نصايحكم : بناء عماره

[غير البشر]

السلام عليكم ورحمه الله وبركاته

نصايحكم في بناء عماره من سبع ادوار
وتحتها محلات تجاريه

الموقع : في نجمه
من اشارات السينما وانت متجهه الى سوق الحراج
يعني بعد دوار الرغيف الساخن وقبل اشارات المسجد الي جنب سوق الحراج


السؤال هو :

الادوار فوق المحلات هل تكون مكاتب افضل ام شقق بالنسبه لذيك المنطقه

علما بأن تحت بتكون محلات وفوقها ميزانين


منتظر ارائكم يا أصحاب الخبره

وشكرا :victory:

[بو راشد 1]

أخوي الله يوفقك،

المكاتب افضل لان المدخول اكثر، و تفتك من غثا السكان، بس المشكلة انه لابد من توفير مواقف اكثر (اظن القانون كل 50 متلا مربع لمكتب لابد من توفير موقف، يحتاج تأكيد)، مما يلزم تنزل 3 بيسمنت تحت الارض، و هذة تكلفة عالية. يمكن الحل ان تجمع الاثنين، يعني 4 ادوار مكاتب و 3 ادوار شقق او العكس، مدخل المكاتب لازم يكون على الشارع التجاري، اذا الارض على شارعين، خل مدخل الشقق على الشارع الفرعي. ايضا اعتقد قوانين الدفاع المدني اشد على التجاري من السكني، هذا و الله اعلم.

[شموخ دائم]

,

,


مرحبا


اخوي الكريم

مشروع اقل ما يقال عنه انه ( ممتاز )

الموضوع عندك منقسم الى قسمين

1- المكتوب في الافاده عندك هل سكني او مكاتب بالاضافه الى المحلات والميزانين وعليه ( المكتب الاستشاري للخرائط ) يشتغل في الخريطه على هذا الاساس
ونوع الموافقه المطلوبه وموقع الارض وطريقتها على الشارع تتطلب موافقات معينه راح يوضحها لك المكتب
لان فيها صعوبات وقوانين صارمه بهذا الموضوع لان كل شي متوقف على ( الباركينج ) للمبنى
وموافقات ( الدفاع المدني )

2- الوضع المادي عندك والتكلفه المتوقعه للعماره وهذا سهل معرفته بعد عمل ( سكتش مبدئي )
مع عمل ( المواقف ) البيسمنت وطريقتها والسعه للامتار المطلوبه
ممكن المكتب الي بيعمل الخريطه يعطيك ( تكلفه مبدئيه )
ويعطيك تكلفه ( مبدئيه ) ثانيه فيها اقل تكلفه من التصور الاول

المطلوب منك تروح لمكتب هندسي معروف يرتب هذي الامور ويشرحها لك على الورق

ومن الطبيعي ان ( ايجار المكاتب ) اعلى من السكني

,

,


اخوك

شموخ دائم

[غير البشر]

أخوي الله يوفقك،

المكاتب افضل لان المدخول اكثر، و تفتك من غثا السكان، بس المشكلة انه لابد من توفير مواقف اكثر (اظن القانون كل 50 متلا مربع لمكتب لابد من توفير موقف، يحتاج تأكيد)، مما يلزم تنزل 3 بيسمنت تحت الارض، و هذة تكلفة عالية. يمكن الحل ان تجمع الاثنين، يعني 4 ادوار مكاتب و 3 ادوار شقق او العكس، مدخل المكاتب لازم يكون على الشارع التجاري، اذا الارض على شارعين، خل مدخل الشقق على الشارع الفرعي. ايضا اعتقد قوانين الدفاع المدني اشد على التجاري من السكني، هذا و الله اعلم.


الله يجزاك الخير اخوي على هالمعلومات المفيده
وفي ميزان حسناتك ان شاء الله

صعبه يكون دورين او اكثر بيزمنت لان مساحه الارض صعب اسوي عليها هالشي

وصحيح كلامك ممكن تكون الادور الاولى مكاتب وفوق شقق

لاهنت ارحم الله والديك

[غير البشر]

,

,


مرحبا


اخوي الكريم

مشروع اقل ما يقال عنه انه ( ممتاز )

الموضوع عندك منقسم الى قسمين

1- المكتوب في الافاده عندك هل سكني او مكاتب بالاضافه الى المحلات والميزانين وعليه ( المكتب الاستشاري للخرائط ) يشتغل في الخريطه على هذا الاساس
ونوع الموافقه المطلوبه وموقع الارض وطريقتها على الشارع تتطلب موافقات معينه راح يوضحها لك المكتب
لان فيها صعوبات وقوانين صارمه بهذا الموضوع لان كل شي متوقف على ( الباركينج ) للمبنى
وموافقات ( الدفاع المدني )

مرحبا اخوي شموخ
واشكرك على ردك وافادتي
انا للحين ماخذت افاده قلت ابي اسأل با الاول
وان شاء الله ها الاسبوع باخذ الافاده بس هناك المسموح 7 ادوار تقريبا
وحاليا هو محلات تجاريه + دور واحد شقق وهو على شارع تجاري امامي
وسكه خلفي



2- الوضع المادي عندك والتكلفه المتوقعه للعماره وهذا سهل معرفته بعد عمل ( سكتش مبدئي )
مع عمل ( المواقف ) البيسمنت وطريقتها والسعه للامتار المطلوبه
ممكن المكتب الي بيعمل الخريطه يعطيك ( تكلفه مبدئيه )
ويعطيك تكلفه ( مبدئيه ) ثانيه فيها اقل تكلفه من التصور الاول

المطلوب منك تروح لمكتب هندسي معروف يرتب هذي الامور ويشرحها لك على الورق


اي ان شاء الله بعد ماخذ الافاده وكل الاوراق المطلوبه
بسوي سكتش عن احدى المكاتب المعروفه ونشوف التكلفه المبدئيه للمشروع
والله يكتب الي فيه الخير




ومن الطبيعي ان ( ايجار المكاتب ) اعلى من السكني

,

,


اخوك

شموخ دائم


الرد فوق با الاحمر

الف شكر لك وارحم الله والديك على المعلومات المفيده وفي ميزان حسناتك

[غير البشر]

بس اخواني حسب وصفي للمكان

هل يصلح المكان للمكاتب افضل
يعني بدل الشقق تكون مكاتب
يعني هالمنطقه مطلوبه للمكاتب اكثر

بغض النظر عن الايجار اعلى او اقل

[حفيدعمر]

مكاتب افضل

[شموخ دائم]

,

,


مرحبا

مكاتب الطلب عليها بتلك المنطقه اكثر شي وايجارها افضل

وتطمن من ناحيه التاجير مكاتب او سكني
ما عندك مشكله راح تتاجر وهي تحت الانشاء لاتشيل هم من هذي الناحيه ابدا ابدا
:)

المنطقه مرغوبه جدا لا تتردد ابدا على مسئوليتي الخاصه
:)


,

,

اخوك

شموخ دائم

[السيليه]

الله يوفقك افضل شي الاداري والمحلات تجاري واذا وفرت باركن ممكن تاخذ ارتفاع اكثر

[QtrGate]

بالنسبة للمواقف ممكن تخليها اندر قراوند

[كازانوفا]

موفق ان شالله