي تربوا عليه) .. انصحهم يراجعون نفسهم و زواجهم و علاقتهم لانه فيه شلخ كبير .. و ما ظنتي بينهم سعاده و راحه


انتهينا .. السموحة على الرد الطويل

[نتفـه]

لا اوافق بشده ..
الحين من ما تغريه الفلوس وتقلبه شخص ثاني !!!
مافي امل يخزن البيزات الا بيصرفهم على كمالياته ..
شدعوه المره لهالدرجه مصادره حقوقها .. ومعتبرها سفيهه الله يهداك ؟

هاي لو مب صاحيه وتبذرر ماظن بيتم معاها .. مع انها بيزاتها وهي حره فيها .. ونادر ما القى وحده تبذر على كماليات مالها داعي بالعكس كل من صارت ام خلت نفسها وبذرت على عيالها

[نتفـه]

في البداية الموضوع تكلم عن التبذير و القصد هو الاسراف لانه في فرق بينهم:-

التبذير: صرف المال في الحرام حتى لو كان قليلا - مثال: صرفت البنت فلوسها على حف حواجبها ((تبذير))
الاسراف: هو صرف المال زيادة عن الحد المعقول او الزائد عن الحاجه - مثال: بنت عندها 8 شنط اثنين جداد ما استخدمتهم و تبي تشتري الشنطه ال 9 ((اسراف))

نرجع للموضوع

انا ضد تدخل الرجل في راتب الزوجه باي شكل من الاشكال .. هو رب البيت و هو في يده العصمه و هو المفروض اللي يصرف على البيت و على زوجته

نجي لموضوع حث الزوجه على الاستثمار

الموضوع يحتاج انت توعيها و تعلمها هي تستثمر من نفسها .. استجابت فانت وصلت لهدفك .. ما استجابت في طريقه انا اسويها و بعرضها للاستفاده منها من الجميع

انت الرجل و لازم عليك تنفق عليها .. انت بينك و بين نفسك رتبت امورك و شفت وضعك انك تقدر تمشي راتب لزوجتك قيمته 10 الاف ريال

بعد مده الله فتح عليك و قررت تزيد راتب زوجتك 2000 ريال .. اصبر و تمهل .. هي حاليا متكيفه على ال 10 الاف .. هال 2000 قسمها .. 1000 زياده لها .. و 1000 منك تستثمرها لها .. و لا تعلمها عنها .. و بكذا استثمرت لزوجتك اللي بتشوف ثمرة استثمارك لها بعد مده من الزمن .. و بتكون شاكره لك

الازواج دوم يفتحون حسابات لعيالهم و يستثمرون لهم .. انت كرب الاسره اذا شفت انه زوجتك ما تستثمر فاعتبرها كاحد عيالك و افتح لها حساب و استثمر .. هذي اسرتك و اهلك و تامين مستقبلهم جميع احدى واجباتك


نجي للزوجة الموسع لها في الرزق

فلوسج ملك لج محد له حق فيها .. بس يعتبر عيب و قلة سنع عدم مشاركتج في اعباء الحياه مع زوجج و خاصه اذا كان من محدودين الدخل .. زوجج يعتبر واجهة الاسرة .. الاهتمام به و مساعدته للارتقاء بالاسرة هو يعتبر ارتقاء لج و لاسرتج ككل

الازواج اللي يتعاملون مع بعض كانهم اجانب ساكنين مع بعض (لان عيال او بنات العرب لو يسكنون في بيت واحد راح يساعدون بعض من دون ما يكون في ارتباط او علاقه مثل الزواج .. هذا اللي تربوا عليه) .. انصحهم يراجعون نفسهم و زواجهم و علاقتهم لانه فيه شلخ كبير .. و ما ظنتي بينهم سعاده و راحه


انتهينا .. السموحة على الرد الطويل

هذا هو الكلام ,, بارك الله فيك

[meme-93]

السؤال ،،
هل الزوج يجمع حق نفسه اولا عشان يجمع لزوجته؟؟؟


اذا شفت زوجي يعرف يجمع لنفسه بالاول
بخليه يفتح لي حساب باسمي وبعطيه يجمع لي
واذا مايعرف من الاساس يجمع حق نفسه انا اولا اجمع فلوسي بنفسي

[بانغ بانغ]

بوشهاب اعرف وحده راتبها فوق ظ¦ظ¥ وزوجها الفقير يصرف عليها حتى فواتير كيوتل يدفعها وهي بس شناط ومكياج

قام وتزوج عليها






نهاية القصة الحزينة

[طلعة الروح]

بوشهاب اعرف وحده راتبها فوق ظ¦ظ¥ وزوجها الفقير يصرف عليها حتى فواتير كيوتل يدفعها وهي بس شناط ومكياج

قام وتزوج عليها






نهاية القصة الحزينة

مادام تزوج عليها فهاي معناته لا هو فقير ولا هو مسكين وتستاهل يصرف كل فلوسه عليها

[طلعة الروح]

السلام عليكم ورحمه الله وبركاته

الموضوع يحمل العنوان التالي

((في حاله التبذير .. ماهو الحل ؟ ))

كلكم اتعرفون حب الحريم للتسوق والصرف بمبالغ طائله على امور وكماليات مالها داعي !!

هل من حق الزوج انه ياخذ جزء من راتب زوجته بغرض حفظه لها او استثماره لها .. في حاله وجد بانه زوجته مبذره ولا تحسن التصرف براتبها ؟!!

لاني انا حسبت حسبه عمليه في مخي لو بيخش مبلغ 15 الف كل شهر من راتب زوجته بيطلع في نهايه السنه 180 الف .. وعقب كمن سنه يقدر يشتري لها منزل او قطعه ارض بعد توفير مبلغ محترم بدلا من كماليات مامنها فايده ولا منفعه !!!

منتظر ارائكم وفقا لصلب الموضوع وعدم الخروج عن مساره لكي مايتسكر ..


بالتوفيق


الزوجه كيفها وحره بفلوسها مب ناطره زوجها يفكر لها ويخطط لمستقبلها، واذا من نفسها اطلبت هالشي منه فهذي حرية الاختيار وثقه في ذكائه المالي..
لكن ما تنجبر انه يتحكم في طريقة صرفها وبعدين مب كل النساء يصرفون مبالغ طائلة شهريا على الكماليات والاشياء الاستهلاكيه، ليش مايكون الزوج هو اللي يفسفس فلوسه على تفاهات؟,,