استفسار ضروري.. بخصوص الصبغ الخرجي

[قلم صادق]

السلام عليكم

عندي استفسارأخواني ..

ايش اللي ابدا فيه اول أصبغ الصبغ الخارجي اولآ ام تركيب الانتر لوك

لان اللي بيسوي الانترلوك يقول الصبغ اول علشان ما يأثر على الانترلوك ....

واللي بيصبغ يقول ..لأ .. الانترلوك اول علشان ما ياثر الغبار مال تركيب الانترلوك على الصبغ ..

وانا في حيره ايش الاول .

وششكرا

[الواافي]

انتر لوك اول شي
لي بيصبغ يحط بلاستك عشان مايسوخ انترلوك

[الفني]

مرحبا تركيب الانترلوك قبل الصبغ يعني يركب الانترلوك وبعدين تبدا في الصبغ ونفس ما ذكر اخوي الوافي يحطون البلاستك علشان ما يتوسخ الارضيه وشكرا والله يبارك لكم في البنيان

[معماري قطري]

ممكن حتى الإِثنين يمشون مع بعض .. أَو أَي واحد قبل الثاني الأَهم تبدأَ صبغ الأَساس أَسرع شيء حتى ما تبين شعيرات بسيطة في البلاستر مثل الشقوق .. إِذا مستعجل واثنينهم موجودين بسهولة ينسقون مع بعض .. يعني يخلص البلاط جهة ويبدأَ الصباغ شغله مع الحماية بالنايلون .. وركز على الصباغ يخلص مرحلة مرحلة .. وتشيك بعده .. الصباغين وايد منهم ما يهتمون ويصبغون أَي كلام لكن تربطه عدل بصبغ مرحلة مرحلة وواجهة واجهة والبداية دوم تكون من فوق لتحت.

بالنسبة للإِنترلوك مشكلته ينزل من دوس السيارات ويتفرق وتستوي حفر مكان دوس السيارات .. لو مكان السيارات تسويه بصبية وقبلها دفان عادي مدكوك زين وتبعد كل البعد عن البودرة بيكون أَحسن لك .. وحتى الباقي عن النمل صبية وحده بسلوب مناسب وبعدها أَي شيء يتركب فوقها.

[قلم صادق]

الواافي ...الفني ....معماري قطري

شكرا خواني ماقصرتوا .. وجزاكم الله خير

[khaldoon]

اخوي يفضل الوجه النهائي الداخلي و الخارجي ينعمل بالاخير بعد ما الكل يخلص شغله في البيت لانه بيكون مثل دهان نظافه لو توسخ الوجه الاول ... بس