[ سبورة أخبار البيت ..!! ]

[الزعفراني]

لا أحد ينكر أن التواصل الاجتماعي الحقيقي اليوم أصبح شبه معدوم بين الناس الأقارب .. ويرجع ذلك لاسباب كثيرة أحدها .. أجهزة الهواتف الذكية وماتحمله من وسائل وبرامج للتواصل

مثل الواتس أب والبي بي ماسنجر .. لدرجة في بعض البيوت الاخوان ما يشوفون بعض .. وهم تحت سقف واحد .. وكذلك الأبناء كثير منهم مشغول يا في جامعة او في شغل .. او مع زوجته وعياله في بيت بروحه ووالدينه في بيت

بالإضافة إلى انشغال الكثييير من الأطفال والمراهقين بمثل هذه البرامج .. ويكاد يختفي عندهم مفهوم التواصل الاجتماعي الحقيقي مع الناس والاقارب والجيران

والكل اصبح لاهي مع هالبرامج ..

في بيوت الاطفال فيها ما يعرفون خوالهم او عمامهم من الدرجة الثانية .. أو حتى نسايبهم من الدرجة الثانية .. ولا التقوا فيهم الا ما ندر ..

ومن باب تعزيز الألفة واعادة التواصل مع الاقارب والأهل والجيران .. وان الناس تعرف اخبار بعضها بعض سواء الاخبار الاجتماعية او النفسية او حالتهم المادية ..

وتأصيل فكرة ان التواصل والالتقاء بالناس او بالمكالمات الهاتفية هو أقرب إلى تآلف القلوب وترابط الناس وتلاحمهم والمشاركة معهام والوقوف بجانبهم .. والتراحم بينهم ..



الفكرة حسب العنوان قرأتها قبل كم يوم .. عن وضع سبورة في البيت .. نسميها سبورة أخبار البيت ..

تعلق او توضع على ستاند .. في مكان في البيت .. ويتم فيها تسجيل الأخبار الخاصة بالبيت والأقارب .. وكل شخص يكتب أي خبر يحب يشعر اهل بيته فيه ..

بحيث نطلب من كل شخص في البيت يسجل اي حدث او اي خبر .. في اي وقت واي زمان ..

وطبعا هالشيء متاح للجميع بما فيهم الاب والام ..

مثلا بالنسبة للأب .. يكتب :

" أبوكم استلم الراتب اليوم وعندي لكم مفاجأة "

الأم تكتب :

" خالكم مريض ياليت تتصلون عليه وتتحمدون له بالسلامة "

البنت تكتب :

" حاسة بتعب وارهاق برتاح لمدة ساعتين في غرفتي لحد يزعجني "

الولد يكتب :

" خاطري يوم الخميس نروح سيلين "


..... إلخ

من هالأخبار ..

اشرايكم في الفكرة ؟ :shy:
وهل ممكن تطبقها في البيت ؟؟

أنا صراحة أفكر جدياً في الموضوع ..

[ودي أكون]

في تناقض اخوي فالموضوع .. او يمكن انك مافكرت بالموضوع عدل !!

انت قلت ف بداية الموضوع ان الوتساب والبلاك يبري وغيرها من البرامج صارت حلقة الوصل بين الاخوان والخوات والاقارب اكثر من الجلوس في البيت في مكان واحد والتواصل بالكلام ! ..
وبنفس الوقت تقول شرايكم نستخدم صبورة التواصل عشان يتم التواصل بين الاسره ..!!

احين عندك الوتساب والبلاك بيري .. فليش محتاج صبورة ؟!!

فكره عبيطه لانها لو صارت في بيتنا .. كل يوم برسم لهم وردة ومره بحر .. واكثر جمله بكتبها نبي نطططططططلع .. :p


بالنسبة للوضع حالياً .. صح قبل كانت الاسره تتواجد ف مكان واحد لكنها اقلب الوقت عالتلفونات الخ .. بس انا اشوف هالشيء قبل .. في السابق يعني!

بالنسبة لنا احنا عندنا قروب الاخوان والخوات .. كلنا فالقروب اللي فالبيت واللي ف بيت بروحه ويوميا ماشاءالله نتواصل ونحك بعض ونطرش اشياء مفيدة وعبط واستلام ف بعض واي خبر عائلي كان او غيره يتم تداوله عندنا فالقروب الخ ..

ف يوم نجتمع عقب فالبيت .. كلن مايدري عن جواله تقريباً .. او يشوف جواله شوي ويخليه الخ .. ونتواصل بالكلام والسوالف ..

لان بالفعل احس سالفة الادمان عالوتساب والبلاك بيري كان في السابق


والله اعلم

[الزعفراني]

في تناقض اخوي فالموضوع .. او يمكن انك مافكرت بالموضوع عدل !!

انت قلت ف بداية الموضوع ان الوتساب والبلاك يبري وغيرها من البرامج صارت حلقة الوصل بين الاخوان والخوات والاقارب اكثر من الجلوس في البيت في مكان واحد والتواصل بالكلام ! ..
وبنفس الوقت تقول شرايكم نستخدم صبورة التواصل عشان يتم التواصل بين الاسره ..!!



أنا ما قلت هالكلام ممكن توضحين لي في الموضوع اللي انا كتبته عشان نعرف نرد على باقي النقاط ؟

[توشيبا]

السلام عليكم ورحمه الله وبركاته

الفكر اهي نفسها سوا استخدمو برامج المحادثه واهي اسرع بوصول الخبر اكثر من السبوره

يعني مثل مايقلون مطاح الا انبطح او العكس المهم انه مثل غلط

[العلياا]

السلام عليكم ورحمه الله وبركاته

الفكر اهي نفسها سوا استخدمو برامج المحادثه واهي اسرع بوصول الخبر اكثر من السبوره

يعني مثل مايقلون مطاح الا انبطح او العكس المهم انه مثل غلط

صحيح نفس الفكرة
يعني مكان الصبورة وين بيكون !! الارضي والا فوق يعني احس تطبيقها صعب شوي !!

قروب واحد في الواتساب او البيبي تحت اسم ( سستر قروب ) ما شاءالله كل اخبار البيت توصلني فرش ما يقصرون :shy:

[ودي أكون]

أنا ما قلت هالكلام ممكن توضحين لي في الموضوع اللي انا كتبته عشان نعرف نرد على باقي النقاط ؟

انت جبت طاري الوتساب ,, وبنفس الوقت جبت طاري الصبوره ..

الا اذا كنت تقصد الصبوره انخليها لليهال فقط .. مع العلم ان اللحين حتى اللي بصف الاول منزل لها البلاك بيري عالايباد :rolleyes2:

انا اقول انخلي الصبورة حق الخدم .. كل واحد قبل لا يطلع يكتب (( سوي دجاج مشوي .. والثاني ميري سوي شوربه .. والثالث عطي ثيابي الدريول يوديهم اللاندري الخ .. )) اهني بتطلع فكرتن منتازة صدقني :tease:

[ضوى]

عجبتني الفكرة جدا .

[الزعفراني]

السلام عليكم ورحمه الله وبركاته

الفكر اهي نفسها سوا استخدمو برامج المحادثه واهي اسرع بوصول الخبر اكثر من السبوره

يعني مثل مايقلون مطاح الا انبطح او العكس المهم انه مثل غلط

وعليكم السلام ورحمة الله وبركاته

نتفق انها نفس الفكرة .. والبرامج اسرع .. لكن التأثير والأثر اللي تتركه ماراح يكون نفس الشيء
وغير كذا الطريقة تعود الأطفال على مفاهيم كثيرة في التقارب والتراحم والتواصل وتكبر معاهم

[أم محمد 90]

بصراحه الفكررة وايد حلوة


بس انا وامي وابوي واخواني مسويين قروب بالواتس اب اسمه عيال بو محمد و كل واحد يكتب فيه

مثلاً امي تكتب (انا رايحة الجمعية الي يبي شي يقول)

وانا اقول انا ف الكلية واصور كتبي واطرش
وهكذا ....

[الزعفراني]

صحيح نفس الفكرة
يعني مكان الصبورة وين بيكون !! الارضي والا فوق يعني احس تطبيقها صعب شوي !!

قروب واحد في الواتساب او البيبي تحت اسم ( سستر قروب ) ما شاءالله كل اخبار البيت توصلني فرش ما يقصرون :shy:

راجعي ردي السابق على اخوي H-P

بالنسبة للمكان تنحط في مكان قريب من باب الصالة مثلا بحيث اي شخص يخرج من البيت او يدخل ممكن يشوفها .. أو بالقرب من الدرج اللي يودي لغرف النوم

وتكون على ستاند متحرك مثلا نفس ذي :)

http://i02.i.aliimg.com/img/pb/915/379/245/1272443306543_hz_fileserver3_2017446.jpg

:shy:

[الزعفراني]

انت جبت طاري الوتساب ,, وبنفس الوقت جبت طاري الصبوره ..

الا اذا كنت تقصد الصبوره انخليها لليهال فقط .. مع العلم ان اللحين حتى اللي بصف الاول منزل لها البلاك بيري عالايباد :rolleyes2:

انا اقول انخلي الصبورة حق الخدم .. كل واحد قبل لا يطلع يكتب (( سوي دجاج مشوي .. والثاني ميري سوي شوربه .. والثالث عطي ثيابي الدريول يوديهم اللاندري الخ .. )) اهني بتطلع فكرتن منتازة صدقني :tease:

بعد ما جاوبتي على سؤالي

[الزعفراني]

عجبتني الفكرة جدا .

حتى أنا أفكر فيها.. يبيله :shy:

[ودي أكون]

بعد ما جاوبتي على سؤالي

يوم بفهم سؤالك بجاوب ان شاءالله .. خذ الصبورة الخشبيه احلى :tease:

[العلياا]

راجعي ردي السابق على اخوي H-P

بالنسبة للمكان تنحط في مكان قريب من باب الصالة مثلا بحيث اي شخص يخرج من البيت او يدخل ممكن يشوفها .. أو بالقرب من الدرج اللي يودي لغرف النوم

وتكون على ستاند متحرك مثلا نفس ذي :)

:shy:

الوالدة والوالد ما يعرفون يكتبون :(
واذا البيت له اكثر من مدخل ومخرج والغرف متوزعه :rolleyes2:

ادري حيرتك لكن بالنسبة لي اشوف وسائل التواصل اسرع واسهل بكثير ..

موفقين

[شيخ الديرة]

سبــــــ :eek5: ـــورة ؟؟

حل المشكله من جذورها, حتى اللي يعرف يكتب هالأيام خطه ما ينقري, (أعتذر من الأطباء)

[ANONYMOUS]

تصلح للغرب

بس احنا ك عرب ومسلمين لازم نخصص وقت للعائله في البيت غير الواتساب و وسائل التواصل الاجتماعي

انا من رايي بدلا من ايجاد حلول للمشكله

نوقف المشكله من الاساس

ك مثال

بدل ماتطفي النار .. امنع حدوثها

بعدين ترى السبوره بتنترس اغراض البيت .. جيب خبز صلح الليتات ...الخ

[مختلفة عقليا]

السلام عليكم .,

الفكره ممتازه ., اتخيل داشه البيت ., واخوي الصغير كاتب واحشتني يالحب .,

ولها تاثير نفسي رائع .,

احنا مسوين قروب ف الواتساب ., كل السوالف انقولها اهناك .,

ويسلموو .,

[الزعفراني]

بصراحه الفكررة وايد حلوة


بس انا وامي وابوي واخواني مسويين قروب بالواتس اب اسمه عيال بو محمد و كل واحد يكتب فيه

مثلاً امي تكتب (انا رايحة الجمعية الي يبي شي يقول)

وانا اقول انا ف الكلية واصور كتبي واطرش
وهكذا ....

الله يحفظهم ...

[الزعفراني]

يوم بفهم سؤالك بجاوب ان شاءالله .. خذ الصبورة الخشبيه احلى :tease:

أنا من قريت ثاني رد لج في الموضوع عرفت ان عندج مشكلة في الفهم .. الله يعينج .. نوّرتي الموضوع

[المحاميه]

اشدعوه
ماعجبتني الفكره
سالفه سبورة وكل واحد تعال واكتب ولا علق ورقه
حسبالك بيكون فيه نظام والتزام اكيد لا

الحين الناس عيزانه تمشي سيده واتكلم وتعبر عن اللي ف خاطرها تبيهم يروحون ويرفعون القلم ويكتبون؟ زين اذا التزمنا وكتبنا تضمن ان حد يطل فيها

هههه انا اقول خلنا على الكلام والاخبار الفوريه احسن
ولا حياتنا بتصير صعبه اذا طول الوقت منشغلين بالتكنولوجيا والكتابه تبينا بعد نلتزم بسبوره ف البيت ونكتب فيها الاخبار
خايفه اذا طبقنا هالفكره ننسى اشلون نتكلم

[الزعفراني]

الوالدة والوالد ما يعرفون يكتبون :(
واذا البيت له اكثر من مدخل ومخرج والغرف متوزعه :rolleyes2:

ادري حيرتك لكن بالنسبة لي اشوف وسائل التواصل اسرع واسهل بكثير ..

موفقين

الفكرة محد ملزوم يطبقها .. يعني هي مجرد فكره .. واللي يبي يطبقها يقدر

[تغلبية]

فكرة حلوة مرحة ..

تسوي جو في البيت

ممكن تخليكم على اتصال بسيط "وجدانيا"

بس التواصل المباشر هو الافضل اللي ما تحل محله السبوره

[Super Cool]

إحنا مسوين قروب فالواتسآب للعايلة ههههههههههههههههههههههه

لأن الكل تزوج و ما عاد أحد فالبيت فجذي نتواصل على طول

[الزعفراني]

إحنا مسوين قروب فالواتسآب للعايلة ههههههههههههههههههههههه

لأن الكل تزوج و ما عاد أحد فالبيت فجذي نتواصل على طول

اللي تزوجوا ماعندهم عيال :shy:

[الزعفراني]

فكرة حلوة مرحة ..

تسوي جو في البيت

ممكن تخليكم على اتصال بسيط "وجدانيا"

بس التواصل المباشر هو الافضل اللي ما تحل محله السبوره

فعلا هذي من اثار واهداف مثل هذه الأفكار .. بارك الله فيج

[الزعفراني]

اشدعوه
ماعجبتني الفكره
سالفه سبورة وكل واحد تعال واكتب ولا علق ورقه
حسبالك بيكون فيه نظام والتزام اكيد لا

الحين الناس عيزانه تمشي سيده واتكلم وتعبر عن اللي ف خاطرها تبيهم يروحون ويرفعون القلم ويكتبون؟ زين اذا التزمنا وكتبنا تضمن ان حد يطل فيها

هههه انا اقول خلنا على الكلام والاخبار الفوريه احسن
ولا حياتنا بتصير صعبه اذا طول الوقت منشغلين بالتكنولوجيا والكتابه تبينا بعد نلتزم بسبوره ف البيت ونكتب فيها الاخبار
خايفه اذا طبقنا هالفكره ننسى اشلون نتكلم

هل بيكون نظام والتزام .. هذا يعتمد على ( تربية ) الأولاد في البيت وأخلاقهم وحسن تعاملهم مع والدينهم .. أما سالفة الكسل والعجز بعد تعتمد على التربية والتحفيز والتشجيع

مش مطلوب او حد ملزم بمثل هذا الموضوع ولكنها فكره .. قد تروق لآخر ويرفضها آخر ..

[Super Cool]

اللي تزوجوا ماعندهم عيال :shy:

الأحفاد مطيحين مع بعض

آنا أتكلم عن الاخوان و الخوات...مسوين لنا قروب نتواصل مع بعض ونعرف من التعبان من المشغول شنو الجديد لأن ما شاء الله عايلتنا كبيرة و صعب تجمعنا كلنا في نفس الوقت لابد أحد مشغول أو مسافر أو لا سمح الله مريض...إمتحانات اليهال وغيره و غيره و غيره

[R 7 A L]

في مجلس هل قطر باحد الولايات الامريكية
الشباب حاطين سبورة فيها اخبار الي بيرجعون وارقامهم
وفيها التنويه عن الكرايم للضيوف الجدد



فكرة رائعة
لاتزعل اخوي من الرافضين للفكرة
هذولا فيهم كسل غير طبيعي مايبون يكتبون هههههه

[الرويـس]

بس في مشكلة

من بينتبه للصنبورة ؟

[فتى الجود]

السلام عليكم

الصراحه فكره حلوه
واعتقد انها بتنهى كثير من مشاكلة :
" انتوا ماتقولون "

أوؤيدك

[elders]

فكرة حلوة
بس استبدلها بلوحة وبرية وقصاصات ورق ملونه مع دبابيس والام تاخد القصاصات اللي صلاحيتهم انتهت كذكرى وبس يكبرو تطلعهم رح يكون شيء جميل بالاضافه الى امكانية التقاء الاعضاء فيس توفيس عند اللوحه ودمتم خخخخخخخ

شي بيشبه هيك

87766

[قنديلة]

حلوه الفكرة تقوي من الروابط خاصة للاسر المنشغلة دائما
وفكره اخرى بحجز غرفه للاجتماعات العائلية والمشورى للقضايا المهمة والعالقة لحلها الى الاخر

[نتفـه]

حلوه الفكره .. لكن ف بيتنا ماظن بتتطبق
احنا سوينا قروب ف البي بي .. وكان على الفاضي مافي اي نوع من الكلام واذا تكلمو قالو اشياء جدا تافهه !!!! لين حذفته وعقب هم بعد حذفوه !!!
ماعتقد ان حد فيهم مهتم يكتب للثاني -_-"

للاسف مع ان ف خاطري والله ..

[الزعفراني]

حلوه الفكره .. لكن ف بيتنا ماظن بتتطبق
احنا سوينا قروب ف البي بي .. وكان على الفاضي مافي اي نوع من الكلام واذا تكلمو قالو اشياء جدا تافهه !!!! لين حذفته وعقب هم بعد حذفوه !!!
ماعتقد ان حد فيهم مهتم يكتب للثاني -_-"

للاسف مع ان ف خاطري والله ..

جربي الفكرة .. يمكن تنجح أفضل من القروب اللي فشل